娜姐帶愛貓抽血檢查
1 :
GS(14)@2017-05-27 00:06:53獨居的周秀娜與貓咪啵啵相依為命，視愛貓如寶貝仔，她日前在Instagram貼出用背囊帶啵啵出街去看獸醫的相，背囊有個透明圓圈，正好讓牠看世界，娜姐留言：「難得有一日假，帶大爺看醫生。」娜姐同時貼出她抱着啵啵與爸媽及胞弟，一家「五」口的溫馨相。娜姐昨短訊回覆：「我見啵啵嘔，就帶牠看醫生，替牠抽血檢查，啵啵經常舔身，吃下過多貓毛，令腸胃不適。」娜姐稍後到橫店為劇集《宮心計2深宮計》開工，又要跟啵啵分開，所以她會爭取時間「母子」團聚，問到啵啵是否很重？娜姐說：「不重，牠應該胖一點，多重我也願意揹着牠到處去。」採訪：楊定
來源:
http://hk.apple.nextmedia.com/entertainment/art/20170526/20033601
吳千語林峯久別勝新婚
1 :
GS(14)@2017-04-09 10:49:43吳千語及文詠珊（JM）前晚現身灣仔君悅，支持好友嚴紀雯的母親出任仁濟醫院主席。身形激瘦如紙板人的吳千語，透露剛由北京工作回港，更表示男友林峯因忙於在內地工作，雙方已有一個多月沒見面，只能夠發短訊維繫感情。問吳千語有否掛住男友，她甜笑：「都慣咗，自己有工作忙都係好事，久別勝新婚啦！」問有否想過結婚，她表示：「唔會喇，我太細個，好多人都叫我諗清楚先，結婚生活會好唔同，未ready做人妻，畀咗個期限自己，起碼要等多4，5年。」另外，入圍金像獎最佳女配角的JM坦言不太緊張，因自知冇獎攞。採訪：卓寶花攝影：陳順禎
來源:
http://hk.apple.nextmedia.com/entertainment/art/20170409/19984301
囡囡留院兩周提心吊膽Yumiko接梁浸浸團聚
1 :
GS(14)@2015-04-22 22:35:08■Yumiko在Instagram上載梁浸浸的大頭照，B女精靈可愛，是美人胚子。互聯網圖片
鄭希怡（Yumiko）在本月8日於港安醫院剖腹生了5.5磅的B女「梁浸浸」，不過，梁浸浸出生不足24小時，因呼吸系統出現問題及有肺積水情況，要轉送東區醫院ICU，令人擔心；幸好留院兩個星期後，梁浸浸終於可以出院。
Yumiko和老公梁學儲昨日分別在不同社交網貼相，公佈梁浸浸出院的好消息，又貼囡囡大頭相，梁浸浸雖然只有兩星期大，但眉清目秀，不但有雙眼皮、而且鼻仔高高、下巴尖尖，五官清秀，絕對是美人胚子。本報透過短訊恭喜Yumiko，她就透過短訊回覆：「多謝關心。」
■Yumiko早前公開與女兒拖手的照片，場面溫馨。資料圖片
■梁學儲在Instagram展示接女戰車，又代囡囡留言致謝。
老公扮囡囡留言致謝
昨午Yumiko更向傳媒報平安：「梁浸浸已經返咗屋企，我諗佢第時一定會係好獨立及貪玩小朋友，因為佢一出世想自己靜吓，出去住一排，跟住先肯返屋企。」
Yumiko續說：「喺呢段時間我好提心吊膽，亦都好擔心，好珍惜每日喺醫院見佢好短暫時間，但幸福往往嚟得好突然，喺我毫無準備下，醫生就話其實佢而家情況都開始穩定，你會唔會想帶佢返屋企？嗰一刻好開心，亦都好多謝東區醫院醫生及護士喺呢十幾日對佢悉心照顧，令佢好番得咁快。」Yumiko又感謝所有朋友同事、傳媒朋友、網上朋友對佢鼓勵及打氣。她更解釋女兒梁浸浸名字由來：「上海話係『亮晶晶』。」而她老公梁學儲就在社交網站代囡囡留言說：「我出院啦，多謝各位一直為我打氣同祝福，更衷心地多謝東區醫院所有哥哥姐姐。梁浸浸上」採訪：小米
■梁學儲和Yumiko等足兩星期，終於可以接B女返家，非常開心。資料圖片
■梁浸浸之前在東區醫院留醫，現已康復回家。攝影：陳順禎
來源:
http://hk.apple.nextmedia.com/entertainment/art/20150422/19120564
張繼聰謝安琪最叻放閃結婚10年恩愛如昔
1 :
GS(14)@2017-02-02 02:34:11張繼聰同謝安琪（Kay）07年奉子成婚，一直恩愛至今，上年Kay胎B女，宣佈暫時休息，喺呢段時間入面，張繼聰多次被影到陪住Kay出街，對老婆照顧有加。結婚咁多年以嚟，張繼聰一直係愛妻號，07年度嘅叱咤頒獎禮，深情咁喺台上話過「我同我自己講，我一定好好照顧我太太，照顧我個仔。」最經典嘅，就肯定係呢句：「就算時光倒流幾多次，我都會娶你做老婆。我愛你。」結果佢講得出做得到，成功將以往女尊男卑嘅印象扭轉。而最man一次，係上年Kay開完演唱會，張繼聰喺Ig貼咗同老婆嘅合照，不過有人嫌Kay樣衰，結果張繼聰迅速回覆：「我覺得我太太是真‧漂亮！小姐，你覺得你在這裡留下這樣的文字，我看到會有什麼反應？」再數近少少，上年11月張繼聰被影到親手幫Kay換走對鬆糕鞋，之後仲公開話：「如果條路個窿，我都瞓喺地下俾佢行過去！」呢兩公婆除咗平時出街恩恩愛愛，都好鍾意耍花槍，上個月兩個人為咗《男兒當入樽》呢套漫畫嘅擁有權「鬧交」，呢個共同嗜好，甜蜜得嚟又溫馨。直到今年1月20號，喺佢哋結婚10周年，張繼聰再次喺facebook撰文感謝Kay嘅陪伴「晃眼十年，因為有你同行，就算走過高山低谷，我都覺得沿途風光明媚。能夠有如此靈魂伴侶，讓這趟地球之旅變得幸福完滿。」
來源:
http://hk.apple.nextmedia.com/entertainment/art/20170201/19914045
Sammi裝胸情挑裸男
1 :
GS(14)@2017-02-11 18:58:09鄭秀文（Sammi）於情人節推出國語EP《裸》，主打歌《裸體早餐》MV近日曝光，Sammi換上多個造型，其中一個以曲髮襯上充氣娃娃般的巨乳圍裙，再上演一幕餐桌前情挑裸體男模，逐件脫光對方的衣服，不過感覺搞笑多於香艷。平胸的Sammi被問到瞬間變了G奶，她霸氣笑說：「Why not？」她指該幕戲是想向男士說出愛情應該是平等關係，向女性說出愛情不應該是單向的取悅對方。MV最後還搬出了西瓜跟洗衣板，幽了自己一默。Sammi透露月中會到台灣宣傳新碟，以及跟張孝全合演的愛情電影《合約男女》。撰文：葉綠悠
來源:
http://hk.apple.nextmedia.com/entertainment/art/20170211/19924630
【暗撻師妹】傳栢芝介入致分手
1 :
GS(14)@2017-01-31 16:01:52鄭中基當年力追楊千嬅，以千嬅出生日期作歌《二月三日》成功俘虜對方，兩人有過一段甜蜜日子，其後傳出鄭中基暗撻師妹張栢芝，千嬅於99年單方面宣佈分手。當年千嬅接受本報專訪，被問到是否被栢芝撬牆腳？她說：「我冇親眼睇到，冇親耳聽到，唔會追想番，反正都唔係最重要事。」當時千嬅還讚栢芝靚女兼有性格，問到會否憎栢芝？她說：「我點解會憎佢？另一個角度睇，佢陰功㗎，因為佢年紀細，要去面對咁多問題。」問對鄭中基有否恨意？千嬅說：「冇，我仲關心佢，呢段情令我學識同人相處，咁先至會長大。」
來源:
http://hk.apple.nextmedia.com/entertainment/art/20170131/19913216
Kelly老公送花愛驚喜
1 :
GS(14)@2015-06-25 08:20:04陳慧琳（Kelly）早前為代言品牌金至尊珠寶，拍攝新一輯以「花」作為主題的平面廣告，拍攝當天Kelly先後換上多個造型，亦即席擔任造型設計師，為不同造型配襯首飾。拍攝時要擺出像蜜蜂、蝴蝶般被花吸引美態時，Kelly透露至今亦會不時收到老公送花，她說：「我好鍾意花，送花唔一定只限節日或生日，平時送花更有驚喜效果。」忙於籌備新碟及年底的演唱會，同時盡力兼顧家庭，Kelly承認會感到疲倦，但又不想錯過囝囝成長過程，她說：「家人係我嘅幸福及動力來源，返到屋企見到老公同囝囝就會唔記得工作煩惱，蝦餃仔有時會請纓幫我按摩。」撰文：君喬
來源:
http://hk.apple.nextmedia.com/entertainment/art/20150624/19195359
【馮仁昭四圍超】87年亞姐從商穿梭銀行李菁被公仔收買
1 :
GS(14)@2016-09-29 08:05:45■李菁前日為咗揀心水迎新禮物，跑勻跑馬地三間銀行。
當選87年亞姐亞軍嘅李菁，試過做亞視節目主持，不過話咁快就棄影從商，先後開過美容纖體中心同投資生產發熱地板。李菁雖然從商，但係對娛樂圈仍有一顆不變心，早排有傳過話佢投資百萬開拍網劇，仲會兼任監製同演員。前日下晝3點半，馮仁昭發現李菁揸住架Benz落跑馬地，戴住黑超嘅佢行色匆匆，先跑入匯豐銀行，好守規矩咁排隊辦手續，之後又跑去附近嘅大新銀行搞咗一大輪，出嚟嘅時候佢手上多咗兩隻芝麻街公仔Elmo同Cookie Monster，而且當時佢塊面仲多咗唔少童真，笑晒咁行出嚟。
■李菁係87年亞姐亞軍，當選冇耐就棄影從商。資料圖片
掃凍肉紅酒
李菁將啲迎新禮物放低喺自己座駕後，再行去星展銀行，之後又返回大新銀行，唔通佢穿梭幾間銀行係揀邊款迎新禮物啱心水，喺三間銀行來來回回搞咗兩粒鐘，等到銀行落半閘嗰時佢先捨得走，認真要務繁忙。喺銀行辦完事後，李菁到大昌掃貨，買咗啲雪藏食物，再加四、五支紅酒同白酒，唔記得帶環保袋嘅佢，一個人抽住一袋二袋膠袋上車，揸車走人。撰文：馮仁昭
來源:
http://hk.apple.nextmedia.com/entertainment/art/20160929/19784758
Next Page