|
||||||
|
金融界有一流傳已久的笑話，若想攝位見報，去福臨門一趟食飯便可，當中尤以大劉進出的時間效果最為顯著，事關總有狗仔隊長駐候駕。 食餐飯，未必人人喜歡如斯高調。今年有隱形富豪飯堂「國福樓」開業，立即吸引不少富豪幫襯，包括利豐馮國經兄弟、新世界鄭家純及新地郭炳聯等大孖沙前來。 開創這間隱形富豪飯堂的徐保祿，原來大有來頭，八十年代初，霍英東請他從美國回來，籌劃廣州白天鵝賓館開業，之後搞了多間食肆。多年來接近隱形的他，今次肯接受訪問，無非有事不吐不快。不過他勢估不到，連帶自己身世亦一併曝光。徐保祿資料 59年上海出生，兩歲移居香港 80年代初白天鵝賓館出任顧問 91年回流香港，與盛智文在蘭桂坊合作開多間食肆。 98年在太古廣場開夜上海，現時港九兩間分店，每月賺逾百萬元。 08年在北京租了六萬呎地方，開1949 The Hidden City。 10年開國福樓及南海一號 名人食客 米芝蓮早前公布最新指南，剛開張的國福樓榜上無名，老闆徐保祿說意料之內，「我們咁低調，客人都是一個介紹一個來，很多人仲未聽過國福樓，只以為是下面南海一號的貴賓房。」 事實上，位於尖沙咀iSquare三十一樓的國福樓鮮有宣傳，中庭僅放了五、六張餐枱，其餘地方間了九個廂房，因此看似冷冷清清，「我哋唔多散客，所以只係求其擺幾張。」 相反，廂房才是主菜，城中名人食客不絕，唐英年媽媽來了不下五次；早前錢果豐食過，推介馮國綸幫襯，他食罷讚不絕口，隔了數天再訂了兩圍枱，替母親慶祝生 日。其他富豪食客，包括笑言二十多年從未在九龍區吃過飯的郭炳聯，以及鄭家純和《信報》創辦人林行止等等；據悉金庸早前請客，一圍十二人便吃了近六萬元， 大讚食物質素較福臨門還要高。 朱太包場設宴 至於以往常在福臨門設宴的金利豐證券老闆娘朱李月華，今年亦改了在國福樓擺生日酒，由於圍數眾多，朱太索性包了國福樓及樓下的姊妹食肆南海一號，宴請詹培 忠及向華強夫婦等老友，有份參加當晚生日派對的人大讚氣氛一流，「好食唔在講，最正係環境，平日我哋多數企响香港望九龍，今次倒轉望番香港，景色仲正！」 記者請了出名識食的大狀黃軒利前來試菜，他笑言之前從未聽過國福樓，但食罷大讚，尤其海虎翅及炸子雞高水準，「翅身夠粗，軟硬度適中，煮多半小時就太腍， 煮少半小時又過硬，好考廚師功夫。」他更大讚這裡環境一流，價錢合理，「近年鮑魚花膠俾大陸人搶到貴晒，我自己都唔捨得買。」 不懂粵菜 雖然食客讚好，但身為老闆的徐保祿坦言對粵菜一竅不通，「我比較鍾意食西餐，廣東菜麻麻。」他從事飲食業廿年，曾經營多種食肆，今次才首度沾手粵菜，一做 便投資數千萬元，記者問他不會太勇嗎？他說機會難逢，「有錢都搵唔到咁嘅人腳，真係要多謝福臨門，無佢哋兄弟決裂，都唔會有國福樓。」 徐保祿原有一副手曾梓銘，負責管理食肆夜上海，以前則在香格里拉替郭鶴年打理夏宮多年。○八年，郭鶴年與福臨門合作開拓中國，遂找曾梓銘回巢，擔任福臨門 中國的行政總裁。當時曾梓銘心大心細，直言此乃千載良機，惟亦怕得失徐保祿，「真係左右做人難，結果向徐生提出放一年無薪假，俾我出外闖闖。」 放一得三 曾梓銘到福臨門上班後，以為可近距離觀摩富豪飯堂運作，不過見得最多的，卻是兩名老闆不咬弦，「難聽啲講句，有時為咗啲好濕碎事鬧交，一班伙記變成磨心。」結果一年過後，曾梓銘替福臨門開了深圳分店，便重返徐保祿公司，並獻計找福臨門近年離開了的舊臣，埋班搞國福樓。 頭號羅致對象，是在福臨門任經理三十年的陳錦年，他以往專責招呼豪客，替他們發帖請客兼寫菜單。曾梓銘笑說陳錦年是吸金機器，很多豪客知道他過檔後，都專 程來捧場；現時每月三分之二的生意，皆來自陳錦年的熟客，「淨係請年哥返來聽電話，已經物超所值，真係唔明七哥（福臨門老闆之一徐維均）點解鬧走佢。」 雖然事隔兩年，陳錦年說起福臨門仍火起：「老闆大晒咩？係又鬧，唔係又鬧。如果唔係做咗幾十年有感情，都唔知點同五哥（徐沛鈞）辭工，最後只好話想退休湊 孫。」徐保祿找陳錦年復出，但他沒即時答應，更開出條件要用自己的廚房班底，「冇好嘅廚師，一樣搞唔掂。」最終他找來在香港及日本福臨門擔任頭鑊接近廿年 的陳佑良，正式另起爐灶。 狂數師妹業主 徐保祿最初構思租下iSquare最頂兩層複式，是用作開西餐廳，但陳錦年及陳佑良加盟後，立即一百八十度轉變，地方較小的頂層闢作國福樓，備有巨型露台的下層，則作新派中菜南海一號。 國福樓開張半年，徐保祿指生意幾近達標，但仍指責若非大業主凱聯國際不善管理，生意肯定更好。「大廈未落成之前，業主承諾會將電梯分層，二十九至三十一樓 共用一部，點知入伙之後，竟然係七、八層樓共用三部『車立』，每當樓下婚宴散席時間，我哋客人實搭唔到，試過有貴賓焗坐貨『車立』走。」 另一件事，他千叮萬囑記者要寫，iSquare開業一年，至十二月還未開放停車場給顧客使用，令全場租戶大叫離譜，「完全唔明業主諗乜，我哋做多啲生意， 佢收租金愈多，依家簡直損人不利己。」他指當日扑槌租新開張的iSquare，全因凱聯太子女鍾聰玲，是他在康乃爾大學酒店學系的師妹，以為她會學以致 用，可以轉述租客意見予家族聽，可惜事與願違，「呢件事證明佢屋企重要過學校。」 他其實與不少富豪有淵源，八十年代霍英東從美國私人請他回來，做白天鵝賓館的顧問，負責從零開始培訓前線員工；據悉他更透過霍英東，認識古董收藏家張永 珍，並娶了張的女兒為妻；至於第二任妻子則拍電影，記者向他求證，他不置可否，只肯說：「結過兩次婚，離過兩次婚，有一子一女。」說畢即扯回話題到國福 樓，揚言只要iSquare搞好配套，應可摘下米芝蓮三星。 做廚唔准賭錢 陳佑良以往在福臨門專責到會，常到何鴻燊及劉鑾雄的家中，四叔李兆基每年在家舉行的生日宴，例必由他處理，「以前我只會留响廚房搏命炒，但聽了強哥（福臨門第三代徐德強）意見後，認為廚師必須與食客交流，才學會衝出廚房。」 他指即使豪宅地方夠大，但爐頭卻未必夠猛，他例必帶備石油氣爐同行炒菜。故此李澤楷買了石澳大屋，便多次找他到大宅俾意見如何裝修廚房，「其實李生有位飲食總監，不過係西廚出身，唔熟中菜。」他指大宅內中西廚房各一，面積合共逾四千呎。 今次搞國福樓，陳佑良找了八位曾在福臨門做廚的兄弟埋班，揀人條件是要齊心唔賭錢，「我見過好多天分極高嘅前輩，因為爛賭唔俾心機，每逢跑馬日，出品特別差。我哋做頂級食肆，客人一試就知唔對辦。」 |
||||||