中環在線：曾裕忽然唔做主席 李華華
|
|
|
現代美容（919）噚日公佈，老闆娘曾裕因「健康理由」退出董事局，仲一次過辭晒所有職務，包括主席、行政總裁同執行董事，由副主席兼執董李守義頂上。
告高盛太激氣？
曾 裕91年開設現代美容，可以話係白手興家，由一盤小生意做到上市，到噚日為止，公司市值達5億幾港銀，上個月上埋《福布斯》「200家最佳亞洲企業 榜」，o依家忽然唔做，大家都好關心，亦令中環人產生無限聯想。華華早幾個月見過曾小姐，佢打鑼打鼓開記招，話投資大行高盛未經佢授權，擅自攞佢賬戶嘅錢 去投資，當時睇落都好精神兼且中氣十足；後尾佢仲勇猛到踩上高盛香港總壇，要對方交晒交易紀錄畀佢。不過，之後佢就冇乜聲氣。唔知係因為高盛單嘢太激氣， 累佢搞壞身子；定係一手湊大個仔真係咁勞心勞力，影響咗健康呢？
|
Next Page