📖 ZKIZ Archives

上週更新 (1 Dec - 7 Dec) PARTIPRAL - ROAD TO FINANCIAL FREEDOM

http://partipral-hk.blogspot.hk/2013/12/1-dec-7-dec.html
組合單位值: 104.99
組合週回報: +4.11% (YTD: +16.24%)

現金水平: 2% (前週: 17%)

上週組合持股變化不大, 主要加入DYNAM JAPAN(6889)及剔走新華保險(1336). 重倉股金山(3888)及短線倉位表現理想, 帶動整體回報繼續衝高.

DYNAM JAPAN(6889)估值一向相當便宜, 但直至十月前交投量其實非常疏落. 少有投資者參與此股是因為公司本業 - 彈珠機業務增長空間不大; 而日元持續貶值, 換算港紙入賬令利潤變相少一大截亦更令人卻步. 近數星期股價段段快放, 最大賣點在於炒作日本開賭概念. 自己並不是特別醒目, 行快市場幾步; 入市價貼近$21, 用一個月前既角度睇就更屬高得離譜. 決定落注, 某程度上是純炒消息, 炒動力, 炒市場情緒. 止蝕位放$20-$21, 輸極有限. 起碼有四釐半息打底, 點計都著數過炒勵駿(1680).

內險自11月18號大幅抽升後, 目前走勢傾向貼近指數表現; 變相純粹買BETA, 倒不如另闢蹊徑. 賣走新華(1336), 便是因為要套回資金加注星期五出現小幅整之水泥股. 山水水泥(691)於MSCI換馬後明顯扭轉弱勢, 股價已經連續兩星期急升, 但相對同業而言仍然甚為落後, 因此仍有一定可搏之道; 自己另一水泥股倉位中國建材(3323), 未跌穿$8.6前仍然會繼續死坐.

目前股市炒作氣氛相當熾熱, 求其掟飛標都升既日子又再來臨, 一時不留神便很容易被短期勝利沖昏頭腦. 近日體驗到阿信屋(759)及勵駿(1680)兩大熱炒股單日抽高後狂插; 加上巨型新股IPO潮開始接近尾聲, 作為投資者現階段其實應該更為審慎. 提升現金水平, 並將現時倉位止蝕 (止賺) 位逐步上移, 似乎不失為一個既能沐浴泡沫, 又能及時抽身而退的好辦法.

電能實業 (0006.HK) 分拆後的投資價值 PARTIPRAL - ROAD TO FINANCIAL FREEDOM

http://partipral-hk.blogspot.hk/2013/12/0006hk.html


電能(0006.HK)落實分拆本地業務港燈獨立上市, 目標於1月底前完成整個分拆程序, 估計市值介乎480-634億. 港燈上市後電能只會保留30-49.9%控股股權, 以招股中間價計, 預期前者因而套現至少279億港元; 若計及子公司還款, 電能至少可以套回480億現金. 李超人一向眼光超準, 若然港燈最後成功以如此估值獨立上市, 電能及其母公司長建(1038)必屬最大得益者.

首先, 兩電利潤管制協議會於2018年到期, 9.99%保證資產回報率幾可肯定會面臨重大下調壓力. 相對十多年前, 經營本地供電業務吸引力已經大大降低, 變相公司增長力亦受到限制. 電能如今有機會將港燈股權以一個頗理想價錢出售予市場投資者, 套回資金繼續投資海外公共事業, 對公司未來發展甚有幫助. 參考過往數年電能與長建同向外闖的往績, 管理層對收購項目價錢及時機的判斷力實在無容置疑.

其次, 透過今次分拆計劃, 電能不單止可以借賣股而套回現金; 更大關鍵是可以向港燈收回約兩百多億的股東貸款. 整個過程中變相令電能可以將大部份債項轉移至子公司港燈身上, 而母公司負債比率因此而大大改善, 提高日後進行收購活動的靈活性.

電能目前潛在的投資價值:

1. 拋下本地雞肋業務後, 轉戰海外進行更高投資價值的收購活動, 令公司價值得以提升.

2. 聯儲局提前退市, 債息重回上升週期. 公司及時減債, 改善資產負債表, 利息負擔亦得以降低.

3. 分拆港燈後套回大量現金, 有機會派特別息為大股東長建(1038)減債.

4. 股價現已跌至貼近$60邊緣, 股息率回升至4%以上, 價錢已趨向合理.

最大風險:

1. 分拆計劃最終因為市況欠佳而擱置

2. 海外併購活動遇上阻力.

操作建議:

債息重返上升週期後, 公用/高息股對投資者而言吸引力肯定大大降低. 但基於組合配置考慮, 公用/防守股亦須佔一定比重. 電能現價$60.2, 不期望會忽然大升兩三成; 但成功分拆的確有助公司重新釋放潛力, 現價有4釐股息打底實在是上佳後衛股選擇.

建議買入, 佔組合10-15%, 目標價$70以上.

派得好投資組合月結 (Dec 2013) / 半年結 PARTIPRAL - ROAD TO FINANCIAL FREEDOM

http://partipral-hk.blogspot.hk/2013/12/dec-2013.html
今年投資股票看似舉步為艱, 恆指2013年全年僅錄得3%升幅, 而國指更要跌超過半成收爐. 不過只要有份參與其中就明白今年本地股票市場是相當容易賺錢. 先不論齋買藍籌股, 騰訊(700), 和記(13)搭金沙(1928), 銀娛(27)基本上已經可以贏到笑; 普遍細價股更是炒到曉飛, 尤其第4季開始已經近乎掟飛標都中, 技術含量甚低, 若然今年回報少過兩成, 其實已經是肥佬.

時來風送藤王閣, 作為投資者要考慮的其實不是市旺時贏得有幾勁, 而是萬一市況逆轉時, 自己是否有足夠實力及心理質素作出相應調整, 對抗難關. 回望過去三年, 雖然未見過大型股災, 2011年8-9月; 2012年5-6月; 2013年6-7月市場皆曾出現過具相當深度的調整, 但其後往往能夠化險為夷, 重新上路. 要在最絕望的時候抱有希望, 正是投資股票最難的地方.

自己近來開始有多少迷失方向, 是因為於投資領域上愈來愈找不到自己具優勢的地方. 沒有能力比市場行先一步, 投資組合只會愈來愈貼近整體市場表現. 一直希望藉選股技巧而跑贏市場, 但今年投資數隻重倉股如信星, 包浩斯等效果皆未如理想, 反映自己選股方面仍然有相當大既改善空間. 唯一值得慶幸的地方是自己注碼控制方面比以前有所進步, 當遇上判斷錯誤時果斷斬倉, 令單一交易佔組合最大虧損控制在0.5%之內, 起碼唔會輸入肉, 對心理及實際操作上負面影響亦可減至最低.

選股上最具信念的仍然是一攻一守的金山軟件(3888)及電能實業(6), 其餘大多是有短期新聞或消息觸發, 買入後是搏一個短至中線的向上趨勢, 多數不設目標價, 但萬一形勢轉差便嚴守紀律止蝕離場. 沒有明顯投資取態, 對強勢, 弱勢板塊皆沒有強烈看法, 基本上再次確認自己是已經迷失方向. 會繼續參與炒賣但較傾向保留一定現金水平, 靜候重拾投資狀態的一日.

==================================

投資組合單位面值: 105.40
2013年YTD: +16.69% (月回報: +4.53%)
(上月月結: 100.73 / 2010年7月1日起始值: 60.00)

股票編號	股票名稱	組合比重
03888	金山軟件	10.766%
00006	電能實業	9.899%
02038	富智康集團	8.035%
00691	山水水泥	6.416%
06889	DYNAM JAPAN	6.103%
00268	金蝶國際	6.063%
00981	中芯國際	5.877%
00636	嘉裡物流	5.308%
00566	漢能太陽能	5.074%
01083	港華燃氣	2.887%
00813	世茂房地產	2.861%
00573	稻香控股	2.775%
02618	TCL通訊	2.543%
01170	信星集團	2.457%
00179	德昌電機控股	2.408%
00311	聯泰控股	2.184%
00888	路訊通	1.670%
00052	大快活集團	1.275%
	現金比重	15.399%

==================================

本月已平倉交易表現:




==================================

上月月結: 派得好投資組合月結 (Nov 2013)

第3年全年結: 派得好投資組合年結 (2012-2013) / 全年結
第3年半年結: 派得好投資組合月結 (Dec 2012) / 半年結
第2年全年結: 派得好投資組合年結 (2011-2012)
第1年全年結: 派得好投資組合年結 (2010-2011)

投資組闔第4年(07/2013-06/2014)回報: +16.73% (最高: +17.14% / 最低: -2.49%)
投資組闔第3年(07/2012-06/2013)回報: -0.83% (最高: +3.78% / 最低: -5.17%)
投資組闔第2年(07/2011-06/2012)回報: +20.7%
投資組闔第1年(07/2010-06/2011)回報: +26.4%

近期更新 (1 Jan - 11 Jan) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/01/1-jan-11-jan.html
組合單位值: 111.75
組合週回報: +2.84% (2014年回報: +6.02%)

現金水平: 5% (前週: 8%)

恆指2014年開局並不理想, 暫時錄得近2%負回報, 主要受國企股表現拖累. 個人相當同意基金經理黃國英看法, 已經連續幾年聽過無數次甚麼經濟增長, 國策扶持, A股估值超平...宏觀條件琅琅上口, 卻往往忽視大陸企業質素有限, 盈利趕不上, 生意做得幾大只係徒然. 無謂對國企有所憧憬, 細看個股表現, 則繼續炒個不亦樂乎, 濠賭, 軟件,手遊, 物流, 彩票等公司隻隻升到曉飛, 某程度上亦反映出目前市場資金相當充裕, 順勢而行, 從中取利並不算困難.

近日比較多買賣, 但仍有值得紀錄的地方. 長線持倉加入友邦保險(1299), 主要因為息口向上將會是未來數年比較明顯的趨勢, 對保險公司投資回報有正面影響, 從而帶動盈利增長. 根據過往幾年經驗, 藍籌股係唔需要擔心無機會買平貨. 強如銀娛(27), 騰訊(700), 去年亦曾有段時間跟隨大市作出調整. 友邦目前仍貼近歷史高位, 自己第一注不會落得太大, 候低再作吸納.

中短線倉位, 比較有信念仍然要數物流公司. 可以有排玩既概念, 自己主打嘉裡物流(636), 另搭珠江船務(560)及深圳國際(152). 前者勝在穩陣, 早已有能力為企業提供由倉儲, 送貨以至退貨管理一條龍服務; 公司亦具品牌效應, 其他競爭者很難打破既有企業護城河, 目前預期P/E過20倍是偏貴, 但貴得有道理. 撇除短線炒作股票供求, 公司中長線競爭優勢強勁, 是自己相當鍾愛此股的地方. 珠船(560)算是比較冷門的物流概念股, 主要是有母公司注資預期護航, 仍有一定可搏之道. 唯一考慮是不明朗因素較大, 操作時要注意技術走勢. 深國(152)物流業務佔整體比重不高, 有想像空間. 只是公司本身屬綜合企業, 不能期望估值會忽然提高甚多, 但現價$1搏15%上升空間則應該不難, 算是穩健之選.

金山軟件(3888)去年十一月起一直是自己重倉股, 有幸低位買到, 目前是應該死坐不放. 為科網公司訂下目標價是相當多餘的做法 - 輕資產型公司勝在想像空間遼闊, 未有理據證明業務已走到盡頭, 又何必為其設限? 金蝶(268)與阿里爸爸合作, 變相獲得強勁後台將產品迅速推廣, 絕對是扭轉基本因素的拐點, 應該能夠重新吸引基金進場. 自己不是特別醒目, 第一注要到$2.3先識得追買, 但目前效果算是頗理想; 要留意此股波幅甚大, 注碼不能落得過大, 以免容易被震走.

短線操作: 金保利新能源(686)自招商新能源入主後已轉營成太陽能發電公司, 透過併購持續壯大. 盈利前景頗明確, 早前發公告指新收購項目已經成功併網會是新股價催化劑. 基金肯$1.7接貨, 現價感覺上仍是傾向便宜; 但潛在股本攤薄效應嚴重, 目標價不會定得太高, 止蝕放$1.55則應已足夠. 另外國內手機品牌日漸壯大, 自己亦加入參與手機概念股, 平均注碼買舜宇(2382), 富智康(2038)及TCL通訊(2618). 此類股份想像空間遠遠不及科網公司, 很難賺到大錢便不用落太過重注.

漢能(566)上週五終於復牌, 表面上係溢價配股, 但只係因為股價幾日內急插左落黎. 陰謀論一點推測, 早前若然有人大手沽空, 如今能夠於$0.82一次過補貨, 實在係賺到笑. 自己早知此公司質地欠佳, 之前買入純粹搏超賣反彈, 其後公司停牌, 自己不幸受困. 難得復牌後空軍趕住平倉, 帶動股價急升兩成, 自己理所當然沽貨離場. 今次操作純粹贏運氣, 沒有值得可誇的地方. 反而自己當日買入前早有心理準備會輸多兩成, 注碼落得不大, 就算公司停牌亦未致於無覺好瞓; 但一個唔好彩其實係有機會就此停賽數年, 明知公司負面新聞多多, 火中取栗, 下次是應該再買細一點.

近期更新 (12 Jan - 18 Jan) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/01/12-jan-18-jan.html
組合單位值: 115.03
組合週回報: +2.94% (2014年回報: +9.14%)

現金水平: 2% (前週: 5%)

上週更新 (19 Jan - 25 Jan) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/01/19-jan-25-jan.html
組合單位值: 112.57
組合週回報: -2.18% (2014年回報: +6.80%)

現金水平: 28% (前週: 2%)

澳門股上週出現重要調整, 而週五股王騰訊亦跟隨倒下. 正如之前留言所講, 若然今轉中細價股炒作浪潮真的由澳門股及騰訊所帶起, 兩者見頂, 或許亦是今轉狂潮的轉捩點. 早前跟紅頂白勇字行頭無所謂, 但千萬唔好頭昏眼熱以為自己買果堆股真係好好景, 講到底, 所謂環保, 彩票, 物流, 手遊等等, 可能純粹只係受資金帶動而起舞. 呢堆所謂強股累積升幅甚巨, 贏家一路買上黎感覺良好當然唔介意大注疊上去, 但依家明顯已見短期頂部, 只會愈來愈多人唔介意賺少D TAKE左PROFIT先, 上週會是一個頗關鍵的轉角位, 增持現金是最理想做法.

派得好投資組合月結 (Jan 2014) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/01/jan-2014.html
組合單位值: 112.55
組合週回報: -0.01% (2014年回報: +6.78% / 1月回報: +6.78%)

現金水平: 8% (前週: 28%) 

"巴黎鐵塔反轉再反轉"

上週寫週記時係恐慌到嘔, 若然唔係一早沽左一堆野, 今週開市好大機會係低位剪哂佢. 由星期五(24/1)成手澳門股PUT, 到星期一(27/1)買到滿倉永利(1128), 新濠(200), 講緊都係半個交易日內完成既轉變. 構成轉VIEW關鍵, 很大程度出於星期一開市一刻澳門股明顯跌得過籠, 講緊係銀娛(27)跌8%, MGM(2282)跌近10%, 一張2月10%價外PUT可以升3倍, 當時一刻未肯定見底, 但基本上已經可以肯定唔會追沽; 及後於恆指隊得最勁一段時間, 騰訊(700)迅速回穩, 金山(3888)亦一度有強勁買盤掃上, 就是更大誘因去平掉手頭淡倉. 午市後指數無大起色, 但明顯見澳門股及騰訊已經喘定, 而亦有幾多二, 三線股倒升. 跌近500點但完全感受不到恐慌情緒有蔓延跡象, 星期一應該係另一個關鍵日子.

自己一直無參與澳門股, 主要係因為已經錯過最爆炸性一段, 就不想再追. 其後一升再升, 作為局外人唯有眼光光. 濠賭屬結構性增長行業, 但股價升得勁很大程度是由投資者情緒拉動, 依一刻係好難預測究竟澳門股會點走: 呢世都唔會再見一月份高位? 抑或最近調整隻係為左走更遠既路? 正等如去年11月$17時買金山(3888), 都唔會知究竟有冇機會再上返$24. 講到尾都係值搏率問題, 星期一摸住個底買永利, 新濠, 每股最多都係擺低$1-$2; 若然今次確然見底, 是有機會再挑戰歷史高位. 既然輸極有限, 便可以無懼風雨衝入場搏一鋪. 至於後來將部份正股換成期權, 則是操作上的考慮. 

一月份有做得好, 亦有做得不好既地方, 高位出清DYNAM JAPAN(6889)頗為關鍵. 整體拉勻有得贏, 都應該值得滿意. 組合經過一輪調整後仍以金山軟件(3888)作重倉股; 堅持歐美逐步復甦乃今年其中一個投資亮點, 隊得最狠果時衝入場接左一堆出口股, 目前稍見起色; 雖然德昌(179)仍在捱價, 但見歐洲同業Faurecia(EO:FP)及Valeo SA(FR:FP)股價不算差, 暫時不太擔心. 

組合趁指數大跌時趁機納入中航信(696), 搏內地旅遊增長, 此股攻守兼備是有可搏之道. 純炒短期供求效應, 上市日競價盤追買新股老恆和(2226). 如早前留言所講, 自己跟炒新股, 多數等上市首日才追買, 如636, 586, 1359, 2226等等. 上市後投機新股主要都係炒供求效應, 操作概念係要國際配售分貨小, 公司業務夠獨特, 即市場並無其他選擇及公司集資後發展計劃吸引, 會有基金肯追 - 老恆和是符合以上全部條件. 值搏率比正常情況更高的原因是市況轉差, 多一手黨見上市已經贏咁多便會爭先沽貨, 有利有心人收貨後再炒上. 甚麼MAGNUM, 諾奇, 米格等自己則是不會追, 原因是公司業務並無特別之處, 基金追貨動力便不強. 雖然目前已經累積一定升幅, 但我睇短期應可再抽幾棍.

處於經濟溫和增長期, 資源股唔會太叻但亦唔會太差, 中海油(883)每年都總有段時間跌到要執笠咁款, 但往後又會升到你唔信. 目前跌近波動區間底部, 是值得入場搏反彈. 貪槓桿夠大, 自己買左少少二月價外CALL搏搏. 聯想向Google收購Motorola, 市場昨日(30/1)明顯以行動投不信任票. 感覺上呢單收購係反映聯想仍在打算進攻手機市場, 甚至有多少為國出力的味道; 相反Google早已知道未來科技戰場應不在此. 無論生意目光, 公司質素Google都遠在聯想之上. 今單Deal應該係失敗之作, 加上聯想仍在處理收購IBM伺服器業務, 要同時Handle好兩單交易亦是潛在不明朗因素. 貼近歷史高位, 個人認為是可以用較價外的PUT做淡. 

今日(31/1)開始參與美股買賣, 由於用開的銀行手續費用昂貴, 自己又沒時間兼顧兩個市場即市炒賣, 操作美股個人是傾向較長線持有. Facebook, Google兩大科網巨擎剛公佈強勁業績, 縱然估值甚貴, 但勝在想像空間遼闊, 齊齊破頂後不應就此停步. 

展望二月份馬年開局, 個人操作上仍然傾向審慎一點, 最大問題係好多股都似見明顯頂部, 升上去又會有堆人爭住止賺, 為降低風險, 買貨只集中數個SECTOR去買就算. 另外最重要係睇騰訊及澳門股能否守穩一月份低位, 若然失守, 便應提高現金比重及加強對沖. 多加留意是否有股票於期內向上突破, 強股就在此中尋.

上週更新 (9 Feb - 15 Feb) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/02/9-feb-15-feb.html
組合單位值: 114.10
組合週回報: +0.83% (2014年回報: +8.25%)

現金水平: 0% (前週: 8%)

上週指數出現明顯反彈, 組合卻明顯跑輸. 目前市況, 自己推斷是叻極有限. 中資金融股, 內房等挾完兩日便開始無以為繼, 上升指數股很可能只會繼續圍繞和黃(13)及騰訊(700). 會有少量個股可以突圍, 因此目前操作策略一定是好淡並行. 寧願贏少D, 也不願再出現急跌時會束手無策.

上週組合主力搏反彈, 中海油(883), 民行(1988)CALL, 友邦(1299)CALL現皆全數平倉食糊. 港股根本長期弱勢, 看看美股大跌後迅速復原, 簡簡單單揀幾隻巨頭回報已經相當可觀. 繼續留戀港股, 純粹只因為地區情意結. 但買股票感情用事可以輸到嘔血, 因此未來方向都係逐步轉移陣地較好. 蒙牛(2319)獲蒙能溢價大手入股, 反映行內人對整個乳業長線係非常看好. 時間性可能係以年計, 因此破頂後有沽壓絕不奇怪. 有染藍效應短期內跌極有限, 個人操作係點都先買一注, 若有低位便值得再加注.

組合加入華油(1251), 環亞(1390)作短線操作. 不難發現兩股上週皆有壞消息拖累股價大跌: 前者因為業務主力哈薩克貨幣大幅貶值兩成; 而後者則因為公佈一份甚差之中期業績. 自己看法如當日留言所講: "哈薩克貨幣大幅貶值19%，而華油有4成收入來自當地乃1251大跌主因。盈利會受影響，但公司亦能夠相應提價，只是時間上會有所延誤，消息應該不致太壞。" 其後數間大行相繼發出報告, 觀點亦大致相近. 自己睇目前華油是有一定值搏率去搏反彈, 而目前將止蝕位推上至入貨價基本上已經可以立於不敗之地. 環亞(1390)績後大跌, 個人推斷市場反應或者有多少過敏. 上市費用屬一次性開支, 盈利受拖累無可厚非. 目前估值當然是超貴, 但投資者個多月前將此股炒上又何嘗不知估值並非合理. 大家一直都在賭預期, 一次業績無可能就此扭轉, 因此跌得太勁便可以有得搏.

自己很少無故接刀, 因為實在太危險, 而且是有機會輸一鋪好勁. 選擇接刀, 大部份時候都係睇到股價見底回升才會出手, 原因是止蝕位易定; 而在壞消息公佈後, 股價有否跌穿前一日低位(FOLLOW THROUGH)亦是重點考慮的地方. 邏輯推斷, 若然股價無再創新低, 即代表壞消息已被市場消化(PRICE IN), 要股價再跌, 便要新催化劑. 在入市一刻, 上望多少相對而言反而不太重要. 當然無可能次次都搏得中, 但最關鍵是損失會否在受控範圍之內. 輸極有限, 便可以勇往直前賭一鋪.

期權操作方面, 中煤能源(1898)剔出恆指成份股, 被動式基金沽貨肯定沽到暈, 參考上年中鋁(2600)經驗, 自己睇穿52週低位絕不奇怪. 下月$3.5 PUT頗為抵買, 淡倉首選. 和黃(13)有業績期護體, 加上有歐洲復甦概念, 未來數星期有機會升到你唔信. 一成價外CALL看似進取, 但殺入價內亦非天方夜譚, 注碼可以再放大一點. 聯想(992)業績靚但挾唔起, 估值剛剛被下調, 橫行一輪後會陰陰又跌過. 當然如果指數升聯想都唔會跌得太勁, 但現價肯定難以吸引長線基金重新進場. 繼續做淡, 工具方面則可能用遠期價外PUT較好. 中海外(688)早前挾得狠, 但純粹出自空倉回補, 現價開PUT值搏率頗高. 澳門股已經脫險, 波幅開始收窄後現階段CALL/PUT也不宜做, 暫且不理.

派得好投資組合月結 (Feb 2014) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/02/feb-2014.html
組合單位值: 114.70
組合週回報: +0.14% (2014年回報: +8.82% / 2月回報: +1.89%)

現金水平: -5% (前週: 26%)

二月份組合表現欠佳, 原因是投放過多注碼於信心不足的交易上, 尤其股票交易方面買賣太過進取, 拉勻是輸得頗勁. 月尾埋單贏少少, 某程度上是全靠月頭搏中聯想PUT頂住. 搞完一輪到最尾都係要一隻救全家, 其實是頗悲哀, 因為操作過程中肯定發生過太多失誤. 目前市況, 中資股繼續不濟, 恆指則完全由騰訊一隻獨大, 其他大價股票彷彿已不再重要. 市場氣氛可以一日好一日衰, 亦是太難捉摸. 自己手風轉差之餘, 又開始踏入類似十二月的自我迷失, 開始唔懂得去選買股票, 因此可能應是時候集中持股之餘, 亦再次提升現金水平, 靜靜守候機會.

重整組合, 已沽清港股的所謂"長線"持股, 目前最有信心的長線投資的, 只有幾家大型國際品牌如FACEBOOK(FB), GOOGLE(GOOG), AMAZON(AMZN), DISNEY(DIS), VISA(V)等等. 港股組合目前主力4隻光大(257), 德昌(179), 時代(1023)及博雅(434), 其餘如理文手袋(1488), 西王特鋼(1266), 珠江船務(560)等等純粹打水片, 不值一提. 三月份踏入港股業績期, 根據以往經驗, 多數又會有一堆股票受業績帶動而觸發市場重估, 如時代(1023), 光大(257), 信義光能(968)待業績公佈後才追買仍有數圍, 因此肯定不用擔心沒有機會, 問題是自己有沒有能力把握.

博雅(434)是近來的最大中伏, 但自己目前仍然是一股未減. 本來想寫博雅的分析, 但自問無辦法寫得比老佔好 (連結: 博彩 + 手機遊戲股的大魚), 因此不如不寫. 手機遊戲最大問題是行業競爭大加上難以長期綁住用戶忠誠度, 而博雅是少有可以將博彩+手遊結合的公司, 黏性比一般手遊高, 是博雅最值錢的地方, 因此手遊公司中我仍然只喜歡博雅一間. 公司績後裂口大成交下瀉, 走勢是差; 但基本面未見受到破壞, 我自己是完全唔擔心. 而且論股價其實亦只是重回盈喜日起步點, 目前算是洗牌重頭打過. 本身有貨, 操作上見反正都已經跌左咁多, 亦無必要心急沽出. 暫當今日低位為短期撤退點, 繼續持有.

德昌(179)乃自己上週信心之選, 但從股價表現看則明顯無受Valeo SA佳績帶動, 要承認自己今次是捉錯用神. 純粹加強對公司基本面的信心, 是否值得下大注則值得反思, 始終短期催化劑欠奉, 股價很可能只會繼續緩慢向上. 時代集團(1023)業績比預期理想得多, 主要客戶MICHAEL KORS(KORS:US)績後股價亦持續高位徘徊, 作為供應商相信仍會觸發市場重估, 繼續持有. 光大國際(257)業績符合預期, 股價績後先跌後回升, 是利好信號. 環保股普遍估值昂貴, 半新股又驚假數, 很難買得落手. 又痕又怕痛, 唯有合埋眼衝入場買最大果隻就算數.

和黃(13)業績勝預期, 短期亦有力會為股價帶來動力. 今日(28/2)即市走勢麻麻, 但有機會是受MSCI換馬所影響, 因此價外期權可以睇埋星期一再作決定去留. 下星期輪到恆指換馬, 要加注新貴蒙牛(2319); 做淡受害者中煤(1898), 價外PUT繼續持有.

上週更新 (9 Mar - 16 Mar) PARTIPRAL - ROAD TO FINANCIAL FREEDOM

http://partipral-hk.blogspot.hk/2014/03/9-mar-16-mar.html
組合單位值: 108.75
組合週回報: -4.53% (2014年回報: +3.18% / 3月回報: -5.15%)

現金水平: 11% (前週: -3%)

組合上週表現差勁, 買乜死乜, 情況異常慘烈. 個股操作, 博雅(434)跌穿績後低位, 剪掉大部份, 剩餘一注純粹賭公司長線會OK; 嘉裡物流(636)績後急挫但目前似乎仍是偏貴, 估值很可能要向下調整, 又是剪掉大部份; 彩票股買完即剪, 賭得錯, 港股板塊中最好應是華彩(1371), 但暫時唔敢再參與; 海信(921)搏反彈失敗, 又是要剪; 再加上死捱爛守的保利(3636)及時代(1023)仍然弱到嘔電, 股票組合價值大幅回落. 很艱難才搏到旺旺(151)績後有得升, 但忘記此股有期權, 正股就算買得很大盈利佔組合比重亦很細, 因此仍然無大作為.

目前情況是相當難搞, 個股跌到七彩, 但明顯未見恐慌. 很可能是有過1月份經驗, 暫時仍未見大規模撤退. 十二碼一係入一係唔入, 市況轉趨波動後, 頂多拉鋸幾日應該又再黎料. 自己睇得較淡, 因此目前不敢買貨之餘, 主力仍然是搏指數再急跌. 早前騰訊(700)入股京東商城後無力再升果然是調整先兆, 轉眼間已輕吻$550關口, 業績前應該會喘定, 暫時不做好也不做淡, 但買回少少金山(3888)搏業績. 騰訊轉穩, 下週拖低指數很可能會是仍死頂在高位的藍籌如和黃(13)之類, 重注淡倉; 中石化(386)早前人們睇得太好, 轉弱後跌勢應會加速, 繼續保留部份淡倉; 中國經濟數據差仍然是沽貨藉口, 資源股主力做淡中海油(883). 整體睇淡部署大概如此, 睇一個禮拜. 較長遠的做淡目標是中海外(688), 業績其實相當一般, 最大劑是分析員仍然看得好, 跌得最急一段應該仍未出現, 但目前價位不算特別值搏, 反彈上$20後應可以再開淡倉.

個股已經輸到不敢再買, 頂多低位再買少少西鋼(1266). 中信泰富(267)績後繼續走強, 西鋼業績應該可以憧憬, 股價已重返大升日起步點, 但沽壓不重, 明知是險著但仍大膽加注. 可能要守多半個月, 但公佈業績應對股價有所推動, 點都要搏; 理文手袋(1488)績前買多少少, 此股成交仍然非常薄弱, 若然業績再有差池, 分分鐘走唔甩, 因此就算很有信心亦不敢買太大. 其餘股票已經無乜心水, 光大(257)跌多點可能買回, 但買完可能升少少已經頂唔順要沽, 因此其實是哂氣, 手風奇差最好是什麼也不幹. 期權心水是買少少利豐(494), 此股近月波幅收窄後期權金平到嘔, 下週四(20/3)出業績後可能會有方向. 本來是想買上搏績後挾淡倉, 但睇落就算買齊即月$9 PUT和$11 CALL加埋都唔駛1毫子, 應該有數圍, 不如兩瓣買哂.

近期操作相當不順, 市況欠佳可以當是藉口, 但有實力的投資者應該是無懼風雨一樣有錢賺, 因此其實是能力問題. 自己的人生左右銘是中庸之道, 特別順境的時候要相信自己不會好運一世; 而特別逆境的時候亦要相信不會一世當黑. 套用目前環境, 應該算是經歷過非常好境後開始轉差, 似乎是有排捱, 因此買賣方面要更加謹慎, 儘量避免墮入下跌漩渦而不能自拔, 方能提升日後重整旗鼓的勝算.