ZKIZ Archives


陳奕迅Wyman「齊整」賀阿徐

1 : GS(14)@2015-03-23 09:00:09





徐濠縈(阿徐)本月七日在巴黎工作中度過四十一歲生日,老公陳奕迅亦專登飛去慶祝,前晚,老友黃偉文(Wyman)及figure大師Michael Lau夫婦為她補祝食日本菜。年前曾傳出Wyman與Eason因演唱會歌曲版權鬧出不和及因財失義,之後二人都分別澄清,表示友誼不變,份屬好朋友。在合照中,Eason與阿徐捧蛋糕時,Wyman更搞氣氛擘大個口,與Eason齊齊扮鬼扮馬。
Wyman花心思送阿徐英文名Hilary的朱古力醬,他留言表示:「齊齊整整吃頓生日飯。belated happy birthday, Miss34510!」,以阿徐馬拉松最佳個人時間三小時四十五分十秒稱呼她。撰文:唐如





來源: http://hk.apple.nextmedia.com/entertainment/art/20150323/19085986
陳奕迅 Wyman 齊整 賀阿 阿徐
PermaLink: https://articles.zkiz.com/?id=288812

Wyman食到㷫烚烚

1 : GS(14)@2015-03-27 08:40:01









【中環】黃偉文(Wyman)唔單止對時裝有研究,仲好識飲識食,日前佢就約埋一班朋友喺中環「揾食」,當晚大約八點鐘,着住黑色短褲嘅Wyman,一個人喺中環歌賦街shopping,仲喺其中一間舖入面睇咗好耐,不過最後就無買嘢,然後就去咗九如坊一間餐廳食飯,原來當晚佢約咗五、六個朋友食飯兼嘆紅酒,幾個男人期間仲走出門口煲煙,可能飲多咗兩杯,㷫烚烚嘅Wyman連長袖外衣都除埋,就咁着仲白色底衫就走出門口。另外,陳冠希當晚亦喺老友Kevin Poon歌賦街間樓家品店出現,但逗留咗一陣就離開。採訪:陳辰攝影:吳耀輝





來源: http://hk.apple.nextmedia.com/entertainment/art/20150327/19091344
Wyman 食到 烚烚
PermaLink: https://articles.zkiz.com/?id=289004

Wyman借Juno搞喊人

1 : GS(14)@2015-07-23 08:40:13

■麥浚龍與謝安琪的《羅生門》搞喊樂迷,Wyman亦指久未試過。


麥浚龍(Juno)繼11年前推出歌曲《耿耿於懷》後,今年先後推出續集《念念不忘》和《羅生門》,前日《羅》面世後在網上被洗版狂loop,不少網友聽到喊,填詞的黃偉文(Wyman)昨在電話說:「好耐冇試過,我都喊咗成晚!十萬個人問我點解咁殘忍,摧毀佢哋十年嚟嘅夢?而家你鬧我狠,但三五七年後,你醒咗會多謝我。」


Wyman 資料圖片


至於將跟Juno合唱外傳《雷克雅未克》的周國賢,就在電話中透露:「其實我只係唱最尾幾句。Juno叫我寫一首好癲嘅歌畀佢,我將畢生功力放入歌,出嚟超難唱。」採訪:皓騫





來源: http://hk.apple.nextmedia.com/entertainment/art/20150723/19228609
Wyman Juno 搞喊 喊人
PermaLink: https://articles.zkiz.com/?id=291818

商台恩怨鬧「小學雞,杯葛我」 卓韻芝《晚吹》爆最憎Wyman

1 : GS(14)@2016-06-20 05:45:20

■卓韻芝前晚在《晚吹-真PK》中自爆最憎的藝人是「XXX」,有網友睇口形估是黃偉文。


【ViuTV風雲】填詞人黃偉文(Wyman)好惹火!多年前曾跟楊千嬅、陳奕迅傳不和的他,前晚商台舊同事卓韻芝在ViuTV《晚吹-真PK》節目上,自爆最憎的藝人竟然疑似又是─黃偉文!



「做乜都發脾氣」

前晚播出的一集由卓韻芝擔任嘉賓,當被主持火火和Kevin仔問到「最憎邊個藝人?」初時阿芝都猶豫避答,之後才爆料說:「好,我講,我最憎XXX,我好細個已經俾佢恰!」然而,節目卻將「XXX」的名字滅聲,但有網友睇阿芝口形,紛紛猜測是Wyman。當時火火追問阿芝:「即係商台嘅時候?」阿芝直認:「係呀!」火火說:「但個個都話你係商台公主,個個錫晒你,你打橫行,佢有乜恰過你?做過啲乜衰嘢?」阿芝揶揄對方似小學雞:「我總之做過啲乜,佢都會走去向其他人發脾氣:『點解佢又有份我又冇份』,佢直情拉隊杯葛我:『今日係佢生日,不如我哋全部同事一齊走晒。』跟住熄晒燈,小學雞咁。」



■阿芝爆「XXX」是商台舊同事,會拉攏其他人杯葛她。

■阿芝直言到現在心中仍有根刺。



「相信係佢本性」

接着火火問阿芝:「咁多年之後,仲有冇唔鍾意?仲有冇心病?」阿芝坦言:「好啲囉,因為覺得大家當時都係細個啲,但我相信呢個係佢本有性格,佢真係咁樣認知世界事情,所以有啲人都係唔好惹為妙!」之後火火給觀眾貼士「XXX」是誰人,他說:「佢頭先講最憎係邊個,佢又講緊以前做電台嘅,我估應該着衫幾潮嗰個。」Wyman曾在商台跟阿芝同期做DJ,近年他又有潮人之稱,答案呼之欲出。昨日本報致電向兩位當事人了解,但至截稿前沒回覆。Kevin仔則在電話說:「嗰日佢做口形,冇講名,我真係估唔到,佢咁多仇人,我唔敢亂講。」



■火火給觀眾貼士,阿芝最憎的人曾在商台工作,又是潮人,所以觀眾估計是Wyman。

Wyman



另外,阿芝在節目中爆以前曾有sex partner:「以前怕孤獨所以拍拖,嗰時係有(sex partner)嘅,後來佢慢慢變咗鍾意我,覺得佢出賣我,騙子嚟,唔准鍾意㗎。」採訪:皓騫





來源: http://hk.apple.nextmedia.com/entertainment/art/20160620/19660970
商臺 恩怨 小學 杯葛 卓韻 韻芝 晚吹 爆最 最憎 Wyman
PermaLink: https://articles.zkiz.com/?id=302246

Wyman代寫歌唱出心聲

1 : GS(14)@2016-10-24 06:12:16

■陳鍵鋒和徐子珊前晚場外碰面,即互相問好。

欣宜是鄭少秋和沈殿霞愛女,自細便集萬千寵愛在一身,更繼承了亡母的「開心果」形象,人緣甚佳,她前晚開處女騷,撐場的圈中人多不勝數,有白雪仙、許廷鏗、胡鴻鈞、關心妍和老公楊長智、鍾舒漫和胞妹鍾舒祺、李琳琳和姜大衛夫婦、徐子珊及陳鍵鋒等。曾為欣宜度身訂做歌曲《你瘦夠了嗎?》和《女神》的填詞人黃偉文(Wyman),前晚坐在台下支持欣宜,欣宜在台上表示最愛敞開心扉跟Wyman分享心事,然後Wyman就會把她的心聲轉化成歌詞,句句到肉。採訪:王連連攝影:仇志德




來源: http://hk.apple.nextmedia.com/entertainment/art/20161024/19810070
Wyman 代寫 歌唱 心聲
PermaLink: https://articles.zkiz.com/?id=313424

李蕙敏為Wyman再搏殺

1 : GS(14)@2017-08-04 06:36:24

李蕙敏(Amanda)日前接受電視台專訪,為新歌《再度》宣傳,她表示此歌是向70年代致敬,有別於以往慘情歌的風格。Amanda在節目中提到03年因事業停滯、爸爸逝世、感情結束,情緒低落而收埋自己,直至黃偉文(Wyman)邀請她出席作品展,令她對工作團火再度燃起:「當時有一刻唔想做個騷,但覺得呢兩首歌對自己同對Wyman都好重要,而且又咁好朋友,所以要支持。」提到婚姻,Amanda表示與外籍丈夫想生小朋友:「試過人工受孕,但冇壓力,人工受孕過程好辛苦,覺得唔舒服,所以?家隨緣,可能以前受屋企影響,講過如果冇一個穩定嘅伴侶,我係唔會要小朋友,所以咪搞到咁遲囉,唔係一早生咗。」撰文:唐如




來源: http://hk.apple.nextmedia.com/entertainment/art/20170804/20110678
李蕙 蕙敏 敏為 Wyman 搏殺
PermaLink: https://articles.zkiz.com/?id=339681

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019