📖 ZKIZ Archives

覆讀者來信－短期投資計劃 魔術師的伊謝爾倫日記

有９０後讀者來信問魔術師一些關於投資理財的意見，實在太看得起在下，不勝惶恐。

據讀者描述，雖然佢年紀輕輕，但已起保持記賬習慣，好好控制自己的使用，每月budget使唔哂又會入落緩衝戶口，以防不時之需，保持彈性，加上每月也有不少儲蓄（按：魔術師認為每月最少都要儲薪金３０％），理財方式非常有條理，值得稱讚。財富係要由年青時累積的，只要讀者能持之以恆，日後必有所成。

又，讀者會將每月儲蓄累積，待１２個月後投入家庭投資組合，而該組合過去數年複式回報可超過１０％，十分可觀。現讀者希望能再增加回報，問如果以每月儲蓄月供股票，待一年期滿後沽出，再投入家庭組合，可會是個理想的理財計劃？

１. 首先，讀者引述某銀行所言，月供會用一手價同碎股價買入股票, 再用兩者既平均價售始投資者，價位會比一手價低；咁如果月月用較低價格買入股票，至年尾再用一手價賣返出去問會否比一般股票交易有更大利潤。

答案是可以不理。原因係銀行不會只有一名月供股票客戶，銀行買入碎股的價格雖然較低，但平均分配後每名投資者所得著數有限。例如某股票１,０００股為一手，市價＄１００一股（即１０萬元一手），就算碎股價係低１０％，即＄９０一股，碎股最多係９９９股，即係慳＄９,９９０。若咁多名月供客戶的總共投入９９9.９９萬（即銀行要在市場買入９９手９９９股），讀者供１萬，佔０.１％，攤分碎股省下來的金額，就係＄９.９咁大把。

２. 月供相對即時全數買入的比較，可參閱「平均迷思」一文：「明顯地，假如股市係長期上升既，咁響大多數既情況下，Ｉ（ｉ）都會大過Ｉ（１），即係大多數既中括號都會係負數，咁憑咩野成條算式可以大過０？就係憑少數既股災既時間來大量買入，多除少補，睇下能唔能夠『反敗為勝』。」，並已舉例說明，「要平均買入勝過一次過買入，就係要個市長期下跌，亦即係一次過既投資者係摸頂買入；否則，如果經濟情況許可的話，一次過投入既贏面應該較大。」

３. 至於１2月儲蓄用月供股票模式有冇肉食，可以參考duration的概念：原理就係，第１個月投入的資金有１２個月去爭取回報，第２個月投入的資金有１１個月去爭取回報，如此類推，第１２個月投入的資金只有１個月去爭取回報；如果每筆資金都要「自負盈虧」的話，第１２個月投入的資金的回報率就要係第１個月投入的資金的回報率的１２倍！如果「多除少補」的話，平均計算，「實質年期」（即Macaulay duration）約為６個月左右，數學公式為：

假設每月供款＄１０,０００，年回報為８％（月回報０.６７％），可以計算到「實質年期」為６.４２個月，或０.５３５年:

而又由於Macaulay duration和Modified duration（每１％回報率的轉變對現值的影響）非常近似，

DV01為114957.82*0.535/100=$2,148.47，也就是說若回報率是９％的話，會賺多$2,148.47，若回報率是７％的話，會蝕$2,148.47（留意此公式並非線性關係）。

讀者可根據自己情況計算風險，視乎做唔做呢項投資。

（各方英雄，有錯歡迎指正。）