ZKIZ Archives


《藍海》被彈冇睇頭《鬼怪》擸劇迷孔劉李棟旭HeHe得寵

1 : GS(14)@2016-12-07 07:41:22

韓國今年初有神劇《太陽的後裔》,年底tvN的話題劇《鬼怪》成功彈出接棒。由孔劉、金高恩、李棟旭和劉仁娜主演的《鬼怪》上周五首播,播出兩集掀起煲劇熱,成功撼贏全智賢和李敏鎬主演的《藍海傳說》,成為本周話題劇集榜冠軍。



■孔劉及金高恩早前隨劇組遠赴魁北克取景。

■李敏鎬扯全智賢髮圈一幕(圖),三年前在《繼承者們》出現過。

《繼承者們》


翻炒舊劇

《鬼怪》贏得網民好評全靠四大因素,「男男Couple」勁吸睛,孔劉憑人氣韓片《屍殺列車》事業再次起飛,加上第二男主角《大話妹》的李棟旭,在劇中飾演一名失憶地獄使者,與孔劉展開「同居」生活。由於二人顏值甚高加上劇中鬥氣HeHe味濃,令網民都直言轉捧二人成為一對。《鬼怪》幕後班底強勁,更遠赴加拿大魁北克取景,當中由《太陽》編劇金恩淑和導演李應福共同打造,頭兩集《鬼怪》與《太陽》一樣,節奏明快,電影感十足。在Viu同步跟播的《鬼怪》由收費台tvN出品,tvN出品的《回答吧》系列、《Signal》等都贏盡收視和口碑,令《鬼怪》的質素更有保證。而《藍海》被批評與《來自星星的你》十分類似,全智賢的角色設定與《星星》「千頌伊」的大癲大肺相似,驚喜欠奉。《藍海》昨日公開第七集預告,李敏鎬整蠱全智賢、將她的髮圈扯下來,此幕與李敏鎬三年前的《繼承者們》如出一轍。撰文:施洛冰




來源: http://hk.apple.nextmedia.com/entertainment/art/20161206/19856020
PermaLink: https://articles.zkiz.com/?id=318535

劇迷嫌《鬼怪》冇肌睇翻loop孔劉李棟旭爆肌片

1 : GS(14)@2016-12-21 23:42:01

近日唔少煲劇迷陷入咗選擇困難症,事關喺Viu熱播中嘅韓國新劇《鬼怪》中,兩位男主角孔劉同李棟旭各有專長及特色,孔劉扮演長生不死嘅鬼怪,為咗了結生命,幾百年嚟都尋覓佢嘅鬼怪新娘,點知當鬼怪新娘金高恩出現時,活喺世上900幾年嘅孔劉初嚐戀愛嘅滋味,佢為自己是否結束生命而不斷爭執。至於飾演地獄使者嘅李棟旭,失去記憶嘅李棟旭連自己名字都唔知道,佢為咗工作一直都冷漠無情,直到劉仁娜嘅出現,佢終於開始一步一步對劉仁娜產生感情。劇迷對於兩個男角同樣鍾愛,特別係二人喺劇中成日鬥氣鬥嘴鬥法力,真係十足十睇緊情侶耍花槍一樣。不過呢有追開韓劇嘅觀眾可能會奇怪,劇集播出已經六集,點解仲未有韓劇男星指定動作「騷肌」場面?事實上韓國男星拍韓劇一向都好大方,赤裸上身騷肌肉係指定動作,而孔劉同李棟旭亦唔係吝惜嘅人,二人之前拍劇都有騷肌場面,當中孔劉由早年未算好大隻時都有騷過肌,而李棟旭之前拍《鋼鐵人》時仲苦練過一身肌肉。雖然唔少劇迷都話即使孔劉唔除衫,但係佢哋都可以看穿佢件衫,睇到衫下面嘅一身肌肉,不過呢想睇孔劉同李棟旭肌肉好簡單,睇返佢哋舊作就大把有得你睇,當中孔劉身形操到最高峰境界就應該係2013年上映嘅韓片《嫌疑犯》,當時佢因為扮演曾經係朝鮮特殊部隊中嘅成員而操到一身爆肌,喺片中孔劉仲要應付大量動作戲。但係對於女粉絲來講,今年2月喺韓國上映嘅《男與女》就令粉絲睇到「心心眼」,片中孔劉同全度妍有火辣床戲,兩人大演不倫之戀,此片係孔劉首部情慾戲,佢都算好大方,全裸上陣肉搏全度妍,激情場面真係滿足晒女粉絲想睇孔劉Body嘅心意。至於李棟旭身形予人感覺偏瘦,不過其實佢係禾稈冚珍珠,本身成日操弗自己嘅李棟旭,曾喺多齣劇集都有露肉場面,好似《Hotel King》、《鋼鐵人》等都有多次騷肌。兩個都咁正,真係叫人點揀喎。




來源: http://hk.apple.nextmedia.com/entertainment/art/20161221/19872033
PermaLink: https://articles.zkiz.com/?id=319682

【韓國怪談】鬼怪底褲好污糟? 傳「香港婆婆」專捉細路

1 : GS(14)@2016-12-24 10:55:38

韓劇迷最近都忙住煲《鬼怪》,究竟孔劉飾演嘅鬼怪係神定係鬼呢?



【三個粉絲追韓劇】各位韓劇迷最近都忙住煲《孤單又燦爛的神-鬼怪》,除咗睇孔劉同李棟旭搞笑鬥氣,唔少人都問究竟孔劉飾演嘅鬼怪係神定係鬼呢?도깨비(鬼怪)係韓國傳統故事嘅角色,連童話書都有談及,形象唔算恐怖,當中亦分好多類,例如巨人怪、火怪、風怪、海怪、半神半妖等,而孔劉應該屬於物件怪,因為佢依附住一把劍。



도깨비(鬼怪)係韓國傳統故事嘅角色,當中分好多類,例如巨人怪、火怪、風怪、海怪、半神半妖等。

而孔劉應該屬於物件怪,因為佢依附住一把劍,但事實上,普遍韓國人認為物件怪都係依附喺掃帚。

鬼怪喺韓國人心目中有好、有唔好,有啲識妖術,會整蠱人,有啲有神力,人類會向佢哋許願。

普遍韓國人認為物件怪都係依附喺掃帚,韓女Jung Joo Eun就話嫲嫲曾經同佢講過鬼怪嘅故事,「行山嗰時覺得好似有人摸你,當佢第二次摸你嘅時候,你一手捉住佢,一睇就發現原來係掃帚,係鬼怪入咗掃帚,整蠱人類。」鬼怪喺韓國人心目中有好、有唔好,有啲識妖術,會貪玩整蠱人類,有啲就有神力,人類會向佢哋許願。劇中孔劉就擁有神力,會聽到人類向佢誠心許願,未必幫手,不過佢一時心軟,救咗恩倬同佢媽媽一命。劇中地獄使者李棟旭唱咗首關於鬼怪嘅童謠,笑鬼怪從來唔洗底褲,所以底褲污糟有陣味,激到孔劉紮紮跳。呢首童謠非常出名,連宋一國嘅可愛三胞始之一萬歲都唱過。韓國民間對鬼怪有唔少傳聞,而佢哋竟然有個都市傳聞同香港有關。



劇中李棟旭唱咗首關於鬼怪嘅童謠,笑鬼怪從來唔洗底褲,底褲污糟有陣味,激到孔劉紮紮跳。

韓國民間對鬼怪有唔少傳聞,韓男Kim Ma Young話有個都市傳聞同香港有關。

在街頭訪問中,韓男Kim Ma Young講開鬼怪同鬼故事,就記返起細個聽過人講,「細路喊嘅時候,大人就會話,『如果再喊,홍콩할매(香港婆婆)會嚟捉你!』」韓女Kim Ji Sun就話只係睇戲睇過有「香港婆婆」,形象恐怖,個樣係半人半貓!「香港婆婆」嘅傳聞發生喺80年代,話有個韓國婆婆坐飛機飛香港途中,遇空難身亡,因為當時佢帶咗愛貓上機,死後就變成半人半貓嘅鬼。有傳「香港婆婆」可以10秒跑100米,喺韓國專捉走細路,甚至喺學校廁所殺學生。



喺細路喊嘅時候,大人就會話,「如果再喊,홍콩할매(香港婆婆)會嚟捉你!」

Ruby話好少聽韓國嘅都市傳聞,只係覺得韓國人好迷信。

咁誇張嘅傳聞都有人信?的確,當年連媒體都大肆報道!原來因為當時發生連環子女綁架同販賣人口案,搞到家長人心惶惶,傾向相信傳聞。事實上,當年根本無空難,亦唔輕易帶寵物上機。至於點解韓國人嘅都市傳聞會同香港有關?可能因為當時流行睇港產片,韓國人鍾意睇《倩女幽魂》呢類鬼片,所以鬼故都同香港有關。睇韓國嘅綜藝節目,主持有時都會提到「香港婆婆」,好似劉在石曾經喺《無限挑戰》取笑過朴明秀似「香港婆婆」。主持:動主播阿仙、viu韓劇導賞員Ruby記者及繙譯:卓惠媛(Joyce)攝影:陳家文、李錦鏵《鬼怪》片段由Viu提供:
https://goo.gl/nVkiGe【三個粉絲追韓劇】
http://hk.apple.nextmedia.com/enews/animation/kfans/




來源: http://hk.apple.nextmedia.com/entertainment/art/20161224/19875496
PermaLink: https://articles.zkiz.com/?id=320005

《鬼怪》植入廣告過多捱轟

1 : GS(14)@2016-12-25 13:19:07

由孔劉與金高恩主演的人氣韓劇《鬼怪》昨晚播出第八集,前晚第七集講到金高恩成功握到孔劉心口上的劍,但拔劍時孔劉卻突然推開金高恩,收視錄得12.2%。不過前晚一集,觀眾再度發現過量的植入廣告,更有上升的趨勢,先後出現三文治店、雪糕、家具、炸雞店、毛巾等,遭到網民的批評。另外,孔劉和金高恩打低全智賢和李敏鎬成為12月廣告代言人評價的冠亞軍。




來源: http://hk.apple.nextmedia.com/entertainment/art/20161225/19876085
2 : GS(14)@2016-12-29 07:58:32

我老婆好愛看
PermaLink: https://articles.zkiz.com/?id=320121

《鬼怪》收視 tvN史上第二

1 : GS(14)@2017-01-02 01:06:39

孔劉與金高恩合演人氣韓劇《鬼怪》前晚播出第九集,劇情講到金高恩得知鬼怪新娘的秘密而離家出走,孔劉成功以back hug冧掂女方回家(圖),收視創下12.9%新高,超越《Signal》成為tvN收費台史上劇集收視亞軍,冠軍則是《回答吧!1988》的18.8%收視。另外,根據韓國企業機構調查,孔劉撼贏姜棟元和李秉憲成為韓國觀眾最喜歡的電影演員品牌冠軍。




來源: http://hk.apple.nextmedia.com/entertainment/art/20170101/19882927
PermaLink: https://articles.zkiz.com/?id=320957

《鬼怪》帶旺拍攝場地現商機

1 : GS(14)@2017-01-05 08:01:14

近期熱播的韓劇《鬼怪》,除了帶挈一眾演員人氣急升,連劇集的拍攝地都吸引劇迷前往打卡,為當地帶來新商機,當中孔劉及金高恩首次見面的海邊最吸引劇迷到訪。據知該幕於江原道江陵市注文津海邊取景,當地有商人就以出租花、紅色頸巾及雨傘賺錢,供劇迷扮成孔劉及金高恩,而每樣物品要1,000韓圜(約6.4港元),即使租借三種物品都不用20港元,十分有生意頭腦。



■《RM》昨日拍攝新一集時被網民捕獲。

另外,人氣綜藝節目《Running Man》昨日於《鬼怪》拍攝地、江原道平昌郡大關嶺一帶進行拍攝時,6位成員被捕獲,據知錄製將持續至今日,不會有嘉賓,分別拍攝宋智孝及金鐘國特輯。撰文:文康妮




來源: http://hk.apple.nextmedia.com/entertainment/art/20170103/19884435
PermaLink: https://articles.zkiz.com/?id=321274

【靚貨攻略】Sammi都撐!7折買起《鬼怪》劉寅娜劇服

1 : GS(14)@2017-01-08 19:03:20

一到年頭又是品牌們減價的季節,除了H&M和Zara等減價清貨,最近美牌Juicy Couture也加入減價戰。雖然對於其毛巾料運動服沒興趣,但原來也有不少型仔單品做7折。除了有天后鄭秀文Sammi都揹上身撐的手袋,就連最近最大熱的韓劇《孤單又燦爛的神-鬼怪》中,劉寅娜身穿的豹紋襯衫都有減價,買得過。



劉寅娜在《孤單又燦爛的神-鬼怪》中穿的豹紋襯衫,$1,323。(原價$1,890)

Sammi揹上身撐的銀色迷你手袋,$1,603。(原價$2,290)



珍珠連指戒子$553(原價$790)

黑色羽絨短褸$2,303(原價$3,290)

記者:羅祖兒




來源: http://hk.apple.nextmedia.com/su ... t/20170108/19889936
PermaLink: https://articles.zkiz.com/?id=321919

《鬼怪》周六改播特輯

1 : GS(14)@2017-01-12 08:08:37

人氣韓劇《鬼怪》屬邊拍邊播劇集,所以一眾演員都要趕工,早前更有傳孔劉過勞入院、李棟旭吊鹽水多天,孔劉方面昨日作出回應,坦言劇組所有人因趕拍劇集都很攰,但過勞暈倒或者健康異常的傳聞非事實,純粹誤報,向粉絲大派定心丸。據《Starnews》報道指,《鬼怪》目前仍拍攝明後天播出的第13、14集內容,按照進度應該下周六結局當日才會拍攝結局的戲份。基於後期製作亦要時間,劇組表示後日將播出特輯代替第14集,而下周六將連播兩集。



■《無限挑戰》於本月尾停播兩個月。

另外,韓國長壽綜藝節目《無限挑戰》於本月28日起將會停播兩個月,以特輯代替正常播出,令不少粉絲擔心節目會步《Running Man》後塵,變成無限期停播。撰文:文康妮




來源: http://hk.apple.nextmedia.com/entertainment/art/20170112/19893722
PermaLink: https://articles.zkiz.com/?id=322347

《鬼怪》結局收視破紀錄金高恩嫁孔劉 死後轉世重遇

1 : GS(14)@2017-01-24 03:00:24

由孔劉、金高恩、李棟旭及劉仁娜等主演的tvN人氣韓劇《鬼怪》,由上月2日首播以來,收視一直節節上升,前晚連播兩集大結局,雖然金高恩遇車禍死亡,但最終轉世與孔劉重聚,帶挈結局收視刷新開播以來的紀錄,當中第16集收視達20.5%,打破《回答吧!1988》的18.803%收視紀錄,成為tvN開台以來最高收視電視劇No.1。


救小朋友犧牲

前晚連播兩集大結局,劇情講到金高恩終於記起「鬼怪」孔劉,兩人展開甜蜜戀愛生活,多次咀嘴,其後孔劉向金高恩求婚,兩人着上婚紗禮服低調舉行婚禮。不過金高恩為了救小朋友而犧牲自己,死後的金高恩雖與孔劉分離,但因為她沒有飲「孟婆茶」,於30年後轉世後在加拿大與孔劉相遇,再續前緣,而李棟旭和劉仁娜亦於下一世有情人終成眷屬。



■孔劉向金高恩求婚,兩人低調舉行婚禮。

■金高恩遇車禍身亡,死後轉世在加拿大與孔劉重遇。

觀眾對於結局有彈有讚,有觀眾就不滿金高恩在此世不可與孔劉在一起,亦希望金高恩能與鬼怪一樣長生不死,不過觀眾就覺得這個結局亦十分新穎,代表二人世世都能相戀。前晚收視亦再次帶來新高,當中第15集收視有18.5%,第16集更升至20.5%,最高瞬間收視達22.1%,成為tvN台史上最高收視的「國民電視劇」。



■劇組昨日舉行煞科宴慶祝。

煞科召喚孔劉

劇組昨日在首爾論峴洞舉行煞科宴,金高恩更重現吹蠟燭召喚孔劉的經典場面,眾演員更畀面出席劇集導演李應福的婚宴,而劇組下月6日就去布吉旅行慶功。另外,金高恩昨日重開已關閉的Ig,並公開與孔劉的婚紗花絮照。撰文:施洛冰




來源: http://hk.apple.nextmedia.com/entertainment/art/20170123/19905725
PermaLink: https://articles.zkiz.com/?id=323842

鬼怪新娘金高恩 Celine、Saint Laurent靚袋換不停

1 : GS(14)@2017-01-26 07:44:03

由孔劉、金高恩、李棟旭、劉仁娜等主演的人氣韓劇《鬼怪》日前已經播出大結局,最後都算係Happy Ending。睇韓劇除了帥氣OPPA之外,服飾造型亦是注目重點。劇中的金高恩由學生長大成人,頭髮剪短了,造型亦變得成熟時尚不少,最後三集的更不停變換搭手袋搭配造型。在第14集,分別孭了Celine的Class及Micro Belt手袋;劇尾時又用了Saint Laurent的Sac De Jour手袋。在第15集,就孭了Givenchy Nightingale Satchel手袋,搭配不同的長褸look,都顯得隨性又時尚。




來源: http://hk.apple.nextmedia.com/entertainment/art/20170124/19907226
PermaLink: https://articles.zkiz.com/?id=324006

Next Page

ZKIZ Archives @ 2019