ZKIZ Archives


招兵買馬 統一江湖 崩牙駒強勢出監

2011-4-21   NM




黑道霸王尹國駒(崩牙駒),九八年五月入獄,一晃十三年即將重回江湖。

人未出冊電話先到,近日江湖中人都紛紛收到他的電話,收舊數打招呼皆有,目的是讓所有人緊記他的存在。

同時,他在獄中不斷收口靚,不少重犯都拜入其門下,成為其復出的一支「奇兵」。

崩牙駒的死對頭也作出連番部署,除了嚴陣以待外,更欲挑起14K內部互鬥,先行削弱崩牙駒兵力。

中央和澳門當局也極度緊張,不斷向江湖收料,企圖軟硬兼施壓制崩牙駒復仇大計。

面對即將出冊的崩牙駒,澳門已開始風起雲湧,各路人馬都繃緊神經。

崩牙駒被判十三年十個月,澳門監獄堅稱,根據法院文件,崩牙駒刑滿之日是明年十二月。然而由崩牙駒在九八年五月一日被囚日開始計算,他刑滿之日應是明年三月。

崩牙駒過去每年都有申請假釋,但都被否決,澳門監獄回覆本刊時承認,崩牙駒今年的申請,法院仍未有最後裁決。換言之,崩牙駒會否今年提早假釋,仍是未知之數。

出獄後環遊世界

據知,崩牙駒仍未獲批假釋的關鍵,是他的態度不合作。過去當局一直有派人入監獄與他談判,希望他答應出獄後離開澳門甚至退出江湖,但他表現得模稜兩可。 「佢同當局講,佢出獄之後一定會離開澳門,就係同家人去環遊世界,但之後下一步點做,佢到時先慢慢諗清楚。」崩牙駒一名手下表示。他不願向當局作出任何承 諾,法院自然也不會批准他假釋,雙方一直拉鋸。然而,江湖自上年年尾已開始盛傳,崩牙駒即將出冊,一般人認為,年屆五十六歲的崩牙駒,面對翻天覆地變化的 澳門新局面,不會再有任何搞事的能力。但曾入獄探望崩牙駒的手下卻向本刊透露,崩牙駒心中「那團火」燒得很厲害,出獄後一定風起雲湧。

崩牙駒有幾惡

九十年代,崩牙駒黑道事業如日方中,澳門亦發生多宗駭人聽聞的黑幫暴力事件︰

1995-1996年:澳門政府官員多次遭襲擊,司法警察司及治安警察廳總部,遭歹徒投擲炸彈襲擊。

1998年3月24日:澳門博彩監察暨協調司屬下的博彩廳廳長馬詩發,在前往午飯之際被歹徒用手槍在極近距離行刑,後腦中槍身亡。

1998年4月15日:澳門保安政務司司長的司機黃錦成在其住處附近,被一名來歷不明的暴徒槍殺。

1998年5月9-11日:澳門發生53宗縱火案。

1998年10月4日:澳門法庭被四名黑幫成員用AK47自動步槍猛烈掃射。

1998年12月13日:三名剛由葡國應聘到澳門協助改善獄政的葡警,被一名獨行槍手狙擊,造成一死一傷。

1999年9月14日:負責審理崩牙駒案件的司法委員會主席羅明素夫婦,剛由葡萄牙抵達澳門,二人即遭槍殺身亡。

心願統一江湖

「佢喺單人倉囚禁,早幾年仲專門找獄中一名懂書法的犯,幫佢寫了四個大字掛在倉門口,就係『統一江湖』。」該名手下透露,由於看守崩牙駒的獄卒是尼泊爾 籍,所以搞不清楚他寫的是什麼。九八年五月一日,司警司長白德安坐駕突然被炸,白德安「僥倖」逃過之後,又「神勇」於數小時內破案,在葡京親手拘捕崩牙駒 時,雙方「怒啤」的鏡頭仍是經典,崩牙駒的手下亦一直認為,大佬當年是被人明屈,這股怨氣不大才怪。「一隻野獸被人困十幾年,佢出來會唔會平靜呀?」

江湖收數名單

澳門不單盛傳崩牙駒快要出冊,同時也流傳著一份「崩牙駒收數名單」,收數名單中有各種各樣人物,當中也包括了街市偉的名字,街市偉是他的死敵,兩人曾在九 八年於澳門街頭連番激戰。「陸續有江湖中人收到崩牙駒託人打來的電話,甚至有人收到崩牙駒親自打來的電話,都係提及十幾年的一些陳年舊數。」據知,崩牙駒 並不太著緊數目,反而是藉機跟江湖中人打招呼成分居多,收到電話的都感到他中氣十足,更向人強調街市偉欠他的錢一定要收回來。「崩牙駒依家都大把錢,佢家 族仲有好多賭廳在手,所以根本唔會緊張啲舊數目,只係旨在提醒嚇以前有交往的江湖中人,佢即將重出江湖,到時會再傾偈。」崩牙駒的手下江仔透露,其大佬欲 強勢復出的部署非常明顯。去年十月,香港14K龍頭「太子」出殯當日,崩牙駒也特意叫人送上自己花牌,並擺在大堂當眼處,下款尹國駒三個字,叫到場致祭的 各路黑幫人物均暗暗吃驚。

手下賭場插旗表

亡命之徒拜入門下

從傳出即將假釋的消息,到致電江湖中人的收數電話,崩牙駒其實一直精心部署自己復出之路。其手下江仔更指出,江湖中人目前看到的還只是表面,崩牙駒暗中還 做了許多事情,包括招兵買馬,更專收被江湖中人避之則吉的「麻煩人」。「好多人以為阿駒在獄中已修心養性,佢仲專登託人在外邊買佛經入來俾佢,話要收嚇心 火噃。但其實佢一直仲喺獄中收o靚,咩重犯都收,幾乎來者不拒。」當中最經典的,便數前年因肢解「差佬文」一案被捕的馬德,判刑前便拜入了崩牙駒門下。 「差佬文」肢解案的另一嫌疑犯九指華,在逃亡期間,經馬德的穿針引線,也在電話中表示願意與崩牙駒結盟。「崩牙駒在澳門人面好廣,九十年代更有能力撤銷自 己的通緝令,九指華因此相信崩牙駒可以幫到自己,崩牙駒也表示會協助他重回澳門,不用逃亡。」九指華向來在江湖以「癲」出名,案底纍纍,最後更捲入肢解 案,不少人都對他避之則吉。但崩牙駒卻毫不介意,仍然收他入門下,所有人都為之大惑不解。「其實好簡單,一個想歸於平靜嘅人,自然會減少同麻煩人接觸,但 一個有心震動江湖嘅人,自然唔怕麻煩人,呢種膽正命平嘅打手多多都收。」熟悉崩牙駒性情的手下都知道,他以前也喜歡在中山訓練殺手來澳門行動,如今在獄中 繼續收嵁,擺明出獄後有大動作

手下各有地盤搵食

除了暗中收「奇兵」外,崩牙駒往日的一班得力手下,也在幾年前陸續出獄,在澳門賭業的蓬勃發展中,他們都各有地盤「搵食」,站穩陣腳並養精蓄銳靜候大佬出 冊。「MGM一樓嘅日昇賭廳,就係崩牙駒手下的大本營,卓雄同Sunny光都長期喺度打躉,豪仔都不時有過來。」崩牙駒手下江仔指出,崩牙駒雖然入獄,但 過往在背後支持他的有錢佬,仍然會照顧他的手下,不少賭廳開幕,亦都會預留一份予崩牙駒的手下。其中豪仔在威尼斯人及新濠天地均有賭廳,而軍師石歧Do則 在海立方有賭廳打骰,大批手下早有落腳點。崩牙駒一眾手下中,近年冒升最快的,反而是徒孫輩的「洗米華」。洗米華是跟豪仔出身,但因為交際手腕了得,得到 不少廳主賞識,近年更以太陽集團名義經營好多賭廳。「星際五樓成層都係佢嘅,崩牙駒成系人當中,依家以佢最大勢力,加加埋埋有十幾廿個廳在手,但佢依然仲 係好尊敬崩牙駒。」江仔指出,外傳崩牙駒出獄搞茶餐廳實屬笑話,他一班手下如今個個獨當一面,要錢有錢,要人有人。

親妹幫手打理賭廳

就算不靠手下幫忙,崩牙駒家族的實力亦是不容小覷,他其中一個妹妹阿菲,仍然在幫他經營賭廳。「阿菲都有六、七個廳喺手,崩牙駒以前嘅萬豪廳都仲喺度,以 前崩牙駒就話好大使,但十幾年來,崩牙駒都只是坐監,而其妹就不斷幫佢搵錢,咁多年積埋嘅財力起碼過億,都唔係講笑。」除了阿菲外,崩牙駒另一個妹妹阿燕 及阿菲丈夫烏鴉文,也在賭廳內十分活躍,此外,崩牙駒家族的業務也很多元化,甚至在廣西與當地合作搞電網。澳門十幾年的高速發展,崩牙駒並未錯過黃金賺錢 機會,但對於一個慣了呼風喚雨的江湖大哥而言,當打之年身陷囹圄,對他而言實在「屈」得太辛苦。崩牙駒為出冊而做出連番部署,其仇家看在眼裡,自然亦不會 坐以待斃。崩牙駒最大的死敵,便是水房揸fit人「水房賴」,經過十三年的擴張,水房賴的親信幾乎遍佈各賭場,不少當年跟隨崩牙駒的14K幫眾,亦紛紛轉 投其門下。縱然如此,水房賴依然不掉以輕心,先出一招撒手鐧來狙擊崩牙駒,就是把他的剋星「摩頂平」找來嚴陣以待。

命中剋星回歸澳門

崩牙駒剛出道時,可說是跟隨「摩頂平」搵食,然而廿年前為求上位,崩牙駒出庭頂證摩頂平牽涉入一單謀殺案,摩頂平勢估不到有此一著,苦無對策下逃亡往泰國,這一離開就是廿年,兩人「牙齒印」之深可想而知。

去年中,突然有人聯絡到摩頂平,表示可協助他重返澳門,據知幕後策劃的正是水房賴。原來,澳門有一項規定,只要逃亡日子超過所犯事刑期,而又得到社會知名人士擔保的話,便可以重回澳門。水房賴找到有力人士替摩頂平擔保,使他可終於重踏澳門土地。

摩頂平回到澳門後,水房賴更協助他獲得找個賭廳來打骰,加上一批以前的手下歸隊,使得摩頂平迅速在澳門站穩陣腳。摩頂平感激水房賴之餘,水房賴也另有算盤打響,就是崩牙駒一旦出獄,首先面對的就是這個昔日仇人。

「摩頂平和崩牙駒都屬14K,本來已是一山不能藏二虎,加上廿年前的恩怨,鬥爭隨時一觸即發。」江仔表示,水房賴這一招著實厲害,利用14K自己人內耗,崩牙駒倘若真的打算復仇,已先削弱他一半兵力。

同時,水房這十三年來銳意吸納大批新成員,加上與香港過江而來的新義安、勝義等人馬保持合作關係,實力可謂比崩牙駒一系人馬強出數倍,就算終極一戰也勝券在握。

還有一張王牌,可使水房賴大可安枕無憂,這便是中央和澳門政府,都不想澳門出現亂局,必定傾全力壓制崩牙駒復仇的舉動。「當局會採取一手棍一手蘿蔔的策 略,一方面可在政策上向崩牙駒的對手傾斜,使彼此實力拉遠,例如禁止崩牙駒的人馬入賭場搵食,已可叫崩牙駒一系人叫救命。另方面,也會以利誘政策,只要崩 牙駒承諾不搞事,則可以有更多賭廳供其手下搵食,權衡輕重,讓崩牙駒明白要復仇的代價是極大。」澳門一名賭廳廳主如此分析。

中央軟硬手段對付

對於一個江湖人物,中央不用出動解放軍自然也可輕易殲滅,但倘若能以協調手段解決江湖恩怨,各路人馬日後自然也會更聽中央「支笛」,總好過以強硬手段,造 成澳門街頭更激烈對抗。「始終仲有好多古惑仔當崩牙駒係偶像,把呢班人逼得太急,對整個澳門百害而無一利,所以中央都傾向用協調手段解決。」該廳主透露, 最近中央經常派員來接觸不同江湖人物,表示會大力支持各幫派安分守己搵食,但如有人在澳門搞事的話,則會連根拔起。此外,澳門的賭業形勢亦和十幾年前完全 不同,過往賭權未開放時,由於只有十幾個賭廳,僧多粥少情況下,黑幫自然經常血戰街頭。「賭權開放之後,依家幾乎日日都有新賭廳開幕,大家都做到停唔到 手,仲邊有人為爭賭廳而開片呀!」該賭廳廳主指出,沒有利益爭奪,澳門也不會重蹈十多年前的亂局。「澳門賭業塊餅愈做愈大,幾多人都容納到,只要賭業一日 仲擴張,黑幫就相安無事,除非賭業突然收縮,大家爭飯食就會打到七彩。」該廳主表示,崩牙駒不會因利益而搞事,只是復仇這個心魔一日未除,各方才對崩牙駒 出冊顯得異常緊張。

靠惡起家

現年五十六歲的崩牙駒,原名尹國駒。五五年出生於澳門青州貧民區,父親是澳門工人。尹小二輟學,十六歲便跟人在街上炒賣黃牛飛,當年賺到錢的他立即買來一 部私家車無牌駕駛,四出飛車時因一次交通意外撞甩門牙,「崩牙駒」的外號因而誕生。後來,崩牙駒拜入14K頭目黑仔華門下,開始在澳門沙梨頭區搵食,不久 更與一眾兄弟組成「七小福黨」,八十年代初期,黑仔華帶崩牙駒踏足賭場,開始他稱霸濠江的霸業。九○年尾,崩牙駒首次在澳門賺了第一桶金,開始與早已不和 的大佬黑仔華反面奪地盤。崩牙駒野心勃勃,不但下命令要外來的香港黑幫撤離澳門,更進一步表示要壟斷澳門賭場疊碼仔所有利益。九六年,崩牙駒大量招兵買 馬,訓練了一批好勇鬥狠的手下,為其打江湖的野心奠下基礎。九七年,崩牙駒的軍師石永祥被對家水房殺害,兩幫人正式反目。崩牙駒即時反擊,派人不斷追殺水 房人馬。後來他得悉水房有人想殺他,便迅速逃離澳門避走歐洲,開始在海外遙控澳門,以打游擊方式將水房等人殺得措手不及。澳門被外國列為高危地區,勸諭本 國遊客非必要別前往澳門,嚴重影響澳門旅遊業。

拍自傳搞concert

九八年,在江湖闖出名堂後,崩牙駒開始涉足娛樂圈。他出資一千四百萬港元拍攝自傳電影《濠江風雲》,更邀得影星任達華、蔡少芬等擔當主角,內容主要描述崩 牙駒前半生的威水史,在澳門拍攝期間數百馬仔出動充當臨時演員,甚至在氹仔大橋逆線行車,儼如澳門話事人。電影曾在香港上映,但不久便被香港和澳門當局禁 映。除了拍電影,崩牙駒更在澳門大搞慈善演唱會,邀請了「四大天王」的張學友及劉德華「開騷」,又拍電影又做善事,崩牙駒開始以「澳門商人」自居,同年三 月底,更高調接受國際性雜誌《時代週刊》及《新聞週刊》的訪問,採訪期間,崩牙駒帶著記者穿梭旗下酒樓、賭場,大談澳門黑幫及抨擊葡澳政府。兩份雜誌均以 「Broken Tooth: The Godfather of Macau」(崩牙駒︰澳門教父)為題報導,崩牙駒頓成國際級黑道人物,其黑道聲勢可謂前無古人後無來者,直至他九八年五月被捕為止。一九九九年十一月廿 三日,崩牙駒被法院裁定參與黑社會、放高利貸、洗黑錢、擁有軍火、非法賭博等罪名成立,被判入獄十五年,經上訴後改囚十三年十個月。

後記

九八年,記者入行不久,即碰上澳門風起雲湧的局面。當時澳門幾乎日日都有爆炸開槍事件,整個市面都瀰漫恐怖氣氛。當日記者被派往澳門跟蹤報導,為求第一時 間獲得街頭火併消息,記者甚至把收聽警方消息的電台也放在酒店房內,與攝影記者廿四小時輪流收聽,一有情報就馬上坐的士撲出去,這段時間維持了一個月,也 是崩牙駒被捕前後,澳門最血腥的日子。其中一次採訪爆炸期間,又有另一個炸彈在採訪現場引爆,不少行家都說,情況跟戰地記者差不多。其後崩牙駒被判入獄, 入獄前更在庭上不滿嚎叫,情景歷歷在目,今日,記者已是中年,崩牙駒也變成年近六十。人生有幾多個十三年!

 


招兵 買馬 統一 江湖 崩牙 牙駒 強勢 出監
PermaLink: https://articles.zkiz.com/?id=24328

假低調暗部署崩牙駒勢必東山再起

2012-12-06  NM
 
 

 

一九九九年,本刊專訪崩牙駒,當年他在澳門呼風喚雨,被稱為澳門教父,訪問結束前,他寸爆地留下尾巴:「好多嘢想講,但真係唔係適當時候,等我六十歲,到時話俾你知。」當年他四十五歲,十四年過去,二○一二年十二月,只差一年多便步入花甲的崩牙駒步出澳門路環監獄。門外超過一百名中外記者追訪,他不再囂張,只坐在車廂微笑。據知,鐵窗十幾年寒暑,崩牙駒由最初深深不忿,咬牙切齒,到近年靜極思動。眼看死敵水房賴在出面低調行事,籠絡關係,建立澳門地下新世界,開始洞悉「槍打出頭鳥」的遊戲規則。出獄後,他努力營造低調,迎合大陸要求;同時培育接班,勢必要在兩年內東山再起。「六十歲,到時話俾你知。」崩牙駒說。

週六早上,崩牙駒身穿白色T恤步出監獄,十四年以來,第一次呼吸自由空氣。甫上房車,崩牙駒透過車窗外望,沉靜不語,之後他到氹仔海明灣畔幾千呎複式住宅單位,與母親及家人逐一見面。稍作休息後,下午到銀河酒店一樓的中菜廳金悅軒吃午飯。記者直入酒樓的貴賓房採訪,房內坐滿兩席賓客,崩牙駒換上黑色西裝坐在中間,旁邊是他太太及兩名女兒,笑容滿面。

唔賭唔打陪家人

枱前放滿中式點心,崩牙駒還準備吃甜品楊枝金露,其中一名親友說隔籬貴賓房正是銀河娛樂母公司嘉華國際的主席呂志和。「你睇,仲邊會搞乜嘢唔妥吖?而家各有各做,各有各吃飯,呢啲就係時勢。」崩牙駒其中一名親友和記者在酒樓旁邊進行獨家訪問。「大哥喺裡面咁多年,雖然一直留意澳門,但出到來都知時勢唔同晒啦……「佢喺裡面一直照顧全家上下,六個仔女,六個孫,都係靠佢以前的生意及買樓賺錢睇住成頭家……「其中一個孫仔出世兩個幾月,大哥想幫佢搞個百日宴,大哥的媽媽亦即將八十大壽,大哥的確諗緊兩件事一齊搞個宴會慶祝吓。

「另外,大哥想同一家人出國旅行,最可能去日本,但大哥都要搞身份證護照啲嘢,所以根本好多嘢都未定。「大哥而家唔會接受任何專訪,叫你哋所有記者唔使等了,我哋喺氹仔都有幾個住宅物業,好多都打通。今日我哋都換咗幾架私家車接送,大哥又會住唔同酒店出入,唔會被人跟到,佢唔想再好似以前咁高調。「本來想出去shopping買衫,去吓夜總會見朋友,但係見到咁多記者等佢,佢唯有喺酒店房……「會唔會去賭場賭錢?我可以話俾你聽,大哥現在一毫子都唔賭。」

新人新作風

還記得九九年崩牙駒拖着女友楊愛貞到賭場豪賭,崩牙駒一名頭馬健仔(化名)跟記者說:「駒哥呢十幾年,改變好多。「以前好多擦鞋仔喺身邊搞呢搞路,而家駒哥唔會再咁高調……出面啲人估佢乜估佢物,又話石岐嘟仲係駒哥隻頭馬,我話你知,駒哥近日覺得最開心嘅事就係石岐嘟俾人拉,話佢真係好out好蠢,為咗二十萬就幫人殺人。駒哥話而家唔係以前年代,乜都講打講殺,話澳門警察呢次拉人拉得最啱!」曾任澳葡時代司警的石岐嘟是秘魯人,也曾是崩牙駒契爺,九十年代在崩牙駒旁邊出任軍師。在駒出獄前一週,因涉及買兇殺人罪被澳門司警高調拘捕。健仔表示,現時崩牙駒在澳門賭場勢力只剩下新舊葡京幾個賭廳,由他親妹阿菲及妹夫烏鴉文管理,他的手下豪仔在威尼斯人及新濠天地均有賭廳,美高梅MGM一樓的日昇賭廳亦經常見崩牙駒的手下出入。「不過其實賭廳的生意大不如前,真正幫駒哥出去搵食嘅人,亦已經唔係以前呢批人,係一批四十歲唔夠新面孔,主力幫駒哥在澳門收料、建立關係,同埋處理一啲外圍網嘅嘢,呢啲先緊要。」據知,其中獲崩牙駒重用的年輕新人,包括大頭光。「大頭光係香港人,以前在澳門欠下街數,被人追殺所以全身刀疤,崩牙駒用佢做保鏢兼打手,亦叫佢學洗米華,從事網上外圍百家樂,呢幾年搞得唔錯。」健仔表示,除了大頭光在駒哥出獄期間充當保鏢,其他親信門生都按崩牙駒吩咐全部暫離澳門,到香港、大陸、台灣及東南亞避風頭。記者電話聯絡他們,他們回電時電話顯示均是香港或大陸的區號。

疊碼仔理事會

不少人指,澳門現時形勢,太陽集團的洗米華最能協助剛出獄的崩牙駒。洗米華(全名:周焯華),四十多歲已是上市公司太陽世紀集團及太陽國際資源主席,並掌控太陽金業及財務。洗米華跟豪仔出身,身份是崩牙駒徒孫。由於他一向處事低調,加上交際了得,獲得一批中方背景的VIP支持,很多賭廳廳主都對他非常賞識。「星際五樓全層都係洗米華天下,加上他近年主力搞海外網絡賭業,採用網上即時開盤新招。駒哥都有話洗米華好叻仔,叫班新人學佢,不過話洗米華係駒哥嘅人,唉,你話啦!佢自己賺到錢,點解要同人哋分啫?」健仔說。事實上,就在崩牙駒出獄前一晚,洗米華便以疊碼仔理事身份出席崩牙駒死敵水房賴在氹仔金沙城喜來登酒店的疊碼仔理事會晒馬活動。當晚筵開一百九十九席,場面夠晒墟冚。當晚新選出的疊碼仔理事會的理事,差不多全數都是水房賴的人,包括當選為理事會理事長的小鳳姐,是水房賴現時最得寵頭馬,主理賭廳生意。另外澳門前水房坐館張立群、現任水房坐館阿頭(又名大海),前者替水房賴處理房地產收地,後者管理水房兄弟。「水房賴吹雞,全部賭廳疊碼仔都要俾面出席,四太、向家都要俾面,可想而知佢嘅勢力。」一名有出席宴會的賭廳廳主跟記者說。

水房賴十四年江山

該廳主表示,水房賴十四年以來,的確把各賭廳做得有聲有色,今次疊碼仔理事會就是想進一步把疊碼仔系統管理化。

「水房賴希望疊碼仔除了喺賭廳做泥碼生意,以後可以有名有實返大陸追街數,你知道其實而家大部分來澳門賭廳賭錢的VIP都係大陸啲官同有錢佬。」該名賭廳廳主對水房賴讚不絕口,指他十四年來令澳門地下秩序良好,管理得力,亦與澳門及大陸建立良好關係,而且為人低調,讓各方人心悅誠服。

「任何人,話之你係皇帝,佢從來唔出席任何場合,聽講佢最明白當年駒哥就係太高調,所以十四年來冇人影到佢相片,乜嘢佢都派細佬偉哥(水房偉)出來。」

水房偉(全名:賴初偉)是水房賴的親弟,九九年曾參選澳門立法會選舉,最後雖然落敗,但從政以後,水房偉多年來以政治人身份與澳門政府及大陸官場人士不停「搞關係。」

「其實澳門賭業賭廳已經飽和,個餅已經冇乜油水,水房賴近年專注搞房地產,另外,佢覺得要搵大錢,最重要『北望神州』同大陸搞好關係,除咗搵偉哥(水房偉)出面,佢自己就叫屋企人搞咗個宗親會慈善團體,專門搞大陸善事。好似啱啱大陸雪災,佢即刻叫人捐一百幾十萬過去。」

水房賴(全名賴東生)建立的菱峯集團最近便在金光大道附近投資一塊三萬八千平方米地段,市價接近十億,據了解,他初步打算用這地皮興建豪宅。該集團亦有投資環保、科網及飲食。

另外,該集團旗下有一個慈善會,每年在澳門向老人家派米,助學兒童,其網站亦報導該會透過「中聯辦」向內地捐助數十萬澳門元賑災。

「我同你講,而家澳門唔係以前咁,乜嘢都係講利益,講關係,將來可能駒哥都可以和水房賴坐低傾生意,呢啲就係現時的遊戲規則。」該名賭廳廳主說。

「所有人都唔係敵人、唔係朋友、同任何人都可以合作。」崩牙駒的親人及頭馬亦異口同聲說。

全球注視

曾叱咤江湖的崩牙駒刑滿出獄,雖然已被囚禁十四年,但這當年「世界級」黑道人物,對國際傳媒吸引力依然,數十家中港台及海外媒體有派員到濠江,直擊這位「澳門教父」恢復自由的動向和消息。而在他出獄前一夜,近百名記者更在路環監獄門口,通宵守候希望拍得崩牙駒步出牢房的一刻。十二月一日當日,英國廣播公司(BBC)就即時在其網頁以「Macau's gangster Broken Tooth released」為題,報導了崩牙駒出獄的消息。除了英國廣播公司外,美聯社、路透社、彭博通訊社以至泰國《曼谷郵報》等國際傳媒,亦有報導相關消息,當中重點提及澳門政府以至北京當局均嚴陣以待,關注崩牙駒日後的去向。中共喉舌《環球時報》亦以「黑幫教父出獄令港澳緊張」為題,講述崩牙駒出獄的清況,亦分析他出獄後的動向和可能對澳門社會造成的影響。

鐵漢柔情

雖然崩牙駒是一名江湖猛人,不過他對身邊的女人永遠柔情。十四年牢獄生涯中,只有一人風雨不改,每週兩次入獄探崩牙駒,此人便是駒母陳麗萍。而崩牙駒亦侍母至孝,出獄後要做的第一件事便是要替母親擺壽宴,並堅持以後永不令她傷心。

除了母親外,崩牙駒亦十分疼惜自己的女兒。除了和前女友建安娜所生的長女外,和前女友楊愛貞所生的女兒尹倩君,亦十分得崩牙駒愛錫。除了自己的母親和女兒,崩牙駒對自己愛過的女人亦十分照顧,楊愛貞就曾表示,尹國駒仍有給她家用,「是個非常負責任的男人。」

 
低調 部署 崩牙 牙駒 勢必 東山 再起
PermaLink: https://articles.zkiz.com/?id=40690

獨家直擊崩牙駒出山國際封殺新加坡被拒入境

2013-01-03  NM
 
 

 

上月出獄一直蟄伏的崩牙駒,聖誕平安夜前夕終於出山。據他身邊的門生透露,在過去廿幾天,崩牙駒安排了身體檢查、為母親打點一月舉行盛大壽宴,修身齊家之餘,下一步自然是「平天下」。被囚禁十四年,雖然崩牙駒遙控外面的賭場生意,但不在其位,始終難以掌握實際情況。所以出獄後第一時間,便辦理護照文件,訂飛機票,準備出國外遊兼取經。猛虎出山,一心出外發圍,選址是亞洲現時的賭場熱點新加坡金沙。不過,想不到由澳門機場早上十時十五分check in出發,到達新加坡機場後,卻被當地政府拒絕入境,即日折返澳門。

十二月廿三日九時半,位於氹仔的澳門國際機場,崩牙駒與三名門生拖著三箱行李出現。當日濠江氣溫只有十度,崩牙駒穿卡其西褲,腳踏皮鞋,披上黑色皮褸,衣衫全是新置,略為修剪平頭裝的崩牙駒精神煥發。

三名隨從風騷出發

澳門機場大堂是要先檢查乘客行李,然後才進入登機櫃位範圍。準備出國的崩牙駒神態自若,與三名隨從排隊時,跟身旁的男人輕鬆交談說:「呢個新機場我未嚟過。」其實,位於氹仔的澳門國際機場在九五年已開幕,但崩牙駒未有經該機場出國。九九年他被控以領導及參與有組織罪行活動等罪項被判刑十五年,自此身在囚牢。在等候排隊期間,五十七歲的崩牙駒亦不減當年風流好色性格,不時四處女。看到旁邊排隊的女生熱褲大show大腿,立即笑淫淫說︰「啲女人真係唔怕凍,咁凍都仲著咁短嘅褲。」之後四個男人對旁邊女人評頭品足、細聲講大聲笑。等了不足三分鐘,崩牙駒開始顯得不耐煩,隨行的見大佬心急,於是其中一名年紀僅廿多歲的男子立即恭敬地說:「駒哥,行李等我搞,你同班大佬先入去。」崩牙駒與隨從先進入登機櫃位範圍,一直走向虎航(Tiger Airways)櫃位,辦理飛新加坡登機手續,廿多歲的同行男子一人處理三個大型行李箱。

十二小時即日折返

崩牙駒與三名隨從順利check in,入禁區,乘搭該班TR2903航機,下午一時五十五抵達新加坡樟宜國際機場。據入境資料,持澳門護照人士可免簽證逗留新加坡三十日。不過,正當崩牙駒與三名同行抵達新加坡國際機場入境時,發生了始料不及的事。三名隨從順利過關,但崩牙駒上前交上護照後,一等再等。「首先新加坡職員邀請駒哥入房(寫字樓),叫佢坐低等。駒哥已經心諗大鑊,後尾有個職員出來同駒哥say sorry,之後同駒哥講佢唔入得境,駒哥即刻嬲到震,問點解,佢哋淨係no no no。之後好似有個識中文嘅人出來同駒哥解釋,話佢哋國家唔方便俾佢入境,駒哥好勞氣,打電話返嚟俾班


崩牙駒連場夜宴分清敵友

2013-1-10  NM
 
 

 

十二月出獄的崩牙駒,平安夜前夕出山,一心出國取經,卻被新加坡拒絕入境,當晚折返。

見外圍處處掣肘,他立即專注在自己地盤發圍;近日廣發英雄帖,在濠江一連舉辦三場盛大夜宴。

除夕夜,崩牙駒首先為孫兒擺下「百日宴」,出席名單除了家人,亦包括門生舊臣。

緊接是上週五晚為老婆舉行的生日會,除了澳門賭廳廳主,亦廣邀中、港、澳三地的江湖人物。

據悉,崩牙駒手上列有一份人名清單,吩咐手下把所有出席或不出席人士詳細記錄。人到禮到、人唔到禮唔到的,都要全部清清楚楚。

江湖上不少人左右為難,多以外遊藉口缺席當晚盛會,但崩牙駒將再在日內為母親舉辦一百五十圍壽宴,紅色帖子再次落到各人手中。

連場夜宴,崩牙駒正審視眼下江湖上各人誰敵誰友。

上週五黃昏六時多,崩牙駒手下行動組大頭光攬着女,領着一幫兄弟,首先分三輛七人車抵達澳門漁人碼頭。

一眾門生捧着鮮花蛋糕浩浩蕩蕩進入會場,作最後的保安準備。其後,崩牙駒親妹阿菲及丈夫烏鴉文到場打點。

當晚,崩牙駒包下澳門漁人碼頭會議展覽中心會展大堂,為現任老婆葉嘉怡(英名:Katherine Ip)舉辦生日宴。

入席

是次夜宴四十八圍,在展覽中心地庫一樓舉行。夜晚七時許,賓客魚貫入座。五、六個穿上性感晚裝的女士,坐在迎賓枱接待來賓。八點左右,首先前來是一行五人。帶頭的是一名五十多歲的平頭裝大佬,操着國語,拖着一行四名手下,一見迎面前來打招呼的崩牙駒立即熱情擁抱握手。主家席設在舞台前中央,坐了崩牙駒一家二十人,其他賓客分布在旁邊其他圓枱。晚上九時許,侍應開始上菜。當晚菜式頭盤是鹽燒帶子沙律配三文魚籽,之後是法式龍蝦湯,西式菜單,但甜品卻是中式蟠桃壽包。崩牙駒身邊一名門生解釋說:「駒哥今次就晒個老婆搞鬼佬Party,因為老婆鍾意食西餐切蛋糕,但駒哥一向好傳統,認為中國人生日一定要有壽包先老黎(吉利),本來駒哥想加埋壽麵,後尾阿嫂唔鍾意,話有意大利粉就算數咯……其實今次好多客人都係老一輩的元老大佬,比較鍾意傳統中式食物,不過都係飲吓酒敍舊……」

盤算

當晚,被邀請的人士除了包括水房賴、街市偉等澳門賭場猛人,中、港、台的江湖人物亦獲邀請。穿上深色西裝的崩牙駒堆着笑容,場內左穿右插,除了與年紀相若的五、六十歲大佬叔父級人物搭膊頭密密斟外,亦與大量二、三十歲江湖新鮮人初次見面交換電話。不過,當晚出席宴會的人物全是生面孔,大部分更是操國語平頭裝的內地訪客,鮮見大佬級人物。「駒哥之前班fit馬,好似洗米華、豪仔、Sunny光、卓雄、福建勇、哨牙林、阿定,全部唔見人,相比起水房賴十一月尾嗰一場係冷清好多。」一名在場的賭廳廳主嘆說。去年十一月三十日,水房賴派他的親弟水房偉以澳門娛樂博彩業中介人協會之名,於氹仔金沙城喜來登酒店舉辦了一百九十九圍的第一屆理監事就職晚宴,澳門各賭廳廳主及江湖人物全都有出席,當中包括崩牙駒舊部下洗米華、賭王四太梁安琪、向華強及多名澳門立法會議員。「唉,人走茶涼,江湖真係好現實。家陣呢,啲人未知駒哥個形勢會點,好多人都怕如果人嚟咗會得罪另一啲人,不過又唔想得罪駒哥,所以好多人藉口出埠去旅行,睇定形勢再算。」一名澳門賭廳廳主說。晚上十時,主持人宣布︰「有請尹生、尹太上台切蛋糕。」崩牙駒妻子葉嘉怡,身穿性惑Deep V湖水藍色晚裝挽着崩牙駒上台切餅。其後崩牙駒率領一家人全部上台舉起香檳祝酒。崩牙駒舉着酒杯看着台下四十多圍出席人物,亦對現時澳門形勢心中有數。

崩牙駒出獄後動向

12月1日︰崩牙駒早上六時許離開被囚十四年的澳門監獄,回到氹仔海明灣畔住所,中午到銀河酒店一樓的中菜廳金悅軒吃午飯,之後銷聲匿跡。12月1日-22日︰崩牙駒到澳門特別行政區身份證明局辦理身份證及澳門特區護照,其間到醫院作身體檢查。12月23日︰崩牙駒於早上九時半,出現在澳門國際機場,飛去新加坡,可是當地拒絕他入境,當晚即折返澳門。12月31日︰崩牙駒為孫兒搞百日宴1月4日︰崩牙駒於澳門漁人碼頭為老婆葉嘉怡擺壽宴,廣邀江湖中人。1月初︰崩牙駒將為母親擺150圍壽宴

 

出獄後首度開腔 崩牙駒:「我要做嘢」


2013-07-18  NM  
 

 

入獄十四年零七個月的澳門教父尹國駒(崩牙駒),於去年底獲釋,在囚禁期間,澳門賭業黃金歲月出現巨大變天,隨着賭權開放,美資賭場加入令整個行業百花齊放,在囚禁的歲月裡,崩牙駒不單只失去自由,亦平白喪失在賭業上發揮的黃金歲月,出獄八個月的崩牙駒已養精蓄銳,首度開腔接受本刊專訪,細訴在獄中如何韜光養晦,部署重出江湖,更明言:「我絕對係一個有能力嘅人,我有太多嘢想做。」

鐵窗生涯令他悟出一套對敵人、社團、家庭的人生觀,作為自己在未來十年繼續打拼的宗旨。

牢獄怨憤

曾經叱咤風雲的江湖猛人尹國駒(綽號崩牙駒),靠着椅背安坐沙發上,身穿白恤衫、黑西褲、Bally白皮鞋,兩袖往上摺,腕戴閃鑽伯爵名錶,江湖味依舊。身子紮實,容貌較出獄時飽滿,仔細看有點髮線上移,前額露出皺紋,眼袋深陷,目光內斂,與當年囂張的形象大相徑庭,多年牢獄在他身上留下痕跡。

前半生呼風喚雨,崩牙駒人生的轉捩點,是九八年五月一日的早上。當時澳門司警白德安的坐駕車底發生炸彈爆炸,白德安往晨運未返車上,未有受傷。事發後九小時,白德安親自帶隊到葡京拘捕事業如日中天的崩牙駒,當時他正在廂房中大唱鄭少秋名歌《決戰前夕》,曲才唱一半,人已被捕,二人在酒店門外怒目相視的一幕被拍下來,成為經典的新聞圖片。

壹:壹週刊駒:尹國駒

壹:事隔十五年,點睇白德安炸彈案?

駒:(坐直身子,皺眉,雙眼含怒)俾人屈,我真係俾人屈!你話我黑社會我無嘢講,除咗黑社會,後期所有發生嘅嘢我係不知情!正所謂不知者不罪!咁算唔算屈呢?我真係唔識講!

壹:覺得呢十幾年係寃獄?

駒:(語帶嘲弄)人無拉錯,charge落錯啫!你簡單化話黑社會,你喺賭場,我諗隨時拉一千幾百個出嚟,好似我咁,罪名係黑社會,無乜邊個走得甩!你話你拉我放貴利,起碼我放咗幾多錢,放俾姓陳姓李姓黃,姓氏又無,放幾多錢又無!你話我洗黑錢,洗咗啲咩黑錢,洗咗幾多錢,又無!你話我黑社會、首領,起碼要有


崩牙駒擺大壽


2013-08-01  NM  
 

 

本週一(廿九日)是崩牙駒五十八歲的正日生日,當晚,他包下澳門凱旋門酒店四樓的凱旋軒中菜食府,為自己擺了出獄後首次的「駒哥壽宴」。

崩牙駒對是次壽宴極度重視,早於月中接受本刊專訪時,已不斷收到兒孫從海外打來的電話,紛紛表示親身飛回澳門與他賀壽。

是次「駒哥壽宴」筵開二十圍,但拒絕記者採訪,全因崩牙駒想盡量低調,以免受到他口中有權勢、有財力的人造謠,為日後在澳門賭業穩步發展鋪路。大家姐俾面

在澳門賭業界人稱「大家姐」的司徒玉蓮(右二),曾是街市偉的生意拍檔兼紅顏知己,後來分道揚鑣,她亦俾面出席崩牙駒壽宴,全程由崩牙駒旗下行動組組長大頭光(右一)傍實,二人未來或會在賭業上有所合作。

駒嫂整裝

等崩牙駒出獄等了十四年的葉嘉愉(右三),身穿白色連身裙,當晚一早到場,整裝待發,以女主人身份出席壽宴。近日,崩牙駒訂了一部賓尼房車贈愛妻。

兄弟簇擁

晚上十一時,穿著黑色西裝的崩牙駒,與旗下行動組組長大頭光(左一),在大批兄弟簇擁下步出壽宴會場。崩牙駒心情大好,指生日願望是「最緊要世界和平」,其兄弟聞言即連聲附和,各人其後轉戰酒店五樓的9號會所夜總會卡拉OK,繼續唱其老歌盡興。

有運行

大批江湖人士俾面出席崩牙駒壽宴,離場時,有紋身漢指:「駒哥歸位,今後大把世界。」

 

崩牙駒再戰江湖

1 : GS(14)@2011-04-12 22:05:15


2 : GS(14)@2011-04-12 22:06:07

邊間上市公司呢?

http://hk.apple.nextmedia.com/te ... 104&art_id=15159325
【本報訊】回歸前在澳門儼如土皇帝、掀起連場腥風血雨的黑幫 14K頭目「崩牙駒」, 98年涉嫌密謀暗殺澳門司警司一哥被判囚逾 13年,最快下月初出獄。據悉,崩牙駒誓言東山再起,正積極部署再戰賭業,澳門政府為防江湖再起廝殺,正穿針引線拉攏各方江湖猛人密斟,期望崩牙駒出獄後即有地盤搵食,乖乖搵銀,然而各方難有共識,澳門回歸 12年的太平盛世,勢現暗湧。 記者:張軍

消息人士透露,由中央政府以至澳門特區政府,都擔心崩牙駒出獄後會破壞社會長久穩定。政府的想法是,要確保崩牙駒出獄後不會無所事事。據瞭解,過去數月,有中間人已入監獄與崩牙駒磋商條件,香港金融界上月已「收到風」,指崩牙駒 5月初將會出獄,而澳門有勢力人士將把手上某隻港股的控制權,轉由崩牙駒「打骰」。根據初步構思,崩牙駒出獄後除從炒賣港股獲利,還可經營兩至三個澳門賭廳以及一間位於北京的酒店。

要重新安排賭枱惹爭議


據瞭解,崩牙駒在獄中已得悉有關「善意安排」,但因沒機會與相關人士直接面談,故暫未表態,只說:「出到去先慢慢傾。」有澳門賭業人士指,江湖猛人街市偉及崩牙駒雖是同門,但勢成水火,估計兩人合作機會甚微,同時澳門賭廳早已由各大山頭割據,若崩牙駒復出,澳門博彩如何重新安排賭枱及酒店讓他經營勢惹爭議。
據悉,當局欲拉攏的對象還包括水房話事人水房賴,他與崩牙駒亦過節甚多,是否願意與崩牙駒「有錢各自搵」亦屬難題。消息亦指,在崩牙駒服刑期間,部份嫡系門生已「過底」敵對幫派,部份人或會被「重召歸隊」,亦為幫派衝突的隱憂。

獄中擁手機與門生聯繫



原名尹國駒的崩牙駒現年 56歲,仍在澳門路環監獄服刑。 98年 5月,時任司警司長白德安驅車往松山跑步,下車不久其座駕即爆炸,數小時後,白德安率隊在葡京酒店拘捕崩牙駒,他與胞弟尹國雄及多名門生,於翌年被控連串黑社會相關罪名被判囚,當中崩牙駒刑期 13年 10個月,據知他將於下月刑滿出獄。
據一名與崩牙駒識於微時、曾一起在獄中服刑達 11年的得力門生阿標(化名)向本報透露,崩牙駒在獄中一直擁有私人手機,但不會在獄警面前使用,而他透過手機,一直與外面的門生密切聯繫,對江湖之事瞭如指掌,在幫會中仍是馬首是瞻。與崩牙駒一起被判囚的手下,包括駒胞弟、陳月波(石岐嘟)、葉錦添(猛鬼添)、黃達豪(豪仔)等均已全部出獄,大部份仍在澳門賭業活躍。

預言:唔會再腥風血雨
據阿標引述崩牙駒說,他誓要在出獄後東山再起,早前已要求各高層門生,包括豪仔、洗米華及肥仔等,每人為他籌錢二、三千萬元,並為他準備賭廳及人馬,讓他出獄後即可再戰賭業。據悉,目前澳門 14K賭業重地包括新濠天地及太陽城等,至於崩牙駒將在何處落腳則未有定案。
阿標又說,崩牙駒自言年紀漸長,恐難復當年勇,加上在獄中錯過了澳門賭業發展的黃金歲月,出獄後難敵撈得風生水起的死對頭「水房賴」,故出獄後欲與對方見面詳談,預言:「唔會再腥風血雨」。崩牙駒在監獄中度過逾 10年,但據阿標形容,崩牙駒不抽菸,在獄中獲得不少優待,包括有門生長期服侍,可謂好食好住,體形及精神狀態均保持得很好,戰意甚濃。
3 : oscar48(1424)@2011-04-12 22:29:24

8029
4 : 龍生(798)@2011-04-14 01:16:21

整的咁爛既野俾佢, 佢制唔制呀?
ps. 我無研究過8029
5 : oscar48(1424)@2011-04-14 01:40:32

4樓提及
整的咁爛既野俾佢, 佢制唔制呀? ps. 我無研究過8029

佢澳門三個廳星際,新濠,mgm,韓國七樂同菲律賓渡假村
6 : 龍生(798)@2011-04-14 15:18:37

咁聽落又好似好吸引...
7 : oscar48(1424)@2011-04-14 16:29:43

唔買啦
8 : 龍生(798)@2011-04-14 17:33:36

當然唔買...我意思係崩牙駒聽落好似好吸引咁
9 : GS(14)@2011-04-14 21:33:44

4樓提及
整的咁爛既野俾佢, 佢制唔制呀?
ps. 我無研究過8029


好似搞了一個礦番來,他管唔管到的?
10 : GS(14)@2011-04-14 21:34:04

8樓提及
當然唔買...我意思係崩牙駒聽落好似好吸引咁

959都見到點啦,唔好搞
11 : greatsoup38(830)@2011-05-02 17:08:44

東周話:
入股香港上市公司
活躍港澳兩地的江湖人士興哥透露:「其實早在去年中,崩牙駒已透過商界好友,斥資逾千萬元入股香港創業板一上市公司,並由得力助手阿龍代其出面,之後便動作多多。」該公司的業務甚廣,涉獵投資、旅遊、娛樂等生意,崩牙駒加入後,首先借助公司來測試自己的名聲,是否仍獲各方好友畀面,並趁機向他們「揼心口」。

邊個叫阿龍或者姓龍,或者中間個字叫阿龍? 8172? 8228?
12 : 200(9285)@2011-05-02 17:31:06

10樓提及
8樓提及
當然唔買...我意思係崩牙駒聽落好似好吸引咁

959都見到點啦,唔好搞


哎也唔好看小959呀 佢攪左n年果個西北航運 ~ 來往屯門至澳門既航線服務 開左啦
13 : greatsoup38(830)@2011-05-02 17:31:45

12樓提及
10樓提及
8樓提及
當然唔買...我意思係崩牙駒聽落好似好吸引咁

959都見到點啦,唔好搞


哎也唔好看小959呀 佢攪左n年果個西北航運 ~ 來往屯門至澳門既航線服務 開左啦


賺得幾多又
14 : samsambloor(2997)@2011-05-03 14:14:30

11樓提及
東周話:
入股香港上市公司
活躍港澳兩地的江湖人士興哥透露:「其實早在去年中,崩牙駒已透過商界好友,斥資逾千萬元入股香港創業板一上市公司,並由得力助手阿龍代其出面,之後便動作多多。」該公司的業務甚廣,涉獵投資、旅遊、娛樂等生意,崩牙駒加入後,首先借助公司來測試自己的名聲,是否仍獲各方好友畀面,並趁機向他們「揼心口」。

邊個叫阿龍或者姓龍,或者中間個字叫阿龍? 8172? 8228?




投資、旅遊、娛樂........會唔會係8022??? 呢隻好似同澳門有0的關係???
15 : i3640(1387)@2011-05-03 17:58:24

湯財兄,駒哥出番離,要大展拳腳.向邊飯發展?!有好多猜測.
D報道都幾誇張,寫到”政府要”幫”佢揾定地盤,幾搞野.呢期仲寫到佢要玩埋股票,搵檔上市公司打殼…神化得西利.

1/佢同賭業分吾開,出番離實搞呢飯. 佢人腳吾齊,好難同人地硬憾.佢呢種人放數林友物都做齊, 系馬交威過享過, 出番離甘心就敢做臭四?!
2/你覺得佢呢鑊有機發圍?!
3/我倒想佢拍番套監獄風雲,佢九八年開過套自傳式電影濠江風雲!
16 : GS(14)@2011-05-03 21:25:24

14樓提及
11樓提及
東周話:
入股香港上市公司
活躍港澳兩地的江湖人士興哥透露:「其實早在去年中,崩牙駒已透過商界好友,斥資逾千萬元入股香港創業板一上市公司,並由得力助手阿龍代其出面,之後便動作多多。」該公司的業務甚廣,涉獵投資、旅遊、娛樂等生意,崩牙駒加入後,首先借助公司來測試自己的名聲,是否仍獲各方好友畀面,並趁機向他們「揼心口」。

邊個叫阿龍或者姓龍,或者中間個字叫阿龍? 8172? 8228?


投資、旅遊、娛樂........會唔會係8022??? 呢隻好似同澳門有0的關係???


都有機會,但8022旅遊生意bor,但是呢排真是動作多多
17 : GS(14)@2011-05-03 21:26:45

15樓提及
湯財兄,駒哥出番離,要大展拳腳.向邊飯發展?!有好多猜測.
D報道都幾誇張,寫到”政府要”幫”佢揾定地盤,幾搞野.呢期仲寫到佢要玩埋股票,搵檔上市公司打殼…神化得西利.

1/佢同賭業分吾開,出番離實搞呢飯. 佢人腳吾齊,好難同人地硬憾.佢呢種人放數林友物都做齊, 系馬交威過享過, 出番離甘心就敢做臭四?!
2/你覺得佢呢鑊有機發圍?!
3/我倒想佢拍番套監獄風雲,佢九八年開過套自傳式電影濠江風雲!

1. 不過我睇新聞,他的人腳其實好齊,要搞大茶飯一定得,但既得利益者已多,所以未必一定齊心,所以草草了事
2. 有機搞細的,大的我想肯定搞唔到
3. 大家咁話
18 : i3640(1387)@2011-05-04 16:54:12

講開又講,報紙雜誌寫到佢系入面都收靚,一出離就揼人心口收舊數,仲有寫埋佢會吹雞叫舊部歸隊...寫到好似放咗支針系佢隔離敢,真系好好笑,哈哈哈!

1/湯財兄,如果佢真系搵檔上市公司打殼,你估佢會吾會揾馬交幫幫拖??甘利瘋?吾通好姐(即傑好)呀?
2/以佢性格,需要揾FA幫手?!
19 : GS(14)@2011-05-04 20:55:39

1. 一定會,唔係邊個信佢,金仔又好,結果很好又好,還有一堆集美等等等等的,都可以用
2. FA是甚麼? 財技人一定要啦
20 : i3640(1387)@2011-05-05 15:35:18

19樓提及
1. 一定會,唔係邊個信佢,金仔又好,結果很好又好,還有一堆集美等等等等的,都可以用

照計馬交幫同佢同聲同氣,揾佢地最就手。我開頭都系咁林。
但系林林下,駒哥同佢地牙齒痕分分鐘成本電話簿咁厚。
我覺得佢揾羊仔搞最好:
第一,大家都入過冊,算系老彭。第二,羊仔系馬交都有生意,了解馬交環境,而且買賣檯都做過,大家會有計傾。第三,羊仔夠雷,仲有出名夠老實。第四,駒指小馬,同羊仔應幾夾。
湯財兄,你點睇呀??
21 : i3640(1387)@2011-05-05 15:37:57

19樓提及
2. FA是甚麼? 財技人一定要啦


系呀,FA我指財妓人,菜務顧問,證券公司做收扣合餅個班持牌人。

我咁睇,駒哥同呢班人吾同嘴形,好難有計傾。

以佢性格,我估佢未必揾呢堆人,第一,佢會直接揾果班有做三四線抵押的老細傾。咁樣夠直接,可以問佢地有無貨系手。不過有的話,件野應幾爛,吾慌系好野。第二,或會揾間爛仔行,專做配獸供古果D,揾目標大比例配加供雙翼齊飛,夾硬收件貨番離。以佢出冊後就算籌到旗,子彈吾會太多離講,呢款玩法,幾大可能佢會去馬。

湯財兄,你又點睇呀??
22 : GS(14)@2011-05-05 21:05:00

20樓提及
19樓提及
1. 一定會,唔係邊個信佢,金仔又好,結果很好又好,還有一堆集美等等等等的,都可以用

照計馬交幫同佢同聲同氣,揾佢地最就手。我開頭都系咁林。
但系林林下,駒哥同佢地牙齒痕分分鐘成本電話簿咁厚。
我覺得佢揾羊仔搞最好:
第一,大家都入過冊,算系老彭。第二,羊仔系馬交都有生意,了解馬交環境,而且買賣檯都做過,大家會有計傾。第三,羊仔夠雷,仲有出名夠老實。第四,駒指小馬,同羊仔應幾夾。
湯財兄,你點睇呀??


呢個唔夠你認識深,但相信在唔畀佢搞事之下,任誰都會幫他吧
23 : i3640(1387)@2011-05-05 21:50:09

22樓提及
20樓提及
19樓提及


呢個唔夠你認識深,但相信在唔畀佢搞事之下,任誰都會幫他吧



湯財兄,我認識好淺架炸.

吾忍吾忍,佢都忍咗成十年,出番離,駒哥應吾會一開波就炒大鑊。是的,有錢齊齊揾,有女齊齊上,佢應明白呢個道理。

駒哥同財妓人,果班系證券行做收扣合餅的持牌人吾同嘴形,好難有計傾。以佢性格,我估佢未必揾呢堆人搞。

湯財兄,你估佢揾邊班人搞呀???

我咁睇,第一,佢會直接揾果班有做三四線抵押的老細傾。咁樣夠直接,可以問佢地有無貨系手。不過有的話,件野應幾爛,吾慌系好野。第二,或會揾間爛仔行,專做配獸供古果D,揾目標大比例配加供雙翼齊飛,夾硬收件貨番離。以佢出冊後就算籌到旗,子彈吾會太多離講,呢款玩法,幾大可能佢會去馬。
smiley
24 : GS(14)@2011-05-05 21:51:00

他咁多資產,搞呢D建立陣地慢慢玩都得,好多馬交人就咁玩
25 : i3640(1387)@2011-05-06 17:18:36

24樓提及
他咁多資產,搞呢D建立陣地慢慢玩都得,好多馬交人就咁玩


湯財兄,高見高見!
系呀,佢出番離都無必要急到賴,即刻搵檔上市公司離搞.買檯不急於一時.
買堆轆柚葉沖番個靚涼,食餐勁,梳夫下,數下手上仲有幾多籌碼,慢慢林都未遲啦!
26 : GS(14)@2011-05-07 10:18:32

25樓提及
24樓提及
他咁多資產,搞呢D建立陣地慢慢玩都得,好多馬交人就咁玩


湯財兄,高見高見!
系呀,佢出番離都無必要急到賴,即刻搵檔上市公司離搞.買檯不急於一時.
買堆轆柚葉沖番個靚涼,食餐勁,梳夫下,數下手上仲有幾多籌碼,慢慢林都未遲啦!



食少少股票,入去摸下,得就大手去馬,但是對股東來講就....

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019