子丹忽略家人嘆心噏
1 :
GS(14)@2016-02-08 03:00:16甄子丹昨日在銅鑼灣出席商場活動，即場為舞龍點睛及「金雞獨立」拿着龍頭拍照甚有氣勢，他表示接這個工作並不是為了高酬勞，因為這是中國文化以及香港的傳統。子丹在亞洲電影大獎憑《葉問3》角逐最佳男主角，問他有沒有信心得獎，他說：「凡係呢啲頒獎禮，就好似食嘢，有啲菜式有人鍾意有人唔鍾意，最主要觀眾支持，以及做好自己嘅戲。」今個農曆年甄子丹會在工作中度過，今天到北京為春節晚會表演，稍後便開拍新戲，並沒有太多時間陪家人，他說：「冇辦法，大家都慣，電影人其實係表面風光，喺片場好辛苦，小朋友越來越大，每次返到屋企見到佢哋都會覺得好心噏。」問到會否再追BB，他笑謂要問太太及一切隨緣。採訪、攝影：王連連
來源:
http://hk.apple.nextmedia.com/entertainment/art/20160205/19479791
去年與舞台劇才子分居 傳秘交新歡唐寧宣佈離婚 偕子女搬新家
1 :
GS(14)@2017-06-10 13:30:37■唐寧昨日接囝囝放學時，左手已除下婚戒。DV圖片
唐寧跟年長13年、有舞台劇才子之稱的鄧偉傑，於2007年憑一部舞台劇定情。2010年結婚到年底才滿七年，但終不敵七年之癢，在昨日凌晨唐寧經理人在網上宣佈二人已於去年分居，目前正辦理離婚手續。一對子女將由兩夫婦共同撫養，但會跟隨母親生活。據報道離婚導火線是由於第三者介入，已搬離愛巢的唐寧昨日接兒子放學時，已除下手上婚戒。
現年35歲、原名江麗娜的唐寧（Leila），2007年接拍了無綫劇集《蘭花刼》，一直放在倉底。事隔十年近日《蘭》劇終見天日播出，而昨日有雜誌報道指唐寧跟48歲丈夫、舞台劇導演兼演員鄧偉傑的婚姻亦告一段落，二人正式辦理離婚手續，十年情結束。兩人在2010年結婚過不了七年之癢，他們婚後育有六歲長子俊俊、兩歲次女嗡嗡，根據協議子女會由唐寧照顧。
■唐寧跟舞台劇才子鄧偉傑因為舞台劇撻着，但婚姻維持不到七年。資料圖片
■唐寧上月在網上晒與囝囝俊俊、囡囡嗡嗡及母親（右二）的幸福之愛。微博圖片
■鄧偉傑跟唐寧一家四口樂也融融，此情不再。資料圖片
■彭秀慧昨晚拒談舊愛鄧偉傑婚變。
接兒子放學
消息最先在昨日凌晨，由唐寧經理人Mon在facebook上公佈，她透露兩人於去年分居，近日正辦理離婚手續「當我知道Leila的婚姻及家庭生活起了變化，並於去年已開始分居，今年決定正式辦理離婚，一對子女雖然日後會跟隨母親生活，但雙方亦承諾共同撫養。」而雜誌昨日報道離婚導火線，是唐寧秘交新歡，鄧偉傑極力挽留，可惜唐寧去意已決，主動提出離婚，去年底唐寧搬離大埔黃魚灘村愛巢，遷到就近的大埔嵐山居住。昨日下午4時45分左右，一身黑衣戴着漁夫帽的唐寧離開嵐山寓所，駕車到附近的幼兒發展中心接兒子放學。唐寧抵達時大批傳媒追上前採訪，她早有準備，由老師帶着兒子上車，眼前所見唐寧手上已除下婚戒。全程唐寧沒有發言，只專心駕車，臨入車場時只揮一下手，示意再見後便返回新居。唐寧07年演出鄧偉傑執導的舞台劇《爆谷殺人狂》，爆出愛火。據當年有份參演《爆》劇的人透露，兩人經常坐在一旁私語，每次排完戲唐寧都會坐導演車離開。不久他們在大埔同居，2010年9月唐寧在微博宣佈婚訊，事後雙方家人只簡單吃飯慶祝，翌年3月誕下長子俊俊，五年後次女嗡嗡出世。鄧偉傑在截稿前對離婚及有第三者介入一事，未有回應。
冇透露原因
另外，鄧偉傑的舊愛、導演彭秀慧昨晚在鰂魚涌出席活動，明顯避捲入舊愛的離婚漩渦，活動公關指她臨時表示不接受訪問。至於唐寧經理人Mon昨日接受本報電話訪問時，表示不知道二人離婚原因：「佢（唐寧）一律唔接受採訪，不嬲作風都係咁，幾多年前都係咁。以我所知小朋友係跟媽咪，唔清楚關唔關第三者事。生活嚟箒，到噚日我覺得需要去講，咪講件事出嚟。」採訪、攝影：吳耀輝、孔志豪、張俊銘
來源:
http://hk.apple.nextmedia.com/entertainment/art/20170609/20049350
【馮仁昭四圍超】老婆風雨同路Alex、囝囝 最好手足
1 :
GS(14)@2017-06-23 01:44:39現年55歲嘅杜德偉（Alex）日前橫風橫雨之下，陪細24年嘅老婆到中環超市買餸，同行仲有Alex嘅助手，全程由杜太負責揀選新鮮生菜、蔬果同少量肉類，Alex就買咗麥包，睇嚟兩公婆平日都好注重健康飲食。
■杜德偉喺微博晒新相，感謝囝囝畀佢一個幸福嘅父親節。
對App感新奇
戴黑超嘅Alex喺超市星味十足，初時都有跟喺老婆後面陪買餸，但冇幾耐佢就掛住同助手研究扮動物變面嘅手機app，似乎係助手教緊佢點樣玩，Alex即刻變身大細路覺得好新奇，表現得好有興趣，最後仲玩到黑超都除埋，對住手機忘我玩自拍，其間杜太問老公買呢啲好唔好？掛住玩嘅Alex只係hea答咗兩句，睇嚟佢返到屋企之後，應該會搵囝囝做model玩餐飽。噚日父親節，即係初為人父嘅Alex第一個父親節，佢喺微博分享同八個月大囝囝Alex Junior溫馨合照，留言：「習慣每天醒來看見你甜美可愛的笑容，一切心滿意足，如果女孩們都是爸爸的前世情人，你這個小男孩便是我上輩子最好的手足！謝謝你來到我們家讓我有一個幸福的父親節。」撰文：馮仁昭
來源:
http://hk.apple.nextmedia.com/entertainment/art/20170619/20060339
【馮仁昭四圍超】23場 VS 200場男人幫葡萄 Eason賺2億
1 :
GS(14)@2016-10-17 08:09:23■陳奕迅呢幾年已唱咗200幾場巡迴演唱會。資料圖片
蘇永康、梁漢文（Edmond）、任賢齊同黃家強組成嘅男人幫，前晚喺澳門開騷，佢哋全程以歌會友，不過蘇永康最後都忍唔住有啲怨言：「估唔到我都有fans，我見到三個康字嘅牌。」小齊就安慰佢，話啲fans收埋晒啲燈牌喺心入面。之後佢哋又喺台上篤爆家強上台時唔記得攞咪，蘇永康笑話：「我真係好鍾意同家強一齊開騷，佢成日都有啲論盡。」
■任賢齊提議隊友齊齊着粉紅芭蕾舞裙上台撐梁漢文。
家強唔着衫
另外，今個月係國際乳癌關注月，癌症基金會每年都會舉行「粉紅革命」活動，Edmond老婆林文慧四年前確診患乳癌，而家已經康復，Edmond今年就着住條粉紅色芭蕾舞裙幫「粉紅革命」影咗輯宣傳相。騷後佢哋受訪時，小齊話為支持Edmond，本來打算一齊着粉紅色芭蕾舞裙上台，可惜搵唔到啱着嘅，而家諗緊訂做，小齊話：「下次演出可以着，幫手宣揚吓，你哋試想像家強唔着衫，淨係着芭蕾舞裙彈Bass，幾有型！」家強笑話：「我冇所謂，不如你試吓着住嚟揸電單車，但係唔准着底褲喎。」
Edmond又提議搵陳奕迅（Eason）一齊着，小齊笑話如果Eason唔肯，都會逼佢着。講到Eason呢幾年唱咗200幾場巡唱，賺咗2億，Edmond話：「我哋男人幫開咗23場都冇。」覺唔覺Eason吸金力好強，蘇永康話：「其實佢都付出咗好多，試諗吓佢每個周末都丟低康堤咁去唱就知喇。」撰文：馮仁昭
來源:
http://hk.apple.nextmedia.com/entertainment/art/20161017/19802895
王菲教女逃學嘆茶
1 :
GS(14)@2015-03-17 08:43:26
謝霆鋒最近跟劉青雲到上海拍攝新片《驚天破》，無暇陪伴女友，王菲日前就被內地傳媒發現去了北京一間貴族學校接細女李嫣放學。但當時未到放學時間，戴住黑超、一身運動look的王菲在圍欄外視察校內情況，由於行為鬼祟，學校保安認不得天后王菲，把她驅趕。王菲見囡囡第一句竟然說：「蹺課成功！」之後王菲帶着李嫣去前夫李亞鵬住所附近一間咖啡店，與李亞鵬媽媽一起嘆下午茶。未足九歲的李嫣遺傳了媽媽的高䠷身材，一雙長腿襯上英式制服，看起來比同齡的小朋友成熟好多。她們嘆完茶後，王菲揮揮手跟同女兒說再見，乖巧的李嫣就跟住嫲嫲返屋企。撰文：嵐山
來源:
http://hk.apple.nextmedia.com/entertainment/art/20150317/19078857
憶蓮安仔飯局傾唔停
1 :
GS(14)@2016-10-16 08:20:05■林憶蓮等三人十分好傾，到食肆關門才離去。
林憶蓮上周三晚上與許志安及倫永亮在中環九如坊大班樓飯敍，她是胡楓（修哥）的契女，當晚修哥太太離世，相信她當時未知契媽死訊。憶蓮淡妝現身飯局，平時該食肆11時清場，但三人當晚大概11時20分才離開，傾足幾個小時，要食肆關門才走。憶蓮行出門口依然雞啄唔斷笑笑口，安仔扶實倫永亮，再和憶蓮抱抱告別。安仔發現有傳媒影相立即告訴憶蓮，憶蓮即收起笑容急步上車，倫永亮則似略有醉意，見他腳步浮浮尾隨，登上憶蓮的座駕，安仔就坐另一輛七人車走。採訪、攝影：徐錦池、黃柏倫
來源:
http://hk.apple.nextmedia.com/entertainment/art/20161016/19801992
石原聰美香閨會山下智久
1 :
GS(14)@2016-10-21 05:28:08■山下智久秘戀石原聰美，被爆地下情發展逾一年。
29歲日本女星石原聰美擔演新劇《樸實卻了不起！校閱女孩河野悅子！》成績不俗，前晚播出新一集收視達12.8%，連續三集保持雙位數收視。感情方面，石原與人氣劇《朝5晚9》拍檔山下智久的緋聞傳足一年，剛出版的雜誌《女性Seven》爆料指二人仍發展地下情，山下日前出席完KinKi Kids的大阪騷，隨即趕搭新幹線返回東京見女友，他們為免斷正，每次都非常小心，只會到雙方寓所見面，並安排私人座駕行事。
■戶田惠梨香跟加瀨亮原來已分手收場。
此外，另一螢幕拍檔戶田惠梨香和加瀨亮，今年5月默認發展成戀人後，昨日卻被指因價值觀差異而和平分手，加瀨亮發言人並沒有作出否認。撰文：哥羅
來源:
http://hk.apple.nextmedia.com/entertainment/art/20161021/19807126
Next Page