📖 ZKIZ Archives

中環在線：比亞迪廣告誤導被譴責 李華華

2009-08-06  AppleDaily

號 稱「慳油王」、「五星安全，五星保護，是小車的頂級安全配置」嘅比亞迪（1211）微型轎車F0，前日俾河北、天津同遼寧等省市嘅消費者協會聯手發出消費 警示，話該款車明明冇獲得高星級安全評價，但擅自笠高帽，以此混淆視聽，誤導消費者。嘩！美國股神入股比亞迪嘅交易剛剛完成，就搞出呢壇嘢，簡直係倒米。 「五星安全」名不副實 話 說中國消費者協會收到一位霍女士投訴，話比亞迪F0個廣告幾吸引，覺得時尚又安全，7月初買咗一部，點知7月20號晚，朋友揸住佢架車以70公里時速撞倒 前面架貨車車尾，架F0車頭冚竟然完全扭曲變形，水箱破裂，引擎移位，部車幾乎報銷，但F0個安全氣囊居然一個都冇彈出嚟，好在司機有戴安全帶，至保番條 命仔。事後，比亞迪間4S銷車店居然解釋，話氣囊冇反應，可能因為碰撞角度唔啱或者力度唔夠，聽到霍女士儍咗，兩部車撞成咁，司機都入埋廠都叫力度唔夠， 唔通要車毀人亡至夠咩！經調查後，中消協發現，F0呢款車從未獲星級安全評價（內地共分6級），更唔好提咩「五星安全」，決定向消費者發出警示。咁搞法， 比亞迪啲車點出口呀？睇嚟主席王傳福都要再落多啲工夫喺汽車質量上面囉。

光頭富豪「自隊」　私有化新玩法

2009-05-21  NExtMagazine

顧 明 均 在 上 週 二 開 記 者 會 ， 欣 然 宣 布 將 公 司 自 願 清 盤 ， 認 為 對 母 公 司 及 小 股 東 都 有 利 ， 達 至 雙 贏 。 （ 《 蘋 果 日 報 》 圖 片 ）



屬 二 、 三 線 股 的 上 市 公 司 南 太 電 子 ， 開 創 了 香 港 股 壇 先 河 ； 其 大 股 東 、 有 「 電 子 大 王 」 之 稱 的 顧 明 均 ， 提 出 將 公 司 自 願 清 盤 ， 曲 線 讓 母 公 司 南 太 集 團 私 有 化 南 太 電 子 ， 達 成 他 多 年 來 要 私 有 化 南 太 的 心 願 。 對 於 這 條 絕 世 好 橋 ， 顧 明 均 竟 自 豪 笑 言 ： 「 係 集 體 創 作 ！ 」
據 可 靠 消 息 透 露 ， 證 監 會 對 此 亦 無 可 奈 何 ， 只 能 譴 責 不 能 制 止 其 通 過 ， 令 一 眾 反 對 私 有 化 的 小 股 東 無 奈 接 受 。 此 案 例 一 出 ， 將 會 對 其 他 意 欲 私 有 化 但 偏 偏 被 攔 阻 的 上 市 公 司 ， 帶 來 新 的 「 啟 示 」 。


禹 銘 投 資 董 事 會 主 席 李 華 倫 ， 曾 創 出 「 一 仙 全 購 」 絕 橋 ， 是 今 次 南 太 自 願 清 盤 的 「 幕 後 玩 家 」 。 （ 《 蘋 果 日 報 》 圖 片 ）



小 股 東 陳 先 生 大 呻 南 太 清 盤 無 理 ， 惟 小 股 民 勢 孤 力 弱 ， 只 有 無 奈 接 受 。




上 週 二 召 開 記 者 招 待 會 ， 欣 然 宣 布 將 公 司 自 願 清 盤 這 「 鴻 圖 大 計 」 後 ， 顧 明 均 便 要 放 大 假 「 疏 乎 」 ， 到 地 中 海 旅 遊 三 個 星 期 ， 六 月 初 才 會 回 來 。 本 週 五 記 者 致 電 給 他 ， 進 一 步 查 詢 自 願 清 盤 事 宜 ， 他 只 道 ： 「 我 而 家 開 緊 會 ， 好 多 人 望 住 我 ， 再 講 好 尷 尬 。 之 後 我 要 返 屋 企 執 行 李 ， 唔 方 便 傾 ， 你 搵 我 哋 公 關 啦 ！ 」
顧 明 均 及 管 理 層 想 出 的 「 清 盤 私 有 化 」 新 招 ， 絕 妙 之 處 ， 在 於 有 可 能 繞 過 證 監 會 的 干 預 。 今 年 二 月 初 ， 南 太 電 子 曾 提 出 以 每 股 一 元 五 角 私 有 化 ， 最 終 因 接 納 股 數 不 足 九 成 而 告 吹 ， 理 應 一 年 內 不 能 再 提 私 有 化 ； 但 顧 明 均 提 出 將 公 司 自 願 清 盤 ， 再 由 母 公 司 買 回 資 產 ， 就 不 算 私 有 化 ； 且 根 據 公 司 法 ， 只 要 七 成 半 以 上 的 股 東 投 贊 成 票 ， 便 可 通 過 議 決 。 而 南 太 電 子 母 公 司 南 太 集 團 ， 已 持 有 南 太 電 子 七 成 四 股 份 ， 且 南 太 電 子 尚 欠 南 太 集 團 二 十 一 億 港 元 ， 總 收 購 估 計 涉 資 三 十 億 ， 第 三 者 從 清 盤 官 手 上 競 投 該 批 資 產 的 機 會 甚 微 ， 故 這 鋪 「 變 相 私 有 化 」 ， 可 謂 十 拿 九 穩 。
小 股 東 硬 食
據 可 靠 消 息 透 露 ， 證 監 會 對 此 事 非 常 關 注 。 一 名 知 情 人 士 說 ： 「 證 監 驚 其 他 上 市 公 司 會 跟 住 做 ， 好 似 八 號 仔 （ 電 訊 盈 科 ） 而 家 因 種 票 案 私 有 化 不 成 ， 就 有 照 跟 嘅 可 能 。 據 我 知 證 監 將 會 發 聲 明 譴 責 有 關 行 動 ， 會 否 有 後 繼 行 動 ， 如 不 許 顧 明 均 在 若 干 年 內 出 任 任 何 上 市 公 司 的 董 事 職 位 ， 則 有 待 研 究 。 」 然 而 對 於 能 否 阻 止 計 劃 進 行 ， 則 機 會 甚 微 ； 除 非 南 太 電 子 今 次 只 是 玩 一 場 「 遊 戲 」 ， 「 自 願 」 縮 沙 。 市 場 傳 聞 ， 南 太 這 數 天 會 再 出 新 招 。
對 此 最 無 奈 的 ， 要 算 是 一 眾 「 肉 隨 砧 板 上 」 的 小 股 東 。 家 住 沙 田 沙 角 村 的 小 股 東 陳 先 生 ， 早 年 以 招 股 價 三 個 八 毫 八 買 入 一 手 南 太 電 子 ， 過 往 南 太 提 出 兩 次 私 有 化 ， 他 均 投 反 對 票 ， 他 表 現 激 動 說 ： 「 之 前 兩 次 私 有 化 唔 掂 ， 而 家 就 話 自 願 清 盤 ， 分 明 打 茅 波 ！ 」 陳 先 生 從 事 電 子 配 件 行 業 ， 一 直 看 好 高 科 技 ， 「 如 果 真 係 冇 潛 質 ， 冇 理 由 上 市 ， 嗰 陣 上 市 年 多 就 話 要 私 有 化 ， 而 家 夾 硬 話 每 股 派 番 一 個 五 毫 二 就 算 ， 根 本 唔 合 理 。 」 但 他 對 此 亦 只 能 嘆 句 無 可 奈 何 。
南 太 集 團 早 在 八 八 年 已 在 美 國 納 斯 達 克 上 市 ， 其 後 轉 在 紐 約 交 易 所 上 市 ， 公 司 市 值 曾 高 達 八 十 七 億 港 元 。



顧 明 均 是 法 庭 常 客 ， 過 往 十 多 年 官 司 不 斷 。 （ 《 蘋 果 日 報 》 圖 片 ）



橋 王 拍 住 上
創 作 出 這 條 好 橋 的 ， 是 有 金 融 界 「 橋 王 」 之 稱 的 禹 銘 投 資 董 事 會 主 席 李 華 倫 。 今 年 四 十 五 歲 的 他 ， 八 六 年 於 英 國 畢 業 後 ， 曾 在 荷 蘭 銀 行 工 作 ， 九 二 年 開 始 於 新 鴻 基 及 禹 銘 任 職 。 大 量 出 人 意 表 的 股 市 交 易 及 計 仔 ， 都 出 自 其 手 筆 。 最 經 典 是 ○ 三 年 ， 由 他 策 動 向 顏 成 坤 家 族 的 中 巴 提 出 「 一 仙 全 購 」 ， 聲 言 成 功 後 把 中 巴 資 產 「 拆 骨 」 變 現 分 派 予 小 股 東 ， 後 來 中 巴 要 派 每 股 十 多 元 的 特 別 股 息 ， 才 成 功 擊 退 禹 銘 。 李 華 倫 共 策 動 過 四 次 「 一 仙 全 購 」 ， 包 括 順 昌 、 太 平 洋 興 業 及 國 際 融 資 等 上 市 公 司 ， 每 次 都 無 功 而 還 。
李 華 倫 亦 曾 經 狀 告 港 交 所 ， 與 一 向 是 「 官 司 王 」 的 顧 明 均 非 常 合 拍 。 九 八 年 顧 明 均 經 南 太 董 事 朱 嘉 幀 認 識 李 華 倫 ， 故 曾 找 禹 銘 做 財 務 顧 問 ； ○ 四 年 三 月 李 更 開 始 出 任 南 太 獨 立 非 執 行 董 事 ， 自 此 與 顧 明 均 「 齊 齊 拍 住 上 」 。 ○ 四 年 四 月 南 太 招 股 上 市 ， 在 不 足 一 年 半 間 ， 南 太 突 然 聘 請 禹 銘 擔 任 財 務 顧 問 並 提 出 私 有 化 。 由 於 當 初 上 市 時 母 公 司 賣 舊 股 已 套 現 七 億 多 ， 提 出 以 四 億 元 私 有 化 後 ， 一 來 一 回 便 能 賬 面 賺 回 三 億 多 元 。 兩 位 「 孖 寶 」 更 加 大 膽 提 出 ， 會 付 佣 給 幫 助 小 股 東 遞 交 接 納 私 有 化 覆 函 的 經 紀 及 證 券 行 ， 不 過 最 後 私 有 化 都 無 功 而 還 。
此 役 不 遂 ， 南 太 即 大 事 重 組 ， 宣 布 用 二 十 七 億 元 收 購 母 公 司 旗 下 從 事 尖 端 科 技 電 路 板 生 產 的 世 成 及 捷 騰 ， 揚 言 可 因 此 壯 大 南 太 電 子 規 模 及 產 能 。 然 而 此 後 公 司 部 分 業 務 竟 轉 盈 為 虧 。 據 去 年 南 太 電 子 的 業 績 ， 全 年 虧 損 一 億 二 千 多 萬 美 元 ， 其 中 因 收 購 作 出 的 商 譽 減 值 撥 備 ， 已 達 一 億 四 千 萬 美 元 。 業 績 差 加 上 工 業 前 景 不 明 朗 ， 股 價 低 殘 ， 成 為 今 年 二 月 私 有 化 及 今 次 提 出 自 動 清 盤 的 「 契 機 」 。 今 年 二 月 私 有 化 告 吹 後 ， 顧 明 均 更 加 「 親 身 上 陣 」 ， 出 任 公 司 的 財 務 總 監 ， 一 手 一 腳 參 與 度 出 今 次 這 條 好 橋 。
上 市 有 壓 力
認 識 顧 明 均 的 股 壇 中 人 詹 培 忠 說 ， 顧 是 一 個 「 比 較 有 另 外 一 套 」 的 人 ： 「 佢 曾 經 有 三 間 上 市 公 司 （ 南 太 電 子 、 於 美 國 上 市 的 母 公 司 南 太 集 團 及 已 賣 盤 的 J.I.C. ） ， 滿 足 過 上 市 嘅 慾 望 。 現 時 佢 只 持 有 母 公 司 十 多 個 巴 仙 股 權 ， 自 己 利 益 好 少 ， 無 謂 有 壓 力 啦 ！ 上 市 公 司 好 有 制 肘 及 壓 力 㗎 ， 而 且 行 業 唔 好 ， 亦 的 確 難 達 成 集 資 目 標 。 」 事 實 在 香 港 上 市 的 工 業 股 ， 由 於 不 被 重 視 ， 股 價 嚴 重 低 殘 ， 難 以 大 額 集 資 。
不 過 詹 培 忠 亦 打 趣 道 ： 「 自 願 清 盤 係 一 個 辦 法 ， 但 可 以 不 用 做 到 呢 步 嘅 。 如 賣 個 殼 俾 人 ， 費 用 只 係 幾 千 萬 ， 搵 我 幫 手 就 幫 佢 度 吓 嘛 ！ 」
「 不 到 黃 河 心 不 死 」 的 顧 明 均 ， 七 四 年 創 立 南 太 平 洋 企 業 ， 後 改 名 為 南 太 電 子 ； 母 公 司 南 太 集 團 於 美 國 上 市 ， 市 值 曾 逾 八 十 七 億 港 元 。 他 一 向 行 事 另 類 ， 有 自 己 一 套 「 獨 特 」 的 價 值 觀 ； 即 使 與 家 人 亦 道 理 凌 駕 於 親 情 ， 不 時 會 相 約 後 輩 吃 飯 ， 抒 發 其 政 見 。
官 司 王 上 身
顧 認 為 正 義 的 事 便 「 全 力 」 去 做 ， 結 果 成 為 「 官 司 王 」 ； 既 曾 控 告 有 人 盜 用 其 母 校 培 正 書 院 的 商 標 ， 又 曾 投 訴 公 司 一 塊 元 朗 農 地 被 霸 佔 ， 就 連 稅 務 局 未 於 合 理 時 間 回 覆 稅 務 問 題 ， 他 亦 入 稟 控 訴 追 討 損 失 。 ○ 五 年 他 曾 登 廣 告 支 持 政 改 ， 然 後 指 壹 傳 媒 主 席 黎 智 英 承 諾 會 分 擔 一 半 廣 告 費 用 但 未 付 而 興 訟 ， 結 果 被 判 敗 訴 。
另 一 方 面 ， 他 亦 以 慈 善 家 聞 名 ， 曾 於 ○ 四 年 一 口 氣 向 母 校 浸 會 大 學 捐 贈 一 億 元 ， 其 舊 員 工 對 他 讚 不 絕 口 ： 「 佢 曾 經 叫 我 哋 捐 錢 俾 公 益 金 ， 事 後 喺 員 工 聚 餐 時 宣 布 ， 贈 送 番 公 司 股 票 俾 我 哋 做 獎 賞 ， 令 我 哋 好 驚 喜 囉 ！ 而 且 公 司 內 地 廠 房 （ 約 有 五 千 名 員 工 ） 有 自 己 嘅 工 會 ， 由 員 工 選 出 幹 事 ， 代 表 員 工 向 公 司 反 映 意 見 。 工 廠 內 仲 有 羽 毛 球 場 、 卡 拉 OK 房 、 圖 書 館 甚 至 診 所 ， 好 維 護 員 工 權 益 。 」
無 論 如 何 ， 行 事 動 機 如 「 謎 」 一 樣 的 顧 明 均 ， 這 次 「 自 動 清 盤 大 行 動 」 ， 又 再 一 次 顛 覆 了 傳 統 規 範 ； 他 在 地 中 海 度 假 逍 遙 自 在 ， 留 下 的 爛 攤 子 ， 將 要 由 證 監 會 收 拾 。




顧 明 均 講 「 道 理 」

出口維艱 左丁山

2008-11-19  AppleDaily




曾 特首到東莞訪問，唐司長到深圳見深圳市長，究竟為乜？當然係表達特區政府關懷香港企業在珠三角地區嘅發展，以示在金融海嘯之下，港府會盡力幫助中小企，另 外一層意思係特區重視兩地合作，政府阿一與阿二齊到內地視察，就係要傳出一個明朗信息。

有唔少企業客戶在內地開廠嘅律師Y呢日在晚飯時間碰到左丁山，傾起 東莞深圳一帶情況，律師Y搖頭嘆息話：「十分曳，我都好擔心，東莞市政府更擔心，舊年佢哋牙擦擦咁講要將產業升級，趕走三來一補、低增值企業。但今年講乜 嘢呀，就係要求港企留低，唔好走，曾特首到東莞，唔多唔少係順應內地請求，幫手向留在東莞嘅企業打氣而已！」有得做，冇話唔想留低嘅啫，有冇訂單，有冇 L/C（信用證）開過嚟吖。律師Y話這正是問題所在：（一）歐美訂單不濟；（二）即使有訂單，對方開唔出L/C，因為歐美銀行可能向買家收緊信貸；（三） 即使有L/C出到，香港/內地銀行未必肯接受開證銀行嘅L/C，因有對手風險（counterparty risk），銀行未必信銀行；（四）即使前面三個關口過埋，港企未必能夠好似以前咁樣可以向銀行取得打包貸款（packing loan或稱pre-export loan），或者攞到，成數都未必有以前咁高。你話由爭取訂單至到成品出口，o依家有幾艱難呢！」

總之金融海嘯之後，一向以為理所當然嘅生意過程，已完全 扭曲晒，不再一樣，唔知幾時先至可以恢復舊時狀況。雖則話歐美買家早已唔願開L/C，強迫珠三角企業放賬（open account），律師Y話經此一役，或者所有生意關係，所有國際貿易持份者，尤其是最重要，不可或缺嘅銀行，必會重新界定角色與風險承受能力。唔諗得太 遠咯，目前只講如何求存。律師Y勸告：「如果你要北上消費玩樂，現在就要認識風險海嘯之後，珠三角百業不景，男盜女娼人數大增，街霸攔途截車搶物，閒過立 秋，我一位老友自高爾夫球場出嚟，揸車返香港，未到深圳已經被飛車撞擊兩次，一次賠三千，一次賠二千人民幣，問你驚唔驚！」賠者，被路霸勒索也，冇現金在 身，喺上面唔好揸車呀。

爆大鑊星級股評人鄧聲興背妻玩o靚妹

2008-07-24  NextMagazine近幾年股市熱爆，電視台電台紛紛請來分析員講股，要在一眾財經演員中脫穎而出，絕非易事。

當中東泰證劵研究部董事鄧聲興，頻頻在各大傳媒亮相，受歡迎程度直逼他的前輩陸叔陳永陸。

鄧的殺食之處在於青靚白淨，且聲線溫柔的乖乖仔形象，出道至今深受師奶股民歡迎。可惜他真實形象卻要叫所有師奶失望，原來鄧有冧女秘技，更先後氹得兩名貌美o靚妹落疊，甘願和他大搞婚外情。

原本只有澳門副學士學歷的鄧聲興，當年走運遇上有家底的老婆，雙雙到外國讀書，才得以學成歸來。現時有名有利，早已將老婆拋諸腦後，樂做陳世美。

本刊追蹤採訪，揭露他如何背妻溝女。

只得三十八歲的鄧聲興，一派有為青年模樣，為多份報章雜誌如明報、都市日報、經濟一週和東方新地等寫專欄，逢星期一至六又在新城電台開咪，在有線電視亦有地盤主持財經節目，雖然年紀輕輕，已在股評界奠定地位。

每 一天，他都會一身名牌Prada、Gucci，西裝骨骨上班。雖然他有一部保時捷跑車，但他怕塞車，只會在星期四到荃灣有線電視做節目時，以及星期六和 日，才會駕車，平時他會選擇搭公共交通工具，由北角寶馬山花園，到交易廣場上班。平日一到中午十二時，他又要走到中環中心的新城直播室開咪，行程緊密。

「你好呀Kenny，我想問中石化有無得升啫……」師奶打電話到電台，嗲聲嗲氣問鄧攞貼士。無論鄧說什麼，也氹到她們笑嘻嘻收線。有些股民讚他記性好，作風穩健，講股夠中肯。

書生型陰聲細氣

鄧聲興曾公開向傳媒表示自己每天做足十二小時，能令他減壓的，就是週日必定和結了婚十三年的老婆行街睇戲食飯，和聽梁詠琪的歌。他一向在朋友面前，表現得愛錫老婆。不過財經界很多人卻嗤之以鼻，暗笑這名師奶偶像喜歡周旋於女人堆，特別愛o靚妹，其口味一早已傳得沸沸揚揚。

為證實傳言非虛，記者暗中調查，發覺他竟然公開溝女。

上週一，鄧聲興約 六時半下班後，在中環閒蕩。他先走到Joyce、LV等名店逛逛，但無收穫。他看了看手錶後往搭地鐵，在灣仔站落車，在恒生銀行四圍望，過了不久，雙眼突 然發光，並且露出招牌四萬笑容，然後急步上前，伸手拖着一名年約廿多歲，穿連身裙嬌滴滴的女子。兩人立即變成連體嬰黐得實一實，先走到由和昌大押翻新而成 的高級餐廳，可惜爆滿，唯有到附近的波士頓餐廳撐枱腳。

幸福滿瀉

這對男女完全沐浴在愛河中，雖然鄧有一定知名度，但他懶理旁人，餵女友食麵包，又喁喁細語談心，幸福滿瀉。兩人吃完飯後，鄧便截的士送女友回香港仔利東邨的住所。兩人依依不捨，在電梯大堂卿卿我我，護送女友回家後，鄧才回家交人。

上 週四，鄧又趁下班後和有線節目之間的空檔，分身私會女友。當日他五時多便下班，跟着一支箭的跑到國金，雖然當時正值下班時間，很大機會碰到金融界的行家， 但無阻他要溝女的心。他遠遠見到女友即笑意淫淫，急不及待衝前攬着她，兩人旁若無人的嘴了一下，十指緊扣着開開心心的去吃晚飯，鄧更細心的幫女友挽手袋。

記者查探下，得悉該o靚妹細鄧聲興十四年，今年廿四歲，名叫葉麗青，香港科技大學畢業，喜歡做話劇，在財經界著名的縱橫公共關係顧問集團做公關。

o趙完鬆

其實今次已非鄧聲興第一次偷食，他早在兩年前，搭上另一名o靚妹，但o趙完鬆，該o靚妹向友人哭訴，並道出鄧的「冧女」絕招。

任職金融界的Kitty，一提起鄧聲興就無名火起，皆因她的好友Sylvia（假名），幾年前亦曾和鄧搭上，經歷了痛苦的一年半。Kitty說，樣子甜美的Sylvia ○五年大學畢業後加入傳媒，採訪財經新聞時認識鄧聲興。當時鄧已是知名度甚高的財經分析員，鏡頭後的他並無架子，對傳媒分外親切。

當時他主動關心Sylvia是否適應工作，又教授財經知識，更不時噓寒問暖。「Sylvia好多人追，不過佢覺得鄧聲興比起其他追求者成熟，又好關心佢，開始對鄧生好感。」Kitty說。 鄧很快便發動追女攻勢，百忙中也會抽空跟Sylvia吃飯，到外地公幹又以短訊及致電慰問。但最殺食的，莫過於令Sylvia覺得自己受重視。「Sylvia好緊張自己出街嘅報導，估唔到鄧聲興特登去搵嚟睇，仲俾好多意見分析，搞到Sylvia又佩服又感動。」

不過，人所皆知鄧有老婆，行內老記者更告誡Sylvia，鄧出了名是金融界花弗漢。Sylvia覺得做第三者破壞人家庭，又不想偷偷摸摸拍拖，加上同事跟鄧聲興稔熟，怕會影響大家的事業，內心非常掙扎。就在她放假外遊時，鄧像貼身膏藥般陪她，兩人終於正式撻着。

偷偷摸摸

「當時我都有勸阻佢，但佢勸極唔聽，覺得鍾意、一齊開心就得，無諗過要咩名分！」Kitty和其他好友並不看好兩人，但Sylvia當時如沐春風，一於少理。她和鄧閒時會行街睇戲食飯，但就不會在公眾地方拖手，只會趁機在昏暗餐廳、戲院、街角親密一番。

只 有身在外地，他們才可「光明正大」拍拖。當時鄧不時以出差為名，帶Sylvia外遊。但有次到澳門看雜技表演，兩人因事要提早離場，一站起身在後排眾多目 光注視下，Sylvia突感不安，擔心自己被人認出。「佢返嚟即刻搵我，當時喊得好犀利，又話覺得自己好犯賤，抬唔起頭做人。我聽到心都實埋！」 Kitty說。

亦試過有侍應誤稱她為鄧太，令她很難受。 老婆是她和鄧的禁忌，鄧絕口不提老婆，她也不會問，每逢周六、日及節日鄧便會玩失蹤。Sylvia終決定斬情絲，把半年來的合照和旅行紀念品等，統統歸還鄧，又不接他的來電。

瘋狂箍煲

料 不到向來冷靜的鄧不斷發狂找她，試過一日來電四、五十次，哽咽地留言：「你知道我好愛你」；又傳來幾十個短訊：「我唔捨得你……唔好咁對我啦。」 聽着留言，Sylvia感到很心痛。有一晚鄧身在北京，翌日雖然要應付人民大學博士學位的考試，仍然深夜致電，Sylvia終敵不過苦纏心軟接聽。鄧在電 話中首次提及老婆，說出一個現代陳世美的謊言。

鄧自稱當年到澳門讀書，邂逅同校就讀的妻子Angela，畢業後兩人打算共赴澳洲進修，不過 鄧父早逝，家庭負擔重無法讓他出國讀書，幸得妻子的家人幫手供他讀書。Angela的父親從商，在澳門亦有名氣，做過澳門人大代表選舉會議成員，是澳門機 動車入口商會理事長。兩人回港不久，於九五年結婚，婚後妻子在一間小學任職老師。

雖然Angela對他有情有義，但鄧竟說結婚其中的原因是基於恩惠和多年感情，他愛的只是Sylvia，又說從來沒有這樣認真，叫Sylvia給他時間，他一定會離婚。「結果Sylvia俾鄧聲興打動，又舂番個頭埋去。」Kitty說。

反口不肯離婚

後來Sylvia聽鄧的建議轉行，轉投酒店業，同時亦越來越依戀鄧聲興。可是，她轉行後和鄧見面的機會少了，轉過來Sylvia變得黐身，兩人磨擦增加。就算Sylvia出差多天，鄧也不聞不問，更開口指Sylvia太黐身，又砌詞工作忙無暇見面，並且不接電話。至於當初離婚的承諾，擺明不會兌現。

鄧 更承認自己很自私，不想付出太多，寧願別人受傷。Sylvia有感此情不再，逐漸沒再聯絡鄧，這段拖拉一年半的婚外情，最後無疾而終。 鄧就此乾手淨腳，但Sylvia精神受到極大困擾。「佢落晒形，一下子瘦咗好多。佢唔明點解之前口口聲聲話好愛你，幾個月後就唔同晒。」Sylvia精神 陷於崩潰，工作時又要笑臉迎人，一個人的時候便喊，晚晚失眠，患上抑鬱症，要看心理醫生。 此時此際的鄧，卻春風得意「轉溝」了另一o靚妹。

事隔兩年，Sylvia心情早已平伏，記者曾致電Sylvia查證，她只說︰「件事都過咗去，我唔想再提。」

鄧聲興連番偷食，有本事一直將老婆蒙在鼓裡，皆因有工作之便，可用接受訪問和應酬為藉口去偷情。據財經界人士憶述：「佢單拖去飲宴時，一到場影完幾張相就閃，我哋估佢攞permit扮去飲，趁機會去會佳人。」

胡孟青寸爆

同 樣在新城主持財經節目的「青姐」胡孟青，被問及知否鄧有婚外情時，抵死地暗寸：「你哋去中環等佢一日咪知囉！佢平時收咗巿放工之後，同上電視之前都有好多 時間o架嘛！」她更不忘加多句：「我身邊好多後生女啲daddy，竟然同細過自己個女嘅女仔拍拖，都唔知點解會咁嘅呢呵？」

她更指鄧極注重外表。「佢好姿整，由頭到腳板底都係Prada，買到變成VIP，不過做呢行啲人都係貪靚嘅。咁佢又搵到，咪買多啲嘢囉！」鄧在行內，的確是「好好先生」，皆因面面俱圓。「佢把口好叻，唔會背後講人，所以佢冇敵人o架！」但青姐最後一再強調和鄧不稔熟。

鄧聲興為人圓滑，令他得以平步青雲，就連老闆李君豪也買他怕。○六年李接受訪問時，說溜了嘴指經常曝光教散戶炒股的鄧「出鏡多，實際對公司無乜貢獻」。後來李得知鄧不開心，竟然將鄧升職坐正做公司董事，繼續做公司生招牌。

其實鄧聲興由出道開始，已有貴人相助。他的母親阮秀萍，是商台前資深新聞報導員，當年由母親帶他入行到商台開咪。「每次on cast佢媽咪都會探班，好緊張，猛叫啲同事睇住個仔，教吓佢。」鄧之前接受訪問時也坦言，母親經常糾正他的咬字和懶音。

養車好過養仔女

後來在行內的人脈漸廣，鄧聲興接觸的瓣數亦增多，除了到電台電視台開咪外，還在港大專業進修學院一些培訓課程任教，教人有關內地股票市場知識。

財源滾滾來，但他卻沒有想過要有下一代。他在三十三歲時曾接受訪問，明言要兩年後才考慮，但三十八歲後便不作打算，擔心和仔女有代溝，寧願每月花一萬元養車，也不願草率孭上重大責任。

本週一中午，葉麗青和一名女同事到麥當勞買外賣，沿途有說有笑。記者後來訪問她，她起初微笑點頭，但當記者指曾撞破她跟鄧聲興拍拖，她即面色一沉急步離開，追問她為何甘願做情婦？她即狀甚尷尬、語帶慌張說︰「我無嘢講。」相比起來，鄧聲興明顯見慣大場面，他週二在新城電台做完直播後，明知記者來意，依然「?起棚牙」擠起四萬笑容，直至記者問他，是否對得住老婆，他才面色一轉，不斷說「私人事唔答」，然後撤退飛奔離開。

記者多番求證他的妻子，也得不到任何答覆。

週 二記者在澳門找到鄧的外父覃培基，他對於女婿偷食感到難以置信，不斷揭記者的照片，甚至懷疑相片是合成照，因為女婿和女兒經常在他兩老面前表現很甜蜜，況 且女婿一向很乖。「佢好怕醜，又孝順，好聽老婆話，答乜都要望一望老婆先答。」他指鄧是女兒的初戀情人，看得出，女兒很愛鄧。兩人留學回來後不久便結婚， 當時他有信心將女兒交給鄧。但他澄清，當年並無供鄧讀書。

他說，由於女兒說鄧很忙，他已有兩年沒見女婿，剛過去的農曆新年，鄧也沒來拜年， 但女兒從沒表現異樣，可能同樣蒙在鼓裡。「女婿成日都話忙，作為男人，我有啲懷疑，但個女成日維護佢，咁我又真係成日响電視見到佢。」鄧每次到澳門工作， 女兒都會致電父親作照應，無時無刻為鄧着想。

對於女婿偷食，他坦言「好嬲」，當記者告知他，鄧已非首次背妻時，覃說：「係都唔奇吖，佢成個師奶殺手咁，我都覺佢幾靚仔o架。」他最擔心的，是女兒無法接受事實。

陸叔力撐

鄧聲興的十多年拍檔陸叔，則力撐怎也不信他眼中的「好男人」和「出色的分析員」偷食。九五年開始和鄧合作在電台做節目的陸叔，指鄧將家庭放在第一位，十分疼錫老婆。「佢又買車又買樓俾佢，佢老婆話想住寶馬山，方便佢返工，鄧聲興就即刻換樓買寶馬山花園。」他又指鄧孝順，有時在週末和週日，會碰到他在銅鑼灣跟母親、老婆和外父外母飲茶。但他指鄧絕少提及家人，他亦只見過鄧的老婆數次。

記者說到鄧很得異性歡心，陸叔即幫鄧解畫說︰「我哋講股票，做財經節目嘅，如果唔talk得，點吸引啲觀眾嚟呀！你話佢同女性記者、公關熟，好正常啫！咁阿鄧聲興出名唔會托傳媒手踭，有求必應！」

陸叔又不斷讚鄧聲興， 每次做節目前會做足資料搜集。「佢好勤力o架！喺香港已經好忙，仲要去埋北京大學（應為北京人民大學）讀博士。」他指鄧在考試前推掉所有飯局。但他有所不 知，鄧在考試前，正忙着箍煲。可是陸叔最後可圈可點說：「後生仔有後生仔嘅世界，但應該要知道界線囉，點樣都好，要識返老婆身邊。」

中環在線：電企員工月薪兩嚿水 李華華

2008-09-08  AppleDaily

經濟衰退，最慘就係一眾打工仔，因為成為企業首先開刀嘅對象。內地《東方早報》調查咗六個行業，包括房地產、電力、證券行、機械製造、能源同紡織，都已經有裁員減成本措施。

減工資刺激員工

其 中重災區首推電力企業，由於成本上升，今年部份電力企業開始減薪，報道以大陸上市嘅豫能控股為例，睇番間公司嘅年報，上半年冇大幅裁員，但1159個員 工，半年每個員工平均工資只得1216蚊，即係每個月平均得200幾蚊。至於房地產行業，報道話，內地77間房地產上市公司中，有16間調低咗員工嘅薪 酬，其中一間叫海泰發展嘅發言人話，雖然上半年業績好咗，但未達預期，所以公司都會減工資，刺激吓員工，仲話如果下半年可以達到目標，就有獎金，否則就真 係要減薪。相關行業如房產廣告設計公司，業務都縮咗成半，搞到要跟住裁員。報道又提到能源股中石油（857），之前被內地傳媒誤指會裁8萬個員工，後嚟中 石油已有高層澄清。雖然話公司冇提過裁員，但就承認壓縮人員，同裁員嘅分別係，後者等於自然流失兼凍結人手。

雷曼債券掛羊頭賣狗肉

2008-09-25  NExtmagazine


雷曼兄弟破產，除了其發行的窩輪頓成廢紙外，影響最大的，要算其不斷加碼推售的迷你債券。

根據證監會資料，雷曼的迷你債券在港銷售額高達一百四十億元，不少受害人都誤以為迷你債券穩陣，完全不知跌入糖衣陷阱，買了其實是次按原兇的抵押債務證券（CDO）。

刻下雷曼爆煲，投資者才如夢初醒，始知自己的積蓄血本無歸，因此齊聲抗議銷售手法不盡不實。

本週日，逾五百名買了雷曼產品的苦主，遊行到政府總部，高呼「以為穩陣，其實搵笨」，聲淚俱下控訴銀行職員隱瞞風險，害他們誤踩地雷，半生積蓄付諸流水。

這群苦主之中，有無業師奶，有退休長者，不約而同以為迷你債券息率只較銀行定存高一、兩釐，甚為穩陣，不料雷曼申請破產，血本無歸。

年 逾五十的阿明，勞碌一生儲落的六百萬元，今次一鋪清袋，「以前後生就話可以從頭來過，而家年紀大咗，捱唔到幾耐啦，都唔知點算。」拿着只得一頁紙的迷你債 券廣告，他激動得雙手不停抖震：「我買迷你債券嗰陣，次按都爆咗煲啦，點解銀行仲推銷雷曼嘅產品？如果我知道呢隻債券同美國任何公司有關，一定唔會買！」 想起打拼多年的血汗錢分分鐘得個桔，他欲哭無淚。

阿明早年靠做裝修賺了第一桶金，九六年紅籌股大熱，學人投身股海，將手上的六十萬元炒至二百萬元。「當時我勇字當頭，炒股票搵到錢，我直頭工都唔返，仲成日同老婆去旅行歎世界！」惟翌年金融風暴殺到，阿明連本帶利嘔突，更要賣樓套現，才能為三名子女繳交學費。

半生積蓄付諸東流

經此一役，阿明變得腳踏實地，與太太在美孚新邨賣菜維生，多年來不論晴天陰天，甚至沙士時期都堅持開檔搵銀。他又睇書認真學習股票投資，只買實力優質股。直至○六年底，恒指攀升至一萬九千點，他為穩陣起見，決定從股市套現六百萬元，然後到銀行做一年定存，年利率四點八釐。

去 年底，跟他菜檔有生意來往的中銀，游說他用到期的存款，先後買入兩款名為「奪魁」及「奪金」的迷你債券，賣點是與滙豐、太古及和黃等大藍籌掛鈎，只要這些 公司沒破產，或出現拒絕還債等信貸事件，每年可收六釐息。「我見息口唔錯，掛嘅又係大公司，咪拍板囉！我仲叫個妹買咗廿萬添！銀行職員根本冇提過隻債券同 雷曼有關，我又唔識睇英文，點知就出事！」

當日雷曼宣布破產，他以為事不關己，還大安主義去飲茶，「點知阿妹打來，話我哋買落嘅債券由雷曼做擔保，我真係嚇到呆咗！」原本打算靠這六百萬老本退休的他嘆道：「諗住買債券穩陣收息，勢估唔到都中招！」

糖衣陷阱

事實上，這些名為「債券」的產品，並非像企業債券般只牽涉發債公司和投資者，而是包含信貸掛鈎公司、擔保公司及發行人，背後更涉及衍生工具及掉期風險，投資者根本不易理解。

而 最危險之處，是這些迷你債券的抵押品，乃抵押債務證券（Collateralized Debt Obligation，簡稱CDO），亦即今次引發全球信貸危機的元兇之一。CDO結構複雜，即使擁有AAA評級的優質信貸評級，實質可能包含次按等劣質 資產，儼如糖衣陷阱。如今美國樓市低迷，CDO大幅貶值，偏偏迷你債券因雷曼倒閉而要提早贖回，因而要在淡市以賤價沽出作為抵押品的CDO，導致投資者分 分鐘蝕掉全數本金。

雷曼於○三年率先推出「迷你債券系列」，一味標榜與大藍籌掛鈎，大額認購又送超市現金券、數碼相機等，故甚受歡迎。銀行銷售員亦以產品穩陣收息做賣點，一般散戶以為自己買了入場費較低的傳統債券，豈料是運作複雜的結構性產品。

尚有二百億計時炸彈

根據證監會的資料，本港現在約有三百六十億元類似雷曼迷你債券的產品，其中雷曼發行的佔了四成；換言之尚有二百多億元這類計時炸彈在市面隨時引爆，其中更有部分產品，與近期問題纏身的高盛及大摩信貸掛鈎。

今 次雷曼出事，之所以造成普羅大眾有龐大損失，罪魁禍首是推銷時不擇手段，隱瞞風險的中介人。有銀行職員表示，成功銷售迷你債券等產品，銀行可獲百分之一的 佣金，因此落力鼓吹客人購買，「最衰係上頭大石責死蟹，話呢啲產品好啱散戶投資，但老實講連我哋都係一知半解，去到依家先知係同掉期有關，試問又點同客人 解釋。」

事實上，金融產品越來越複雜，投資者根本難以明白遊戲規則，一名資深業界人士表示，這情況比Accumulator更毒，受害人數 更廣，皆因銷售員會以散戶見慣的金融術語來混淆視聽，「好似今次迷你債券，被人搏懵扮債券賣；之前嘅掛鈎存款證，又被無良sales統稱為存款證，令到啲 投資者以為好隱陣。其實監管機構應禁止佢哋用呢啲名，以防掛羊頭，賣狗肉。」而證監會及金管局亦明言，會調查中介人的銷售手法，有否存心誤導投資者。

拆解迷你債券

一般而言，投資銀行手持大藍籌的權益，遂發行迷你債券來對沖，將風險轉嫁予投資者。其玩法簡略如下：

1. 投資銀行成立空殼公司，擔當迷你債券的發行人。

2. 發行人向投資者出售迷你債券，指會與大藍籌掛鈎，其實將所得資金，全數買入CDO作抵押品。而這些CDO的派息條款，與迷你債券的條款相約。表面看，發行人沒任何着數。

3. 若大藍籌相安無事，投資者可安心收息，並於到期時取回本金。

4. 如果大藍籌爆煲，發行人會賣出CDO，作為投行的賠償，餘額才退還給投資者。換言之，投行是與投資者對賭；假若投行倒閉，投資者只能取回變賣這批CDO後的金錢。

友邦客戶謀定而後動

AIG出現危機，令其子公司友邦保險亦難獨善其身，顧客人人自危，兩日內已有二千宗退保發生。

儘 管港府揚言會保障友邦客戶，並禁止其資產轉移，但中大財務學系副教授蘇偉文坦言，「保險公司嘅投資非常神秘，只有投資部先知道買乜。」惟可以確定，就算保 障不變，保單的紅利亦會大減。而本刊獲友邦（百慕達）在截稿前回覆，現時有少於百分之二的總資產，投資在次按相關項目內。

現時友邦的儲蓄壽 險客戶，可謂進退兩難，若繼續投保，除擔驚受怕外，回報隨時近乎零，保單更有可能變孤兒單，皆因不少友邦的保險經紀已萌去意，有經紀說：「大家都預期未來 好難開單。」安泰人壽首席區域總監李悅富亦說：「以前叫友邦啲經紀過嚟做，本來十五十六未必肯嘅，依家都決定過檔。」

但若把保單轉去其他公司的話，之前所供的款項卻難以全數取回，保障亦可能大減，蘇偉文說：「因為你之前買落，後來你有病，佢都會繼續保你，但如果你依家斷單，轉去其他公司，佢計你保費時會計埋個病，亦都未必保你。」

但有保險公司的分區經理認為有轉機，「本來客人轉保過嚟肯定有損失，但由於今次人數應該好多，所以公司都研究緊會唔會特別處理。」因此保險公司有可能為搶客，不惜讓投保人以原有條款過檔，情願蝕頭賺尾，換言之大家最好睇清楚才決定。

中環在線：美國做侍應慘過香港 李華華

2008-12-11 AppleDaily

一 場百年一遇嘅金融海嘯，令全世界每日有好多人俾老細請食無情雞，連一直喺美國養起大量低收入同新移民嘅飲食業，近月亦不斷炒人，即使幸運有得留低，亦因為 顧客貼士大減，收入隨時低過喺香港做麥當勞。《華爾街日報》報道，花旗國飲食業已經一連5個月炒人，受影響人數多達66.5萬，係90年有紀錄以來最差。 而喺經濟寒冬下，顧客近期點菜亦「豪情」不再，轉為以經濟實惠為主，埋單畀貼士時亦勒住勒住，令侍應收 入大縮水。 冇貼士時薪得$16.6 喺 美國最低工資保障下，部份工資高州分，做侍應每小時有8蚊美金（約62.4港銀）底薪，就算冇貼士收，理應不致於冇飯開。不過，由於顧客貼士至係侍應收入 主要來源，故此美國有20個州，17年來一直將侍應最低工資維持喺每小時2.13美金，相當於16個幾港紙，比喺香港做麥當勞嘅20蚊時薪仲低，如果冇貼 士收入，真係分分鐘等乞米。

中港銀行股抵買 東尼

2009-02-05  NextMagazine

隨着假期完結，又是時候重返工作。撇除部分地產股和工業股的年結設在六月及三月，今個月起，很多銀行及大型上市公司陸續公布業績。如果想買股票，尤其是一些包含在恒生指數內的龍頭股，它們很可能隨着經濟復甦而向好。 刻下我對地產股抱持觀望態度，它們的估值雖然已經很平，惟樓市未見生機，習慣高槓桿的地產商此時又難以向銀行借貸，令我不太放心。儘管這問題在中港兩地不算很嚴重，但在不少發達國家，銀行的借貸能力於金融海嘯後嚴重受挫，亦會間接影響亞洲市場。 對於工業股，我也有同樣看法，尤其工業股的貨物集中出口到歐美，這些國家經濟正處於水深火熱，何況不少工業家也是倚靠銀行的資金，作為企業的日常水源。中資銀行業績佳 我還是對亞洲的銀行情有獨鍾，尤以內地的大型銀行為甚，這包括建行（939）、交行、工行及中行皆估值吸引，根據它們○八年首九個月的表現，去年盈利必定相當豐厚。 但股市有很多先知，他們認為內銀股的估值過高，理由是未來兩年的盈利會大幅縮減，又或因為客戶還款能力減低而作出大額撥備。他們可能是對，但這只不過是根據個人意見的猜測，因此也有一半機會是錯。如果你認為中國政府的救市計劃有效，復甦的時間勢必加快。 建 行現價跌至三元九角，市值八千八百億元；截至去年九個月，首三季盈利達八百四十億元人民幣，全年料賺一千一百億元人民幣，市盈率只得七倍半，平得匪夷所 思，何況未來還有很大的增長空間。我一如以往，認為中資銀行未來能按年約有一成半增長。而那些先知，則認為中資銀行未來兩年盈利大幅下降，但之前卻預測它 們每年能有逾兩成的增幅。 就算未來五年，中資銀行的盈利只能持平，股東仍有一成三回報；這包括百分之五點五的股息，另外百分之七點五則是保留溢利，藉以作為擴大未來盈利的本錢。 交行借貸質素較優 交行現價五元二角，市值二千五百億元，○八年首九個月盈利達二百二十億元，全年純利應該有二百七十億元人民幣，回報達一成二，實在不容忽視。交行的借貸政策可能較建行嚴謹，但我可沒有什麼實質證據支持這論調。其實看看名字便知，建行有頗多的借款是提供給地產發展的。 中資銀行在上一季有可能作出撥備，因為董事們都傾向保守，亦有可能為了放大來年的盈利，令公司的增長看似較為平穩。即使計及這些因素，這幾間銀行也相當抵買。 滙 豐現價六十一元，市值僅七千五百億元，低於建行及工行。根據中期業績，截至去年六月盈利為六百億元，但當出現了一百七十億元的減值撥備，我實在不知應如何 有效預測其全年業績，尤其是大行紛紛唱淡，成為近日新聞頭條。儘管現時無人能確實知道滙豐○八年下半年的盈利會否遜於上半年，但假設下半年賺五百億元，即 全年每股盈利約為九元。在這情況下，我實在不明白，滙豐為何要如大多數人所想般削減派息。而在這樣的盈利水平，滙豐市盈率僅七倍。 滙豐現時的值博率非常高，就算未必有即時回報，但當短期危機過去後，長遠前景肯定明朗。 東尼Tony Measor 在證券界有三十五年經驗，八七年股災及八八年股市冒升時，他所管理的香港基金表現都是香港最出眾的。 他之前是財經網站Quamnet的總編。在此之前，他在嘉洛證券工作，管理客戶二億五千萬元資金。

誰可代替 左丁山

2009-05-24  AppleDaily

任 總離任，雖然係喧傳已久之事，仍然引來極大篇幅報道，可見任總之新聞價值甚大。五月十九日中午飯過後，聽到市場消息，話政府會在下午收市後宣佈任總離職， 於是大家密切留意，四點過後。有消息嘞，任總真係鐵定十月一日拜拜，但邊位繼任呀？冇講，於是大家又有猜測，唔通唔係特首辦主任陳德霖？仲有邊個可以做呢 個位呀？賓架Ｋ打電話嚟叫左丁山猜吓。於是胡亂諗咗一輪，講四個人畀賓架Ｋ度吓：第一位係葉澍堃，一九八八年副金融司，上任財經事務及庫務局局長，一九七 三年港大畢業，未夠六十歲。賓架Ｋ話：「唔似，葉局長個個星期日在馬場董事廂房宴客，唔知幾風騷輕鬆，又做埋米芝蓮美食大使，享受美食過癮到極，點會重新 捱苦呀？」第二位係馬時亨！賓架Ｋ話：「賓架馬想做官嘅話，就唔會辭去局長唔做啦，唔似，佢o依家鍾意做教會Happy Man。」第三位係許老爺？賓架Ｋ話：「更加荒謬，許老爺連一人之下萬人之上嘅政務司司長都唔追求，做乜要妨礙佢半個徒弟陳德霖嘅前途。」係噃，此番話甚 有邏輯。 咁講法，有冇官場之外嘅人選呀？譬如鄭海泉、梁錦松、柯清輝，或者啲經濟學、財務學大教授例如王于漸、鄭國漢、廖柏偉、楊瑞輝、陳 玉樹等等？賓架Ｋ話美國有傳統去搵大學教授做聯儲局主席，但香港從未如此做過，相信保守嘅曾特首與溫總理唔會贊成，至於搵商業銀行大班，又恐怕有利益衝突 之嫌，畀議員一個藉口嚟攻擊官商勾結，本來梁錦松係外滙高手，做過財政司，係金管局總裁十分適合人選，最弊佢做財政司時被逼辭職，仍有陰影呢。   學 啲simple and naive嘅人講，環球公開招聘呀？點可以呀，英倫銀行、聯儲局、日本央行、歐洲央行、星加坡金管局何曾試過環球招聘咁重要嘅職位？金管局總裁一定需要中 央信任，特首OK先至得，點會搵外援？一啲人講公開，講透明度，講到上晒腦，根本不理會現實情況，係政治不成熟一類，辯論都嫌嘥氣。佢哋齊聲講公開招聘， 如果突然搵到一個李小加咁嘅人物，相信到時某些議員又會鬧北京隻手伸得太長！

中環在線：簡文樂十幾歲就鍾意支解 李華華

2008-04-15 AppleDaily



唔 少商界富豪細個都捱過世界，冠軍科技（092）主席簡文樂（圖）係其中一個，咪睇佢家吓身家豐厚，又係大馬主，原來佢細個嗰陣，同好多人一樣都試過喺街度 排隊輪米。佢話喺50年代出世，當時戰後冇耐，糧食短缺，唔係有錢就一定買到嘢食，家家戶戶都要配給，佢細細個就拎住「米票」去買米，屋企有7個兄弟姊 妹，買得米嚟，就冇乜錢買餸，餐餐都係得一兩碟餸咋。

喺咁嘅環境下，當時讀天主教學校嘅簡文樂一心諗住大個做神父打救世人，點知因為朋友嘅幾句說話改變主 意，後尾仲信埋佛教。簡主席話：「朋友知我想做神父，就話我未見識過呢個世界，最緊要係連女仔都未識過，拖又未拍過，第日有人因為感情事要你輔導，咪撞 板！」年少嘅簡主席，聽到呢番話覺得好啱，所以放棄做神父。

到咗十幾歲佢迷上科技，屋企嘅收音機、洗衣機，都逃唔過俾佢「支解」嘅下場。60年代末，佢見 到當時嘅政府請人寫電腦程式，仲有在職培訓，未學過電腦嘅佢，膽粗粗走去報考。佢話：「當時有幾千人考，主要考IQ同計數，我唔單止考到，仲係第二名。」