ZKIZ Archives


滬港股直通,受惠公司分析 Edward Lee 發掘十倍股

http://edwardten.blogspot.hk/2014/04/blog-post_10.html
滬港股直通,受惠公司分析

市場對滬港通反應真的有點過大,現時其實內地人可以在國內直接開戶買賣港股,香港人其實返內地開戶口亦可買賣A股,但詳細流程我不太清楚,但我是在中資證券行做,公司既客都係內地人為主,所以,直通作用已經無2007年咁大。只是資金調動,手續會簡單一點,但不要忘記滬港是有限額,如果超過限額105億,個日係咪無得沽貨呢???好多問題未解決....

估計主要是內地機構投資者會受益大一點。點都好,而家假設會多左內地資金買港股,在266隻股票之中,要猜什麼股會受歡迎,首先要了解266隻股票對於內地人而言是什麼?

1.A+H股,其實A股有上市,點解要買H? 即係H股有,你都唔會有興趣買A股,就算股價有折讓,好似海螺水泥,A股19.1人仔(23.8HKD),港股32.5,有幾多人會為左買海螺走去內地開個戶口買? 當然唔會,但直通左,A股同H股都可以用自己戶口,咁一定買平O個個,所以,如果個隻股H股折讓大,內地人會買H唔買A...差價會越來越接近,但唔等如現時H股股價會是將來A股股價,假設洛玻,A股5.27RMB,H股1.9HKD,你渣住A股洛玻,你會點? 緊係賣左A股,買H股,平咁多,咁A股個沽壓就會大左,個價就會跌,就算H股唔郁,差價會收窄,因此,A股跌,H股升,最終達至平衡....股價就好似投票,AH通左,但投票既人都係一樣咁多,個價只會變得更平均...就算H股升到上而家A股個價,A股持貨者覺得H股一樣價,就無興趣轉,H股支持力就會跌,個價都係唔會升,所以買折讓大係可以投機搏一搏...

A/H折讓大又有基本因素支持既公司可以諗首選南京熊貓553,高增長,P/E唔高,天津創業環保1065都OK,環保概念,仲有洛鉬3993,上石化,廣船,大連港都是折讓大,又唔係蝕錢,又唔係負增長個D,內地人唔係傻,唔係剩係價平就會吸引佢地一定要買,平野但垃圾,未必會有好大反應...

2.恆指中/大型成份股,這個更值得關注,因為A股無,即係內地人一直買唔到既公司,但當然入面都會有D係A股有,會有重複,值得留意係內地人會熱炒,但又買唔到個D,例如科技,環保,賭股,700騰訊,27銀河,1928金沙呢D...至於內銀,內房,保險,內地大把呢類公司,吸引力未必大,至於香港公司,港鐵,太古地產,恆基,呢D內地人都唔會識,唔會有興趣,所以可以唔洗睇...由於呢D公司突然多左好多支持者,A股又無價可以參考,購買力會大增,一定推高股價,而內地人估值比國際更進取,所以可以去到幾癲都好難估...大家只能留意住....

大型股之中,可以留意下旺旺,康師傅,蒙牛佢地食開應該識,另外都係一D賭股,700
恆安國際都OK,港交所一定要買啦,聯想都應該多FANS....
中型股之中,國美,金山(呢隻好有機喪炒),四環藥,海螺創業同埋北控水,257中國光大都係環保概念,大有機,中國南車,銀泰商業,合生元同青島啤同海爾電品都係大機會,消費品股,仲有D汽車股都有機會...總之買內地人都識既,會肯炒就一定有機


我已HIGHLIGHT 1D值得留意既公司,希望幫到大家早著先機.......
我個人睇法只係好片面,如果大家熟個間公司,個LIST度又有,可能更加有機....

https://docs.google.com/spreadsheets/d/1p58R0RIzl7wgaKURRie3AmK9mFcMIt97ZjchXWfhuoY/edit?usp=sharing
港股 直通 受惠 公司 分析 Edward Lee 發掘 十倍 倍股
PermaLink: https://articles.zkiz.com/?id=95571

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019