警向佔中者講23條
1 :
GS(14)@2014-10-05 12:34:09
【本報訊】防暴警濫發催淚彈對付和平示威者、軍裝警放軟手腳執法縱容反佔中者暴力襲擊佔旺人士，連日來警方執法不公，令警民關係陷谷底。昨日的金鐘集會現場，幾名駐守政總的警員，難得與佔鐘示威者真情對話，有警員向示威者直指「《基本法》23條如果通過，你哋全部都犯法」。也有警長由衷說，只要大家和平，即使日做18小時，也樂與大家見證這場運動。
讚示威者夠和平
昨午的政總閘外，幾名示威者與駐守警員「吹水」，有警員不諱言：「你分裂緊香港社會，23條如果通過，你哋全部犯法！啱唔啱呀？人權法通過咗，香港變咗難民收容港，印巴人可以喺香港申請難民，呢啲人攞我哋綜援，由我哋納稅人同佢哋交租……」防線中，另一名「三柴」隔着鐵馬向示威者解釋，「其實我哋都盡所能啦，示威者的確係好和平」。有市民質疑警察是否濫用暴力，三柴回應：「任何過程你哋都有監察、有錄影。」有市民想跟他討論小圈子選舉，三柴說：「呢個問題太遠啦，大家唔好講呢啲。我哋最基本係守住最後防線，只要一衝，我哋就要守，我哋冇可能同你講，乜嘢良心過咗，有可能違背良心，我就畀你過。就算過咗我，我後面都有其他同事。」最後，他還是就政改回應說：「當劉德華做咗特首，黎明fans都會問，點解要係華仔？」
來源:
http://hk.apple.nextmedia.com/news/art/20141005/18890071