上線人數太少嚇走人
1 :
GS(14)@2011-10-09 22:39:27做番大D如題
2 :
容易受傷的男人(17333)@2011-10-09 22:45:56這裡只有你同我版主
3 :
Sunny^_^(11601)@2011-10-09 23:32:29D人唔上都冇計嫁.
4 :
八旗子弟(15368)@2011-10-09 23:55:06市旺大把人,gogogo,哈哈
5 :
GS(14)@2011-10-10 21:25:373樓提及
D人唔上都冇計嫁.
唔是，個數真是細了3分2
6 :
Sunny^_^(11601)@2011-10-10 22:00:015樓提及
3樓提及
D人唔上都冇計嫁.
唔是，個數真是細了3分2
不過真係好似少左人
7 :
GS(14)@2011-10-10 22:11:29實際上無點少到，但感覺上少了都不太好
8 :
Sunny^_^(11601)@2011-10-11 20:49:287樓提及
實際上無點少到，但感覺上少了都不太好
我一開始用個陣成晚都好多人講野...而家有D悶
9 :
GS(14)@2011-10-11 20:51:00是呀，又唔知點解特別少了人
10 :
abbychau(1)@2011-10-23 19:01:14set to 15 min
11 :
david395(4434)@2011-10-23 19:40:34Suggest more blogger move to here
12 :
superkkw(6672)@2011-10-23 21:04:32面加個版面真係唔多方便
要click好多下先睇到有咩update左
只靠最新回覆唔多夠
d人係咪改左版之後少左?
13 :
GS(14)@2011-10-23 22:04:5511樓提及
Suggest more blogger move to here
講清楚D得嘛? 是不是可能等人易D睇到Blog定是點?
14 :
GS(14)@2011-10-23 22:05:2412樓提及
面加個版面真係唔多方便
要click好多下先睇到有咩update左
只靠最新回覆唔多夠
d人係咪改左版之後少左?
通知那個有無用到先
15 :
hehehaha(4466)@2011-10-23 22:20:39因為E到做唔到一般股民心態...''
仲有成日圍圍喂...
我介紹過比幾個FD黎E到,話好多野睇同好多野學!
D FD同返我講:佢地唔係專研究股票,想睇既 post 講D野成日扮秘密- -'
又唔夠膽講清楚,鬼得閒同你玩猜猜猜...咁不如咪開post!
動不動就以為放左風會搭沉船,以為好大影響力.
如實轉告:不喜勿插!
而我覺E到幾多故仔睇都唔錯!
不過某陣時又真係見到D人叫人唔好講咁多- -怕人搭沉船...
心諗:你估真係咁易咩...食你幾十皮有咩用,你估講多2句有幾球比莊食咩!
人就係以為自己好有影響力- -'
而我就對個股興趣一般,對市況,槓桿玩指數興趣大D!
睇故仔為增加話題0.0
16 :
GS(14)@2011-10-23 22:35:0915樓提及
因為E到做唔到一般股民心態...''
仲有成日圍圍喂...
我介紹過比幾個FD黎E到,話好多野睇同好多野學!
D FD同返我講:佢地唔係專研究股票,想睇既 post 講D野成日扮秘密- -'
又唔夠膽講清楚,鬼得閒同你玩猜猜猜...咁不如咪開post!
動不動就以為放左風會搭沉船,以為好大影響力.
如實轉告:不喜勿插!
而我覺E到幾多故仔睇都唔錯!
不過某陣時又真係見到D人叫人唔好講咁多- -怕人搭沉船...
心諗:你估真係咁易咩...食你幾十皮有咩用,你估講多2句有幾球比莊食咩!
人就係以為自己好有影響力- -'
而我就對個股興趣一般,對市況,槓桿玩指數興趣大D!
睇故仔為增加話題0.0
去龍鳳區開多幾個啦，有幾個post 下路長開無留言，幫幫手搞人氣...
http://realforum.zkiz.com/thread.php?tid=25643
http://realforum.zkiz.com/thread.php?tid=25654
http://realforum.zkiz.com/thread.php?tid=25880
好多人驚，但是我唔買，想知甚麼儘量講，你叫你D朋友唔好怕問，人地唔答我都答，人地扮先知我就踢爆，三文魚的唔講一D野是唔要得，但是你可以問我，你唔問，我真是唔知你想知乜，雖然佢會討厭我所為，但我認為值得
17 :
GS(14)@2011-10-23 22:36:01總之你講多D，我儘量講啦
18 :
abbychau(1)@2011-12-03 13:20:26set to 15min
19 :
david395(4434)@2011-12-04 16:24:4913樓提及
11樓提及
Suggest more blogger move to here
講清楚D得嘛? 是不是可能等人易D睇到Blog定是點?
recommend more ppl move to here la
talk about news besides stock market
20 :
greatsoup38(830)@2011-12-04 17:28:3619樓提及
13樓提及
11樓提及
Suggest more blogger move to here
講清楚D得嘛? 是不是可能等人易D睇到Blog定是點?
recommend more ppl move to here la
talk about news besides stock market
you sell more ads...
金融人語：梁高走人 恒生有餘震
1 :
GS(14)@2012-02-29 23:09:33http://hk.apple.nextmedia.com/te ... 307&art_id=16112338
恒生（ 011）女大班梁高美懿走人有幾咁突然，從滙控（ 005）要搵已退休的 Rose Lee李慧敏頂上，可以猜到幾分。中環消息人士話，一切係馬房問題，歐智華去年接任滙控 CEO後，逐步建立自己馬房，梁高遲早都要另覓明主。
恐難繼續免疫裁員
佢仲要我哋留意，去年滙豐香港宣佈裁員 3000，恒生得以免疫，應該全賴梁高頂住。如今梁高交出帥印，即使歐智華講香港裁員可以提早完成，但消息人士話恒生條數可以另計，恒生是否可以繼續在整個滙控集團中獨善其身，佢好懷疑。
至於接替梁高的李慧敏，人人話係中國通，呢位熟悉滙豐同獲多利的資深中環人，認為冇講錯。佢想當年，話李慧敏 70年代大學畢業後到獲多利任見習生，遇上同樣初出茅廬加入獲多利、日後成為佢老公的袁天凡，兩人都係那時候獲多利的精英。當時獲多利係專責滙豐的商人銀行業務，專湊英資、外資同埋香港華資，但係李慧敏別樹一幟，內地改革開放後鍾意跑當時根本數量有限的大陸客。
滙豐 80年代為咗重返大陸市場，發展中國企業客戶，搵咗曾任英國駐上海代辦的 Anthony Russell（羅素），出任中國區經理。羅素為了搵一名熟悉中國的助手，在 80年代中特別向獲多利借調李慧敏。其後李慧敏一直參與滙豐的中國業務，擅長協助國企在海外融資。她後來調任香港區企業銀行部，負責多個香港地產商的 Account，鄭裕彤是她專責的其中一名主要客戶。
李慧敏偏向精英主義
有別於梁高較為親民的作風，消息人士指李慧敏較為精英主義。梁高公開講，希望日後恒生 CEO可以由恒生內部晉升，但消息人士相信在李慧敏領導下，恒生會有人事餘震，現有管理團隊會續有變動；即使李慧敏三年後讓位，由目前第二線高管上位接棒的機會，仍然甚低。
小兄弟嬲爆掟雞走人媽媽嘅「驚喜」原來係……
1 :
GS(14)@2016-09-06 04:41:58澳洲一對小兄弟，聽見父母有驚喜送給他們，滿心歡喜以為有禮物收，未料「驚喜」竟是媽媽懷孕的消息，令二人嬲爆黑面。該對夫婦做好一切準備，想拍下一對兒子聽到喜訊時的反應，未料卻是始料不及。兩兄弟本來開開心心食炸雞，弟弟已急不及待地猜是甚麼驚喜：「是否是個頭盔？單車？滑板車？水槍？」哥哥則問：「是否有新泳池？」由兩兄弟臉上的笑容可見，他們的確對驚喜充滿期待。媽媽見一對兒子遲遲未猜中，便給予提示說：「他令媽媽身體不適。」爸爸在旁出口術，哥哥終於猜中：「是個寶寶。」兩兄弟臉上的笑容一瞬間消失，弟弟氣得踏腳揮拳，更將手中的雞塊擲走發洩；哥哥就說：「那不是份禮物，那甚麼都不是！」媽媽於是對兒子說：「你說笑吧？我說我們有個驚喜要告訴你。」哥哥卻冷冷答道：「這不是個驚喜。」媽媽只得答：「好吧，這有點令人洩氣。你們不興奮嗎？」哥哥搖搖頭，弟弟更氣得轉身從座位離去。英國《每日郵報》
來源:
http://hk.apple.nextmedia.com/international/art/20160905/19760818
傘運兩周年 管治差民生困苦 港掀移台潮 「梁連任即賣樓走人」
1 :
GS(14)@2016-09-27 07:10:12■金鐘佔領區以夏慤道近海富天橋一帶為主，橋上掛滿標語。
【傘運2周年】【本報訊】雨傘運動結束近兩年，本港政治爭拗仍不斷，不少港人萌移民念頭，台灣成為港人移民新熱點。自傘運爆發後，過去兩年移居台灣的港人節節上升，有台灣移民顧問指，部份個案因不滿特首梁振英管治及雨傘運動，加上香港高樓價而決定移民。部份人更揚言，若梁振英連任，他們會立即辭工賣樓移民。記者：謝明明
保安局資料顯示，近年港人移民海外數字無明顯升幅；但台灣內政部移民署資料則顯示，過去3年移居當地的港澳居民持續上升，由2013年的575人上升至去年的891人，平均每年有超過兩成增幅，今年首7個月更有623人，直逼2014年全年的697人。有經營台灣移民顧問業務的朗峰國際董事林耀宗指，傘運是港人移居台灣潮的分水嶺，「以我公司為例，佔中前幾個月先辦一次移民台灣講座，但
來源:
http://hk.apple.nextmedia.com/news/art/20160926/19782100
黑面對峙Philip火起走人杏兒與老公吵大鑊 輸咗！
1 :
GS(14)@2016-09-29 08:05:36【怒視老婆】■胡杏兒日前與老公Philip睇戲，惟二人鬧交，Philip更怒睥對方。
胡杏兒與才俊老公李乘德（Philip）結婚9個月，長期糖黐豆恩愛非常，度蜜月環遊世界玩足兩個月。近月杏兒開始減產，有意專心造人，日前她與老公去奧海城睇戲，惟二人怒火街頭吵大鑊，Philip嬲爆走人，嚇到杏兒急急追住老公。二人睇完戲後，Philip亦似下了火，不過杏兒繼續黑面。
胡杏兒去年底嫁給才俊老公李乘德（Philip），收服曾與李施嬅和張曦雯拍拖的「港姐殺手」，Philip婚後亦似乎修心養性，二人結婚至今9個月，度蜜月度足兩個月環遊世界，在社交網不停放閃分享幸福夫妻生活，就算工作忙亦會抽時間見對方，可以用甜過蜜糖來形容。
【不忘贒女】■與老婆冷戰中，Philip都把握時間贒女。
1.【結伴買飛】■去到戲院，Philip負責買飛，黑面的杏兒企在一旁。
2.【當眾再吵】■二人在戲院當眾再嘈，杏兒講到攤起手。
杏兒嚇到呆咗
近月，杏兒減產工作，爭取時間與老公見面及專心造人，日前兩公婆便拍拖睇賣座韓片《屍殺列車》。下午約5時多，杏兒到中環安蘭街附近接載老公後直駛奧海城，見杏兒戴cap帽及戴口罩，睇場戲都幾大陣仗。二人落車步行入戲院途中，起初並肩而行，但杏兒似在鬧情緒，Philip皺眉兼斜睥了她一眼，流露不悅之色，估計兩人曾在車廂中吵架，不過Philip依然主動伸手拖老婆，杏兒則黑口黑面，其間Philip看到路過的長髮女子，不禁目及了一眼。雖然杏兒與Philip拖着手，不過零交流。到戲院後Philip先去買飛，杏兒則站在一角玩電話，當時戲院大堂人流不多，Philip買完戲飛後會合老婆，二人傾了一分鐘，突然怒火升溫，杏兒更講到攤起手，公然爭執吵大鑊！一直「處於下風」的Philip忽然發火轉身走人，見老公拂袖而去，杏兒即有點不知所措，由黑面急變呆樣，定神後她即衝落電梯追回老公。
3.【嬲到即走】■傾不夠一分鐘，嬲爆的Philip轉身便走。
4.【追番老公】■被撇低的杏兒，即急步落樓搵老公。
5.【離行離列】■睇完戲後離開時，Philip與杏兒分開行。
■杏兒與Philip結婚9個月，經常在網上晒恩愛。
追番老公睇戲
杏兒在下一層樓「尋回」老公並氹他返回戲院，Philip亦肯妥協，之後二人齊齊去買零食，Philip負責買爆谷及飲品，杏兒繼續在一旁等，雖然怒火微微降溫，不過二人沒有交談，杏兒木無表情將戲飛遞給Philip，自己又繼續玩手機。大概晚上8時，杏兒與老公睇完戲散場，行到離行離列，沒有拖手，見Philip面容稍為從容，似下了火，惟杏兒仍然有點竧樣。兩公婆都是大忙人，難得有時間拍拖睇戲都要耍花槍，真的始料不及，不過二人好快就雨過天晴。日前Philip入馬場自拍在Ig打卡，笑言輸了400元，這個星期要和老婆捱公仔麵，杏兒亦回禮，二人坐在大大個「LOVE」字樣的燈牌笑住合照，真係吵完一場，感情倍增，繼續骨痹。採訪、攝影：畢紹基、吳耀輝
來源:
http://hk.apple.nextmedia.com/entertainment/art/20160929/19784812
馬斐森辭職師生反應兩極 袁國勇讚能幹馮敬恩斥：寫靚CV就走人
1 :
GS(14)@2017-02-05 10:36:34【本報訊】馬斐森出任港大校長不足3年突宣佈辭職，港大教職員及學生對其工作表現評價兩極。港大微生物學系講座教授袁國勇讚揚馬斐森能幹，是一名好領袖，又嘗試融合各方意見。港大學生會會長孫曉嵐斥他不信任學生，其工作表現只值20至30分；前會長馮敬恩斥馬任內無建樹，包括沒有追究教職員涉嫌學術造假、高層管理團隊自行審批款項及港大深圳醫院還款等問題，更形容他只視校長一職為踏腳石，「寫靚自己份CV就走人」。記者：譚靜雯 陳沛冰馬斐森任內面對連串爭議事件，如副校長任命風波、學生衝擊校委會等，他辭職消息傳出後，各界對其工作表現反應兩極。港大學生會會長孫曉嵐對馬斐森突辭職感震驚，指其工作表現「100分中僅得20至30分」，又認為他不信學生，「最深刻係上年，佢對校委會事件嘅處理手法都令我幾憤怒，第二日出email鬧大家；其後報警處理示威學生，好明顯係對學生唔信任、曲解學生」。
「真係唔知佢做咗啲乜」
港大生去年1月通宵圍堵校委會，校委會主席李國章走後門，馬斐森其後譴責學生，稱拒接受「mob rule（暴民管治）」，又形容當晚圍堵令他想起1989年英國希斯堡球場人踩人慘劇。當時任港大學生會會長的馮敬恩形容馬斐森只是「打工仔」，並於其社交網站留言諷刺馬斐森，指港大只是他獲取「中國經驗」的踏腳石，「寫靚自己份CV就走人」。對於馬斐森對港大的貢獻，馮批評他任內除了推動名為HeForShe的性別平等計劃，「真係唔知佢做咗啲乜」，若要相信馬斐森因捍衞港大價值受壓辭職，是天大笑話。馮更批評馬任內最大污點之一是形容學生包圍校委會行動是「mob rule（暴民管治）」。馮甚至形容馬斐森任內無甚建樹，包括沒追究有教職員涉學術造假、高層管理團隊自行審批款項及港大深圳醫院還款問題等，反映他並非愛護學生和學校。
強推新評核員工制度
不過，副校任命風波時宣佈辭去校委一職的港大學微生物學系講座教授袁國勇昨讚揚馬斐森是一位好人、好領袖，以及非常能幹，指馬嘗試盡力將不同意見及矛盾融合，令大學可向前行。袁認為，香港正處於政治動盪、艱難時刻，馬斐森突辭職對港大是一大打擊，要另覓一能幹校長並不易。港大教師及職員會主席張星煒形容，馬斐森表現不過不失，但他辭職對港大運作有非常大影響。張指，去年馬斐森無視教職員反對，推行新制度評核員工表現，即只有校長、首席副校長及負責人事的副校長可決定員工升遷，「唔理大家反對，係獨裁行為」。張星煒續表示，馬斐森未做滿5年任期就辭職，「兩年半就走，有責任既人都做5年啦，?家咁都幾唔負責任，會被全世界人感覺港大（環境）好差」。
師生心聲
袁國勇（港大微生物學系講座教授）：「馬斐森突然辭職對港大係打擊，要再搵一名能幹嘅校長不易。香港正處於艱難時刻，政治動盪，但相信有過百年歷史嘅香港大學，可以面對目前嘅困難。」
孫曉嵐（港大學生會會長）：「最深刻係上年，佢對校委會事件嘅處理手法都令我幾憤怒，第二日出email鬧大家；其後報警處理示威學生，好明顯係對學生唔信任、曲解學生。」
來源:
http://hk.apple.nextmedia.com/news/art/20170203/19916619
趣趣地：安歷基季尾走人關美斯事?
1 :
GS(14)@2017-03-04 00:34:57前年幫巴塞隆拿拎完五冠王，但喺禮拜三，巴塞教練安歷基宣佈唔續約，喺季尾離隊。呢日巴塞喺西甲主場大炒希杭6:1，美斯、蘇亞雷斯同尼馬都有波入，其中阿蘇仲入兩球，加埋柏高艾卡沙同拿傑迪錫各建一功，湊夠六球。賽後安歷基如常開記者會，但臨完嗰陣突然話：「我想用個特別啲嘅方法去完呢個記招，我下季唔會再做巴塞教練，我季尾唔會續約。」有傳媒吹過話安歷基同美斯不和，雖然安帥就話冇呢啲事，但真係唔知佢唔撈同美斯有冇關係！外界盛傳畢包教練華維迪同西維爾教頭森柏奧利都係巴塞目標。
巴塞贏波後上咗西甲榜首，領先踢少場嘅皇家馬德里一分，皇馬同日主場以3:3逼和拉斯彭馬斯，加里夫巴利仲領紅被逐。
來源:
http://hk.apple.nextmedia.com/sports/art/20170303/19945663
精心安排當眾求婚女友耍手擰頭仲走人
1 :
GS(14)@2017-06-22 08:03:14花盡心思、千算萬計……也不代表事情一定可以成功，尤其是求婚這件事！美國南卡羅來納州一名男子安排好友配合，在一場棒球賽事上演「大龍鳳」，當眾向女友求婚，豈料女友即場拒絕離開，極為尷尬。這段影片日前在Instagram出現，男友事先安排4名友人在球場內，配合《Marry You》的音樂聲一起跳舞，四個男人落力扭腰擺臀，舉手舞動，氣氛歡樂，他們跳完舞後再撿起紙牌向著觀眾席一方，影片看不到紙牌寫了甚麼，但相信是給女友看的甜蜜句子。這時鏡頭轉向看台上的男女主角了，男方不知說了一句甚麼，然後拿出戒指，單膝跪下向女友求婚。有觀眾拍手歡呼，不少人亦都舉起手機準備拍下動人一幕。不過結果卻遠遠與大家期待不符，女友不單沒有大受感動答應求婚，反而在耍手擰頭，事情發展急轉直下。男友未有及時「收手」，更想為對方戴上戒指，女友舉起手掌作出拒絕手勢並後退一步，場面非常尷尬。此時女友湊近男友耳邊說了些話後，就拿手袋決絕地轉身離去，留下滿臉愕然的男友，目送著女友背影。不少人同情男方遭遇，說女方拒絕求婚簡直是瘋了，「他安排這一切都非常有創意，包括找人在場內跳舞並播放歌曲，最後女友仍然說不」，有人則為女方辯護，「為何如此就是她瘋了？你怎知這不是他們第二次約會？怎知這傢伙不是神經病？」有網民則質疑影片是惡作劇，只是演員們的一場演出罷了。英國《每日郵報》
來源:
http://hk.apple.nextmedia.com/international/art/20170620/20062333
湯文亮：牛三就要走人
1 :
GS(14)@2017-10-15 14:12:32【明報專訊】有老友叫我快快手寫幾篇評論股市文章，因為有報道指在今年初各評論員預測股市，我竟然是最準確的一個，當時恒指22,000點，我已夠膽話今年恒指會見28,000點，如果現在唔寫出來，在未來一兩個月隨時有變，我就不會是最準確的一個，老友雖然一片苦心，但我真的是不懂得寫股市文章。
我真的不記得幾時發表過預測股市文章，我連老本行樓市都未能掌握得到，點夠膽預測股市？或者當時被記者問及股市，我隨便說說，誰不知撞口卦講中咗，大家千祈唔好當真。現在我只能說，如果大家投資股市有所斬獲，就不妨沽售一些鎖定利潤，免得過10月股市真的大跌，就會被人取笑話明知10月份有很大機會出現股災，點解唔識得走避，倒不如賣走一些股票獲利，倘若出現股災就可以對別人說當然有賣走股票。投資股票，賺錢固然緊要，但千祈唔好被人笑。
10月減持獲利為妙
老友鍥而不捨，一定要我講下股市，或者分析一下，現在是牛一抑或牛二，我話唔識，但如果是牛三就一定要走人，老友明白，因為牛三即是有三隻牛——「犇」，讀「奔」，唔需要起卦都知道要走。不過，到了牛三的時候，又不是那麼容易走人，這就是股市吸引之處，大家明知道在牛三，股市往往還會有可觀升幅，現在離開是很不智，而且對自己非常有信心，一定會在牛三爆煲之前離開。
信心愈大輸得愈慘
其實，很多人都不明白，股市與賭場都是一樣，專收叻仔，那些信心愈大的人就會輸得愈慘，我自認沒有信心，贏少少已經很滿足，今年初買入股票，普遍有三成以上升幅，有錢就要賺，否則，到了股市下跌，由贏變輸，輸了錢就更不捨得割肉，這亦是今年諾貝爾經濟學獎得主塞勒的主要研究課題。
老友話我愈講愈遠，由此看來，我真的不懂得分析股市，於是，便沒有追問下去。
紀惠集團行政總裁
[湯文亮 敢說亮話]
來源:
http://www.mpfinance.com/fin/dai ... 7501&issue=20171011
Next Page