在一片唱淡聲中，昨日港股又回升上兩萬點，追高殺低，炒出炒入，時揸時沽，結果又比股票市場左一巴，右一巴。有網友問我，根據我的經驗，現在 股市是牛是熊? 我只知道，港股幾十年來都是一浪高於一浪，所以從來都是牛市，未來港股只會更反映中國經濟，港股再大牛十年，是意料之內，相反，美國國勢江河日下，負債累 累，未來美國股市好極有限。每逢港股下跌，散戶都會懷疑長線投資的成效，今天，我講一個學校不會教，父母不會講，傳媒不會說，但經我一講你就明白嘅普通投 資常識。
我經常講，長揸優質股票就是投資王道，大部份人會懷疑我這句說話，如果換上長揸物業，大部份有樓的香港人都會認同，香港地大把百萬、千萬、億萬富 豪，都係從上世紀買入物業，揸到今天，賺租賺價，因為資產升值而致富，只有少數炒家輸錢收場。但換上股票投資，起碼8成香港股票投資者都要輸錢，何解? 幾十年來，恆指不是一浪高於一浪嗎? 如果細心分析，那些在股市輸錢的投資者，大部份都是炒出炒入，以投機賭博的心態入市，絕少像持有物業一樣長揸十年廿年，無計，無論網上或是傅媒，都絕少有 人講真話，教人腳踏實地，長線投資致富，資本主義發展到今天，可能已經窮途末路。無人講真話，就等我來講，唔好同我講話一年半載之前，睇我個網誌，跟我買 股票，現在要輸錢，你一年半載前用十萬蚊一呎買香港樓，到現在輸得更厲害，長線投資致富，須時十年廿年，朝種樹，晚鋸板，註定失敗，昨日我貼出一張持有近 12年的盈富基金股票，如果你下定決心，長線投資，到12年後，無論是股價升值，或是價息兼賺，又或是股息再投資，一樣會賺到盤滿缽滿。長揸股票致富，只 是普通常識。