|
||||||
|
才女W以前做過 AO，辭職後到英國讀碩士，回港幫過政黨做政治公關，競選經理，近年就做自由撰稿人，寫專欄，因有見三三四課程，於是試吓寫本通識教科書，一寫先至知道索 氣，原來寫書容易，寫教科書難，才女W幾經辛苦，卒之有貨交，但市面上有咁多本通識教科書，佢本書賣唔賣得，要在市場打過才有分曉。有老友遊說才女W開設 補習社，專補通識，可能比寫教科書更易賺錢。又係嘅，教育局、消委會齊聲指責教科書夠貴，一啲所謂家長代表亦係咁講，但香港家長、教育局、消委會從來唔見 講話補習社收費夠貴，今年預算案仲撥出成億元資助學生去補習；賣一套通識教科書頂多收幾百蚊，已俾人鬧餐死，但補習通識科，一年可以收幾千，政府同家長點 會出聲。 寫教科書有幾難？且看教育局回應「明報」（四月三十日）之提問：「教育局回應，根據《優質課本基本原則》，課本應透過不同的學習活 動培養共通能力，全面均衡地發展學生不同層次的認知技巧，而課本所提供的學習活動應多樣化及具意義，課業和練習適量而均衡，並能配合既定的教學策略和學習 目標。」 哦，原則就寫得幾周全嘞！但教科書作者執筆與編排課文時，點樣落實：「發展學生不同層次認知、學習活動多元化及有意義、課業和練習 適量而均衡，配合既定學習策略和目標」呢？睇嚟教科書作者對本科除咗學識要高之外，仲要出版社啲專家幫助編排，提供教育局評審員心意、識得課程編排，先至 可以寫，唔怪得才女W學人寫教科書，空有知識才情，還是要「捱出來」。如有人認為出版教科書可以牟取暴利，不妨入行試吓：通識教科書唔駛教育局審批，係出 版社都可以出，私人又可以出，有志者，盍興乎來，一嚐「搶錢與牟取暴利」真味道。 |
||||||