近期更新 (12 Jan - 18 Jan) PARTIPRAL - ROAD TO FINANCIAL FREEDOM
http://partipral-hk.blogspot.hk/2014/01/12-jan-18-jan.html組合單位值: 115.03
組合週回報: +2.94% (2014年回報: +9.14%)
現金水平: 2% (前週: 5%)
"這是最好的時代, 這是最壞的時代" - 狄更斯
傳統藍籌股, 中資股普遍唔識行, 中細價股卻日日新鮮炒獲金 - 港股目前炒作程度已經可以用瘋狂來形容. 泡沫何時爆破永遠事後才知, 尤其係如果今次炒作狂潮係由澳門股及騰訊(700)所帶動, 一日兩者未死得, 游資仍然會相當充裕. 沐在其中, 感覺相當良好; 但仍不能忘記提醒自己要時刻提高警覺, 因為現今市況逆轉的速度往往比想像中更快.
自己投資策略方向未有太大變動, 仍然主打物流. 低位再接珠船(560), 繼續死坐嘉裡物流(636)及深國(152), 操作上沒有任何困難. 反而自己開始覺得金山(3888)短期動力逐步減弱, 先沽出3份1. 看好金山手機防毒有機會跑出, 操作上除非再抽一棍, 否則貨底暫時不會再賣. 中芯國際(981)上週大力起動, 自己亦趁高減持走走位, 中長線而言此股仍然相當OK, 有低位便會買回. TCL通訊(2618)遲遲未能破頂, 走勢一般, 自己已經全數沽出.
套回現金大注重新追買德昌(179), 不要因為太多細價股好炒而忘記歐美復甦仍然係今年港股其中一個投資主題. 出口股算是相當穩陣, 炒炒埋埋贏左錢就可以泊返落去此類防守性較強股份, 自己會繼續加注. DYNAM JAPAN(6889)爆到九彩, 又一隻永遠唔知幾時會炒完既股票. 日本開賭條數其實根本無得計, 基本因素睇黎都多餘, 跟勢炒便不要問太多無謂問題, 但倉位比重則應該開始收歛. 金保利新能源(686)波幅大, 難炒到暈. 幸好買得細, 否則早已被震走. 痛苦完一輪終於稍見起色, 推高止蝕位至$1.62, 繼續保留倉位.
出席過匯彩(1180)投資者推介會, 電子博彩機業務看來相當有得做. 但此股歷史欠佳, 隱隱然有多少邪氣, 自己亦不敢買太大. 騰訊入股華南城(1668), 後者復牌後自己立即衝入場追買. 初頭自己對此股基本因素甚有懷疑, 但依家有中國科網巨頭入股兼且大股東一股不賣, 疑慮便一掃而空. 高位連續兩日大手成交, 背後莊家應已轉手, 俾時間等新莊家慢慢收貨, 炒上$6應該沒有難度. 止蝕位擺$3, 操作上相當容易.
一月份未夠自己已經贏左差不多一成, 此乃極大凶兆 - 無可能順風順水得咁緊要, 就算不甘心就此收割, 都應該將倉位逐步轉移至防守力較強的股票之上. 組合下週打算納入中海油服(2883), 公司早前進行大手配售, 但不足十個投資者已經可以將近60億貨吸納, 代表有實力人仕相當看好此股. 星期五大成交掃上, 利好; 操作上勝在止蝕位明確, 現價追買應未算遲.