| ||||||
賓 架Ｐ話左丁山喺星期六講銀行難做，佢只同意一半，以佢一手經驗，銀行如果只有香港業務的，確實辛苦之極，但如果在內地有分行網絡嘅，第一季生意多到唔憂 做，因為內地現在是lenders' market，銀行話晒事，求借錢之公司多到數唔晒。中央政策係放寬信貸，不再設限，一啲地方省市甚至有獎勵金，譬如武漢市政府就會銀行發放貸款獎金，十 分新奇。 咦，咁樣放寬法，會唔會埋下壞賬地雷呀？賓架Ｐ話：「各師各法啦，央行只出政策，即係放寬，放寬又放寬，但放款細節與風險就由銀行自己訂定。於是 銀行可以話明要貸款要有百分百抵押品，利息可以提高，有時甚至有獎金可收，你話好唔好做？」好到極啦，聽佢咁講，左丁山估計一啲內地銀行、香港銀行而有內 地網絡嘅，第一季業務可能相當唔錯，滙豐唔好睇得太淡，滙豐最令人憂慮嘅就係北美與歐洲業務唔知仲有幾多撇賬，要待三月二日宣佈業績後先至有顯示，目前 「趁低吸納」就係買大細，假如到時滙豐宣佈嘅撇賬不如想像咁差，股價必然大幅反彈，但如果萬一……，咁就食瀉藥咯。 賓架Ｐ警告左丁山唔好唱得太淡，佢認為 各國政府紛紛救市，銀碼單位以萬億計，必然導致貨幣供應大增，刺激通脹，帶動復甦，佢話經濟專家劉遵義教授上個月在「志同會」（銀行家嘅聯誼會）演講，都 講到天唔會塌下來，叫大家唔好咁悲觀啦。不過賓架Ｐ就話香港之隱憂就係「內亂」，自亂陣腳。有何例子，佢不肯多言，只係話延長董事禁售期之爭議就認真麻 煩！ 哦，佢身為董事，當然反對港交所呢項條款，佢哋並非後知後覺，而係在諮詢期之時，已經發表意見反對，只係港交所上市委員會好奇怪，不聽反對意見（多 數），只聽贊成意見（少數），咁就話諮詢咗，實施延長董事禁售期，令佢莫名其妙。《金融時報》話香港大亨（tycoons）干預，有損國際金融中心聲譽， 其實攞嚟講，倫敦金融城自金融海嘯後，已風光不再，銀行醜事接二連三，要由納稅人挽救，先至係真正損害倫敦國際金融中心聲譽，洋記者之言無理據支持，不可 輕信。 | ||||||
| ||||||
到 跑馬地董事廂房跑夜馬，主人家介紹識咗六位外籍人士，交談之下，先知道幾位都係老香港，居港十年八年至三四十年不等，Ｚ女士啲廣東話十分純正，Ｍ女士更係 食家、葡萄酒鑑賞家。問Ｍ女士對邊間餐廳最有印象，佢反問：「邊一種菜？」咦，行家噃，於是話西餐，點知佢話：「我只對中菜有興趣，西餐麻麻哋啫！」於是 不假思索，提起香港之三星中菜廳，唉吔，呢幾位洋人個個搖頭，齊聲講：「除咗價錢夠高之外，無甚足觀！」 咁講法，米芝蓮之「評判食家」嘅口味可能同香港洋 人唔多一樣，當然與我哋本地人更加唔同。馬場應酬場合，講飲講食講電影多過講馬，但唔知邊位先生帶來一張貼士紙，係某大外商股票經紀行某經紀提供嘅，呢位 仁兄大概以電腦分析股票走勢之餘，還有時間分析賽馬，每次提供電腦貼士，今勻第一場就中咗「大喜訊」、「永利多」呢條Ｑ，大家收錢，好不高興，但接下來就 唔掂嘞，可見電腦分析賽馬亦平常，未必勝於人腦。 在座女士講電影，講講吓講到男明星，有人鍾意李察基爾、畢彼特、湯告魯斯，皆標準英俊男士，資深經紀Ｍ就 話喜歡李馬榮與占士高賓，話呢兩位先至係男子漢喎。左丁山埋頭刨馬，本來冇乜意見，但失驚無神俾女主人問起：「你又鍾意邊位？」左丁山衝口而出：「辛康納 利！」女主人要埋理由，於是左丁山話：「辛康納利愈老愈有型，佢初期做占士邦，狡猾兼狠心，但冇乜演技，其後唔做占士邦，四十年來做過好多唔同角色，演技 有進冇退，光芒四射，即使做配角，都好睇過主角。」 Ｌ太話好同意，讚嘆呢位蘇格蘭男士有如陳年靚酒，愈老愈醇，直情係男士與女士嘅偶像。老明星如非有價 值，LV點會搵佢賣廣告吖，香港電影對老人家不重視，總係喜歡年青靚仔，不過香港已冇乜後進影帝，講嚟講去，仍然係周潤發、梁朝偉、周星馳，連梁家輝都好 似失蹤咗。呢幾位已經四十幾五十零歲嘞啩，發哥與偉仔大有資格成為香港辛康納利。（更正：上星期五講及淡馬錫新CEO Chip Goodyear係前BHP行政總裁，唔係前Rio Tinto總裁，佢係美國人，唔係澳洲人，多謝雪梨讀者來電郵提醒。） | ||||||
| ||||||
| 研 究主管Ｋ平時研究國家大事、世界大勢、香港政治經濟，放工之後，回家研究賽馬，交咗多年學費之後，近兩年開始脫胎換骨，由一位馬場善長仁翁變成向馬會攞錢 使之常客，經常輸，但輸得少，不時贏，但贏得大，每個月好似出多兩三份糧咁。左丁山聞之，特別喺二月一日請佢入馬場，近距離觀察，睇吓可唔可以偷師。當日 研究Ｋ一早聲明，佢嘅心水係第九場「新強勁」，其他場次冇興趣。果不其然，頭八場佢只係每場下注一百蚊，不傷脾胃，到咗第九場就狠狠地傾囊下注「新強勁」 一Ｗ三Ｐ（一注獨贏三注位置），下注注碼甚重，而「新強勁」順利贏馬，研究Ｋ大豐收；到咗二月十五日，佢又大棍扑中「祝福滿滿」與「善風」，左丁山為之服 晒。 研究Ｋ就話佢輸馬吔吔聲之時，我哋唔會知嘅，既然贏馬畀左丁山知道，就搵個藉口到IFC利苑吃午飯，搵埋公關大姐大，電腦Ｊ等。點菜之 時，居然要咗一條斤半重嘅東星斑，清蒸吃之，不亦快哉。誰知隔牆有耳，畀財務Ｌ撞到，飯後打電話嚟瘀左丁山：「喂，左丁山，o依家乜嘢時勢呀，係金融海 嘯，共度時艱嘅日子，你居然在利苑吃午飯點咗一條清蒸大東星，招積啲噃！」哎吔，多得研究Ｋ關照，食馬會嘅啫，咁都畀人彈？財務Ｌ話：「美國銀行CEO都 做騷啦，從夏洛蒂坐八小時火車去華盛頓出席國會聽證會，以示節儉，佢班行家唔敢在華盛頓一級餐廳大吃大喝啫！呢類政治正確工夫，你要學吓。」好彩啫，研究 Ｋ與左丁山都係小人物，住豪宅冇份，用二萬一千美元做一套Kiton西裝冇份，坐私家飛機更加冇份，久唔久搵到馬會錢，食番一餐靚嘅，唔使咁政治正確呀 嘛？如果我哋係曾司長、任總裁嗰種級數，到IFC利苑一定只會吃碗「臘味煲仔飯」算數！ 隔一日，見到股票名家青姐，青姐話 大經紀Ｔ請佢到Domani吃午飯，感覺非常良好，心思思想再去過；最令佢心頭癢癢嘅，就係有其他人客食到兩點後，就走出花園外露天餐枱，坐在梳化，吃甜 品飲咖啡，噴雪茄，悠閒之至，好似下午唔使返工咁款，羨煞旁人。唉，我哋夠想學習仿效啦，不過如要強求，慎防傷身傷心。 | ||||||
| 2009-02-22 AppleDaily | ||||||
| 財 務A近年轉戰廣州，每星期有四至五日在廣州返工，為咗方便往返，香港住所索性搬咗去錦綉花園，不經不覺已有年餘。呢晚同佢及基金K等老友在鏞記吃燒鵝之 餘，問佢居住咗跑馬地咁多年，搬咗去錦繡，究竟慣唔慣？財務A話：「返番跑馬地，我反而瞓唔着，錦綉花園晚上非常寧靜，不知有車聲，與市區完全唔同，加上 經常在廣州，住返錦繡更加方便。」 財務A在內地回港時，聽到電台節目主持人狂插電盈私有化，指責「種票」等等，財務A問在座各位：「我好多年前係上市委員 會委員，唔知有『種票』呢條罪噃？如果話係『行動一致人士』，takeover code有好清晰界定，證監會知得一清二楚。我問過一啲人、問電盈私有化及過程觸犯了邊一條公司法、證券法，冇人識答，我在廣州可能住得背，你哋知唔知 呢？」 大家無言以對。空運L話：「傳媒評論員猛話違反道德倫理喎！」財務A乃係虔誠基督徒，常為教堂做義工，表面睇應係道德派，但佢嘅回應係：「在商界講 法律勝於講道德，人人之道德標準唔同，講起就有排鬧交！」佢又講得幾好噃，中國文化係講「法律不外乎人情」嘅，如要執行，認真死火，人情是否等於英國不成 文法律之reasonable man概念呢？還是關羽華容道義釋曹操之人情呢？香港司法係完全不講人情嘅，例如廉署成立初期不時拘控畀貼士嘅人士，畀十元八塊一樣照拉。講到道德觀，有 儒家、佛家、基督、天主、伊斯蘭等等，又可分明光社與同志團體等，莫衷一是。 幾個月前參加一個企業責任研討會，其中一位講者係建築公司主席，引用佛利民所 言：「企業唯一的社會責任是利用企業的資源，從它的行為中去增加利潤，但企業的行為是要在公開、自由競爭的環境下，按照商業規則進行，並沒有欺騙和欺詐等 手段。」英文原文出於1970年9月13日一篇文章：「The Social Responsibility of Business is to Increase Its Profits」。金融海嘯之後講佛利民，可能被人圍攻，不過左丁山認為佛利民呢句金句可以抵受時代考驗，非馬克思派所能夠打倒嘅。 | ||||||
| ||||||
| 立 法會引用「權力及特權法」調查雷曼事件，喺二月二十日首先傳召財經事務及庫務局局長陳家強，左丁山睇電視直播，見到啲議員質問陳局長是否先知先覺還是後知 後覺，有冇一早了解甚麼是雷曼迷你債券，點解唔向香港市民發預警。真係弊，今時今日，香港最高議會仍然扮演事後孔明，追究財金官員不一早發警報（最好就係 一早禁止所有結構產品出售）；喂，唔該啲議員睇多幾張報紙（英文報紙呀），了解吓外國幾多專家死在雷曼手上。金融海嘯係真正黑天鵝，事前難以預測，雷曼破 產與AIG之崩潰，在二○○八年九月十五日之前，即係北京奧運期間，全世界都冇人預知得到。 二月二十日凌晨紐約股市收市（美國東岸時間就係二月十九日下午 四時）嘅AIG收市價係五毫九美仙，早一個星期仲係九毫五美仙，一年前嘅股價唔講嘞，費事AIG股東傷心。AIG股價如此低殘，全世界有邊一位專家在二 ○○八年預測得到，去年以每股四十美元買入嘅，今日處境與雷曼苦主差唔多，試問佢哋向何處申訴。 投資虧大本，值得同情，但唔可以借同情而揼地，要求賠償。 雷曼如是，電盈如是，滙豐如是。真係有受騙情況者，可以訴訟追討銀行/證券商或要求仲裁調解，但若因此而痛罵香港監管不足，官員懶惰，成人議員們就似足哭 泣嬰兒。 經過金融海嘯之後，香港人應為香港嘅監管制度自豪，與好多人崇拜嘅美國相比，香港至今未有銀行關門，未有證券行停業，未有出現龐茲騙局，而美國就 乜都有齊，大富豪、中產階級、高級知識分子、經驗老到嘅投資老手一概輸到一仆一碌。新加坡話自己監管巴閉，但投資方面，淡馬錫與新加坡投資局咪一樣虧損嚴 重！左丁山以前講過，現再講一次，雷曼結構性產品的確複雜，一般人難以明白，但令咁多人虧本嘅，不在於產品本身，而在於雷曼破產，令全世界人（包括香港的 財金官員）跌晒眼鏡。 | ||||||
| ||||||
| 大學師姐睇完星期六本欄「切戒招積」之後，打電話嚟教訓左丁山：「喂，你同研究K都係我嘅師弟，不妨贈你幾句，雖說人生得意須盡歡，但不可忘記，有風駛盡『巾里』之時，可能觸礁；袋裏有幾個幸運錢，收埋咗先，o依家時勢唔好，慳錢好過亂咁花錢。」 多 謝大師姐教誨。講多幾句，方知金融海嘯打到埋身，高級中產隨時冇工做，重演亞洲金融風暴時期嘅慘痛歷史，師姐知道好幾位師弟妹已經失業，正努力搵工，師姐 亦幫手。電話收線後冇幾耐，佢已經傳來電郵，內附一份CV，一睇，應徵人自小到大讀一級名校，畢業後無風無浪二十餘年，點知到咗兒子入讀美國大學之年，方 始失業，實在令人緊張。 飲茶時候，與餐飲M講起，餐飲M話愛莫能助，佢只能關心自己持有兩隻大藍籌股票，AIG與美國銀行，美銀跌到三個幾 美元，AIG跌到五毫四，我見猶憐。但賓架D更慘，去年曾以三十美元買入AIG，聲言退休前博一博，鎖埋股票五年後，AIG應可重復舊觀，起碼睇六十美 元。唉吔吔，o依家已經蝕咗九成八咯，股價返回十元已經要多謝上帝眷顧喇，點算好？ 收完CV，飲完茶，成個人緊張晒，與在IFC利苑清蒸東 星斑之日相比，心情完全唔同。返到公司，睇吓電郵先，刪除大批垃圾郵件之後（點解咁多無聊「偉哥」推銷嘅呢？）剩番十幾件，其中一件係在美國大學做教授嘅 校友L傳來嘅，就係哈佛大學校長給哈佛人嘅公開信，講及哈佛面對經濟嚴峻局面，哈佛必須下困難決定，因為哈佛嘅○九/一○年預算案要假設哈佛發展基金虧蝕 三成！嘩，蝕三成？哈佛人好叻嘅噃，天才如此，我們凡夫俗子怎麼辦？ 校友L在美國做教授，屬中產階級，係奧巴馬最少理會嘅 階層。一啲美國守法守規矩嘅人民專心打工，不炒樓，不先使未來錢，點知海嘯一嚟，房價大跌，o依家奧巴馬要動用七百五十億美元救苦業主，但守規矩、定期供 按揭之人毫無得益，無怪向《華爾街日報》大發牢騷。守規矩嘅中產就係咁淒凉，拿政府錢永遠冇份，失業威脅就日日面對，美國如是，香港亦然。 | ||||||
2009-02-25 AppleDaily
| ||||||
| 美 國老友傳來加州消息一則，附加註解：「難以相信這是美國，這是加利福尼亞州！」加州陽光普照，係美國人心目中活力與創意之象徵。荷李活電影、矽谷科技，三 藩市區生活好不令人神往。 但是加州風光不再，金融海嘯一來，弱點盡露，簡單講句，就係加州稅率太高，州政府支出太大，而加州稅收大部份來自個人收入稅，好 景之時，矽谷公司嘅僱員淨係畀認股期權所得之利潤嘅個人稅，已經令其他州份羨慕不已。不過，針無兩頭利，金融市場崩潰之後，科技公司莫講話上市，即使上咗 市，股價跌到殘，加州名貴豪宅價錢亦跌到四腳朝天，成交稀疏，試問地方政府與州政府去邊度收稅？加州政府未破產之前，人民已經捱唔住嘞。 美國老友傳來嗰段 消息，就係講全美「強制收樓之都」嘅史托頓市（City of Stockton），現有不少無家可歸之人或街頭露宿者群集史托頓市中心，居於營幕內，阻塞交通，負責管理公路嘅官方機構（Caltrans）於是展開清 洗行動，強行搬走啲營幕。美國老友嘆一聲：「點估到我的家鄉會出現如此情況。」佢大概住在香港太耐咯，不知香港已十分進步，仲以為加州仲係昔日天堂o忝。 美國好多人供唔起樓，一走了之，銀行莫可奈何。 現在奧巴馬提出刺激經濟方案，救樓市阻收樓方案，又將美國分裂成兩派，CNBC嘅駐芝加哥期貨交易所記者 Rick Santelli喺二月二十日直播時大罵奧巴馬，聲言要搞一個「芝加哥茶會」（Chicago Tea Party），想作反乎？美國獨立革命起源於Boston Tea Party也！Santelli係唔忿氣一等良民，平時守規矩，勤懇工作，現在竟然要津貼╲補貼嗰啲平時碌咭，借錢渡日，現時無力供樓之人。以為呢位先生 一時勞氣之言啫，點知佢嘅聲音好似滾雪球，越嚟越大，網上熱烈討論，白宮發言人回應質詢時，講咗Santelli個名九次咁多，可見高度重視。美國政府為 咗救市，用錢越來越多，已引起不少美國人反感，公開與政府抬摃，顯示美國經濟仲有一排衰。 | ||||||
| ||||||
| 世 姪W身為私募基金嘅亞洲主管，好謙虛咁話請左丁山到IFC利苑吃午飯，有事請教喎。一坐低，世姪W話已經叫咗一條東星斑，問仲要點乜嘢其他菜，哎吔，又食 東星斑，奢侈啲喎，世姪W話睇過左丁山幾日前講過，以為蒸東星斑係左丁山之favorite。左丁山連忙更正，話研究K贏馬開心，偶一為之啫，世姪W冇贏 馬，唔使咁客氣。不過世姪W堅持話已經叫咗，唔想收番柯打。 也罷，照吃可也。世姪W話留美多年，呢次返嚟香港，在中環工作，發覺有啲環境唔 同，周圍都講英文，十分國際化，佢自己就知道好多好多留學英美嘅學生返咗嚟，雲集中環，講英文差啲嘅，好似難以打入圈子。呢個圈子自不然係投資銀行、私募 基金、證券行、對冲基金、基金之基金（fund of funds），以及國際律師行等等，呢班圈中人當然思想西化，行為西化，係蘭桂坊、蘇豪區常客。可惜呢，金融風暴一到，不少圈中人「失蹤」，或者收入大幅 度減少，冇以前咁豪氣咯。 世姪W雖然話請教，其實教咗左丁山好多新事物。譬如佢講到Reverse IPO，左丁山就唔知佢講乜。要佢多加解釋，世姪W話幾年前美國興起一種新投資工具，就係將一隻完全冇資產，只有現金嘅公司在納斯達克市場上市，現金多多 少少都有，不一而足。如何賺錢呢？就係搵一啲有前景，有cashflow（現金流），但限於大環境（例如o依家）而上唔到市嘅A公司，作逆向收購（相等於 一間未上市公司A買入一間只有現金而沒有負債及其他資產，非常乾淨嘅上市公司B），收購以發行新股票支付，於是交易完成後，A公司變成納斯達克市場嘅上市 公司，B公司股東（基金）成為A公司之少數股東，A公司可以得到現金及上市地位，B公司原股東當作投資咗落一間有前景嘅公司，而且唔使等佢上市，隨時可以 沽出股票套現。世姪W講咗一輪，左丁山先至明白，果然係美國人想出來嘅一條財技妙計。世姪W話佢好有辦法搵到B公司，左丁山如果認識一啲上述A公司之類， 可以同佢傾吓喎！ | ||||||
| ||||||
| 夜 馬馬場，最多生意應酬，不少老闆階級與董事級人物，到咗星期六、日，每去到東莞、中山打高爾夫，唔到馬場，但星期三夜馬就唔同，到跑馬地參加夜馬賽事，係 一個放工後應酬嘅上佳藉口，有啲外國來港嘅客戶幾喜歡晚上到快活谷一行，七點到十點，消磨三個鐘頭，飲食之餘可以小注怡情，一樂也。 左丁山 就參加咗一個如此這般馬場飯局，講政治講生意多過講馬，真係有助於馬會餐飲而無助於馬場投注額。一位知名人物講到行政會議新成員，甚有意見，諸多批評，原 來佢識齊五位新科議員，除咗劉遵義教授之外，對其他四位都唔服燒賣，話楊女士係純工業家；葉先生係世外高人，不食人間煙火；劉先生係長老，識得鄉下事；胡 女士係舊電池，即使係新電池嗰陣，都唔知佢有乜貢獻。嘩，句句有骨，驚死我哋聽唔明，仲要加多一句：「政治圈子當然用人唯親，唔通搵頂心杉同自己傾管治大 事咩，但用人唯親之時，都要搵啲叻o架、有用o架，對自己有助力o架嘛！」說得有理，奧巴馬也是如此，崇拜奧巴馬者不必批評香港政治圈用人唯親，最多只能 批評入選之「親」，並非能人。 知名人物點解唔批評劉遵義呢？佢話：「行政會議之中，校長最有intellectual power（智慧力），特別在經濟金融方面，最啱目前需要，華盛頓、北京、台北都會尊重佢！」咁又係，假設森瑪斯訪港講國際金融，相信只有劉校長能夠代表 特區政府接招，為香港留番幾分面子。 講到口沫橫飛，邊有專注力去揀馬吖，於是又試敗走快活谷，紡織F亦然，佢本應該贏馬 嘅，但因為聽知名人物講古聽到入神，趕唔切下注，走咗雞。問紡織F生意如何，佢話今年恐怕會有好多時間賭馬咯，因為海外訂單失蹤，佢嘅公司與工廠皆唔夠工 夫做，遲啲恐怕亦要緊縮，即係逼住裁員，紡織F話：「海嘯第二波就係工業崩圍，後果難以預料。」財務M帶埋大仔嚟見吓世叔伯，問佢喺邊度做事，佢話剛剛被 公司裁走，正在搵工。乜嘢公司裁人呀？就係本應是名牌嘅資產管理公司，裁員首先向新人開刀，正是last in, first out（入得遲，炒得早）！海嘯第二波會推高失業率，勢所必然。 | ||||||
| ||||||
| 銀 行界有明星級人物退休，成為午飯話題。第一位宣佈退休嘅係東亞賓架彭，四月一號起就唔再係執行董事兼副行政總裁，但聽講仍然會留在銀行工作，大概係高級顧 問之類，輔助三位李先生，佢自中大畢業後（一九七三）就加入東亞，從見習生做起，可謂從一而終，對東亞忠心耿耿。 跟住就係恒生行政總裁賓架柯，佢又係從一 而終嘅，一九七二年於港大畢業就加入滙豐，從不見異思遷，對滙豐恒生集團有好大貢獻。滙豐、東亞都緊守六十歲退休之傳統，雖然賓架柯、賓架彭兩人精神暢 旺，體力甚佳，仍然不得不退下火線，柯大班以後會做甚麼工作，見到佢時，一定問吓。第三位自不然係監管銀行大班嘅大班，即係任總裁，任總裁屬豬，今年九月 滿六十二歲咯，點解唔係六十歲退休呢？ 因為曾俊華司長在二○○七年批准任總延期兩年，而任總話：「我接受」吖嘛。早知道有金融海嘯與國際事件衍生之雷曼迷 你債風波，任總在○七年九月退休，適值空前繁榮之時，你話在高峯引退，幾咁威風呢。想不到正因為要做多兩年，搞到退休前要上立法會為雷曼風波解畫，俾議員 責難，最慘就係俾詹培忠指口篤鼻，形同侮辱，真係痛心疾首o架。 唔怪得古人話做人最緊要係「知所進退」，不可強求，三位金融界明星同年退休，另外滙豐鄭海 泉亦已年過六十，只因升咗上滙控董事局兼碰上金融海嘯，先至繼續鎮守亞太區，過多一兩年，佢與王冬勝都要退下來，不知有何人替補。至於任總裁替補人選，大 熱門當然係特首辦主任陳德霖。做金管局總裁，一不能要外國人、二要北京接受、三要特首與財政司司長點頭、四要在銀行金融界有standing（地位與聲 望）、五要在國際中央銀行界有人脈關係、六要技術上熟悉本港金融制度，真係咁易搵人咩。 一些天真議員話要環球招聘，你估做騷咩，無謂浪費時間與人力物力 嘞。你話美國、英國、日本會唔會搵一位外國人做央行總裁吖？奧巴馬會唔會搵一位共和黨人兼佛利民信徒代替伯南克吖，若有議員提出環球招聘金管局總裁，會係 十分childish，頭腦仲未成年，或者係故意整蠱曾蔭權，間接害埋香港。 | ||||||