中環在線：許照中掃貨撐大笨象 李華華
|
|
身 兼港交所（388）上市委員會委員嘅僑豐金融行政總裁許照中，噚日同傳媒食飯，華華亦係座上客，熱門話題當然離唔開滙控（005），許照中話早前喺60蚊 賣咗手上嘅港交所，換馬買滙控，入貨價係42蚊，諗住第日留畀孫女喎。估唔到「勁假時段」戲劇化咁將滙控質到33蚊收市，佢咪好唔開心？點知許照中話冇嘢 噃，仲話噚日滙控收市都見42.7蚊啦，有信心會好番，仲叠埋心水等供股o忝。許照中的確好撐呢隻大笨象，佢早前喺網上發表對滙控被質到33蚊嘅睇法，話 大笨象係發鈔銀行，唔應該咁俾人質。不過有網友唔多認同，反指大笨象大勢已去喎，許照中語重心長咁叫網友唔好只向錢看，因為大笨象唔掂，香港都唔掂。家陣 經濟不穩，啲人自然人云亦云，又有幾多人會聽佢講呢？
|
| |
中環在線：美聯要錢趕仔走收港置總部放租 李華華
2008-11-13 AppleDaily
美聯集團（1200）主席黃建業近排認真唔得閒，既要面對神秘人梁向榮狙擊，又要不斷諗計為公司慳皮。集團旗下子公司香港置業，喺美國銀行中心33樓嘅總部亦都準備唔要，喺12月31日租約到期之後唔再續租，全部人手搬返去環球大廈25樓嘅美聯總部。
每月料執19萬
港 置o依家用緊嘅美銀單位，其實係由美聯持有，美聯已經拎番出嚟放租，單位面積3778方呎，呎租叫緊50蚊。如果以呢個價租出，月租都近19萬銀，租金雖 然同高峯期每呎83蚊完全冇得揮，但總算係以市場正常價錢放盤，可以幫補一吓，喺呢個時勢，小數怕長計，搵得幾多得幾多。冇幾耐前，美聯啱啱以提高生產力 為由，決定將港置公關及廣告部、資料研究部等後勤同美聯合併，即刻炒咗職位重叠嘅20幾人；冇俾人炒嘅員工，已經收拾晒細軟，全部返阿媽嘅環球總部繼續做 嘢。另外，同系嘅美聯工商舖（459）自從8月轉咗去主板上市後，咁唔好彩就要面對行業收縮嘅困局。
高層做騷有苦衷
為咗避免 一上主板業績就要見紅，行政總裁黃子華話呢排個個都辛苦咗，同時已經實行優化計劃去提高競爭力，包括cut廣告同重整人手，但未行到炒人呢一步，等人手自 然流失。不過，佢就話呢輪最重要都係定期出嚟現吓身，證明自己仲喺度，因為呢排啲網上傳聞威力好勁，唔見人一兩日，就好易俾人傳已經起咗身冇得撈。李華華
[email protected]
澳門實德：濠江賭場人流未大跌
|
|
【本 報訊】證券界普遍看淡今年澳門博彩收益，料跌逾10%；澳門實德（487）副主席兼執行董事馬浩文接受訪問時卻預期，09年當地博彩收益會增長10%至 15%，「金融海嘯對亞洲影響較細，始終仲有好多有錢人仍然會消費同去旅遊，o依家睇唔到賭場人流有大幅回落。」澳門08全年賭場毛收入按年增長31%至 1087.7億澳門元新高，但受累中央自去年5月再收緊廣東省赴澳自由行簽證，按季度比較，則是連跌3季。
瞄準拓中東俄羅斯
當 市場炒作澳門回歸10周年，內地今年有望放寬相關政策，但他認為，國家既定政策難望短時間作出更改，反而有機會放寬國內其他省市赴澳自由行，而集團亦會瞄 準拓展中東、俄羅斯及東歐等市場。澳門實德持股約44%的十六浦開業將近一年，他稱，日均人流維持約1萬人，節日假期則達1.5萬人次，當中逾半是內地遊 客，香港客佔30%，中場每日換碼數逾1000萬元，至於高額投注區每日轉碼數亦達1000萬元；而酒店部份入住率平均達60%至70%，日均房租介乎 1300至1400元。貴賓廳開幕日期一再延遲，他指「貴賓廳大部份牽涉放數問題，喺呢個經濟環境，經營風險較大」，故現計劃上半年先開6張貴賓賭桌。至 於十六浦興建商場的計劃，將於農曆新年後有定案，他預計，投資總額介乎4億至6億元，而集團已為應佔權益部份作資金準備。台灣容許在澎湖開賭，他曾前赴當 地視察，指當地適合發展優閒式娛樂場所，惟集團須待有關當局設定框架後才能作出部署。
|
中環在線：傅成玉買嘢要靜雞雞 李華華
2008-10-06 AppleDaily
中 海油（883）董事長傅成玉3年前睇中美國能源商優尼科，但埋到收銀處想話買，俾美國政府截停，搞到買唔成。衰咗唔緊要，最緊要學精，上個月系內海油服務 （2883）終於成功買咗間挪威鑽井服務公司Awilco Offshore ASA（AWO），早前傅成玉接受內地《英才》雜誌訪問，講到兩次購物經驗，話上次衰咗，原因之一係太高調，樹大招風，一單商業買賣俾人搞到政治化，今次 學精咗，一於靜雞雞買完先話畀大家知。《英才》引述傅成玉話，中國企業以往未搞過咁大嘅收購，所以嚇親全球，今次買嘢內部保密做到足，事前雖然歐洲有報 道，但國內就冇。同時接受訪問嘅海油服務CEO袁光宇就話，呢段時間有幾次走漏咗啲消息出去，佢哋好擔心俾人攞嚟炒作，好彩最後都買得成。
冇俾人佔便宜
袁光宇仲話，談判對手，即係AWO嘅董事長同佢年紀差唔多，都算精明咁話，不過佢補充多句：「但是我覺得也沒有精明到佔便宜的份上。」
東岳錯盤股價瀉八成 AppleDaily
2008-03-01 AppleDaily
港股昨出現一宗烏龍交易，令去年甫上市的東岳集團（189）股價急瀉八成，收報0.28元，市值由前日的29.18億元，縮減至5.83億元。消息人士 指，收市前30秒，東岳股價仍企於1.16元，但最後14秒，懷疑有客戶按錯輸入價，以0.27元掛出5.4萬股沽盤，有人眼見筍價立即掛入 接貨，結果一宗1.45萬元的成交，令公司市值縮水八成。事後港交所（388）接獲申報，指成交是由於錯誤輸入所致，但由於雙方已承盤，交易不能取消。有 經紀估計下周一東岳股價將回復正常，重上1元水平。
greatsoup:
原來這家公司是錯盤，我猜那是經紀按錯了，錯把匯富金融(188)的沽盤，變成東岳(189)， 如果是客戶按錯，應該是終端機入盤，如果是銀行入，根本無可能成功沽出。
它的股價最高是0.27，最低是0.25，平時東岳個盤好疏，所以收市前一個較大的賣盤已把股價打落去，有位精明買家立刻掛兩毛八買進，結果成功購入幾千股。那位成功的買家，可以賺到幾千元，真好。
希望星期一可以博大霧買入幾千股。
中環在線：now唔用娛樂台撼對家 李華華
2008-11-13 AppleDaily8 號仔旗下nowTV同K寶嘅競爭，未有因為市道差就休戰，nowTV噚日再出招，介紹新頻道。之前傳佢哋會推新頻道，大家都以為係娛樂台，對撼K寶嘅娛樂 新聞台，點知大家估錯晒，nowTV噚日公佈，新台叫「now香港台」，唔係純娛樂八卦嘢，而係資訊娛樂綜合頻道。電訊盈科電視及新媒體董事總經理梁德昇 話，個頻道第一期投資咗幾千萬銀，家陣nowTV有90幾萬客戶，新頻道嘅目標希望吸引到幾十萬個客；佢仲話金融海嘯下，冇乜客要求轉台喎。
Isabella可能亮相
至 於「now香港台」有乜噱頭呢？節目包括鄭經翰主持嘅《星期日大班》；林珊珊同嘉賓喺《Have a Nice Day》一邊食甜品一邊傾心事；同埋搵藝員歌星去探險嘅《一個地球》……聽到呢度，有口痕友問梁德昇會唔會搵梁洛施（Isabella）做嘉賓，講吓同楷 楷之間嘅心底話，或者講佢同楊生打官司嘅冒險經歷，絕對係話題之作，佢答話：「暫時冇搵佢，但唔排除將來有呢個可能性。」咁就要『目及』住嘞。
華置勁蝕15億大劉收息14億
|
|
【本 報訊】華人置業（127）出售證券投資獲利36億元，但因投資物業重估減值75億元，昨公佈截至去年12月底止全年虧損14.9億元，撇除投資物業重估減 值，實賺44.5億元增長63%，每股盈利2元。末期息1仙，另派特別息99仙，共派息1元，持股69%、人稱「大劉」的劉鑾雄收息14.18億元。記 者:高淑嫻
股東收息其實是人之常情，但按聯交所資料，劉鑾雄自去年11月底至今年1月中，合共斥資11.5億元，18度增持華置，12 月增持得最頻密，有13次，其中一次，就是向英國兒童基金（TCI）一次過以10.4億元買回8.3%或1.73億股。劉鑾雄今次收息逾14億元，已經彌 補到他連番增持華置的成本。
彌補大劉連番增持成本
其實，當華置1月公佈，已於去年底悉售證券投資組合獲利逾36億元後，證券 界便估計，華置可能派高息或派發特別股息。劉鑾雄兒子、華置非執行董事劉鳴煒昨表示，今次派息應是歷來最多的，派高息不是因為劉鑾雄「等錢使」，公司亦只 是於最近數周才開始考慮派特別股息。他解釋，華置去年底手持現金104億元，派息後，仍坐擁80億元，遠多於業務發展所需；與其把現金放於銀行收取微薄的 利息收入，不如派予股東。雖然公司在業績報告中指，如日後有融資困難可能供股，但劉鳴煒澄清，今年需要供股的可能性非常低。
劉鳴煒：供股機會微
除 了大股東增持外，華置去年亦斥資22.9億元，回購公司股份，等於每股1.027元。被問到今年會否繼續回購，劉鳴煒說，要視乎市況而定；會否重提私有 化，則暫時無定論，考慮因素多。業務方面，華置去年租金收入增25%至8.8億元，零售及寫字樓部份分別升22%及32%，主因寫字樓續租租金提高，新港 中心與皇室大廈一期翻新工程07年第三季完成，去年提供全年貢獻。劉鳴煒坦言，經濟轉差，今年租金有下調壓力，惟旗下投資物業位置理想，減租壓力較細。雖 然華置早前減價三成推售灣仔York Place，但劉鳴煒強調，樓價再跌空間有限。他對中港樓市有信心，表明坐擁巨資，遇有合適機會，未來6至12個月將買地，另亦考慮入市買股票。
華人置業08年業績概況
營 業額金額：12.65億元變幅：-71.8%投資收入淨額金額：39.96億元變幅：+185.6%投資物業重估減值金額：（74.68億元）變幅：增值 轉減值虧損金額：（14.94億元）變幅：盈轉虧每股虧損金額：（0.67元）變幅：盈轉虧撇除投資物業重估的實際純利金額：44.5億元變 幅：+62.8%每股實際盈利金額：2元變幅：+66.7%撇除投資物業重估及投資收益的純利金額：7.6億元變幅：-50.5%末期息金額：1仙變 幅：-95.6%特別息金額：99仙變幅：不適用
劉鑾雄增持華置情況*
2008年11月（2次）股數：152.8萬股涉 資：863.8萬元2008年12月（13次）股數：1.82億股涉資：11.1億元2009年1月6日股數：119.7萬股涉資：1123.5萬元 2009年1月5日股數：96.3萬股涉資：904.1萬元2009年1月16日股數：73.4萬股涉資：683.8萬元總數股數：1.87億股涉 資：11.46億元*去年11月至今
|
中環在線：星「記者」嚇親金融才俊 李華華
|
|
華 華一向覺得，冇嘢比焗賭跟住輸錢更谷氣，但幾日前同個專為對冲基金做買賣嘅鬼佬經紀K傾偈，原來可以比焗賭輸錢更慘──就係不但焗賭，仲要買乜都幫你決定 埋，之後輸大錢你仲聲都唔聲得。呢單嘢當然唔係喺香港發生，有嘅話我哋《蘋果》都報咗啦。咁離譜嘅嘢其實係喺李家天下嘅新加坡發生。大家都知佢哋政府抱住 「官醒過民」嘅心態，從市民吸血汗錢，之後就經淡馬錫等國投公司買嘢。咁舊年佢哋好豪咁入咗好多外國銀行股，輸到趴街。
聽經紀K話佢哋早前開咗個討論會， 會中有個金融才俊揸咪鏟爆出席嘅國投高層。高層用例牌嘢解答，散會後有個自稱記者嘅人走埋才俊度，問佢個名同喺咩單位返工。才俊沾沾自喜以為有人賞識。點 知個「記者」一走，才俊個朋友即刻走埋去同佢講：「嗰個邊係記者，我話係政府嘅人，抄低你個名慢慢查你。」才俊當堂心慌慌。
|
中環在線：黃志祥冇被「kill」皆因蠢 李華華
2008-11-14 AppleDaily
城中富豪聽到Accumulator（累計認購期權合約），個個都為之色變，噚日信和置業（083）舉行股東會，地產大好友、信置主席Robert黃志祥亦為之變臉，但並唔係口黑面黑，相反係紅粉緋緋、容光煥發！
唔明Accumulator點玩
冇 人勾地，賣地會常客黃志祥好耐未有公開蒲頭，大家當然關心佢有冇投資I kill you later損手。Robert劈頭強調：「一張都冇買，上市公司冇買、自己亦都冇掂過。」連「缸湖」經驗豐富嘅富豪都中招，點解Robert咁叻可以獨善 其身呢？佢笑住話：「唔係自己叻，係蠢至啱。」皆因兩年前股票漲價嘅時候，有投資銀行猛游說佢買，但係當時佢聽都聽唔明Accumulator點操作，直 至最近報紙雜誌不停報道，先知箇中玩法。臨走，Robert仲滿面笑容咁補多一句：「o依家好幸福。」唔知其他被「kill」嘅富豪聽到，有冇啲酸溜溜嘅 感覺呢？另外，經濟差，本地樓市交投近乎死寂，前兩年頻頻喺中港買地嘅Robert，繼續發揮大好友本色，話香港係福地，有大陸喺後面撐住，我哋又驚乜？ 仲趁機擦阿爺鞋，一輪嘴讚領導人「一流」、「真係叻」同埋「精明」，所以中國係今次金融海嘯傷得最小嘅國家，香港亦會好快復蘇，總之明天會更好。
讚領導人一流
講到呢度，Robert三句不離本行，話經歷過亞洲金融風暴，相信香港人過多幾個月之後，就會諗吓o依家買樓都唔錯，既可以租畀人，又可以自己住，到時信心返嚟，自然多人買樓咁話。果然係大好友。李華華
[email protected]
中環在線：麥兜效應勁過丁蟹 李華華
2008-10-29 AppleDaily
「秋 官效應」大家都耳熟能詳，咁「麥兜效應」又有冇聽過？佢嘅殺傷力絕對唔講得笑，唔係華華無中生有，而係曾經參與麥兜動畫製作嘅袁建滔，喺個人網誌留言話： 「其實除了『丁蟹效應』外，『麥兜效應』亦相當靈驗，殺傷力更巨大。」「麥兜效應」威力有幾勁？97年首部麥嘜動畫TV版《麥嘜故事》製作冇耐，亞洲金融 風暴就爆發，恒指江河直瀉六成，低見6660點。2001年，第一齣《麥兜故事》動畫電影開始製作，又撞啱911恐怖襲擊，恒指半個多月插水超過2000 點。兩年後即03年，製作《麥兜：菠蘿油王子》，咁啱得咁蹺又撞正沙士，港股半年急挫近兩成。
新片製作中大市又跌
今 年《麥兜．武當》嘅製作如火如荼，竟然又碰正百年一遇嘅世紀金融海嘯，恒指高台跳水，年初至今急瀉55%，都咪話唔信邪。難怪網誌主人袁建滔結尾話：「再 搞落去，我怕會世界末日，準過健次（電影《20世紀少年》男主角）嘅預言書。」麥兜係隻豬，又唔係熊，邊個會諗到跌市又關佢事？
金融海嘯套餐
麥 太：家吓除咗特餐、常餐，仲有乜餐？黎根：嘩，犀利囉，有金融海嘯套餐呀！跌市坐艇唔使愁，華華噚日收到讀者email一個「金融海嘯套餐」下火，呢個套 餐由網友Casablanca-220設計。餐前小食：勒緊褲頭過日子薑一碟時令精品：真正紮實甘香和味足両大閘蟹全體精選菜式：經濟實惠吊鹽水陸續有嚟 炒鮮魷三聚氰胺炸鮮奶孔雀石綠燉冬菇無底深潭苦瓜盅酥皮迷你債券批窩輪炒河（簡稱「窩河」）乞米炒飯（簡稱「乞米」）美點雙輝：炒燶期指餅勁蝕千層糕滋潤 糖水：過眼雲煙白果水菜價：$7000億席設：金融大酒樓海嘯廳試菜嘉賓：吹水詩人註：上述特價套餐有效期至不知何年何月李華華
[email protected]
Next Page