ZKIZ Archives


北上搏殺 暴瘦十多磅魯芬患皮肌炎留院:情況OK

1 : GS(14)@2017-02-05 10:39:39

■去年7月,魯芬撐枴杖現身歌舞劇拜神儀式,當時她謂患神經性皮炎。資料圖片



現年62歲的魯芬(原名張偉芬),去年到內地開工時曾患上神經性皮炎,因病消瘦了十多磅,昨日有自稱魯芬朋友的讀者張先生向《蘋果》報料指魯芬病重留院。魯芬年初二曾於facebook貼圖跟大家拜年,但其後幾日都沒再更新。昨傳出她留院消息,張先生昨在電話中表示曾往探望:「佢平時開開心心好多嘢講,?家就插晒喉,好似認唔到人咁,唔知佢乜嘢病。知佢上次喺內地拍完嘢後,病得好犀利。」張先生稱與魯芬相交多年:「佢唔係好好景,好似係佢家姐睇住佢。前幾個月我有陪過佢睇醫生,我咁啱又得閒,幫到手咪幫囉,佢嗰陣講嘢已經好似冇乜力,但我問極佢都唔肯講乜嘢事。」張先生稱魯芬暫無法說話。



■雖然患病,但魯芬(左二)照樣演出歌舞劇《香港過來人》。互聯網圖片

■魯芬曾與韓星李光洙搞笑拍廣告,被指是開心果。資料圖片


出入醫院幾個月

記者聯絡魯芬,其姪女張小姐昨以電話回覆:「芬姐休息緊,多謝你,有心了。佢一直患有皮肌炎,係免疫系統病,過往一直有進出醫院,?家冇乜大礙。」張小姐希望低調處理魯芬留院一事,她說:「佢過去幾個月都出入醫院,呢次係過年前入院。」張小姐否認魯芬現插喉,她說:「之前有,?家佢落到床,胃口同精神都OK。」何時出院?張小姐說:「要再觀察,等醫生決定。」魯芬昨晚以短訊回覆:「多謝,有心。身體健康!暫時情況OK,多謝關心。」圈中友人都慰問魯芬,她續說:「哈哈,好有愛啊,感恩!」



■鄧英敏與吳麗珠均擔心好友魯芬的病情。資料圖片

吳麗珠 資料圖片


嚴重可影響心臟

魯芬去年7月撐枴杖現身歌舞劇《香港過來人》拜神儀式,她承認去年北上開工時患神經性皮炎,肝酵素偏高,胃口變差兼易攰,至今未完全康復,她謂不可吃太甜及肥膩食物,亦要減肥,她曾說:「住啲酒店唔乾淨,開頭以為少少痕冇事,點知越嚟越大,好似生蛇咁。」皮肌炎發病主因是免疫系統失調所致,嚴重皮肌炎病患者可波及身體其他器官,例如心臟、呼吸系統、食道及消化系統,亦可引起併發症如肺部纖維化發炎等。此外,鄧英敏謂大半年沒見魯芬,只知道她最近皮膚不太好。吳麗珠也知魯芬患皮膚病:「詳情唔知,後尾問佢話冇嘢,可能係疲勞過度。」斑斑則透露:「幾個月冇見,知佢有啲事。」採訪:嵐山、劉敏




來源: http://hk.apple.nextmedia.com/entertainment/art/20170203/19915921
北上 搏殺 暴瘦 瘦十 十多 多磅 魯芬 皮肌炎 留院 情況 OK
PermaLink: https://articles.zkiz.com/?id=325297

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019