上週更新 (9 Feb - 15 Feb) PARTIPRAL - ROAD TO FINANCIAL FREEDOM
http://partipral-hk.blogspot.hk/2014/02/9-feb-15-feb.html組合單位值: 114.10
組合週回報: +0.83% (2014年回報: +8.25%)
現金水平: 0% (前週: 8%)
上週指數出現明顯反彈, 組合卻明顯跑輸. 目前市況, 自己推斷是叻極有限. 中資金融股, 內房等挾完兩日便開始無以為繼, 上升指數股很可能只會繼續圍繞和黃(13)及騰訊(700). 會有少量個股可以突圍, 因此目前操作策略一定是好淡並行. 寧願贏少D, 也不願再出現急跌時會束手無策.
上週組合主力搏反彈, 中海油(883), 民行(1988)CALL, 友邦(1299)CALL現皆全數平倉食糊. 港股根本長期弱勢, 看看美股大跌後迅速復原, 簡簡單單揀幾隻巨頭回報已經相當可觀. 繼續留戀港股, 純粹只因為地區情意結. 但買股票感情用事可以輸到嘔血, 因此未來方向都係逐步轉移陣地較好. 蒙牛(2319)獲蒙能溢價大手入股, 反映行內人對整個乳業長線係非常看好. 時間性可能係以年計, 因此破頂後有沽壓絕不奇怪. 有染藍效應短期內跌極有限, 個人操作係點都先買一注, 若有低位便值得再加注.
組合加入華油(1251), 環亞(1390)作短線操作. 不難發現兩股上週皆有壞消息拖累股價大跌: 前者因為業務主力哈薩克貨幣大幅貶值兩成; 而後者則因為公佈一份甚差之中期業績. 自己看法如當日留言所講: "哈薩克貨幣大幅貶值19%，而華油有4成收入來自當地乃1251大跌主因。盈利會受影響，但公司亦能夠相應提價，只是時間上會有所延誤，消息應該不致太壞。" 其後數間大行相繼發出報告, 觀點亦大致相近. 自己睇目前華油是有一定值搏率去搏反彈, 而目前將止蝕位推上至入貨價基本上已經可以立於不敗之地. 環亞(1390)績後大跌, 個人推斷市場反應或者有多少過敏. 上市費用屬一次性開支, 盈利受拖累無可厚非. 目前估值當然是超貴, 但投資者個多月前將此股炒上又何嘗不知估值並非合理. 大家一直都在賭預期, 一次業績無可能就此扭轉, 因此跌得太勁便可以有得搏.
自己很少無故接刀, 因為實在太危險, 而且是有機會輸一鋪好勁. 選擇接刀, 大部份時候都係睇到股價見底回升才會出手, 原因是止蝕位易定; 而在壞消息公佈後, 股價有否跌穿前一日低位(FOLLOW THROUGH)亦是重點考慮的地方. 邏輯推斷, 若然股價無再創新低, 即代表壞消息已被市場消化(PRICE IN), 要股價再跌, 便要新催化劑. 在入市一刻, 上望多少相對而言反而不太重要. 當然無可能次次都搏得中, 但最關鍵是損失會否在受控範圍之內. 輸極有限, 便可以勇往直前賭一鋪.
期權操作方面, 中煤能源(1898)剔出恆指成份股, 被動式基金沽貨肯定沽到暈, 參考上年中鋁(2600)經驗, 自己睇穿52週低位絕不奇怪. 下月$3.5 PUT頗為抵買, 淡倉首選. 和黃(13)有業績期護體, 加上有歐洲復甦概念, 未來數星期有機會升到你唔信. 一成價外CALL看似進取, 但殺入價內亦非天方夜譚, 注碼可以再放大一點. 聯想(992)業績靚但挾唔起, 估值剛剛被下調, 橫行一輪後會陰陰又跌過. 當然如果指數升聯想都唔會跌得太勁, 但現價肯定難以吸引長線基金重新進場. 繼續做淡, 工具方面則可能用遠期價外PUT較好. 中海外(688)早前挾得狠, 但純粹出自空倉回補, 現價開PUT值搏率頗高. 澳門股已經脫險, 波幅開始收窄後現階段CALL/PUT也不宜做, 暫且不理.
自己開始諗通, 做淡對象不再可能係騰訊(700). 很多人(包括自己), 所謂睇淡騰訊, 除左開口埋口估值貴之外, 根本無一個堅實理據去支持自己出手. 問題係真正管緊幾十億, 甚至幾百億, 幾千億既人操作思維從來都唔會如此. 看待一間公司, 做好做淡, 很多時取決於公司自身價值, 而價值與價錢(股價)則經常被我等老散混為一談, 是戇居到極點. $300是貴, $400好貴, $500好很貴, 而現時騰訊股價是$550. 錯一次是戇居, 衰過N次都未知錯, 就是無藥可救. 操作只拘泥股價而望不見價值所在, 是很難於投資路上登堂入室.