| ||||||
政府辣招壓抑樓市，但銀紙貶值，獱磚頭始終較有利；豪宅唔係人人買得起，娛圈藝人近幾年相繼轉向工商廈埋手。 舊機場變天，九龍灣觀塘區工廈受惠，價錢水漲船高，過往專攻中半山名廈的張學友經理人陳淑芬，亦重錘出擊，一幢工廈豪掃七層，斥資二億做大業主。四萬呎娛樂基地 一○年，陳淑芬為學友舉行一百四十六場世界巡迴演唱會，唱到去年五月才結束，作為獨家代理人，學友跨年唱，一鋪已令她進賬過億。 財源滾滾，一向精於投資的陳淑芬，當然唔會將資金擺銀行；現金換磚頭，近年娛圈人掃工廈，亦以陳淑芬最大手筆。 去年中，陳淑芬一擲超過二億，大手掃入觀塘鴻圖道三十五號工廈樓花。據了解，她以經理人公司天星娛樂，連同另一由她持有的富洋投資，先買入兩個分別約值三千多萬的中層單位試水溫，之後再重錘出擊，埋單計，前後掃貨七層，全部以中高層為主，成為該廈大業主，因而獲得特權，將大廈取名為天星中心。 同陳淑芬眼光一致，同樣吼中該廈的，還有漫畫家馬榮成，他以七千三百多萬，購入三十三及三十五樓複式單位。手執七層工廈，據知陳淑芬打算自用，作為她的娛樂王國基地。佔地超過四萬呎的總壇除撥作辦公室，還會設置排舞室、錄音室及歌迷會總部等，待今年中天星中心落成後，陳淑芬便會將位於黃竹坑的經理人公司，進駐她的娛樂基地。對於豪擲二億買工廈，陳淑芬卻不願多說。「呢方面我唔想講，總之買鈬保值同埋做公司基地。」 甲級商廈多人吼 近年有不少甲級商廈於九龍灣、觀塘一帶落成，租金價錢更不下於尖沙咀區，計劃在觀塘搵位開鋪賣麵包做街坊生意的富貴歌手梁佑嘉，今個月亦以五千多萬，購入觀塘海景甲級商廈絲寶國際三個中層相連單位，面積共四千多呎。三十歲未夠的梁佑嘉，得老豆梁平真傳，早在○七年，便分別在西貢及深水區，以四百及八百多萬購入住宅及地鋪；其中西貢單位獱貨唔夠一年，賬面賺二萬幾，扣律師釐印費，偷雞唔到蝕樭米。至於深水地鋪，則持貨至今，升值過千萬。 賺到笑 不少藝人先知先覺投資工廈，無論百零萬刀仔鋸大樹，還是千萬投資，持貨至今全部賺到笑。 | ||||||