ZKIZ Archives


智取大市:炒股副業正職做人

1 : GS(14)@2016-03-11 12:57:43

當你手風唔順嘅時候,每每做錯重大決定,買乜輸乜,做乜都錯。呢個情況,大概有兩種解釋,第一,你技不如人,做咗食物鏈嘅低層,如果眼見track record一直輸多贏少,結論係,你要改進自己;第二,未必同技術有關,而係你失去咗信心。面對失去信心、手風唔順,你問任何一位戰友,都會叫你唞唞先,過兩個月可能又一條好漢。不過,你唔知過多兩個月,信心會唔會返嚟,因為膠唞是沒用的。要解決呢種惡性循環,首先,你可以回帶去到你最後手風順嘅時候,究竟做咗乜嘢決定,令你開始一沉百踩,然後諗一個劇本,自己如何避開呢個錯誤。好啦,假設你記得番,假設埋自己一直冇做到膠事,順風順水去到呢一刻,你或許會「叮」一聲發現,換着一個手風正順嘅自己,喺目前呢一刻會點部署。至於輸咗嘅錢,話知你當自己要做手術、炒咗車、成間屋浸水要搞裝修乜都得,總之唔係輸咗,要總結經驗,而冇留低之前輸錢嘅感覺。回復信心,唔代表盲衝,可以先諗諗過往贏錢的經驗,當時自己、市況嘅設定係乜,等市況去番一個相近設定嘅環境,先再入市,翻身把握自然最大。唔失敗,的確好難嘗得盡生活戰鬥嘅學問,「正職做人」呢句的確冇得輸。晉佳
https://www.facebook.com/advanceguy1/





來源: http://hk.apple.nextmedia.com/financeestate/art/20160311/19524606
PermaLink: https://articles.zkiz.com/?id=297562

Next Page

ZKIZ Archives @ 2019