ZKIZ Archives


思琦想母女檔拍廣告

1 : GS(14)@2015-09-04 07:49:52

楊思琦昨日帶同3歲女兒楊卓穎(Krystal)到新城電台開咪,Krystal好動活躍,即場耍功夫踢腿擺出不同姿勢,思琦說:「囡囡返學好聽老師話,所以一講起老師Miss鄭,佢就會知道要聽話。」思琦透露囡囡鍾意唱歌,會否讓女兒做童星加入娛樂圈?思琦笑言:「我怕導演會叫我嚟話搵唔到個女,佢會周圍走。如果一齊拍廣告唔抗拒,之前都有人問過,但嗰時佢太細,而家大個啲會明白大家嘅要求。」思琦指女兒不怕陌生人,所以要經常提醒她不要隨便跟人。採訪:卓寶花攝影:陳俊強





來源: http://hk.apple.nextmedia.com/entertainment/art/20150904/19281456
PermaLink: https://articles.zkiz.com/?id=292117

情侶檔拍住搵銀Jessica賣身K先生

1 : GS(14)@2016-03-01 18:57:33

■Jessica和K先生前年爆出戀情,現以情侶檔拍住搵銀。


韓國女團少女時代(少時)的前成員Jessica,前年驚爆收到SM事務所的通知退出少時,並於去年成功同SM結束合約。Jessica退團後專注個人品牌事業發展,其間亦有不少經理人公司向她招手,不過Jessica對簽約新東家一事未有定案,直到昨日Jessica終於宣佈簽約予男友K先生(權寧一)旗下的Coridel娛樂,實行肥水不流別人田,情侶檔拍住上有錢齊齊搵。



■現年26歲的Jessica已落實簽CEO男友K先生的公司,並在韓國正式復出。

■原本由9人組成的少女時代,前年開始以8人姿態活動。

■Krystal所屬的f(x)在日本完成了6場的巡迴演唱會。



SM營業額破18億

現年26歲的Jessica自退出少時後,全力投入其品牌事業,她亦不時參與內地綜藝節目,近日亦籌備新專輯中,早前更盛傳她會回歸韓國綜藝節目,擔任美容節目主持。而Jessica今年銳意重返韓國娛樂圈,自去年8月成功與SM結束合約後,雖然有不少公司向這位前少時成員招手,但她一直未落實簽賣身契,直到昨日才公佈會簽約Coridel娛樂,並於韓國國內展開個人活動。今次Jessica決定簽Coridel娛樂,男友K先生是最大功臣,事關K先生就是Coridel娛樂的CEO,旗下亦有女團Playback,Jessica今次簽約擺明以行動力撐男友,兩人以情侶檔拍住搵銀,可見他們的感情十分穩定。
Coridel娛樂相關負責人表示:「目前我們已建立了與不少海外市場相關的合作關係,並接手了相關業務,今後將成為在全球市場具有影響力的娛樂公司。除了Jessica今後的演藝活動,我們亦將全力支持其時尚事業。」另外,Jessica的前東家SM,昨日韓國方面就有報道指SM去年的營業額首次突破3,000億韓圜(約18億9千萬港元),比起前年上漲13.3%,更是韓國娛樂公司中首個營業額突破3千億韓圜的公司。而Jessica的胞妹Krystal所屬的f(x),日前在日本完成她們6場的巡迴演唱會,由於受到粉絲的熱烈歡迎,她們更感觸落淚。撰文:施洛冰





來源: http://hk.apple.nextmedia.com/entertainment/art/20160301/19510751
PermaLink: https://articles.zkiz.com/?id=296478

司棋姐母女檔拍旅遊節目

1 : GS(14)@2016-12-10 03:45:31

■李司棋指女兒離婚後,二人已由夫妻變成了好朋友。



李司棋和女兒葉子青即將赴九州、福崗拍攝有線奇妙電視節目《帶阿媽去旅行2017》,昨日司棋姐在尖沙嘴現身記者會,女兒則會在美國出發,首次母女檔拍攝節目,司棋姐視作甜蜜回憶。司棋姐女兒葉子青早前和第二任丈夫黃安信(Anson)離婚,女兒心情如何?司棋姐說:「佢哋問題已經拖咗好多年,佢哋互相欣賞,由夫妻變成好朋友,一般離婚夫妻好少見,我都好欣賞,好高層次。」司棋姐直認個性撇脫,有與女兒傾訴及鼓勵,她說:「如果覺得唔再做夫妻就要解決,佢本來想睇吓有冇得轉變,結果有呢個安排,每個人對自己另一半都有不同睇法,有得救、冇得救或者試吓救。」採訪:卓寶花攝影:陳慧安




來源: http://hk.apple.nextmedia.com/entertainment/art/20161209/19859214
PermaLink: https://articles.zkiz.com/?id=318922

范冰冰孖李晨情侶檔拍H&M新春廣告

1 : GS(14)@2017-01-14 12:25:40

范冰冰與李晨公開拍拖後經常孖住拍節目出商演,拍住拖搵真銀。最近二人又情侶檔上陣為H&M拍攝新春系列廣告,是品牌繼周迅夫婦後,第二次找來一對真情侶代言同系列。范冰冰同李晨齊齊示範品牌的新春系列,在著名攝影師陳漫的鏡頭下自然擺出搭膊、拖手與深情對望等甫士與表情,攞正牌公開甜蜜放閃。除了冰冰示範了多套紅噹噹服裝之外,系列亦有不少又金又紅的配飾,好有過年氣氛。




來源: http://hk.apple.nextmedia.com/entertainment/art/20170114/19896416
PermaLink: https://articles.zkiz.com/?id=322652

鍾嘉欣望母女檔拍廣告

1 : GS(14)@2017-05-27 08:54:28

■鍾嘉欣指囡囡現在很嗲,是最好玩的時間。



鍾嘉欣和Ana R.昨日到中環出席奶粉活動,Ana R.帶同女兒現身,嘉欣在台上分享9個多月大囡囡Kelly的生活。訪問時,她興奮地說:「好記得係4月17號,Kelly叫媽媽,22號就叫Dada,之後又講Hi,又識企,真係轉變得好快,佢?家好嗲,係最好玩嘅時間。」嘉欣透露最近為愛女寫了幾首歌:「其中一首叫做《媽咪晨早起身就望住我》,每朝我見到佢對我笑哈哈、流口水,真係好開心。如果有個廣告可以放入去,真係好正。我同老公傾過,如果遇到鍾意嘅品牌、有個好機會,唔介意同Kelly一齊拍廣告做紀念。」採訪:盧妹攝影:陳順禎




來源: http://hk.apple.nextmedia.com/entertainment/art/20170527/20034902
PermaLink: https://articles.zkiz.com/?id=334206

Next Page

ZKIZ Archives @ 2019