ZKIZ Archives


中環在線:曾裕忽然唔做主席 李華華


2008-11-28  AppleDaily


 

現代美容(919)噚日公佈,老闆娘曾裕因「健康理由」退出董事局,仲一次過辭晒所有職務,包括主席、行政總裁同執行董事,由副主席兼執董李守義頂上。

告高盛太激氣?

曾 裕91年開設現代美容,可以話係白手興家,由一盤小生意做到上市,到噚日為止,公司市值達5億幾港銀,上個月上埋《福布斯》「200家最佳亞洲企業 榜」,o依家忽然唔做,大家都好關心,亦令中環人產生無限聯想。華華早幾個月見過曾小姐,佢打鑼打鼓開記招,話投資大行高盛未經佢授權,擅自攞佢賬戶嘅錢 去投資,當時睇落都好精神兼且中氣十足;後尾佢仲勇猛到踩上高盛香港總壇,要對方交晒交易紀錄畀佢。不過,之後佢就冇乜聲氣。唔知係因為高盛單嘢太激氣, 累佢搞壞身子;定係一手湊大個仔真係咁勞心勞力,影響咗健康呢?
中環 在線 曾裕 忽然 唔做 主席 華華
PermaLink: https://articles.zkiz.com/?id=4238

中環在線:曾裕老公代妻擔大旗 李華華


2008-12-18  AppleDaily


 

現 代美容(919)前主席曾裕上月底以健康理由,辭咗董事局所有職務,新任主席兼行政總裁李守義,即係曾裕嘅老公仔,噚日揸大旗主持業績會,大家當然好關心 佢老婆病情,同埋嗰單Accumulator官司進展成點。佢通通以私隱為由謝絕回答,淨係話曾裕仲有返工畀吓寶貴意見喎,又強調公司係靠團隊精神運作, 自己亦一直有參與日常業務。

睇番招股書同年報,李守義33歲,國籍新加坡,曾經喺當地武裝部隊擔任軍事技術員;2001年加入現代美容,掌管多瓣後勤業 務,坐底有7年經驗,股東應該可以放心。潮流興開源節流,現代美容不嬲搵開蔡少芬做代言人,首席營運總監阿Pink袁少萍話,張合約出年就到期,o依家未 諗會唔會續約,之但係公司上咗軌道,宣傳費可以唔使咁多。唔知蔡少芬聽到,肯唔肯畀番個友情「海嘯價」續約呢?
中環 在線 曾裕 老公 代妻 妻擔 大旗 華華
PermaLink: https://articles.zkiz.com/?id=4724

中環在線:曾裕呻星洲稅局玩針對 李華華

2008-12-22  AppleDaily


 

前 日新加坡報章報道,現代美容(919)前主席曾裕涉嫌協助案發時同現代美容有關嘅4家新加坡公司逃稅,所以告曾裕,要佢去新加坡出庭。曾裕上個月已因健康 理由,辭咗現代美容嘅職務,仲點去新加坡出庭。雖然人冇去星洲,但佢噚日就整咗份聲明。曾裕一開始就呻新加坡稅局玩針對,話嗰4家公司開咗10年,有3個 董事,偏偏要檢控佢。華華睇完成篇聲明,認為最關鍵係究竟盤數可唔可以用「實報實銷準則」(accrual basis)。曾裕話美容行業一直都係賣套票,預先收咗個客嘅錢,但唔會入賬住,等個客用咗啲服務先入,實報實銷。不過,新加坡稅局用「現金方 式」(cash basis),收咗錢就要入賬。

籲行家講美容業特性

本來去外地做生意,唔可以話你做開咁,就要人哋就你,但 曾裕話,新加坡稅務署只係追佢98至01年嘅稅,01年新加坡稅務署又同意佢用實報實銷,冇話佢逃稅。曾裕仲呼籲新加坡同業,主動同稅務署溝通美容業嘅特 性。華華唔係新加坡人,又唔識當地法律,好難知曾裕嘅理據係咪成立,但可以講,曾裕今年都算流年不利。
 
中環 在線 曾裕 裕呻 星洲 稅局 局玩 針對 華華
PermaLink: https://articles.zkiz.com/?id=4811

中環在線:怕郁吓中風曾裕唔出庭 李華華


2009-01-19  AppleDaily


 

現 代美容(919)前主席曾裕舊年唔多順利,先係自己開記者會講俾證券經紀呃,大家見佢去高盛索償時仲好好氣,唔知係咪太勞心勞力搞到病,舊年底佢就以健康 理由,辭晒現代美容嘅職務,跟住就發生星洲稅局告佢逃稅單嘢。

究竟佢病成點,都冇人知。噚日新加坡嘅聯合早報網報道,指曾裕冇喺16號去星洲出庭,佢嘅代 表律師交出一份香港醫生報告,份報告話曾裕家陣心跳急促,每分鐘跳成百下,正常人則介乎60至80下;血糖亦偏高,仲有慢性腦缺血嘅症狀,一有壓力,就會 有中風嘅危險,所以醫生認為佢唔適合坐飛機咁話。睇嚟曾小姐唔只唔搭得飛機,似乎仲唔激得o忝。上次呢單案喺星洲法庭過堂時,曾裕都出席唔到,今次又唔見 人,控方要求法庭發拘捕令,但法官認為,冇明顯證據顯示曾小姐蓄意違抗法庭,所以佢暫時可以安心休養。
中環 在線 怕郁 郁嚇 中風 曾裕 裕唔 出庭 華華
PermaLink: https://articles.zkiz.com/?id=5386

中環在線:曾裕怕投資只信紅簿仔 李華華

2009-08-05  AppleDaily






 

現代美容(919)創辦人曾裕(圖)噚日罕有地現身台灣證交所同台資寶來證券喺香港合辦嘅台灣預託證券(TDR)推介會,擺明有動作。

現代美容計劃赴台發展

佢 話,寶來本身就係現代美容在港上市嘅保薦人,一直有鼓勵公司赴台掛牌。佢自己亦覺得OK,尤其係現行股價反映唔到冇欠債、資產值又好嘅狀況喎,但發行 TDR就要留待董事會決定。佢又話,公司目前喺台灣冇業務,但當地市場有得做,會物色合作夥伴搞加盟店咁話。至於曾裕俾Accumulator(累計認購 期權)投資煩咗年幾,佢話下星期會聯同民主黨立法會議員涂謹申,再勇闖證監講數。之不過,負責有關交易嘅前高盛經紀王弘,7月中已被證監確認私訂合同而被 釘牌兩年,唔通有人唔想和解,抑或係錢銀傾唔掂呀?曾裕好口密咁話,事件已進入司法程序,現階段不便評論,總之遲啲會詳細解釋。佢又話,o依家已經唔敢再 做任何投資,只係放錢入紅簿仔就算喎。



中環 在線 曾裕 裕怕 投資 只信 信紅 紅簿 簿仔 華華
PermaLink: https://articles.zkiz.com/?id=10142

平買公司物業曾裕再添是非

2009-12-24  NM





由近年不斷惹是非的曾裕打骰、早前曾發出盈警的上市公司現代美容,上週五公布中期業績。一如所料盈轉虧,半年虧損四千多萬元,公司去年同期賺四千多萬,業績「走晒樣」。

這間曾由已故影星梅艷芳擔任代言人的纖體美容公司,最近接二連三發生不尋常事件:先是突然撤換核數師,繼而三個月內有四名非執董先後請辭;上週二董事局更罷免了曾裕好友、共事十六年的執董袁少萍。這種集體跳船的跡象,正好是一間公司「唔掂」的先兆。

事實上,現時美容業生意難撈,部分上市公司正部署賣殼甩身。在此形勢下,曾裕近月不斷以折扣價購入公司物業再租回公司,每年可收租一千五百萬元,備受外界非議,正好為她的「是非簿」添多一頁。

對於公司近來種種是非,創辦人曾裕在上週四的董事會後向本刊記者指:「去年已經辭去主席一職」,拒絕回答多條問題。而代替其擔任主席的丈夫李守義,一見記者又急急腳走開。曾裕後來還是在律師陪同下坐低接受記者訪問,其間她騎呢地拿出手機,向記者展示一名員工Keith傳給她的短訊,內容是:「多謝公司照顧」。她說:「你睇吓條短訊,係話多謝公司對佢好,我同公司所有人關係都好!走咗嘅非執董,全部都係因為私事繁忙!」

美容業競爭愈來愈大,生意又難撈。現代美容業績出現虧損,卻仍然大肆擴張,本港現有三十六間分店。(廖健昌攝)

購入再租回

曾裕經營的現代美容,一向以手法進取見稱,本刊年內接獲不少有關該公司的投訴。客戶馬小姐光顧現代美容近六年,上月發現部分療程被人無故扣去,「佢哋一次過唔會扣好多,今次我發現喺spa扣咗四次,facial扣咗三次,我有幾百次療程,如果唔係啱啱喺第二間分店買咗療程攞report睇一睇,根本唔會察覺。」

其實只要細心翻閱年報,就會看出公司賬 目一樣令人「迷惘」。現代美容去年的營業額有六億多元,但盈利只有一千七百萬元(○七年營業額七億,盈利二億)。增加了的成本中四成來自工資,因聘請了百 多人擴充營業,另外三成就是租金。年初金融海嘯餘波未了,但現代美容卻繼續擴張,香港分店由三十二間增至三十六間。如現代美容本來租用荃灣英皇中心,月租 少於五十萬,但曾裕卻要求搬往其持有的沙咀道鋪頭,月租八十萬。

○七年,現代美容租用曾裕私人持有的多個物業作分店,租金只是每年二百多萬元,至○八年初這方面成本就大幅增至七百多萬,但年報卻無交代牽涉物業數目,問曾裕她只重複回應:「我無做主席。」據現代美容管理層透露:「佢要公司租番佢自己嘅鋪無問題呀,當係互惠互利,只要董事局批就得;不過佢有時真係好過分,好似我哋原本喺荃灣間分店係同英皇租嘅,租約都未完,佢就將分店搬去佢自己喺荃灣嘅另一個鋪位,但又唔賠番錢俾英皇,搞到前幾日有人來公司上門收數。」

貴價貨「唧」入公司

今年十月,曾裕斥資一點九億元,買入現代美容持有的七個物業,但這些物業估值市價應為一點九六億元,交易後現代美容將只剩一個物業揸手。為何曾裕可以「折讓價」向公司買入物業?通告只以按近期市值釐定作交代。是次交易曾裕只須付現金七千萬元,另外的一點二億,卻是抵銷貸款。原來現代美容於○八年六月,購入了尖沙咀棉登徑、樓高十二層的商廈義莎中心,現代美容一番鴻圖大計,指會把上址改建成一幢水療浸浴別墅,但一名管理層卻爆料:「公司根本無做過任何嘢,曾裕嗰時自己買來投資,但又覺得喺高位接咗貨,於是就同董事會講幫公司買並俾咗五百萬訂金,仲借埋過渡性貸款俾公司,董事們於是應承買咗佢。」記者到過上址,整棟商廈完全荒廢,而據代理透露,現代美容買入上址後,便隨即在市場上以一點六億放售,一直至今。

這次曾裕購入現代美容物業的合約亦列明,現代美容必須繼續向曾裕租用物業,每年要向曾裕額外繳付接近九百萬元的租金,加上一直收取的七百多萬元租金,來年現代美容須向曾裕繳交一千六百多萬的租金,剛好符合上市規則所規定,關連交易涉及金額不超過有關百分比,即百分之二點五的上限。

對 於現代美容這個「親生仔」,曾裕未有給予任何租金優惠,出租的物業全部收足五釐回報。其中三個物業更是以蝕讓價出售予曾裕,如青衣工業中心單位,現代美容 於○八年一月以一千八百多萬元買入,在政府提出活化工廈,工廈呎價被炒起下,曾裕仍可以一千三百多萬筍價接收單位,而據萊斯物業資料顯示,該工廈市價約為 一千六百多萬元。負責擔任是次交易的獨立董事委員會的三名非執董,都於本月的一星期內相繼辭任。

殼價值二億

若果現代美容成功出售尖沙咀義莎中心,公司便只剩下美容業務及二億多現金,有金融界人士指:「基本上大部分公司想賣殼,事前都係轉移晒啲值錢嘅資產,成為一間主要持有現金嘅公司。」有專做殼買賣的公司老 闆亦表示:「有人同我食過飯,問現代美容值幾多錢。不過我聽人講曾裕個人比較霸道,同佢合作好煩,我寧願賺少啲。」而另一殼王詹培忠則坦言有興趣接收現代 美容的殼:「如果佢搵我,我都會考慮o架,呢啲係合法合理。計埋premium(溢價)值二億啦,佢有六成股份,咪俾一億三囉。」

事實上,美容業較以往難撈,與現代美容同期的競爭對手修身堂及變靚D,亦相繼賣殼及轉型,有行家指出:「除咗周秀娜代言嗰間詩琳叫有錢賺,而家無美容公司賺錢喇,因為太多競爭,代言人又貴、廣告費又貴,變靚D嚟緊都準備轉型。」而曾是美容界一哥的修身堂,今年的虧損亦達三千多萬元,去年老闆張玉珊已把修身堂百分之三十的股權,以接近三千萬轉讓給投資者,並打算注入內地業務。

醉心宗教嚇怕同事

曾裕兩年前開始信奉基督教,打理本業之餘,亦醉心宗教。有員工透露她還會威逼員工跟她一齊信主,但行為卻十分極端:「每日返工前要祈禱,如果唔跟就要扣減獎金。」該公司員工說。她不但要求員工早、午、晚要祈禱一次,在祈禱後還要大笑十八聲;而她曾在一個會議上向大家講有關葡萄園的故事,「佢講完個故事就話:我知有人做啲嘢對公司不利,不過我哋唔使驚,因為神會趕佢入豬欄。」員工指已嚇怕了很多同事,令近月前線員工流失了幾百人之多!

近年投資accumulator失利,並正入稟渣打銀行追討買入雷曼損失的曾裕,於去年十二月因病辭去主席一職,但患什麼病就沒有公布。巧合地,在新加坡有開設公司的她被當地政府控告逃稅,要出庭作證,不過她卻因病留醫而缺席聆訊。「嗰時新加坡政府話佢逃稅,佢就話病,咁佢真係有醫生紙喎。不過作為同事唔覺得佢有咩病,佢向外宣布完因病辭職,第二日仲精神奕奕出現喺公司,基本上公司所有嘢佢都管。」一名公司管理層「暗有所指」。主席一位隨即讓予細她十三年、今年三十四歲的丈夫李守義,曾裕每年千萬的董事酬金就由老公代收。不過李守義只有「象徵式」百分之零點二的公司股權,曾裕自己則持有近六成五股權,話事權牢牢在握。

姊妹決裂掀罵戰

服務現代美容16年的元老級人馬袁少萍,上週二(15/12)突然遭公司罷免首席營運總監兼執行董事職務,雙方更就薪酬問題興訟,既報警處理又鬧上平機會。兩名昔日拖手打江山的好姊妹,反目後各執一詞,力控對方講大話。



平買 公司 物業 曾裕 裕再 再添 是非
PermaLink: https://articles.zkiz.com/?id=13600

中環在線:曾裕出山股價爆升贈興 李華華

2010-11-10  AD




 

個市去到o依家 呢啲水位,唔知係咪已經炒到冇嘢好炒。平日冇咩郁動嘅現代美容(919)噚日都無端端勁升43%。咁啱公司同日宣佈拎到一個意大利美容產品品牌Jean Klebert嘅代理返嚟,4月先重出江湖做番主席嘅曾裕首次公開現身,華華梗係即刻問佢做咩股價係咁升啦!

點知曾裕好鬼風趣咁話,股價反 應咁好可能係賀佢出山,兼且佢呢期搞緊抗衰老,專程染個紅色頭髮等自己睇落後生啲,所以人靚咗,搞到業績都靚咁話喎!現代美容早排先發咗盈喜,唔怪得曾主 席咁風騷啦!至於個新代理品牌Jean Klebert,曾裕話未來一年計劃開10間舖,主要喺香港,慢慢再喺其他東南亞地區發展。

李華華


中環 在線 曾裕 出山 股價 爆升 升贈 贈興 華華
PermaLink: https://articles.zkiz.com/?id=19200

曾裕 v. 渣打銀行及其他人等-現代美容(0919)

1 : GS(14)@2010-11-12 21:02:09

http://legalref.judiciary.gov.hk/lrs/common/ju/ju_frame.jsp?DIS=73718&currpage=T
曾裕 v. 渣打銀行 渣打 銀行 其他 人等 現代 美容 0919
PermaLink: https://articles.zkiz.com/?id=271530

有無人有曾裕今期在Capital Money 的訪問

1 : GS(14)@2012-01-02 17:37:23

她有講賣殼的
2 : ec_yk(1014)@2012-01-02 19:23:07




有無 人有 有曾 曾裕 裕今 今期 期在 Capital Money 訪問
PermaLink: https://articles.zkiz.com/?id=277108

曾裕無心炒股 現代美容超筍 周顯

1 : GS(14)@2014-08-25 10:10:48

http://www.mpfinance.com/htm/fin ... mnist/en30_en30.htm\r\n【明報專訊】發掘到一隻很好很好的股票,就是現代美容(0919)。它的創辦人曾裕是一個天才級的美容經營人,革新了整個美容事業。她發明了碌卡分期做美容,也發明了影響了整整一個世代的美容銷售技巧……你可能不喜歡這個人,正如我也覺得現代美容的年報全是她的照片,穿上了仙女般的華衣來拍照片,有點怪怪的,但是我們作為投資者、炒股人,看的不是喜不喜歡它的老闆,而是這公司能不能夠賺錢。\r\n\r\n現代美容的最新帳目是全年期內營業額上升23%,即8.69億元,轉虧為賺5,484萬元,每股盈利6.28仙,末期股息2仙。在去年,即2012/2013年度,則虧5,340萬元,但當年有DR的毒針醜聞,又有瘋狂加租的地產霸權,所以是美容界最差的一年,其實,在再對上一年,現代美容的利潤有8,210萬元。\r\n\r\n榨到乾晒 易炒上\r\n\r\n這公司在虧本的一年,也有特別股息4仙,可見它對股東實在不錯。為什麼這麼慷慨呢?皆因它的主席曾裕的持股量是84.1%,榨到乾晒,派息都係派番給自己,闊佬一點,又有何干呢?\r\n\r\n一隻榨到乾晒的股票,市值不到5億元,連殼價都不夠,預測今年很可能會回復到前年的8000幾萬盈利,年年派息,蝕本都有息派,這一種股票,幾乎是「無得輸」,在市場真的是很難很難找到了。\r\n\r\n這種筍貨之所以出現,只有一個可能性,就是因為其老闆曾裕有心扮靚靚,無心炒股票。但只要有心人在市場收夠貨,輕輕一炒,升一倍以上,簡直是易如反掌。\r\n\r\n[周顯 投資二三事]
2 : LHC(34894)@2014-08-25 17:08:15

...你可能不喜歡這個人,正如我也覺得現代美容的年報及Realforum全是她的照片,穿上了...













曾裕 無心 炒股 現代 美容 超筍 周顯
PermaLink: https://articles.zkiz.com/?id=285171

現代美容曾裕4.42億沽威享大廈3層

1 : GS(14)@2018-02-08 09:45:45

https://www.mpfinance.com/fin/da ... 7790&issue=20180208
【明報專訊】市場接連錄得大額商廈成交,由現代美容(0919)主席曾裕持有的中環皇后大道中138號威享大廈地下、1樓及2樓三層樓面,新近以4.42億元易手,物業面積合共約22,434方呎,平均呎價約1.97萬元。市傳新買家為私募基金豐泰地產基金董事總經理朱惠德或有關人士,但至截稿前未能聯絡朱惠德。美聯商業營業董事陳家輝表示,上述樓層原業主曾裕於2012年以2.6億元購入上址,持貨近6年,帳面獲利約1.82億元,升值約70%。

傳豐泰朱惠德或相關人士購入

另中原(工商舖)高級營業董事梁美儀表示,油麻地及深水埗兩幢全幢商住物業正招標出售,意向價共1.46億元。油麻地項目位於上海街312至314號,將以連租約形式出售,目前月租收入約22.4萬元,業主意向價約1.1億元。深水埗項目位於荔枝角道147號全幢商住物業,地盤面積約1224方呎,意向價約3600萬元。

此外,土地註冊處資料顯示,灣仔軒尼詩道109號協生大廈地舖,上月底以5880萬元易手,以商舖面積約900呎計,呎價逾6.5萬,新買家為DVORAK LIMITED,其公司董事為陳崇達等,為著名女歌星陳慧琳叔父。

陳慧琳叔父5880萬購軒尼詩道舖

目前該商舖租予冰室,每月租金14萬元,租約期至今年5月,新買家可享租金回報2.9厘。原業主於2004年1450萬購入,帳面獲利4430萬元或3倍。
現代 美容 曾裕 4.42 億沽 沽威 威享 大廈
PermaLink: https://articles.zkiz.com/?id=348011

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019