老樓周記：一帶一路谷大泡沫
1 :
GS(14)@2017-05-19 05:40:00中資全方位攻港已是不爭的事實，而且還無處不在，自開放投資移民以來，數以十億元計的資金投放香港進行不同的投資，先有樓後有股，再有土地開發等等，香港已變成大戶及散戶的資金避風港或轉口港，再從香港轉錢或集資投資海外，這樣令到香港本地發展商和小散戶要用重新的數據來評估未來樓市的發展。2億內地沿海有錢人，再加上由一帶一路未來投資手影機遇，資金流動將會是繼滬港通、深港通後，又一次北水南行搵投資的機會，至於會否搞到樓市泡沫爆破，傳統中國人喜歡買樓買金，由於兩樣有保值能力，又相信樓長遠更有增值功能，故此今番樓市泡沫也是吹得最大的一次，意味着樓價很快見頂。市民由數年前望樓價跌都失望，個別賣樓等跌的前業主以貴價再度上車，隨時畀多逾百萬元入番市，自己做錯決定要自己修正番人之常情，反而是真自住的買家在過去數年贏晒所有專家。老樓便有多位朋友先後在2011年及2013年入市，基本上贏多層樓，最近問番他們的心態，縱使想換樓，但都要好小心，贏咗粒糖驚輸番間廠，因此係呢個階段其實已經響了警號。一帶一路究竟對香港是良藥抑或毒藥，信者當然是前者，便不會理會高樓價高泡沫時候繼續入市，月前先至收緊一約多伙措施，但只是個零月時間，投資者便即刻重出江湖，畀三成稅都搶住買；最怕是慢性毒藥，吃了之後一段時間才發作，咁就大件事了。
劉兆昌資深地產傳媒人
http://www.HKLau.com本欄逢周五刊出
來源:
http://hk.apple.nextmedia.com/financeestate/art/20170519/20025878