📖 ZKIZ Archives

一千萬買樓有得揀 左丁山

2011-2-2 AD

消費者委員會與 一啲議員，大概抱有父母官心態，以保護消費者權益自居。其實香港人精過鬼，買棵菜都會格價，爭取最佳服務。惡佬明平時到街市買魚，魚販會係咁意同佢打鱗， 點知最近打鱗打得好落力，好乾淨，服務有進步噃。返到屋企同老婆講起，老婆話：「最近街市不遠嘅超市賣埋鮮魚，打鱗打得好徹底吖嘛，你唔見我呢排多數去超 市買魚咩？」 一啲師奶消息都唔知幾靈通，邊度駛倚賴消委會打價、教路吖，買魚買菜都咁精，一啲市民用兩百萬買個上車盤，一千萬買個豪宅區域 嘅細單位，會唔會俾人誤導呀？或者會嘅，成數好低囉。用一千萬買個威水地區細單位（七百幾呎），絕非受瞞騙，而是有意如此，係要住高尚地段呀。如果唔係， 做乜有人要用近千萬買西九凱旋門嘅五百呎與河內道名鑄嘅細單位？以同樣價錢，兩三年前在沙田設施、環境最好嘅駿景園，可以買千六呎向馬場大單位啦，難道買 樓人士唔知道咩？一上網稍作搜尋就知道全港物業價格，銀行網站立即提供估價資料o忝。 花千萬元買干德道細單位，左丁山絕對唔會，但香港有好 多人鍾意城市生活，鍾意干德道近有行人電梯直達中環街市，夠晒方便，晚上到蘇豪區玩樂，話都冇咁易，在IFC返工又好盞啫，行路返工放工都得。所有價格都 反映晒市場心理、居民偏好，消委會唔會搵到有人揸住支槍逼人買樓嘅啫，業主就係業主，聰明到極，絕唔會係苦主──尤其是係有能力交幾百萬元首期去買干德道 單位嘅業主。   一位編輯本想做大The Icon嘅新聞，佢對左丁山講：「我睇過你寫I Con，拆字拆得幾幽默，於是派人查田土廳業主登記，睇吓冇乜人被Con。做齊之後，發覺The Icon有六十八個單位，賣咗六十個。賣出六十個ABCD單位之中，買家有45間係公司業主，只有15個係以個人名義登記，首先向陳淑莊議員投訴嘅19D 單位，亦係以公司名義買入嘅。你知啦，買樓用公司名義，肯定係有經驗之買樓人士，作投資用途者多，未必全部自住。諗諗吓，佢地識得用公司買樓，好可能叻過 施永青啲中學未畢業嘅夥計o忝，受誤導嘅機會比較細，既然係咁，單新聞冇乜業主變成被騙苦主嘅角度，唔得juicy，人有我有就算咯！」

市區和新界樓有多少下跌空間？

上週Glaucus 出研究報告狙擊瑞年(2010)，指集團2011－2013 年的賬目有造假之嫌。讀者飛鴿傳書問及，筆者於週末撰文，可參看《信網》或博客全文。近日翻開報章，都是樓價大幅下挫的新聞。重陽節假期沒登高，而是作客陪睇樓，畢竟香港的娛樂活動太少，都是行街食飯看戲。講開電影，《The Martian 火星救援》男主角的冷靜睿智，值得投資者學習。

另一齣好片《Suffragette 女權之星》在英國的宣傳鋪天蓋地，11月9日晚在九龍Grand Cinema 有慈善首映禮為HER Fund 籌款。看好戲同時行善，有興趣的讀者可到 herfund.org.hk 了解詳情。

市區和新界樓有多少下跌空間？ 投資之旅 TRENDALYSIS

http://trendalysis.blogspot.hk/2015/10/blog-post_28.html

上週Glaucus 出研究報告狙擊瑞年(2010)，指集團2011－2013 年的賬目有造假之嫌。讀者飛鴿傳書問及，筆者於週末撰文，可參看《信網》或博客全文。近日翻開報章，都是樓價大幅下挫的新聞。重陽節假期沒登高，而是作客陪睇樓，畢竟香港的娛樂活動太少，都是行街食飯看戲。講開電影，《The Martian 火星救援》男主角的冷靜睿智，值得投資者學習。

另一齣好片《Suffragette 女權之星》在英國的宣傳鋪天蓋地，11月9日晚在九龍Grand Cinema 有慈善首映禮為HER Fund 籌款。看好戲同時行善，有興趣的讀者可到 herfund.org.hk 了解詳情。

走入地產代理舖，相熟的經紀沒有硬銷，倒是建議農曆新年後才是時機。現時市場對樓價下調應該無懸念，問題是：甚麼價位算合理？

有樓萬事joke（一）：有樓有真愛？

好嘞，終於有時間睇咗第一集...其實，都唔係咁爆啫！


閱讀更多 »

兇險直迫金融海嘯 人仔未跌夠 股樓有難

1 : GS(14)@2016-01-20 23:30:57

2016-01-13 EW

踏入新一年，人民幣突然狂瀉，市場深信人行風向已轉，人仔「落樓梯式」貶值似成定局，有投行甚至估計會迫近一兌一港元；加上A股實施「熔斷機制」，短短四個交易日兩度觸發而停市，結果中證監要急剎車，令投資者信心幾乎崩潰。這場由人仔急跌而引發的股災，把中港經濟問題再次暴露於人前，無論股市或樓市，今年都會面臨重大暗湧。人民幣不再矜貴，引爆資金加速流走，港股成為外資「提款機」，陷入惡性循環，上半年自然易跌難升。 單看本周一港股跌穿二萬點，已知市況兇險。

另一方面，港元與美金掛勾，相對人民幣和其他亞洲貨幣強勢，進一步衝擊各行各業。一旦經濟逆轉，失業率回升，勢必加深樓市下調壓力，帶來連串後遺症。難怪城中名人和財經專家一切避險為上，建議散戶持盈保泰。

上周四，在岸人民幣（CNY）中間價大幅下跌，兌美元一度創下五年新低，直插至六點五九五六。恐慌情緒蔓延至香港，人民幣離岸價（CNH）跌勢更急，每百港元兌人仔一度高見八十七，半年內勁貶百分之七，情況異常罕見。

與此同時，推出「熔斷機制」的內地股市，短短數個交易日內竟兩度觸發，上周四開市不到半小時，A股便「熔斷」落閘，跟內地唇齒相依的港股接力急瀉，恒指失守去年股災低位，新一年已累積狂插逾二千點，兇險程度直逼○八年金融海嘯。

人民幣一直是港人至愛的投資工具之一，只是如今股匯山雨欲來，港人過去囤積的人民幣即時坐艇。擁有八間護膚品零售店的SALALA BEAUTY 老闆Helen，本月底有三百萬人仔定存到期，「估唔到跌得咁急，無計蝕幾多，總之無眼睇！唯有博今個月底升返，始終想分散風險，無理由揸晒港紙。」

名人散戶齊坐艇

十年前已北上搵食的風水師麥玲玲，同樣儲落不少人民幣，今次亦中招，「經常飛返內地做樓盤講座，每場十六萬人仔起，通常先收一半訂金，會轉做港幣對沖，另一半完場時收人民幣，在內地做定存同信托產品，大約有四厘回報。」

去年中，她見勢頭不對，自爆已催促丈夫將人仔兌回港幣。「當時係最佳時機，點知佢成日話等吓， 家suffer啦！」

麥玲玲用玄學分析，批死人仔有排跌，「今年都會差，起碼出年先有機會反彈！揸住人民幣嘅散戶，可以考慮改揸日圓或者澳幣，自己都想換，但年尾好忙， 家真係要行動！」

外匯市場就如風水輪流轉，她呻道︰「早年好多外國人喺長隆馬戲班工作，全部揀美金出糧，後來人民幣升值，個個揼心！現時市況唔好，內地講座唔敢大幅加價，但人仔調頭貶值，每次收到內地講座份糧再計番匯率，發現又少咗一截。」

○六年狂掃了「幾球」人民幣的財經名嘴曾淵滄，手上的人仔定期陸續到期，坦言打算重新部署。「不過唔會沽晒，估計跌到今年十月一日，人民幣正式加入特別提款權（SDR）。中央應承減少干預，一旦自由浮動，炒家嚟搵食，到時貶得仲勁！我估人行係要將人仔貶到國際炒家無肉食嘅地步，至於咩水平，真係估唔到！」

料落樓梯式貶值

去年八月十一日，人民銀行出奇不意，將在岸人民幣匯價貶值百分之二，觸發全球金融市場動盪。當時人民銀行派定心丸，堅稱貶值屬一次性，豈料言猶在耳，人仔又再刮起貶值風暴。由於人民幣今年加入SDR邁向市場化，更能反映供求實況的香港離岸市場，遂成今次風眼，甚至變成外資狙擊人仔的跳板。人民幣在岸價和離岸價的「差價」，上週四一度拉闊至逾二千點子，即離岸人仔跌勢遠超在岸人仔，對人行維穩造成沉重壓力。

據一名財資市場人士分析，外資正觀望人行下一步行動，如想拉近人民幣在岸和離岸價，一是推低在岸中間價，二是透過中資銀行在港買人民幣沽出美元，從而推高離岸價。

「人行『抽水』會消耗外匯儲備，上月中國外儲已暴跌過千億美元，加深人仔貶值預期，所以幾頭痕。估計未來人仔兌美元較大機會出現『落樓梯式』逐級貶值，人行只會間中入市頂，同時用行政手段打擊跨境套利、假貿易同資金流出內地。」他說。

星展銀行香港經濟師周洪禮亦認為，隨著人民幣國際化，人行即使入市干預，只可以避免急跌，難以扭轉下跌趨勢。「人行正面對『不可能的三角』，即無法同時控制匯率、利率及資本自由流動。你要加入特別提款權，就一定要放棄控制匯率，無得三者兼得。」

質人仔救L型經濟

今次人民幣急瀉，觸發點是人行自上月廿八日搶先出手，連續八個交易日「質」低在岸中間價，貶值意圖明顯；加上內地生產物價指數（PPI）連跌四十六個月，《人民日報》更刊登一篇「權威人士」訪問，一錘定音指中國只會「L型」復甦，意味經濟短期內無運行，因而觸動了投資者和炒家的神經。

周洪禮直言，現時最大問題在於人行取態改變，人民幣中間價幾乎日日跌。「連人行都要人民幣貶值，市場解讀為中國經濟一定好麻煩，而且係睇數據都顯示唔到！目前製造業唔掂，投資唔得，消費又未完全跟得上，如果連出口都死埋，中國經濟嘅『三頭馬車』就全部無力，所以人行要引導人民幣貶值，起碼穩住出口。」

香港中華廠商聯合會永遠名譽會長施榮懷認同，人民幣貶值對廠家和內地有利。「大部分香港廠家都用美元計價，人仔貶值即變相廠家賺多啲，不過啲客都有要求減價，有啲就跟人民幣貶值幅度減，有啲會要求減得多過人仔，如果急住要單，被人壓價都要硬食。」

然而中國經濟一沉不起，歐美市場需求持續疲軟，才是廠家最大困難。「內需唔得，出口市場又唔係咁好，加上內地人工成本不停升，廠家又未能將升咗嘅成本轉嫁出去，大家都好難做！」他嘆氣道。

今次股災的「元兇」，歸根究底是內地經濟問題進一步浮面，繼而刺破人民幣神話，造成信心危機。即使人行嗌破喉嚨，仍無法阻止市場恐慌情緒蔓延，引爆資金加速流走，股市不停洗倉，陷入惡性循環的窘境。

火燒中港股市

新一年A股即狂瀉，另一原因是股市連串擾攘多時的新措施終於上馬，時機尷尬，包括主要股東減持禁令到期，以及推行新股註冊制，股民擔心會「抽乾」大市。

不過，最令「大媽」咬牙切齒的，卻是中證監推出的「熔斷機制」，當滬深三百指數下跌百分之五後，大市先停十五分鐘，復市後再跌至百分之七，便會提早散場，原意是讓股民冷靜下來，誰知短短四日內兩度觸發而停市，造成一片混亂，中証監主席肖鋼頓成眾矢之的，迫使當局上星期四晚急剎車。

交銀國際研究部董事總經理洪灝認為，即使取消熔斷機制，只能暫緩A股跌勢，上證中線仍然偏淡。「去年八月中央匯改後，上證兩星期內跌了一千點，今次加速市場化改革，令經濟增長急劇放緩及通縮風險上升，上證初步合理價得二千九百點。」

一河之隔的港股，他警告形勢更為嚴峻，皆因本港的中資股屬「美元定價人民幣資產」，必然反映人仔下跌因素；加上夾在中美之間，同時受外圍及美國加息衝擊，累港股近日經常跟跌不跟升。「恒指起碼要兩萬點以下，先值得考慮入市，而且要揀低槓桿、高現金流嘅公司。」

至於美元負債高而收入為人民幣的股份，例如部份內房、基建、紙業及航空股等，由於人民幣貶值趨勢已成，投資者實不宜長揸。

羅素街租金狂瀉

股市理論上走在經濟前面，今年本港市道無疑相當嚴峻，人民幣貶值已率先衝擊零售和旅遊業。長和（0001）主席李嘉誠上週出席集團周年晚宴時，亦罕有呼籲各界︰「今年做生意好多方面都要努力啲，唔係都好難做！」

太子珠寶鐘錶主席鄧鉅明坦言︰「幾時沉到最底？睇唔到。今年一定要揸住計數機做生意，做到嘅舖頭要同業主傾減租，過去兩年無錢賺嘅就關門大吉。」

去年他已關了四間舖，其中一間位於羅素街，原租金一百二十萬元，去年二月租約到期，業主劈租挽留，於是他以短租形式續租。「其實租金不過五十五萬，不過為咗業主好，我對外講租金八十萬。半年後覺得唔對路，同事知道間舖做唔長，無晒士氣，就算業主遊說我續租三個月，開價二十萬，我都唔做。」

難怪「基金教父」雷賢達睇淡後市，料恒指今年波幅高達四至五千點。「從基本面睇，真係無乜好消息！人民幣貶值，經濟急速放緩風險增加，企業盈利將會惡化。」

港匯近期轉弱，反映人仔急跌和港美息差擴闊後，不斷有資金撤離。「波浪大師」林一鳴干脆建議散戶暫時離場，「無人知港股再跌五百點抑或五千點，最強能力嘅可沽期指賺大錢；中等功力等跌定撈低博反彈；功力最差嘅散戶請冬眠！熊市做到『零』回報，已經跑贏七成基金經理！」

人民幣急貶，引爆資金加速流走，恒指本周一失守二萬點關口，創下去年股災後新低。

專家親授 人仔避險術

人民幣零風險時代早已結束，財經專家親授三種自保方法。想穩陣避險，最簡單是揸港元，雷賢達說︰「現時股滙都有風險，投資者現階段只宜多留現金，等候入市時機。」

較進取者，洪灝建議考慮黃金，金價上周升近百分之五，重上千一美元，「不過升幅有限，唔容易抵消股票下跌嘅損失。」東驥基金管理董事總經理龐寶林教路買債券，「人仔貶值加速全球通縮風險，減輕美國加息壓力，可揀美元做單位嘅亞洲企業債券。另外可吼主要出口歐美同唔受資源價格影響嘅市場，如台灣、南韓等嘅基金。」

高風險一族，可考慮看淡「人民幣結構性存款」，中銀香港、恒生等均有提供，但要注意不受存款保障制度保護。投資者若看對人仔貶值幅度，到期可收取較定存高的利息，「賭輸」亦可取回本金，但要賠上做定存利息的機會成本。另外亦可考慮港交所的「人民幣期貨」，上週未平倉合約創下新高，反映愈來愈多股民用作對沖或「對賭」人仔風險。

金融市場波動，黃金成為資金避難所，近日有資金轉買黃金，令金價升逾一千一百美元水平。

隨著人民幣步向市場化，香港的離岸市場淪為貶值風暴的風眼，跌勢遠超在岸市場，本港的找換店近日要經常更改人仔兌港元的牌價。

中證監推出的「熔斷機制」，造成A股一片混亂，主席肖鋼頓成眾矢之的。

財資市場人士指人行若選擇入市力撐離岸人民幣，副作用是導致本港人民幣資金池進一步收縮，並扯高離岸人民幣利率。

雷賢達對後市較悲觀，指零息環境刺激資產價格上升，現在美國調頭加息，舊經濟股份有很大下調壓力，新經濟科技股估值偏高，亦有下跌風險。

何謂熔斷機制？

美國八七股災後首次引入「熔斷機制」，目前還有日本等市場有相關機制。內地搞熔斷機制，主要是一三年發生「光大烏龍盤事件」，單日推高滬指百分之六點五，原意防止市場出錯，引發股市大起大落。

不過，美國觸發熔斷的範圍遠較A股廣濶，當指數下跌百分之七及十三時，才會暫停交易，跌幅達兩成時才全日停市，至今只有○八年用過一次，中國實施了四日卻用了兩次。

洪灝指出，A股第一次與第二次熔斷距離太近，亳無意義，反而會產生「磁石效應」，令大市大跌百分之五後，加速步向百分之七全日停市水平，「美國研究亦顯示，熔斷唔係壓抑市場波動嘅工具。」八七年率先提出熔斷機制的美國前財長布雷迪認為，針對A股特性，中國必須擴濶觸發熔斷的上下限幅度。

「熔斷機制」推出短短四日，居然兩度觸發而停市，深圳交易所的報價牌不單一片「綠油油」，而且大部份股票因停市而沒有成交，令大媽咬牙切齒。

向來慎言的長和主席李嘉誠，上週罕有公開指今年做生意好多方面要努力，否則好難做，又指「樓價升一成或跌一成是好平常的事。」

沙發製造商敏華（1999），有超過一半收入可受惠人民幣兌美元急速貶值，獲市場追捧。

細價樓 隨時跌兩成

人民幣急貶，香港作為自由市場，熱錢隨時走頭；加上美國開始加息，經濟轉差，租金下跌和供應漸增，本港樓市承受愈來愈大壓力。

經絡按揭轉介首席經濟分析師劉圓圓預料，今年樓市「價跌量升」，樓價按年下調一成。「今年供應量有三萬幾個，樓價會有壓力；不過仲係低息，供款唔高，唔少之前想買但無買嘅人會入市。」

美聯物業（1200）主席黃建業形容，今年樓市危多於機，預計樓價按年下跌一成，地產代理將再次進入寒冬期。「我哋已經預留十億、八億資金打地產代理淘汰戰，估計今年會有兩至三成代理被淘汰出局。」

去年初預言細價樓「爆煲」的湯文亮估計，細價樓今年會跌一成半至兩成。「睇淡細價樓係因為升得太急，回調兩成好正常，如果上半年急跌，反而係好事，第三季保持平穩，第四季回升幾個巴仙。如果跌幅慢，將會係一個陰乾局面，樓市反而唔健康。」

廠佬輸人仔迫賣樓

人仔大跌，會否影響內地人來港掃豪宅意欲？他直言：「現在唔好講入市意欲，可以唔賣樓已經唔錯！佢哋買嘅多數唔算真正豪宅，部分因為借貸太多炒股，現在變成銀主盤賤賣，好彩承接力唔錯，豪宅最多下跌一成。」

相反人民幣急跌，廠家遭殃，對「豪宅」衝擊更大。「唔少廠商買咗人民幣accumulator，去年八月已經輸咗唔少，但大多數仍未結算，可以守落去，一旦人民幣一直跌，廠商要雙倍、三倍接貨！銀行已經迫廠商賣樓還債，年關在即，相信對二、三千萬豪宅最受影響。」湯文亮說。

不過，市場亦非一面倒睇淡樓市。萊坊大中華區研究及諮詢部主管紀言迅繼續看好真正的豪宅市場。至於勝出湯文亮「細價樓賭局」的林一鳴堅持，下半年整體樓價會回升百分之五至十。他有信心數月後峰迴路轉，「美國唔加息，香港唔跟，樓市就會回穩。○八年開始，每年年頭都有人話樓價跌四、五成，年底咪知邊個啱！」

美聯物業主席黃建業形容今年樓市危多於機，預計樓價按年下跌一成，地產代理將再次進入寒冬期。

細價樓如元朗嘉湖山莊去年升勢凌厲，湯文亮指未來面臨最大調整壓力。

湯文亮指今年細價樓仍是重災區，預計下跌一成半至兩成。

撰文：財經組︱攝影：攝影組︱設計：章可儀

---

智取大市：誠哥沽樓有啟示

1 : GS(14)@2016-08-16 04:53:32

李澤鉅講到明，除咗長江中心之外，乜嘢物業都可以賣，呢個訊息，最直接可以演繹為誠哥睇淡物業市場。當然，樓價貴，咪係睇淡物業市場嘅理由囉！使鬼李嘉誠講。但諗深一層，誠哥貴為全香港做生意最叻嘅超人，做生意、投資，必然賺到有咁盡得咁盡，假如閣下相信誠哥係下下有能力賺到盡嘅超人，佢亦有可能叻到察覺物業市場見頂，仲要未來十萬火急，要清貨離場。信誠哥的話，樓價一年內見頂唔奇。首先睇番樓市大升浪嘅由來，先係2003年樓價過殘，同時剛需支持，配合低息，及後有埋量寬，令借貸者太易獲取資金，同時經濟放緩令資金苦無出路，因此磚頭連續十幾年獲得追捧。要扭轉資金氾濫局面，首先係物價開始失控。美國通脹壓力開始降臨，可見將來會加息，告別低息時代，投資者意識到物業價格過高，最後有機會從物業市場套現，炒商品追落後，就有條件引發新一輪通脹，到時可能會走上唔放水就出現金融危機、放水會惡性通脹嘅局面，二者取其一，樓價都有機會爆煲。上述劇本嘅其中一個枝節，就係商品價格追落後，呢個就係小弟中短期睇好商品股嘅原因。晉佳
http://www.facebook.com/advanceguy1本欄逢周一、三、五刊出




來源: http://hk.apple.nextmedia.com/financeestate/art/20160815/19736096

---

智取大市：低位買樓有氣質

1 : GS(14)@2017-01-24 02:00:31

當大家質疑買新樓嘅杭州女仔有冇氣質時，另一位年輕買家以一臉勝利者姿態接受傳媒訪問，一星期前更有人發表「買樓要識投胎」怪論。好明顯，買家都覺得，自己上到車就贏晒。買幾百呎嘅樓，同買日用品或名牌產品好唔同，所附帶嘅奢侈品效應會隨時日而轉變。經濟低谷時，落街買厠紙係唔會俾人笑，買Hermés袋一樣能引人葡萄，但樓市低潮買樓，會俾朋友質疑：「話你硬膠驚你嬲，係我就出年嘅出年先買，到時會再平啲。」買樓會變成自貶身份地位嘅一種行為，畀錢消費卻有一種輸嘅感覺，所以呢個時候，樓賣得特別平。買樓當作奢侈品呢種風光，係屬於所謂有能力、有意或無意的炫富者，呢班往往係高位入貨的豪爽好友。真正嘅勝利，其實係屬於低買、高賣嘅沉默一群人。經濟低迷、樓市谷底時消費、買樓，等於為經濟雪中送炭，甚至提升就業，功德無量，古語有云「救人一命，勝造七級浮屠」，今有「低位買樓，勝造七級浮屠」。喺樓市瘋狂時上車，一句「自住需要」振振有詞，便能為高追護航，但同時為樓市推波助瀾、火上加油。由此睇嚟，低買嘅人，比起高追遠遠值得表揚。晉佳
http://www.fb.com/advanceguy1本欄逢周一、三、五刊出




來源: http://hk.apple.nextmedia.com/financeestate/art/20170123/19905589

---

現職公關曾選美「有樓有高潮」素人大起底

1 : GS(14)@2017-02-18 00:51:23

■Seasun以「素人」身份亮相真人騷，但節目被質疑造假。電視圖片



無綫下周推出全新實況節目《有樓萬事足》，由於節目編導岑應多次被踢爆於實況節目中造假，故節目未播出已經惹來疑似造假之嫌，全因其中一個「素人」Seasun爆出金句：「有樓有高潮」、「冇樓唔好白撞」，全城圍插她是拜金港女。



■Seasun曾幫趙世曾打工，又參加過他舉辦的《國際旅遊小姐》選舉。資料圖片

現職公關曾選美

網民將Seasun人肉起底，原來她今年22歲叫鄧寶怡，曾改英文名Givanna，現職珠寶公司公關，做過私影模特兒，又曾幫過出名多紅顏知己的趙世曾打工，工作範圍包括出席活動，亦會陪來自北京的客人，甚至參加過趙世曾舉辦的《國際旅遊小姐》選舉。




來源: http://hk.apple.nextmedia.com/entertainment/art/20170217/19931035

---

【有樓有高潮街訪篇】港男不屑：要睇自己呎數囉！

1 : GS(14)@2017-02-18 09:51:47

陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」



港女Seasun喺大台實況節目《有樓萬事足》入面講嘅「有樓有高潮」同「冇樓唔好白撞」，成今日網民瘋傳嘅金句。有見及此，「蘋果動搞作」就問咗一眾港男港女對Seasun嘅偉論有咩睇法！記者：倩宜　攝影：馮峰



阿謙話男仔梗係睇自己呎數啦！

伍小姐：「係技術問題，有技術就會好啦！」

葉小姐唔認同無樓就冇高潮。

問：「無樓咪白撞？」
Raymond：「叫佢返屋企瞓啦！俾粒鈕佢算啦！」陳先生：「如果有個女仔話因為我無樓而唔接受我追求，我會一巴打到佢返菲律賓，再將佢擺上高登。」吳先生：「佢都幾膚淺。」林女士：「幾十年前無呢個諗法，有份工就ok。」伍小姐：「無物業仲好，有樓仲煩，又要供又要交管理費。」林小姐：「佢唔駛同條仔結婚，同層樓結婚咪得！」
Step：「幫我問下個女仔駛唔駛睇醫生啦！佢應該有問題！」葉小姐：「佢買咗層樓，但係唔照顧我，都唔代表愛我。」



林女士話唔明依家啲女仔心態。

林小姐建議「無樓咪白撞」的話，不如直接同層樓結婚就算。

Step好好奇點解Seasun會咁在意高潮。

問：「有樓先有高潮？」
Raymond：「(翻白眼)」阿謙：「性高潮？關咩事呀？」林女士：「我就唔會咁樣諗。我唔係好明白時下女仔嘅心態。」陳小姐：「係咪真係有人咁樣講？」
Step：「咩料呀？點解咁在意高潮呀」
Lucky：「咁佢唔好要高潮囉。」陳先生：「如果個女仔咁樣講，真係好極有限。」



問：「二千呎屋入面做先有高潮？」伍小姐：「睇嚟佢好有經驗，我只可以咁講。我覺得細細地反而會好啲，安全感大啲。」陳小姐：「我唔想要咁大，會好驚。一百呎、一廳兩房已經夠。」
Step：「我怕鬼呀！」葉小姐：「我唔認同。」



問：「高潮指數同住屋尺寸成正比？」伍小姐：「關咩事？係技術問題，有技術就會好啦！」陳先生：「唔會囉。」阿謙：「唔成正比，睇自己嘅呎數嘛！」




來源: http://hk.apple.nextmedia.com/entertainment/art/20170218/19932037

---

廖偉強：納米樓有存在價值

1 : GS(14)@2017-04-10 23:32:11

【明報專訊】兩年前佔中事件，令香港分為兩大陣營，撕裂程度嚴重，至今仍然未能修補！相信要待時間慢慢淡化，希望不久將來可再次融合，重拾和諧，團結香港。筆者相信，只有和諧，才能令政府當局及社會大眾齊心去達成不同的發展決策，社會才能變得更完美。

最近，樓價不斷上升，有樓的人士歡喜若狂，仍未有樓的市民則不斷抱怨，這是正常的現象，相信任何城市或國家都可能會有。香港雖是彈丸之地，但並非完全沒有土地可以供應，只是政府的決斷力，及不同市民的不同觀點，導致不斷的爭拗，令政策推行上困阻重重，影響土地開發進度！

另外，香港人的居住形式正在不斷改變，由以往三代同堂的大家庭組合，到今天以核心家庭為主導。今天的父母，為了下一代的自由空間，寧願早些資助子女置業，讓他們擁有自己的小天地。

發展商有見及此，將推出的單位愈建愈細，以迎合市場口味，亦衍生今天所謂的「納米樓」。不過，納米樓並非今天才有的新產品，只是今天用實用面積計算，面積感覺比較細小，其實很多二手屋苑，以前的建築面積就是今天實用面積的納米樓。

令人更易上車 踏上置業路

筆者認為納米樓完全沒有問題，只要市場有需求，便有存在價值。皆因沒有人一入市便可以購買大單位，向來都是慢慢由細屋換大屋。納米樓是不少市民踏上置業路的首關，第一步就是要令人人都能夠擁有自己的居所，之後，才慢慢考慮增建更大及更多的理想單位，一步步去實現市民的置業夢想及日後換樓的希望。

利嘉閣地產總裁

[廖偉強]


來源: http://www.mpfinance.com/fin/dai ... 6095&issue=20170410

---