| ||||||
福和集團太子爺、前東華主席梁定 宇○六年和傅明憲爆出緋聞，去年又瞞住老婆張雅麗搭上台灣東森電視新聞台女主播韓佩穎，事件曝光，梁定宇先斬後奏公開要離婚，仲聽從母親計謀，扮窮拒俾贍 養費，當年送給妻子作結婚禮物的何文田愛巢，亦準備收番唔認數，實行一個崩都唔願俾。十個男人九個滾 自爆出傅明憲緋聞後，梁定宇（Billy）妻子張雅麗（Carol）為了現年六歲的兒子晉熙死忍，不過一○年中傳媒偷拍到Billy與富豪二代帶模出 海，去年又被影到帶台妹韓佩穎返私竇幽會，係女人都發火，知情者說：「鬧親交Carol都摷番啲嘢嚟講，Billy嫌煩咪提出離婚，佢仲同Carol講十 個男人九個滾，有乜大不了喎。」Billy當年苦追Carol，到頭來竟然分手收場，他身邊朋友說：「Carol同Billy都喺劍橋讀書，Carol是 窮出身，靠獎學金過去讀書，當時Carol有男友，Billy等到佢無男友追到返香港就拍拖，Billy好錫佢，拍拖三年幾，○四年結婚。」梁定宇○一年 加入東華做總理，結識了不少朋友，○六年做第四副主席，由此認識同是總理的傅明憲（Gigi），他們的朋友透露：「傅明憲同Carol扮好姊妹，一齊去買 嘢，去Billy屋企食飯，混熟咗就淨係同Billy去蒲。」不久之後，就影到他在Gigi的富豪海灣屋企短聚。事件被踢爆，Gigi飛甩梁定宇，他亦落 嘴頭氹番老婆，不過試過偷食又豈會收手，「Billy本來好乖仔，係Gigi主動撩佢，佢試過出去玩原來咁爽，咪群埋班二代一齊滾。」知情者說。但 Billy話晒一直鋪路做東華主席，緋聞出街後，他即寫信給各總理澄清，希望安然度過做主席的任期，不過一卸任，又爆出他搭上主播，Billy為保形象和 韓佩穎，公開話：「我同太太分居已經一年多。」不過後來Carol證實他講大話：「今年八月初我先生先開始無返屋企瞓。」Billy索性搞離婚，搬返沙田 與母親同住，兒子就跟Carol。 老父唔撐 其實梁定宇是梁契權與二太太譚鳴鸞的兒子，可惜大房子女都讀不成書，梁契權於是搵Billy幫公司搞上市，知情者說：「Billy爸爸以前俾咗好多股份 Billy媽，令佢喺公司有大權。」年多前，譚鳴鸞與丈夫鬧翻分開了，梁契權不想這女人操控公司大權，於是買回股份，Billy媽由此揸住一大嚿錢，加上 梁契權亦嬲兒子「沙沙滾」，一○年上市後便叮了兒子出公司，而受緋聞困擾的Billy亦搞到冇得受勳，知情者說：「做得主席，之後都會獲政府頒紫荊星章， 但Billy當時咁多負面新聞，搞到冇得攞。」現時梁定宇在福和無職位，反而Carol是集團非執行董事。 福和太子 梁定宇的父親是「再造紙大王」梁契權，六十年代從內地來港，一九六八年創立福和集團，以回收廢紙、鋁罐起家，成為本地回收業的龍頭之一，一○年三月福和集 團（923）在港上市，公司現市值為三十三億元，而生意拍檔有新世界主席鄭裕彤。 無錢俾兼收樓 其實Carol婚前任職高盛，○二年出任英孚教育執行副總裁，一直自己賺錢買花戴，但Billy媽就認定新抱是為錢嫁入梁家，於是知兒子欲離婚就叫兒子扮 窮，知情者說：「Billy話無嘢做，唔肯俾贍養費，但Carol覺得佢點都要養個仔o架！」而結婚時，男家送給他們的何文田單位，原來只由梁定宇與其母 持有，Carol最近才知一直無佢名，知情人說：「佢太信男家，亦無諗過會搞到離婚，依家Billy媽諗住攞番物業，呢排仲成日有人上門㩒鐘騷擾 Carol。」記者求證Carol，她有點避忌地說：「佢冇拒絕（贍養費），（有沒有拗數？）未傾。」至於話Billy媽要收樓趕她走，Carol欲言又 止，沉默片刻才說：「好多嘢律師處理中，未正式傾好，不便回應。」至於梁定宇就沒有即時否認拒付贍養費，只想了一想才說：「唔係。」對收樓一事又無私顯見 私話：「我唔會回應，我依家唔得閒。」 | ||||||