ZKIZ Archives


80後股瓶人靠靚攝位

2010-02-25  NM





潮流興o靚模,多間證券行亦派出八十後的妙齡少女,任代言人向後生仔宣傳買股票。

本刊特意找來第一代金融之花胡孟青出題測試她們,發覺全面露底,金融知識嚴重不足,暫時只算是股壇花瓶。胡孟青嘆道:「以為賣樣就過到骨,就嚟連o靚模都出嚟講股啦!」測試問題

胡孟青出了五條問題考核這批小花,「呢幾條係常識題,我諗唔少散戶都識答。」結果只有陳鳳珠及何慧韻答中三條,勉強合格。

1. 聯儲局繼一月二十六日議息後,下次會期在何時?

答案:三月十六日

2. 巴菲特的投資理念中,首要原則是「不要虧錢」,第二條原則是什麼?

答案:不要忘記第一條原則

3. 新上市股份須於上市後的年報,交代招股章程中甚麼項目?

答案:集資用途

4. 如何用DCF(Discounted Cash Flow)估值?

答案:推算資產在未來所能產生的收益,再根據合理的比率折現,計算資產現時的價值。

5. 佔中國CPI最大比重的是哪一類消費項目?

答案:食品

廿四歲股評人李韻儀

以前要上電視講股,至少須在財經界打滾十年八載,胡孟青亦捱了近十年才開始公開論股,「唔做夠十年,點知啲上市公司來龍去脈呀。」惟現時經驗已不再重要,二十四歲的李韻儀,入行僅兩年便能在多間電視台的財經節目亮相,成為全港最後生股評人。

能夠火速上位,按理必定學識廣博,然而在測試之中,她不斷搖頭,要記者多次提水,才勉強答對兩條。她企圖自圓其說,「其實係市場好需要新面孔,而且上司俾機會我。」其上司姚浩然亦坦言:「主要係希望吸引年輕人,同輩可能較易溝通。」

事實上,姚浩然對她照顧有加,兩人同場時,記者問她股市去向,姚浩然搶着解答。可惜做直播節目無人幫忙,她便曾因夢遊聽不到聽眾問題,李韻儀說:「有時個別股票唔識,咪講行業板塊。」難怪胡孟青諷道:「依家啲人講股,成日都講啲放諸四海皆準嘅嘢。」

論 投資成績,李韻儀非常麻麻,○八年曾短炒富士康,「我諗住炒波幅,但經驗唔夠,升時無止賺,跌時無止蝕,睇住由十一蚊跌到落五、六蚊先走,蝕咗成個月人 工。」有行內人笑她不夠專業,「佢做神婆o架,同上市公司管理層食飯,唔係問公司問題,係同人睇掌同講紫微斗數。」李韻儀亦不否認:「我本身識術數,有人 問咪講囉!」

李韻儀(Sonija)

年齡︰24歲

職業︰時富金融資產管理策略師

學歷︰07年香港大學經濟及金融學學士

履歷︰畢業後加入時富做財經分析員

嗜好︰跳舞、行山

測試成績︰2

煎釀三寶羅慧妍

時富有李韻儀靠嫩口上位,華富嘉洛找來三位少女組成「煎釀三寶」迎戰。三寶當中,以羅慧妍外形最省鏡,「組隊係公司的策略,佢見我哋啱啱有三個女仔,我哋又鍾意食嘢,所以叫自己做煎釀三寶囉,公司都無意見。」

記者考她,遇到「難題」,她以為在玩《百萬富翁》,「可唔可以打電話問朋友?」接着大叫另外兩寶救命。可惜遠水不能救近火,最終僅答對兩條。

○七年她從英國碩士畢業回港,在康宏理財做推銷,做了三個月便辭工,「對住咩人都係賣同一張單,我有少少過唔到自己。」

後來轉職華富嘉洛,首年便在報紙寫專欄,但她自知並非實力過人,「係啱啱公司想推女仔,所以先有得出去。」惟她亦有虛榮心,最想在電視台做現場節目揚名,但又自知料子不夠,「我可能未夠料,但有機會都想試吓。」若人人抱着如此心態,股民錢途堪虞。

羅慧妍(Betty)

年齡︰26歲

職業︰華富嘉洛投資策略師

學歷︰07年英國University of Surrey市場管理學系碩士

履歷︰

07年 康宏財務策劃師

08年 入職華富嘉洛市場推廣,後轉職投資部

嗜好︰儲音樂盒及香水辦

測試成績︰2

記者變股評人何慧韻

李韻儀和羅慧妍在財經界尚算新紮師妹,但對比入行僅三、四個月的何慧韻,已算是「資深」。

何慧韻大學唸中文,畢業後幾乎年年轉工,做財經記者嫌人工低;做中學教師又嫌悶,去年底跑到敦沛研究部做分析員,人工約一萬五千至二萬元,「我哋部門好多都係財經記者轉行入嚟。」

財經記者要採訪股評人,現在她卻反過來談股論市,但她笑言性質一樣,「我以前做報紙,都有用筆名寫專欄推介股票啦。」

最大的分別,是現時要定期在電視亮相,故外表要多加斟酌,放多套衣服在公司傍身,「唔使成日著套裝,睇落無咁老。」

既已轉職做分析員,但她仍繼續修讀教育文憑,「之前教書時讀嘅,開始咗就想完成埋佢。」如此一來,就算將來做不成股評人,何慧韻也大可回頭做教師,算是為自己留條後路。

何慧韻(Vivien)

年齡︰28歲

職業︰敦沛分析員

學歷︰04年嶺南大學中文系畢業

履歷︰

04年 新報財經記者

05年 大公報財經記者

06年 培僑書院中學部中文老師

07年 星島投資理財版記者

09年 入職敦沛

嗜好︰旅行、烹飪

測試成績︰3

降呢專攻股票陳鳳珠

新一代的小花普遍有樣無實力,但陳鳳珠可能算是例外,入行四年的她在眾人中資歷最深。「我○八年喺敦沛開始講股,最初得我一個後生女,大家都話我俾到股民好深刻印象,後來越來越多女仔出嚟,唔知係咪抄我。」

論專業知識,她亦最強,於中大修讀工商管理時,已協助講師在報紙撰文講財經,更以一級榮譽畢業;及後進入財經界,即修讀特許財務分析師(CFA)課程,現已考獲兩級合格,還差一級便大功告成,「做呢行,應該要有CFA。」

她 求學時已立志做財經研究,起初未有合適職位,便到證券行做文職,騎牛搵馬大半年才加入敦沛,「敦沛算係少林寺,因為要一次過研究股票、期貨、外匯等等。」 她視當時的上司郭家耀為師傅,「只要你問佢,佢一定會用盡所有知識教你。」○八年首次上電視,也是郭家耀推薦,「啱啱有人唔得閒,佢叫我頂替。」

自此她便嶄露頭角,並多次主講財經講座,「試過有一次喺會展搞講座講商品,對面房係郭思治講緊,人哋全場爆滿,我呢邊百幾個位坐得十幾人,準備咗咁多嘢,但無觀眾仲要講落去,都幾難受。講真,人哋都唔知你邊個,點會嚟吖?」

去年郭家耀離開敦沛,令她有機會上位,「我變成研究部最大。」試過每月寫三、四十篇稿供給報紙雜誌,每星期還最少做三次電視節目,工作相當辛苦。

陳鳳珠撐了一年後,自覺不可瓣瓣兼顧,故今年初離開敦沛,跳槽到申銀萬國做分析員,職位由高級分析員降呢做分析員,好處是「可以專注做股票」。

陳鳳珠(Ellie)

年齡︰25歲

職業︰申銀萬國投資分析員

學歷︰06年中文大學工商管理畢業

履歷︰

06年 新鴻基證券文員

07年 敦沛研究部分析員,位至高級分析員

10年 入職申銀萬國

嗜好︰打羽毛球、唱卡拉OK

測試成績︰3



PermaLink: https://articles.zkiz.com/?id=14424

Next Page

ZKIZ Archives @ 2019