ZKIZ Archives


東瀛遊禤國全:睇住對手弱點打

1 : GS(14)@2010-12-26 16:27:37

http://hk.apple.nextmedia.com/te ... 307&art_id=14804509

老闆親身走出台前,任旗下旅行社代言人,東瀛遊執行董事禤國全是第一人。崇尚主動出擊,睇住對手弱點狂攻的禤國全,曾因而被同業「公審」,「『橋』人哋跟,你就不停轉第二樣,佢唔努力諗新嘢,咁你咪帶到佢走囉!」
記者:陳皓怡 攝影:梁鑑章

要突圍,須先發制人。禤國全說, 98年首辦韓國團,當時其他旅行社夜遊東大門要額外收費,東瀛遊首推包夜遊東大門行程,更帶團友到巨龜莊任食牛肉火鍋,「你要睇到對手弱點喺邊度,你就喺邊度打落去。」不過,他隨即被其他旅行社同業圍攻,「嗰陣時真係公審我,佢哋投訴我冇顧客人安全,要揸咗咁耐車嘅司機,夜晚車旅客去埋東大門。」
「我賣完先到你啦!」

你有張良計,我有過牆梯。「我話你唔畀我夜晚用第二個司機咩?」同行如敵國,禤國全下屬曾抱怨,新推出的行程,很快便被同業抄襲,「試過有同事喺行程打『東瀛遊帶你去邊度』,嗰間旅行社連『東瀛遊』三個字都打埋落佢哋嘅行程裏面。真係咁都中招嘅,咪畀個氹佢踩吓囉!」禤國全深明,先發制人,後發制於人,「佢抄應該開心,因為佢跟住後面嘛。帶住佢走,我賣完先到你啦!」
東瀛遊當年「發圍」,同樣是看準行業形勢,主動出擊。東瀛遊前身耀騰旅行社,只做日本當地導遊服務,「如果我哋只接旅行社生意,佢唔畀你做,間旅行社就完全冇價值,所以要變為主動。」
90 年代初,構思搞旅行團生意,同行多在六七十年代成立,硬碰勝算低。 95年出現契機。當時日本神戶發生大地震,同年沙林毒氣事件,「當時啲客覺得去日本旅行會唔會地震?會唔會坐地鐵都毒死。」其他旅行社減少花在日本團的廣告費,禤國全等卻逆市而上,以日本團為賣點,更改名為「東瀛遊」,設立門市,大量投放資源宣傳。由於導遊和旅行社都來自同一團隊,降低成本,當事件淡化後,東瀛遊迅速崛起。
DNA是誠信

除了推陳出新,禤國全說,東瀛遊的「 DNA」是誠信。「旅遊業有一個正面優勢,先收錢後畀貨,唔使賒貨,呢個係一個『魔力』。幾多公司將唔係自己嘅錢,以為係自己錢去投機。結果本業本來做得唔錯,但打兩個觔斗就死咗!」
誠信來自公私分明,還來自對顧客的承諾。大部份旅行社在旺季超額收客,到時坐地起價,「你可能去北海道買晒羽絨手套,但加價加到一家四口,團費兩萬變四萬,去唔到點呀?旅行社唔會畀你去唔到,線路有旺有淡,舉例菲律賓冇咁多人去,咪推薦你去,咁你咪着羽絨手套去菲律賓囉!」他們則承諾報團後不加價,若團費上升則由後來報團者承擔。「可能同一班機,我哋 7000蚊,但同機嘅客當時嫌貴,家就 1萬蚊上機。初初個客中咗招,下次佢會醒目,客就係咁慢慢儲返嚟。」
東瀛遊發展歷史

1986年 成立耀騰旅行社,接待遊日本的香港團
1995年 更名為「東瀛遊」,主力推銷日本旅行團
1997年 開拓不同旅遊路線,由單一日本專線發展至東南亞
2001年 開始拓展長線團,包括澳洲、西歐、東歐等
2003年 沙士期間,推出 88元的本地團
2005年 另設品牌 J-Mart,引入日貨,如奶粉,特色食品等
轉攻本地團捱過沙士

香港旅遊業最艱難時期,非 03年沙士莫屬,禤國全說,「 03年 4、 5月好慘,由過往 1個月做 1萬個客,得返 1000個。」不過,窮則變,變則通,東瀛遊 03年業績還要比 02年好,「馬死落地行,當時冇人出去,政府呼籲多出外運動,呼吸新鮮空氣。」既然飛不出香港,禤國全推出每位 88元的香港一天團, 5月 1日跟兩個同事在港找觀光點, 2日撰寫行程, 3日推出廣告, 4日帶領隊睇地方,「 5月 7日第一隊 departure(出發)!」
東瀛遊不是最早推出本地團的旅行社,要突圍惟有做得比人出色。「客人先喺其士大廈(舊東瀛遊總部)飲咖啡奶茶食三文治,食完落樓下上車。其他團喺半島上車,好天食麈落雨俾雨淋。」首天出團巴士 4架,第二個星期增至 20架。
逆市加薪穩軍心

88元包早餐、自助餐,還有旅遊景點,利潤微乎其微,但卻解決了員工「開工」問題,亦為日後鋪路。禤國全說,「喺車上,領隊可以賣健康產品。我哋有抵玩團又可以喺車上派傳單 sell客,喺旅遊巴上啲客冇得走。」
禤國全坦言,當時營業額很低,但由於股東危機意識強,財力成為沙士的安全網。「當時還可以支持十幾個月」,公司同時為風暴後鋪路,如與航空公司傾較便宜的機票,調高員工底薪穩定軍心,待市道復蘇,蓄勢待發。
請藝人代言隨時會走

從事旅遊業 31年,禤國全第一次外遊是 1977年到日本留學。「七幾年唔同家啲小朋友,我哋去長洲,佢哋就去本州。」不過,他慶幸自己有機會隻身外闖,「你會成長得好快。你會明白,唔好等到病時先照顧自己,要等自己嘅身體喺一個好好狀態,呢啲係危機感,因為叫天不應叫地不聞,要靠自己。」就是因為要靠自己,所以分毫他都不亂用,放學時同學拉隊食飯,他寧願吃自己造的雞蛋三文治。拿着 100日圓,望着汽水機數分鐘,仍不肯拿 90日圓買罐汽水。
近年禤國全成為公司代言人,「同事話如果請 artist,可能第二年唔同你做,我就冇得走。」成為公眾人物代價是「行過馬路都檢點啲,以前走去灣仔酒吧飲吓啤酒,家唔得 o架。不過,凡事要識犧牲先有得着。」
唔准問客「有乜幫到你」

旅行社除行程、酒店這些硬件,賣的就是服務。禤國全說,近年顧客對旅行團要求高,「旅行社冇貨、冇機器,我哋嘅資產係員工。」
東瀛遊有負責培訓部門,由說話技巧到危機處理均有指引。「危機處理唔係件事發生咗先救,係要有一個預見危機的能力。」
東瀛遊的前線員工有兩個「禁忌」:
1)客人甫進門不可以問「有乜幫到你?」
「唔係我哋幫個客,係個客嚟幫襯我哋。」
2)領隊不可為旅行團顧客編定號碼,並以編號稱呼。
「 1號、 2號,又唔係去選美又唔係去跑狗。」
殺一儆百要夠痛
放大圖片

為了統一機構文化,所以論功行賞,獎罰分明。「做得好晉升機會咪快啲囉,你做得好,帶個 40人嘅團,做得唔好,帶 14人。」
香港人跟團或許碰過不買土產和不參加額外行程,遭領隊黑面對待的情況,禤國全指,同事若有違規,私下推銷額外行程,會予以責罰,「有同事唔聽話,要拎番晒所有錢出來,捐咗去之後攞番張收據,加埋停團。」藉以達到殺一儆百之效,「你要佢痛, 3個月冇團出,淨係接客。」
東瀛 遊禤 禤國 國全 睇住 對手 弱點
PermaLink: https://articles.zkiz.com/?id=272257

「睇住葉朗程學金融就死得」

1 : GS(14)@2015-02-03 00:30:58





【認知錯配】金發局預警未來三至五年,本地金融業或會出現人手短缺。金發局人力資源小組召集人倪以理認為,造成短缺的部份原因是對金融業有認知錯配。他又指出,不少有意從事金融業的學生均有「做投行先等於做金融」的價值觀,更笑言,「睇住葉朗程(專欄作家,自稱於投行工作)學金融,咁就死得」。倪以理表示,現時不少有意投身金融業的學生,對業內的工種及範疇了解並不夠深入,同時亦過份介懷是否能在投資銀行工作,「全世界投資銀行有幾份工?香港金融業有廿多萬人,得幾多人做投資銀行家呢?」



法規成發展最快範疇

倪以理指出,現時其中一個目標是要改變學生對金融業的價值觀。他指出未來金融業發展最快的行業其實是包括法規、風險管理等中後台工作,非單單表面風光的投行家,「後勤工作都已經變成好專業的行業,做風險管理主管,我肯定工資及被炒風險較投資銀行家好。」除要改變價值觀外,倪以理亦指本地學生要練好英語等基本功,以應對行業越來越大的競爭。他指,「對於我來說,這是最驚訝的發現,我本來以為會說國語能力不夠好……隨着國內及國外人的語文能力不斷提升,我們不進就則退」。





來源: http://hk.apple.nextmedia.com/financeestate/art/20150202/19025886
睇住 葉朗 程學 金融 就死 死得
PermaLink: https://articles.zkiz.com/?id=287577

UFO飛越美國賭城?睇住佢「降落」

1 : GS(14)@2016-03-30 14:41:11

美國拉斯維加斯一名男子,日前在住所附近上空拍到疑似不明飛行物體,該物件呈圓形且會發光,緩緩向下移並消失在一片民居之後。有人認為是UFO無誤,有人亦指很可能只是無人機或小型飛機發出。拍片男子巴龍(Steven Barone)表示,在離家數公里外上空看到一團發光物,它在空中盤旋,並看到它從山上慢慢降向民居背後,而發光物越接近地面就越來越暗。巴龍相信發光物就是UFO,有附近的居民亦稱拍到類似物體。有關影片引來網民熱議,紛紛爭論物體究竟是甚麼。英國《每日鏡報》





來源: http://hk.apple.nextmedia.com/international/art/20160330/19550366
UFO 飛越 美國 賭城 睇住 住佢 降落
PermaLink: https://articles.zkiz.com/?id=298743

實拍新式「自然剖腹」睇住BB扭扭下爬出子宮

1 : GS(14)@2016-05-21 18:29:41

順產與剖腹是兩種截然不同的分娩方法,但原來可以二合為一變成「自然剖腹」(natural caesarean),精髓是讓寶寶自行扭動身體慢慢「爬出」子宮,悠然來到這個世界。目前越來越多孕婦選擇用這個方法。「如果你無法順產……用自然剖腹是退而求其次的選擇。」英國德文郡媽媽桑達斯(Sarah Saunders)在YouTube分享她「自然剖腹」的影片,大讚這種方法好處多。醫生先為她剖腹,開一道缺口之後,托起寶寶頭部,然後讓寶寶好像自然分娩一樣,自行扭動肩膀和身體,慢慢離開子宮。整個過程最長4分鐘,寶寶出來後,醫護人員不會即時剪臍帶,而是先把他送到媽媽懷中,有助產士認為,這個過程能讓母子建立更親厚關係。從影片看到,她清醒地看着寶寶頭部伸出,顯得十分冷靜,然後寶寶一邊大哭一邊扭動身體,這時桑達斯分辨到寶寶的性別了,於是驚喜大叫:「是個男孩!」桑達斯大讚「自然剖腹」是「永遠珍惜」的產子經驗,這是一個讓寶寶「更恬靜、更慢」的方法出生,毋需由醫護人員「快速」地把寶寶拉出來。她兒子現已數個月大,健康活潑又可愛。為「自然剖腹」作試驗的助產士格林(Belinda Green)指,有證據顯示這樣分娩可減低產後併發症的風險;亦有助產士指︰「這關乎母親,剖腹後她可以看着寶寶蠕動出來,這是一個獨特時刻,用其他方法生產就會錯過了。寶寶留在腹部最多4分鐘,媽媽可以看着他。」英國《每日郵報》





來源: http://hk.apple.nextmedia.com/international/art/20160520/19620357
實拍 新式 自然 剖腹 睇住 BB 扭扭 扭下 下爬 爬出 子宮
PermaLink: https://articles.zkiz.com/?id=300830

目擊者舉報 安琪蓮娜睇住畢彼特涉醉酒虐兒受查

1 : GS(14)@2016-09-23 08:10:00

■昨日傳出畢彼特涉醉酒打仔女,安琪蓮娜祖莉為保護六名小朋友提出離婚。



荷李活影壇模範夫婦畢彼特(Brad Pitt)與安琪蓮娜祖莉(Angelina Jolie)大前晚驚爆離婚,有指安琪蓮娜無法忍受丈夫吸大麻及酗酒,加上情緒問題提出離婚,她向法庭提出自己擁有撫養權,畢佬只得探望權。昨日再爆出畢佬涉醉打仔女,洛杉磯警方及兒童家庭福利部門已經介入調查。



■畢安去年底被拍得在大庭廣眾爭執(圖),瑪莉安昨否認是小三。

瑪莉安

■隨住畢安離婚,兩人在倫敦的蠟像亦要分開擺。

畢安蠟像被拆散

據美國娛樂網站TMZ爆料畢安及子女上周三(9月14日)搭飛機時,畢佬於機上飲醉酒,對仔女發脾氣,甚至動手打仔女,落機時酒氣未散。機上目擊者向洛杉磯的兒童家庭福利部門告發事件,現時畢安已接受相關部門調查與問話,日後亦可能召小朋友問話。大前日,安琪蓮娜入紙申請離婚的文件曝光,簽署日期正是9月15日,相信畢佬於機上打仔女,正是安琪蓮娜決心離婚的原因。對於TMZ每日以即牙膏方式爆出不利畢佬的消息,知情人士指畢佬強調自己是好爸爸,仍深愛安琪蓮娜及有意箍煲。其實畢安婚變已醞釀多時,英國《太陽報》前日公開兩人去年10月帶小朋友到英國Legoland遊玩的照片,他們大庭廣眾有拗撬。隨畢安離婚,位於倫敦、紐約與悉尼等地的杜莎夫人蠟像館,已陸續拆散畢安蠟像分開擺,反映畢安離異的現實。畢安離婚惹來不少揣測,法國影后瑪莉安歌迪娜(Marion Cotillard)因與畢佬合作《伴諜同盟》(Allied)傳出緋聞及陀B,瑪莉安昨透過Instagram澄清,指拍拖多年的法國導演男友Guillaume Canet是她最愛的人,同時承認有喜。另外,畢佬前妻珍妮花雅麗絲頓(Jennifer Aniston)亦傳與結婚一年的Justin Theroux婚變,但已遭否認。撰文:程芬




來源: http://hk.apple.nextmedia.com/entertainment/art/20160923/19778659
目擊者 目擊 舉報 安琪 蓮娜 睇住 住畢 彼特 醉酒 虐兒 兒受 受查
PermaLink: https://articles.zkiz.com/?id=309724

【馮仁昭四圍超】春嬌老竇細佬睇住蒲余文樂除衫詐型

1 : GS(14)@2016-11-08 05:54:14

彭浩翔執導嘅電影《春嬌救志明》日前喺中環蘭桂坊取景,演員有余文樂、曾國祥同秦沛,講佢哋一家人夜蒲。彭浩翔話今次會有秘密武器,其中一個就係里安納度狄卡比奧(Leonardo DiCaprio)嘅專業替身會參演,而余文樂亦會喺今集有露點戲,彭浩翔話:「樂仔有桑拿沖涼戲,聽到好多女觀眾想睇佢除衫,就畀佢除囉,佢有詐型,但係為咗部戲我唔理。楊千嬅今次都要玩古靈精怪嘢,例如倒吊瑜伽。」



■彭浩翔(左一)話秘密武器係里安納度嘅專業替身(左三)有份拍。

冇特別操肌

嗰晚余文樂同戲中外父秦沛仲有舅仔曾國祥蒲蘭桂坊,樂仔話自己冇乜艷福:「阿嫂千嬅棟喺隔籬,都唔使有非份之想,最多只係過吓眼福。」原先傳樂仔緋聞女友周冬雨有份參演,最後告吹,樂仔話:「冇冬雨,佢(導演)就想。」樂仔話今次拍除衫戲事前要遮住啲紋身,不過就唔使特別操肌,佢話:「個角色本身唔係好弗,正常就得。」嗰晚帶隊夜蒲嘅曾國祥話同老竇一齊去蒲嘅實戰經驗,相信會比一般人多,佢話:「由細到大睇佢(曾志偉)玩,有好多佢飲醉酒俾人抬返屋企嘅經驗。」佢又話跟咗老竇玩咁多年,學壞同擴闊眼光都會有,但就樂意見到老竇繼續玩,佢話:「佢唔玩我仲擔心,寧願佢玩到玩唔到,每日過得快樂,而家我哋都有一齊玩。」撰文:馮仁昭




來源: http://hk.apple.nextmedia.com/entertainment/art/20161107/19824814
馮仁 仁昭 四圍 春嬌 老竇 竇細 細佬 佬睇 睇住 住蒲 余文樂 余文 除衫 衫詐 詐型
PermaLink: https://articles.zkiz.com/?id=314598

【世代不矛盾】點心大不同 雞球大包vs睇住流奶

1 : GS(14)@2017-01-14 07:55:30

市面上的乾蒸牛肉多數一籠三粒至四粒,重量沒有一定標準,陸羽酒樓則是一兩八至二兩之間。$52(陸羽)



點心,我們從小吃到大,但隨着年代轉變,傳統點心的味道、用料或外表都開始變得有所不同,就連名字亦被「重新命名」。最近記者帶家人到新派點心店飲茶,誰知長輩表示點心紙中,「冇樣睇得明」,幾乎每樣都要我向他們解釋,當我取笑他們轉數慢時,他們向我問幾個傳統點心的用料跟外貌時,我亦被問得口啞啞。不過這樣互相猜謎,漸漸拉近了兩代間的距離,不失為一種久違了的家庭樂趣。

傳統點心知多少?

記者在街頭訪問了十多名年輕人,不少人誤以為乾蒸牛肉即是山竹牛肉,雞球大包餡中放的就是雞球(但解釋不到雞球是甚麼),豬潤燒賣用白色燒賣皮包住,並不是常見的黃色皮。乾蒸牛肉:外形十足十燒賣一樣,以白色外皮包住芫荽、馬蹄跟牛肉碎,最好選擇較滑身的牛冧肉;由於牛肉餡容易塌下來,包起後需盡快蒸熟食用,因此不能預先製作太多。雞球大包:大小跟蒸籠差不多,傳統的雞球大包餡料有雞、叉燒、雞蛋、打勻的豬肉和雞肉餡,廣東俚語「賣大包」亦由此而來。豬潤燒賣:一大片的豬潤放在燒賣餡上面,沒有燒賣皮所包住。由於卡路里甚高,因此越多越少人吃用,現在只能在舊式酒樓找到。



雞球大包份量十足,比起記者雙手更大。$46(陸羽)

現時人們追求健康,豬潤燒賣在酒樓已經買少見少。$52(陸羽)

鍾國楷師傅廿二歲入行,現為陸羽酒樓點心部大廚。陸羽茶室每一星期至兩星期轉換一次餐牌,希望讓更多傳統點心得以保存。


新式點心知多少?

新式點心造型搞鬼,比舊式點心更加著重健康。大廚多數會替點心重新命名,以增加趣味;鴻星酒家是較早期推出新式點心的酒樓,多數以海洋生物或動物造型為主,後起之秀則有唐宮小聚及飲茶等。松露香菇(唐宮小聚):香菇包灑上可可粉,外形跟冬菇無疑,加入黑松露增添香味,曾經在香港引起一陣熱潮。睇住流奶(飲茶):表皮顏色來自甘筍的天然色素,其實是普通的奶黃包,只要輕輕切開中間,便能做出流沙的效果。一籠八戒(飲茶):三件豬仔造型的叉燒包,是明符其實的「八戒」。陸羽茶室中環士丹利街24號地下至3樓飲茶中環干諾道中88號南豐大廈2樓1-2號舖唐宮小聚中環皇后大道中139號The L Place2樓記者:李泳烔攝影:伍慶泉、王國輝、徐振國2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://bit.ly/2gcDRuo


「睇住流奶」名字玩味趣怪,軟熟甜度適中,且熱度焗得剛好,流心卻不燙口。$49(飲茶)

「如魚得水」選用了海斑肉及鮮蝦作餡,外形精緻。兩條$99(飲茶)

松露香菇連冬菇蒂也有,非常講究,$49。(唐宮小聚)



來源: http://hk.apple.nextmedia.com/su ... t/20170113/19895158
世代 矛盾 點心 不同 雞球 大包 vs 睇住 住流 流奶
PermaLink: https://articles.zkiz.com/?id=322542

張衞健老婆睇住出世蘇永康榮升爹哋 鄭紹康:恭喜佢

1 : GS(14)@2017-03-23 06:27:21

■蘇永康早前才與臨盆在即的太太在銅鑼灣行街。資料圖片



現年49歲的蘇永康(阿公)老來得子,前日老婆馮翠珊為他誕下兒子,不過,阿公尚未公佈喜訊,好友雷頌德昨在尖沙嘴出席攝影集分享會卻率先爆響口:「嚟緊都會幫蘇永康影,佢噚日做咗爸爸啦,你哋唔知咩?」



■鄭紹康昨晚避談會否致電蘇永康破冰。

■張衞健透露太太張茜全程陪着蘇永康太太生B。資料圖片


開心BIG FOUR有後

據知,阿公原本想待母子出院後才宣佈喜訊,怎知卻忽然被公佈榮升爸爸,惟有昨提早報喜:「好多謝大家關心,小弟的確係榮升咗老竇級啦!母子平安,BB好可愛。第一次做爹哋,心情當然係非常非常感動同開心!新手上任,有啲手忙腳亂,所以請容許大家畀少少時間我,過兩日等我安定下來,先同大家分享我嘅喜悅!」好友張衞健昨在電話說:「我老婆(張茜)特登喺北京返嚟陪佢老婆生仔,阿康仲自己剪臍帶㖭,見到佢戴住手術帽、着手術衫、揸住把鉸剪,真係《妙手仁心》上身。」問阿公有否感動到喊?健仔笑說:「咁又冇喊,我感動到喊,BIG FOUR終於有後。BB手長腳長樣似老母,我即刻放心晒嘞,似阿媽咁咪靚仔。老婆話入產房前,阿公舉手投足依然係架勢,但生完揸住BB手指即刻溫柔晒,我好戥康媽抱孫開心。」另外,曾因三千元侮辱價被阿公數臭的「天下第一關」鄭紹康,昨晚在中環出席Gucci活動表示:「已經託朋友問候佢太太,做完活動等我send個message恭喜佢啦,生BB係開心事,都值得開心嘅。」會否送禮物?他說:「知有朋友夾緊,夾到點解唔夾呢?」是否還嬲?他說:「冇諗呢啲啦,都新一年向前望。」會否致電阿公恭喜以破冰?他支吾說:「呢啲緣份嚟嘅。」



■徐濠縈昨晚出席Gucci活動時,笑談蘇永康榮升爸爸,BIG FOUR終添丁。

■Wyman戥蘇永康開心,自言感動到想喊。


Wyman改名被拒

同場的黃偉文(Wyman)戥阿公開心,他透露看過BB相,覺得頭大似爸爸,體重約6磅多,晚上9時許出世,更自爆幫BB改英文名Kelab,但被蘇媽媽拒絕了,他眼濕濕說:「冇得改名都會錫BB,知道佢母子平安真係想喊。」徐濠縈則說:「恭喜蘇家BIG FOUR添丁,第一個男『袋』,祝BB健健康康快樂成長。」採訪:盧妹、羅慧敏攝影:仇志德




來源: http://hk.apple.nextmedia.com/entertainment/art/20170322/19965705
老婆 睇住 出世 蘇永康 榮升 鄭紹 紹康 恭喜
PermaLink: https://articles.zkiz.com/?id=328379

【動畫】夢露玉婆都靠佢「睇住」泳池王子今淪流浪漢

1 : GS(14)@2017-04-15 23:27:44

美國86歲老翁彼得森(Svend Petersen)曾是洛杉磯比華利山酒店(Beverly Hills Hotel)的泳池經理,服務過無數名人的他,退休後卻陷入潦倒的生活。周日他在一段影片中說:「你好,我是彼得森,我86歲而且無家可歸。」人稱「池畔王子」的彼得森在飯店工作超過40年,許多巨星如瑪麗蓮夢露(Marilyn Monroe)、男星加利格蘭(Cary Grant),以及不久前鬧出奧斯卡頒錯獎烏龍的菲丹娜蕙(Faye Dunaway)都曾是他服務過的對象。但他表示,自己在2001年左右退休後慘遭地產經紀敲竹槓,讓他迅速將自己房屋轉手賣掉後卻反而身陷稅務問題。自此他的人生盪到谷底,直到最近他拍了一段影片放上網,「我已經無家可歸5個月了,我需要你們因為我需要幫助。」現在除了有民眾替他創立一個Twitter帳號記錄下他的所有事蹟外,也有人幫他成立籌款專頁,短短9天就已經達到目標金額的3倍。美國哥倫比亞廣播公司




來源: http://hk.apple.nextmedia.com/international/art/20170415/19991010
動畫 夢露 玉婆 婆都 都靠 靠佢 睇住 泳池 王子 今淪 流浪漢 流浪
PermaLink: https://articles.zkiz.com/?id=330626

【任食要識食】睇住成本價嚟食 放題食乜老闆最入肉?

1 : GS(14)@2018-01-07 16:35:06

我們從入貨單着手,總結了八樣成本最貴的食物。

全新旅遊專頁,即like籽想旅行:https://fb.com/travel.appleseed「如果客人識食嘅話,專食貴食物,會冇命!」滿屋老闆林華海說。


他開的這間銅鑼灣爆場放題,每月營業額有過千萬。背後老闆是他,2005年在尖沙嘴開「大吉」,最高峰有12間分店,所有大字開頭的放題店,如大喜屋、大瀛喜、大滿喜、大本瀛等都是由他和另外三個股東持有,拆夥後現擁有4間分店,我們從他的入貨單着手,搵出八樣成本最貴的食物。究竟做放題生意,乜食物老闆最蝕錢?睇片啦!


記者:何嘉茵攝影:鄧鴻欣、徐振國



來源: https://hk.lifestyle.appledaily. ... e/20171223/20252938
任食 食要 要識 識食 睇住 成本價 成本 嚟食 放題 題食 食乜 老闆 最入 入肉
PermaLink: https://articles.zkiz.com/?id=346275

【即場睇住沖】得獎虹吸咖啡師主理 花形牛油果多士最受歡迎

1 : GS(14)@2018-02-13 03:14:53

牛油果蛋多士,$88。

Rings Coffee負責人鄺冠忠(Aries)與徐璟鏘(Gary)分別從事咖啡師行業9年及4年。Aries指一直希望能擁有自己的店舖,一方面自主性也較高,另一方面又可以讓客人、朋友有個地方交流。而Gary在2016年奪得世界虹吸咖啡師大賽(香港)亞軍後,一直希望去嘗試不同的事物,能夠得到更大的挑戰。機緣巧合之下,兩人一拍即合,更找來了朋友一同經營咖啡店。


食物方面,則由另外一位負責人陳偉權(Kuen)主理。雖然店內主打咖啡,但食物也絕不馬虎。招牌的牛油果多士就是最好例子。將半個牛油果切片,再圍成一個花的形狀,賣相極佳,是店內銷量最好的食物。店內唯一招牌菜為燒春雞。廚師每天會用牛奶醃製12小時,所以吃下去時非常肉嫩多汁,亦深受客人歡迎。


招牌烤春雞配薯菜,$128。

店內咖啡採用較少見的虹吸方式處理,咖啡味道會放大。

日曬帕卡馬拉,$120。是Gary奪得2016世界虹吸咖啡師大賽(香港)亞軍時所用的拼配咖啡。



說到店內主打的虹吸咖啡,Gary指虹吸咖啡最先是在英美流行,但到了近代,反而在日本、東南亞地區比較受歡迎,因為美國人生活步伐較快,而虹吸咖啡製作需時,已經被漸漸淘汰。但虹吸咖啡味道會較一般咖啡濃,所以也是咖啡愛好者之選,客人點選咖啡後,可以即場觀看Gary沖製咖啡,享受視覺與味覺的體驗。


Tonic Coffee Cover,$46。近期奶蓋盛行,Gary和Aries也嘗試創出奶蓋咖啡。

Rings Coffee負責人徐璟鏘(Gary)與鄺冠忠(Aries)。



Rings Coffee九龍城衙前塱道8號地下採訪:葉浩昇、賈碧嘉@Foodcaptain.hk攝影:鄭明川全新旅遊專頁,即like籽想旅行:https://fb.com/travel.appleseed



來源: https://hk.lifestyle.appledaily. ... e/20180207/20297407
即場 場睇 睇住 住沖 得獎 虹吸 咖啡 主理 花形 牛油果 牛油 多士 最受 歡迎
PermaLink: https://articles.zkiz.com/?id=348303

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019