ZKIZ Archives


何猷君當街攬錫


2013-08-22  NM
 
 

 

今年十八歲的賭王四太仔何猷君,以前得閒都會陪阿媽去保良局活動,但依家大個仔當然唔跟阿媽,反而日日黐實西班牙籍女友Francesca。

本週日凌晨,佢哋就拖手落蘭桂坊蒲天光,而曾自誇「我把口都夠甜」嘅猷君,情到濃時亦不顧身份,當街嘴爛醉女友,sweet晒!

飛甩阿媽

以前放暑假都會黐住四太的何猷君,有女就少陪阿媽,上週二四太單拖出席保良局活動,自英國返港的猷君,連續數星期都落老蘭夜蒲。本週日晚凌晨,猷君拖埋女友一齊落蘭桂坊玩足四粒鐘,飲到啤啤夫的Francesca連企都企唔穩,要猷君和友人攬住離場,飲大個膽,兩人仲喺街頭濕吻。由於飲得太醉,車又未到,Francesca開始撒嬌醉到坐街,猷君唯有攬實女友陪佢踎街休息。

正牌蒲精

何猷君其實早在未成年時已愛夜蒲,經常孖住阿哥猷亨或家姐超盈一齊搏懵入場,猷君又鍾意請人飲香檳扮大佬,依家攞正牌可以同班friend clubbing,仲唔玩番夠本咩!

 
何猷 猷君 當街 攬錫
PermaLink: https://articles.zkiz.com/?id=73954

王菀之同軒仔攬攬錫唔畀Eric So捧場

1 : GS(14)@2015-11-23 08:30:32

■軒仔與Ivana演出時攬完又錫,完全不怕Eric So呷醋。


張敬軒和王菀之(Ivana)前晚在會展舉行《拉闊音樂.劇場版》,今次找來林嘉欣擔任特別嘉賓,軒仔和Ivana飾演一對情侶,雖然Ivana即將成為人妻,不過她在台上不避忌地與軒仔打情罵俏,其中一幕Ivana與軒仔面對面兼被錫額頭,甚至被軒仔從後攬實唱情歌和錫面,感覺溫馨。未知是否待嫁心情太興奮,Ivana演出時多次出現甩漏,結果當然又被軒仔取笑:「叫咗你開騷前唔好食咁多飯喇!知你結婚喇,都唔使咁開心,呢幾日綵排見到你個樣好似烚熟咁。」不過Ivana解釋只是為兩人十年後再合作而感開心。最後他們合唱《老了十歲》時,因歌詞提到「被別人狂追更成為伴侶」因太過應景,軒仔搞笑地說:「呢首歌道出我心聲!」



■準人妻王菀之與張敬軒前晚在會展舉行婚前最後的音樂會。

■Ivana全晚被軒仔取笑,更被指樣子好似烚熟了。



聞蘇太冧爆

完騷後接受訪問,聽到大家稱她做蘇太的Ivana,表現冧爆,但她透露未婚夫Eric So沒有來捧場:「佢都有問我嘅,但係我覺得有啲尷尬,因為知有好多朋友嚟。」問她是否怕台上打情罵俏激親男友?Ivana笑言:「我哋平時喺佢面前仲sweet!我好鍾意同軒仔演出,好放心。」軒仔亦說:「佢男友點激都唔嬲。」再問到婚禮詳情,Ivana說:「軒仔話我請唔請佢都會到,我哋都係一切從簡,只係屋企人食餐飯,會有簽紙儀式同向雙方家長斟茶儀式。」另外,今次只負責演出的林嘉欣,坦言很開心,問她為何不唱歌?嘉欣笑說:「一定唔會唱,唱歌對我係太遙遠嘅事。」至於金馬獎的準備工作,她則說:「好期待,希望完咗頒獎禮可以食餐勁,不過老公唔會去,佢喺度反而有壓力,留喺屋企睇電視,我會平常心出席,當朋友敍舊。」採訪:王連連攝影:沈健程



Eric So(右)資料圖片

■林嘉欣透露老公不會陪她出席金馬獎。



來源: http://hk.apple.nextmedia.com/entertainment/art/20151120/19379843
王菀 菀之 之同 同軒 軒仔 仔攬 攬攬 攬錫 錫唔 唔畀 Eric So 捧場
PermaLink: https://articles.zkiz.com/?id=293871

攬錫囡囡都唔畀?的士司機被誤當孌童

1 : GS(14)@2016-01-22 16:14:58

英國北約克郡一名接送學童的的士司機在學校外對一對愛女又親又抱,郡議會接到舉報後,不問分由禁止他接載兒童上學。60歲的肯普(Tony Kemp)負責在村莊接送學童到學校,他上周被禁接載兒童上學6天,郡議會只是解釋有人對他作出指控,但拒絕透露原因。有行家告訴肯普,原來他被人目睹在校外親吻及擁抱兩名女童,但其實二人都是他的女兒。官員發現擺烏龍後撤銷禁令,但肯普對當局處理手法感到憤怒,並因有關指控大受打擊。肯普不明白當局為何不解釋頒禁令的原因,而且沒有約他見面,讓他解釋事件。肯普說自己與太太分開,一對寶貝女與前妻同住,她們每次見到他,都總會跑來送上親吻及擁抱,他相信有途人誤會事件並對當局作出舉報。肯普說:「過去6天是自家父35年前過身後最差的日子。我失去數以百英鎊(約數千港元)計的生意,更差的是我過去12年建立的良好聲譽已被粉碎。」他擔心人人以為他四處親吻學童,會遭人報復。郡議會發言人指已調查事件並發現對肯普的指控失實。英國《每日郵報》





來源: http://hk.apple.nextmedia.com/international/art/20160122/19462554
攬錫 囡囡 都唔 唔畀 的士 司機 被誤 誤當 孌童
PermaLink: https://articles.zkiz.com/?id=294787

杏兒驚喜攬錫老公

1 : GS(14)@2016-05-21 18:29:44

■杏兒突然出現攬實老公,令他很意外。互聯網圖片


剛在內地宣傳舞台劇《我和春天有個約會》的胡杏兒,雖然她工作好忙,但她都爭取時間同老公李乘德(Philip)見面,昨日Philip在Instagram上載一片段,原來他這幾日去了台灣放天燈,天燈寫上「祝李杏福」,希望老婆大人健康美麗。夜晚Philip出席一個朋友的婚禮,突然間有一女子從後攬住他兼錫他一啖,最初Philip表現好享受,不過當他知是杏兒後,即尷尬抹面,杏兒更即攬住呵番老公,還餵他「食波餅」,Philip亦攬實老婆!事後Philip留言:「李太提早完成咗佢啲工作之後,飛咗去台北參觀我朋友嘅婚禮,兼送咗一個意外驚喜畀我!」撰文:李森





來源: http://hk.apple.nextmedia.com/entertainment/art/20160520/19619384
杏兒 驚喜 攬錫 老公
PermaLink: https://articles.zkiz.com/?id=300846

單挑賭王仔 張振朗攬錫陳瀅

1 : GS(14)@2016-08-03 02:19:38

2016-07-20 HJ
「宅男女神」陳瀅去年底大方承認與賭王何鴻燊四房公子何猷亨撻着,戀情一直備受看好,四太梁安琪更罕有地公開讚她靚女兼大開綠燈,嫁入豪門在望。

但近日前卻有傳兩人已分手兩個月,大台小生張振朗即乘拍劇之便攝位力追,日前他倆在中環拍攝一場貼身舞戲份,張振朗又攬又錫,擺明向賭王子挑戰。

成個反轉

陳瀅與何猷亨熱戀半年,灰姑娘童話令不少人為之羨慕,原以為「坐定粒六」做豪門少奶奶之際,卻傳出她因太黐身及逼婚,兩個月前已被猷亨狠撇,不過女神不愁寂寞,隨即獲新劇拍檔張振朗出招狂冧,不但三餐照顧周到,還人前人後都以「老婆」相稱。日前,兩人在中環碼頭為新劇《全職沒女》拍攝一場跳舞戲,隨着現場播的勁歌節奏,他倆自動波地胸貼胸共舞,大汗疊細汗都冇介意。

兩個跳到㷫烚烚,張振朗開始作高難度挑戰,突然雙手攬實陳瀅的纖腰奮力一拋,她即時離地彈起至三呎高,繼而又作「風火輪」般,將她垂直反轉再反轉。雖然動作驚險,但她對對方信心十足,整個人交由他任舞。事後見男方成頭大汗,陳瀅更貼心地為他抹乾,好不細心。

劃清界線

與張振朗玩到貼晒身,不過陳瀅強調冇過電,「我同張振朗喺劇入面係飾演情侶,所以有好多對手戲。佢份人好gentlemen,係個好拍檔。」至於跟何猷亨依然情未變,她更甜絲絲大讚男友:「我鍾意佢都係因為佢勤力」,還說:「我嘅感情事唔係報道咁講,係我想低調啲。??家我哋都處於工作搏殺期,大家都係成年人,有共識專注工作。」女神封路,張振朗也攞女友陳芷尤當擋箭牌,「我掹車邊都掹唔到啦,我哋只係同事關係,從來都無叫過佢做『老婆』,反而聽過佢叫何雁詩做『老公』。我亦無背住女朋友同佢發展,唔驚佢誤會。」始終今次對手太強,張振朗單挑失敗也合理。

攬腰

張振朗出盡力把陳瀅整個人反轉,陳瀅頭面向地,四腳朝天時不慎露肉人前。

錫面

二人互攬胸貼胸,張振朗還親吻她的額頭。

陳瀅跟張振朗日前大跳貼身舞,男方出力攬實陳瀅的纖腰fing 來fing去,表現親暱。

陳瀅戀上何猷亨後,今年二月拍拖睇麥當娜演唱會,大方公開戀情,但半年不到竟傳出「分訊」。

有傳張振朗拍劇期間向陳瀅大獻殷勤,當日兩人手牽手甜蜜轉圈,不時眉來眼去。

陳瀅主動攬着張振朗,被胸壓的他一臉受落。

張振朗扶着陳瀅的腰,大力抬起,小心翼翼護着女方。

陳瀅細心地拿紙巾幫張振朗抹汗,他難掩笑意,甜到入心。

陳瀅與陳松伶、張兆輝等合照,冇份影的張振朗企在一旁實陳瀅。

張振朗返回座位開餐,陳瀅才安心進食。

陳瀅與張振朗連食飯都要黐埋一齊,小女孩在劇中是陳瀅的女兒,「一家三口」同枱,十分溫馨。

另一日在電視城開廠,放飯期間,張振朗被成班小演員圍到實,陳瀅則貼心地幫他霸定位。

撰文、採訪 娛樂組

攝影 梁比利

設計 林文俊
單挑 賭王 張振 振朗 朗攬 攬錫 錫陳 陳瀅
PermaLink: https://articles.zkiz.com/?id=304187

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019