趣趣地：安歷基季尾走人關美斯事?
1 :
GS(14)@2017-03-04 00:34:57前年幫巴塞隆拿拎完五冠王，但喺禮拜三，巴塞教練安歷基宣佈唔續約，喺季尾離隊。呢日巴塞喺西甲主場大炒希杭6:1，美斯、蘇亞雷斯同尼馬都有波入，其中阿蘇仲入兩球，加埋柏高艾卡沙同拿傑迪錫各建一功，湊夠六球。賽後安歷基如常開記者會，但臨完嗰陣突然話：「我想用個特別啲嘅方法去完呢個記招，我下季唔會再做巴塞教練，我季尾唔會續約。」有傳媒吹過話安歷基同美斯不和，雖然安帥就話冇呢啲事，但真係唔知佢唔撈同美斯有冇關係！外界盛傳畢包教練華維迪同西維爾教頭森柏奧利都係巴塞目標。
巴塞贏波後上咗西甲榜首，領先踢少場嘅皇家馬德里一分，皇馬同日主場以3:3逼和拉斯彭馬斯，加里夫巴利仲領紅被逐。
來源:
http://hk.apple.nextmedia.com/sports/art/20170303/19945663