2010-7-14 AD
| ||||||
| 秘書V嘅家姐生 於七月，於慶祝生日之時，預備與家人麻將耍樂吃大餐直落，好不高興，早上在家準備之際，電話響起，V小姐一聽，原來係保險經紀來電，保險公司有齊客戶資 料，知道每一位客戶嘅生日，通常會寄來生日卡祝賀嘅。V小姐呢位經紀更細心，親自打電話嚟恭喜生日快樂，令V小姐甚為開心，點知跟住就勞氣咯，經紀話： 「V小姐呀，我哋百無禁忌，恭喜你生日之餘，想話提醒你，今個月係你出生日月，同我哋買新保險單，會有優惠折扣，不如你買多份壽險，或者危疾保險啦，你知 啦，好多時諗唔到，患上癌症就麻煩……又有意外身故保險，肢體受傷險……」 V小姐聽到塊面黑晒，對住電話大喝一聲：「你就百無禁忌，既然生 日有保險優惠，到月尾搵我傾得唔得，點解偏偏揀在今日我生日，仲要晨早就打電話嚟講埋啲唔吉利嘢……」語還未畢，已經收線。秘書V知道之後，笑到碌地，深 嘆保險經紀係唔係俾上頭卒數，逼到昏咗？話之你夠晒進取啦，如此手法賣保險，實在係趕客出門！V小姐話以後即使向同一保險公司買意外險，危疾險，都唔會幫 襯嗰位唔識do嘅人。 呢個世界要識do，最緊要虛心學習，肥佬黎成日講要虛懷，向前輩學習，並非老套，亦非過時，畢竟八十後新人類嘅工作經 驗，入世經驗未夠，向上一輩學習，勝過自己重複錯誤，闖禍。 中文大學新聞與傳播學院與新聞教育基金出版咗一本新書，叫做《一人一故事》，由 蘇鑰機、張宏艷、譚蕙芸、李玉茹主編，老資格文字記者、文字編輯、圖片編輯、攝影記者等人嘅採訪新聞嘅故事，編成一書。恒生銀行助理總經理張樹槐以前係 《南華早報》記者副採訪主任，寫咗篇「讀報紙，常思考，多吃飯」，做記者要多吃飯？原來張兄話不要白費吃飯時間，要在此時間盡量與報館前輩在飯堂親近，利 用「吸星大法」，聽多啲古仔，佢自己就在《南早》飯堂向Chugani與Sinclair學咗唔少！此書載有不少著名記者、編輯所寫嘅採訪故事，有虛懷之 後進人士，宜買一本睇吓兼學嘢。 | ||||||