ZKIZ Archives


無綫借《人在邊緣》挽頹勢環球禁myTV播黎明歌

1 : GS(14)@2016-05-24 10:44:24

■無綫下周重播《人在邊緣》,環球強調網絡平台不能播黎明(左)唱的主題曲和插曲。劇照


無綫近期膠劇收視每下愈況,將於下周深夜時段重播黎明舊劇《人在邊緣》,希望藉黎明的人氣挽頹勢,不過,由於劇集主題曲《人在邊緣》和插曲《如果這是情》都是黎明主唱,兩首歌版權屬於環球的前身寶麗金,偏偏最近無綫和環球在網絡使用權合約上傾唔掂數,環球拒加簽一世任用網上播放權條款,故合約期滿後,無綫網上平台被禁止播放環球旗下歌曲,換言之,無綫於下周在myTV播出《人》劇時,網上不可以播由黎明唱的主題曲和插曲。環球發言人昨接受本報訪問表示:「無綫網上平台係唔可以播呢兩首歌,因為合約已經完咗,歌曲版權屬於環球,當日何哲圖代表無綫同環球傾續約,同事已經提醒咗佢,劇集嘅主題曲、插曲、片尾曲都受合約規限,無綫網上平台唔可以播黎明呢兩首歌。」到時觀眾睇劇集《人在邊緣》,但冇得聽黎明唱《人在邊緣》!



志雲:咁就麻煩喇

另外,無綫前業務總經理陳志雲、白雪仙、甘比帶仔女和媽咪等到前晚到中環出席「慈善兒童粵劇飄香江」,陳志雲被問到無綫和環球傾唔掂數,會否覺得合約完結還要「永久使用歌曲」好霸道?志雲說:「我冇留意,都冇了解詳情,淨係知傾唔掂關於網絡嘅問題。呢個都幾大影響嘅,如果冇咗版權都會幾煩,不過我相信以往用咗都一定傾得掂。」對於環球要求完約後所有歌曲下架,志雲說:「咁就麻煩喇!」至於無綫高層余詠珊及曾勵珍兩派內鬥問題,監製關永忠被辭職?志雲表示:「我冇留意,不過未必係爭鬥嘅,我而家都唔知係點,以前成日都話有爭鬥㗎啦,不過一定唔係真嘅。」採訪、攝影:皓騫、黃曉妍



■陳志雲對無綫和環球的網絡合約傾唔掂數表示:「咁就麻煩喇!」

■白雪仙前晚現身出席「慈善兒童粵劇飄香江」,對推動粵劇不遺餘力。



來源: http://hk.apple.nextmedia.com/entertainment/art/20160523/19623152
PermaLink: https://articles.zkiz.com/?id=301343

和記4G用戶免費睇myTV SUPER

1 : GS(14)@2016-11-16 05:20:02

【明報專訊】近排OTT業務發展嚟講,myTV SUPER嘅風頭可謂一時無兩。早排香港寬頻先話加購85萬個myTV SUPER盒子,噚日連和記電訊都話,旗下4G用戶可以免費睇足1年myTV SUPER,仲推咗個TVB專用數據組合方便大家煲劇。睇嚟myTV SUPER真係好受歡迎,唔通近年飽受批評嘅無線劇集可以起死回生?

且慢!其實myTV SUPER有分基本組合同外購劇,電視廣播總經理鄭善強就話訪問過啲用戶,原來最吸引用戶嘅喺外購劇!

用戶最Buy外購劇

就連和記電訊營運總監陳婉真都話,自己最鍾意外購節目點播組合,仲話呢個點播台令佢嘅生活變得多姿多采喎!唔怪得噚日記者會上重點推介嗰套劇,竟然係由長腿oppa李敏鎬孖住女神全智賢演出嘅韓劇《藍海傳說》啦,似乎本地薑要加把勁至得嘞!

[小琴密語]


來源: http://www.mpfinance.com/fin/dai ... 6721&issue=20161116
PermaLink: https://articles.zkiz.com/?id=315716

【動畫】搜尋myTV SUPER變咗上咸網TVB躺著也中槍

1 : GS(14)@2017-03-24 17:08:02

香港地嘅家長出晒名緊張,有啲就望子成龍,贏在射精前;有啲就過份保護小朋友,郁啲就投訴。日前喺Baby Kingdom討論區就有個家長開post,話自己小朋友上網以「myTV SPUER」作關鍵字去搜尋(註:正確寫法為myTV SUPER),點知就搵到一個成人網站叫myAV SUPER;之後呢位家長仲去投訴TVB,仲話唔知以後俾唔俾小朋友睇TVB好,又話好危險,又指責TVB唔做嘢保護電視台個名。呢個post一出,引來好多網民留言,大多數都話:「怪獸家長」、「關TVB咩事?」、「TVB躺著也中槍」、「人哋特登改個近似嘅網站名關TBB咩事?myTV SUPER個名註冊咗就得啦!」有心水清嘅網民留言表示,佢喺Google搜尋「myTV SUPER」,搵咗5版都唔見樓主所講嘅成人網站;仲同樓主講上網都要自己小心,而且件事TVB都冇權干涉。記者實測喺主流搜尋引擎Google及Yahoo,以樓主所示嘅「myTV SUPER」作關鍵字去搜尋(註:正確寫法為myTV SUPER),的確好似心水清網民所講,頭五版都冇樓主所講嘅成人網站出現。各位18歲或以上嘅讀者都可以試吓到底係咪咩搵到成人網站。講到尾,家長保護小朋友係人之常情,坊間亦有不同軟件去過濾網站,避免小朋友接觸不良資訊;家長自己都有責任去教導同把關。




來源: http://hk.apple.nextmedia.com/entertainment/art/20170324/19968710
PermaLink: https://articles.zkiz.com/?id=328652

Next Page

ZKIZ Archives @ 2019