中環在線：怕郁吓中風曾裕唔出庭 李華華
|
|
現 代美容（919）前主席曾裕舊年唔多順利，先係自己開記者會講俾證券經紀呃，大家見佢去高盛索償時仲好好氣，唔知係咪太勞心勞力搞到病，舊年底佢就以健康 理由，辭晒現代美容嘅職務，跟住就發生星洲稅局告佢逃稅單嘢。
究竟佢病成點，都冇人知。噚日新加坡嘅聯合早報網報道，指曾裕冇喺16號去星洲出庭，佢嘅代 表律師交出一份香港醫生報告，份報告話曾裕家陣心跳急促，每分鐘跳成百下，正常人則介乎60至80下；血糖亦偏高，仲有慢性腦缺血嘅症狀，一有壓力，就會 有中風嘅危險，所以醫生認為佢唔適合坐飛機咁話。睇嚟曾小姐唔只唔搭得飛機，似乎仲唔激得o忝。上次呢單案喺星洲法庭過堂時，曾裕都出席唔到，今次又唔見 人，控方要求法庭發拘捕令，但法官認為，冇明顯證據顯示曾小姐蓄意違抗法庭，所以佢暫時可以安心休養。
|
Next Page