入行會發聲 「我代表一套價值觀」湯家驊：民主立場呃唔到人
1 :
GS(14)@2017-07-05 03:45:17■湯家驊稱入行會盼改善泛民與政府關係。邱仲權攝
【本報訊】為反對《基本法》23條立法走上政途的湯家驊，2015年離開一手創立的公民黨，及後自立門戶組「民主思路」走中間路線，至林鄭月娥上任特首，成為唯一有民主派背景的行會成員。走進建制，自言目標是改善民主派與政府關係，為重啟政改創造條件，卻換來「湯家驊不代表民主派」，湯家驊重申過去堅持的民主價值觀從無改變，直指「我代表嘅係一套價值觀」，自問民主立場「呃唔到人」，希望行會內至少有一把聲音可以在政府處理法治問題上發揮影響。記者：陳雪玲湯家驊受訪指加入行會有3個目標：改善民主派與政府關係、推動重啟政改、多就法律事務提意見。他說行會非民選，他當不能代表任何人，「我代表嘅係一套價值觀」，自問對民主立場「呃唔到人」，相信港人及北京對此都相當清晰，認為林鄭找他入行會已代表一個訊息，希望他發揮某種作用。
指政改與23條環環緊扣
他說討論重啟政改不應有任何前設，如要求先撤8.31框架，就等於問民主派是否堅持公民提名般，無助拉近雙方鴻溝，他望透過溝通創條件：「我諗民主黨會係第一個對象，跟住公民黨。呢個係從政治角度睇，唔係人際關係睇。」林鄭競選特首時從未承諾重啟政改，湯的目標會否只是一廂情願？他說林鄭對於沒把握的事不會輕易許諾，「佢冇同我講：『Ronny你儍啦，唔好搞喇，如果要重啟政改不如唔好入來（行會）』。佢冇咁講！」問及若有政策與自己理念有矛盾時如何是好？湯自言：「我做任何一件事，都係盡力去做，唔一定盡力做就會成功；我喺議會11年，結果要辭去議席退出公民黨，就係一個最好例子。當然啦，你唔好今日問我你會唔會辭去行會，未入去就講辭職？我唔會啦，一定盡力去做，堅持到最後一刻。」他承認走入建制以影響政府，其中一個代價是不可再隨便對政府政策「說三道四」或唱反調，但強調不會推銷不認同的政策。新一屆政府似無可避免要為23條立法，湯家驊指，政改與23條看似不相干，但其實是環環緊扣，「因為香港未有法律去制裁港獨，所以（中央）覺得普選係危險；香港人就覺得，因為你冇普選，所以我要從自決方面諗，呢個係惡性循環嘅開始」。湯家驊建議政改、23條立法同步進行，認為未嘗不是解決問題的方向；2003年是反23條的大旗手之一，今日對23條立法有否不同想法？湯堅持23條立法不可衝擊《基本法》保障港人的自由，「呢個係冇中間位，係我一貫嘅政治睇法」。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170703/20076941