恒地可以唔賺錢協助起「政府樓」
1 :
GS(14)@2012-05-28 23:54:51http://www.inv168.com/phpBB3/viewtopic.php?t=67658
特區政府新班子即將登場，恒地（00012）集團主席李兆基首次對未來特首梁振英作出評論，直言「香港會生金蛋，梁振英想做得差都幾難」，更就振經濟紓解民困政策作出四大革命性建議：包括「有錢佬畀多啲稅」，「政府放棄農地補地價」，「金管局敲定樓按定息三厘」，以及「協助年輕人置業供樓令財富增值」，更揚言恒地可以唔賺錢協助起「政府樓」！
恒地主席李兆基就振經濟、紓解民困作出四大革命性建議。「四叔」李兆基認為，跟梁振英一向係朋友嚟，撞到都會傾兩句。他認為，「梁氏上場一定掂，香港呢個金蛋嚟，地點特殊，大把盈餘，咁好地盤，邊個打骰都掂，邊有衰？」
若要社會維穩，李兆基認為要在福利和樓市兩大重點出發，他認為「如果香港的利得稅，加多2%畀政府運用來幫窮人，已經可以豐衣足食。」香港一年稅收約達2,000億元，額外2%相等約250億元。
官商合建平價樓助置業
他以內地與香港經營地產作比較，「香港賺錢交足16%利得稅後可以自己收晒，但內地賺100萬，四成要交增值稅、25%盈利稅，還有其他印花稅等雜項，七除八扣實收僅三分之一，即大約33萬。」李兆基揚言，「有錢佬拎多啲（錢）出嚟，社會無咁多拗撬，定咗政策，我畀多啲稅無所謂。」
在樓市方面重點在於協助低收入人士或年輕人置業。四叔顯得已厭倦與政府曠日持久的補地價洽商，現率性要求政府放棄補地價，建議將集團全部農地與政府興建平樓助低收入市民或年輕人置業。「咁樣係官商合作！我哋咁多耕地，可發展成衞星城市。」四叔指的是恒地「新界東北」及「洪水橋新市鎮」計劃，與政府跟進規劃多年，恒地於該兩個新市鎮共擁約910萬方呎地皮。
恒地為本港擁有最多新界土地之發展商，去年底時持有農地儲備約4,190萬方呎，但歷年來一直與政府周旋於旗下農地補地價問題，他指政府要求補地價每方呎高達二、三千元，且很多農地現涉及環保問題，令洽商停滯不前：「集團有4,000萬呎農地，但其實有用的只有1,000萬呎，因其餘各有涉及綠化及環保限制，淨係個南生圍都搞咁耐。」
他並謂：「政府樓，私人樓都得，應該可行，賺唔賺錢我無所謂，一千萬呎應可以起到好多400呎樓。」
銀行劃一按息可壓炒風
李兆基主要希望幫年輕人買樓，「逼佢哋打工搵錢供樓，用樓綁死佢，令年輕人唔會游手好閒，買咗樓供幾年就有幾百萬，只要政府配合，審核清楚個人資格，公公道道，避免機制被濫用就得。」四叔認為只要政府做好把關，審核年齡、收入財產、樓盤不可輕易轉手，及只准永久居民才能買這些「政府樓」。
至於金管局警告會限制按揭成數以遏樓市炒風，李氏指只屬「出口術」，他建議索性要求銀行推出定息按揭，劃一供按息為3厘，亦可避免有銀行低息搶客助長炒風。
2 :
龍生(798)@2012-05-29 01:11:32四大家族, 新記出左事
鄭家主動投降
加X 無敵於天下, 振振未有本事郁佢
剩番呢個都主動投降
有時打仗既野, 話難真係好難, 但話易, 又真係可以咁易
3 :
tyan(27180)@2012-05-29 01:21:53李兆基主要希望幫年輕人買樓，「逼佢哋打工搵錢供樓，用樓綁死佢，令年輕人唔會游手好閒，買咗樓供幾年就有幾百萬，只要政府配合，審核清楚個人資格，公公道道，避免機制被濫用就得。」四叔認為只要政府做好把關，審核年齡、收入財產、樓盤不可輕易轉手，及只准永久居民才能買這些「政府樓」。
<逼佢哋打工搵錢供樓，用樓綁死佢，令年輕人唔會游手好閒=>買曬我D樓......成日打工OT冇時間遊行...........YEAH!!
4 :
freecow(1747)@2012-05-29 01:23:47我地係時候學下政治野，有人個仔高調支持紅酒派，最勁做到實Q，點知支持錯咗，令佢個老豆現在去唔到賭$。四叔feel到有事，立刻做野。薑係越老越勁
5 :
Gbr(26655)@2012-05-29 02:08:50哈...比四叔過到骨就發囉! 係香港工業用地換商住,有時都唔係你想補地價就換咁簡單,何況係佢D農地(e.g丁權換地證),佢幾十年前收地成本都唔知洗唔洗200蚊呎.真係補地價問題,補足3000再賣6/7000蚊呎都笑死啦!
如果政府同佢合作,起第一幅地(當20萬呎)佢做得好好睇睇,以政府官僚作風,其他個980萬呎都要批,佢慢慢起,等到又有曾蔭權,唐唐呢D 七頭做特首,政府又冇威信時,o個980萬呎發水/平風發到4000萬呎都重得!
服!!!!
6 :
tom2288(5941)@2012-05-29 08:04:01你有張良計, 我有過牆梯, 做生意係要咁先得!
7 :
草帽(1253)@2012-05-29 08:29:36係咪開始驚生仔冇屎X.
8 :
Sunny^_^(11601)@2012-05-29 08:49:58"「有錢佬畀多啲稅」"你驚比共產黨共左D家產?
"「政府放棄農地補地價」"呢個都係你地同新界佬最著數.
"「金管局敲定樓按定息三厘」"而家三厘都唔使.大政府少市場?
9 :
Sunny^_^(11601)@2012-05-29 08:54:505樓提及
哈...比四叔過到骨就發囉! 係香港工業用地換商住,有時都唔係你想補地價就換咁簡單,何況係佢D農地(e.g丁權換地證),佢幾十年前收地成本都唔知洗唔洗200蚊呎.真係補地價問題,補足3000再賣6/7000蚊呎都笑死啦!
如果政府同佢合作,起第一幅地(當20萬呎)佢做得好好睇睇,以政府官僚作風,其他個980萬呎都要批,佢慢慢起,等到又有曾蔭權,唐唐呢D 七頭做特首,政府又冇威信時,o個980萬呎發水/平風發到4000萬呎都重得!
服!!!!
"980萬呎發水/平風發到4000萬呎"
真係得嫁.長X個買季系列.電視睇過實用888呎但墳2400呎...成2倍幾囉.chisin
10 :
GS(14)@2012-05-30 22:36:56如果四叔一個香港人派一萬我就信
11 :
龍生(798)@2012-05-31 03:15:12己經跪低求饒, 就睇cy 會否放佢一條生路....
12 :
草帽(1253)@2012-05-31 09:59:29剷除一批大鱷, 只係為另一批更惡毒既大鱷鋪路. 大把好戲在後頭.
13 :
Hierro(1191)@2012-05-31 10:30:51求饒都無用，要死的始終都要死
始終非我族類的，不會因為靠攏而成為自己人
14 :
dcdc(1215)@2012-05-31 11:00:3813樓提及
求饒都無用，要死的始終都要死
始終非我族類的，不會因為靠攏而成為自己人
如果將幾件事一齊睇. 紅A, 大劉出事, +X哥 分定身家, 四叔求饒. "非CY族類" 腳震震, 安排後事中.
15 :
Wilbur(1931)@2012-05-31 11:48:0711樓提及
己經跪低求饒, 就睇cy 會否放佢一條生路....
棄城投降,保你小命
但下一代都要貶為平民
遲早(10年?)所有公用/壟斷事業應該都會收歸國有
16 :
肥B(18468)@2012-05-31 13:47:2615樓提及
11樓提及
己經跪低求饒, 就睇cy 會否放佢一條生路....
棄城投降,保你小命
但下一代都要貶為平民
遲早(10年?)所有公用/壟斷事業應該都會收歸國有
咁咪恰恰同我早前發UP風的一樣方向~~
http://realforum.zkiz.com/thread.php?tid=32961
17 :
Wilbur(1931)@2012-05-31 13:54:3416樓提及
15樓提及
11樓提及
己經跪低求饒, 就睇cy 會否放佢一條生路....
棄城投降,保你小命
但下一代都要貶為平民
遲早(10年?)所有公用/壟斷事業應該都會收歸國有
咁咪恰恰同我早前發UP風的一樣方向~~
http://realforum.zkiz.com/thread.php?tid=32961
係咁行架啦
猶太佬死先咯,係香港冇人冇物
18 :
亞力士(1473)@2012-06-01 00:02:11佢唔驚人狂質佢d股票?