ZKIZ Archives


料社福界勝負僅差百票

1 : GS(14)@2016-09-06 04:35:37

【本報訊】今屆立法會功能組別社會福利界大混戰,出現五人爭一席的情況。投票日眾候選人皆表明未有十足把握奪得議席,有候選人更預料票源分散,勝負關鍵或只在數百票上落。五名候選人依投票號碼為關銳煊、邵家臻、葉建忠、黃成智、曾健超,皆報稱獨立而有泛民背景。合資格1.3萬選民可挑選一名候選人。


候選人均有泛民背景


黃成智直言選情難以判斷,「因為上屆都係社福同泛民爭,但今屆大家都有泛民背景,所以都好難估」,又認為各候選人可攤分選票,每人約有一成半至兩成選票,「最尾上落可能都只係300至500票之間」。關銳煊直指選情「無人可預料」,又稱各人理念、政綱、宣傳口號相近,「加上冇發生咩大事,大家又君子之爭,估計最終選票會非常接近」。邵家臻則稱歷史上未試過多人競選社福界,今屆或有人刻意製造紛亂局,亦聽聞有選民投白票,直指「投白票其實係益建制派」。邵又指候選人雖有泛民背景,惟選民仍可從候選人過往政治表態推斷其立場。獲上屆社福界議員張國柱支持的社會工作者總會會長葉建忠,則對選情有信心,亦不擔憂票源分散,相信選民會留意候選人「喺業界有冇做過嘢」、「有冇做到嘢」。曾健超則稱有信心泛民或非建制派,可守住社福界別這個泛民「橋頭堡」,「就算其中有人話係隱性建制派或非泛民都好,我相信最後當選都會係葉建忠、邵家臻同我自己,呢三位有泛民背景嘅人士」。■記者葉偉東




來源: http://hk.apple.nextmedia.com/news/art/20160905/19760664
PermaLink: https://articles.zkiz.com/?id=307574

Next Page

ZKIZ Archives @ 2019