波鞋街地舖1.3億沽 勁賺11倍
1 :
GS(14)@2016-08-11 06:00:52【本報訊】零售市道轉弱，舖價見頂，業主開始出售物業。旺角波鞋街錄得近六年以來首宗舖位買賣，花園街一地舖以1.311億元沽出，原業主賺逾11倍。消息指出，旺角花園街62號地下，面積約800方呎，剛以1.311億元售出，呎價16.39萬元。連鎖鞋店Converse月租38萬元，以成交價計算，新買家租金回報高達3.5厘。據了解，舖位原業主早於2003年以1,050萬元購入，一直收租，至去年突然推出放售，索價2.3億元。不過，當時零售市況已轉弱，故不斷將叫價下調，今年更進一步降至1.75億元。最終，舖位較叫價勁減9,890萬元或43%售出，但仍大幅獲利1.206億元，賺11.5倍。波鞋街對上一宗地舖成交已要數到2010年10月，允記體育用品以1.8億元沽出花園街45至47號地下B舖，呎價約18萬元。此外，商廈亦錄大手，由韓國外換銀行自用的金鐘遠東金融中心32樓全層，獲買家出價3.08億元洽購至尾聲，面積10,552方呎，呎價29,188元。
來源:
http://hk.apple.nextmedia.com/financeestate/art/20160811/19731630
自成一格：一對波鞋賺萬五蚊？
1 :
GS(14)@2016-09-23 08:08:03上星期中秋，有好多朋友損手爛腳，不過就唔關煲蠟事嘅，只係有好多慘慘豬買咗iPhone7但又唔係jet black，搞到變成蟹貨，最後惟有自用或者轉手畀親朋戚友啦！越野兔4月已經講過，iPhone已經炒無可炒，識炒一定係炒波鞋！有水位有得炒都係只因一條黃金定律，「物以罕為貴」！今年9月初Nike開賣的經典Air Jordan1 Retro High OG「BANNED」2016版已經炒得沸騰騰，官方價1,299元，好多波鞋友都無緣抽到，據eBay最新開價，竟然高達3,500大元！不過，炒味最濃的已經唔係Jordan喇！去年Adidas Originals請咗美國著名Rap友Kanye West轉會合作出限量鞋Yeezy Boost，先真正上神枱，每次一出必定瘋搶，全球炒到飛起！除咗年中推出的Yeezy Boost750「Light Grey」炒至過3萬元外，另一較平民的Yeezy Boost350 V2亦將於本周六（9月24日）全球同步發售，官方建議零售價2,200元，仲要Adidas VIP先有得抽。專門店方面一早到咗貨，唔少關連人士都已經預留，eBay亦已開價，最高叫價17,062大元，一對閒閒哋賺15,000蚊！不少真用家都對於波鞋炒家恨之入骨，其中一個「犯眾憎」的是20歲華人炒家Allen Kuo，每次在公開發售前都會上載自己與大量新鞋合照。著名波鞋網Sneakerwatch今年6月曾經訪問過佢，佢表示自己讀書開始由賣襪起家，過去幾年間已賺取六位數美金收入。不過佢私底下唔係真鞋粉，平時亦唔會着Yeezy或者Jordan，覺得着嚟show off冇咩意義，賺錢好辛苦唔想亂咁使喎！越野兔唔反對炒賣，要大家你情我願先可以有價有市；但其實諗深一層，Allen講法亦不無道理，係時候分清楚「what you need」和「what you want」喇！越野兔
https://www.facebook.com/Sailorrabbit/本欄逢周五刊出
來源:
http://hk.apple.nextmedia.com/financeestate/art/20160923/19778777
Next Page