Shane港騷狂唱Westlife金曲
1 :
GS(14)@2014-10-01 11:37:33
愛爾蘭前樂隊Westlife主音Shane Filan前晚首次在亞博館開個人香港演唱會,穿了黑色西裝出場的他,開始時獻唱快歌《Up Town Girl》等多首Westlife的金曲炒熱氣氛。Shane其後用廣東話講「你好」,他亦說:「數月前來港宣傳時已很興奮,今晚要同大家一齊開派對。」之後當Shane唱出Westlife的《Flying Without Wings》時,又叫全場大合唱,他則取笑觀眾不記得歌詞,場面搞笑。
■Shane邀幸運女粉絲上台玩自拍。
然後Shane脫去背心,即令粉絲尖叫連連。他戴上太陽眼鏡唱出Robin Thicke大熱歌曲《Blurred Lines》,high爆在台上扭籮跳舞。唱《Mandy》時,Shane邀請了一位戴了愛爾蘭帽的女粉絲上台,對着她獻唱及一齊自拍。Shane也唱了多首個人歌曲包括《About You》及《Everything to Me》。他最後換了一套中國傳統服裝現身,完騷前他預告下年會再來港開騷,又笑言騷後要去飲兩杯。採訪、攝影:丁焯敏
來源:
http://hk.apple.nextmedia.com/entertainment/art/20141001/18885060
亞博騷狂晒廣東話BTS三度鞠躬 賣萌冧港迷
1 :
GS(14)@2017-05-18 02:14:27韓國人氣男團防彈少年團(BTS),前晚起一連兩日於亞博館ARENA舉行巡迴演唱會香港站,雖然粉絲入場時因保安檢查問題而令場面一度混亂,不過無損粉絲熱情,而「宇宙最強」甄子丹亦跟囡囡現身睇騷。前晚BTS施展渾身解數,大晒廣東話冧港迷,完場時更三度90度鞠躬答謝粉絲支持。前晚BTS舉行演唱會頭場,7子以白色西裝外套獻唱《Not Today》打頭陣,成員Rap Monster、Jimin、Jin、J-Hope、柾國、V及Suga輪流與港迷打招呼,Jimin說:「很久不見,很掛念大家,聽說港騷的門票很快賣完,好多謝大家。」Jin、Suga及柾國大派飛吻、扮Cool及賣萌冧粉絲,之後大晒廣東話「你哋鍾唔鍾意啊?」、「開唔開心啊?」,落力冧港迷。當Rap Monster、J-Hope及Suga合體唱《BTS Cypher4》時,他們興奮向台下粉絲潑水,不過就搞到地上太濕,導致J-Hope表演大熱歌曲《Fire》時不小心跣親。尾聲時,J-Hope說:「你哋係我哋嘅,我哋一齊飛喇。」並做出飛的動作,Jin則說:「今日同你哋一齊好開心、好鍾意香港,我愛你。」Jimin就說:「你哋嘅愛令我好感動,多謝你哋。」雖然他們的廣東話不算標準,但誠意搭夠。完場前BTS三度90度鞠躬多謝粉絲。
■今次BTS亞博騷保安十分嚴密,粉絲入場時更要接受金屬探測器檢查。
■BTS表演多首人氣歌,更興奮向台下潑水。
■甄子丹前晚亦有陪家人睇騷。
甄子丹帶仔女睇騷
被柾國視為偶像的甄子丹,前晚被影到戴上帽低調帶同仔女睇騷,剛巧柾國於台上亦表演了一小段詠春。另外,今次BTS港騷無論場外或場內保安都十分嚴密,粉絲入場要「過兩關」,檢查完袋後,保安再用金屬探測器「搜身」,嚴防粉絲帶相機及攝錄機入場。入場後偷影的粉絲亦會被保安人員要求離場,直至刪相後才可以再次入場睇騷。至於開騷前仍有不少疑似黃牛黨在場外兜售門票,亦有人趁人多擠迫而偷竊,警察接獲報案後到場。採訪:文凱靈攝影:陳慧安
來源:
http://hk.apple.nextmedia.com/entertainment/art/20170515/20021294