ZKIZ Archives


中環在線:郭炳江撐阿媽續任主席 李華華

2008-11-21 AppleDaily

新地(016)郭老太同二仔郭炳江,噚日出席新地慈善基金贊助嘅「城市藝坊」活動,大家最關心嘅,梗係郭老太係咪會連任做新地主席,雖然新地通告披露咗佢老人家符合資格兼願意連任,但大家都好想聽到郭老太親自回應。

活動喺沙田新城市廣場露天舉行,剛啱噚日天氣轉凉,華華坐坐吓都覺得陣陣凉意,何況上咗年紀嘅郭老太,所以當大隊人馬欣賞戶外展品時,已經唔見佢芳蹤。聽聞上次開幕儀式時郭老太已經睇咗展品,加上覺得凍,所以早早上車走先。

大佬復職睇董事局

雖然大家都搵唔到當事人回應,好彩仲有郭炳江代答,佢話郭老太應該會繼續做主席,因為「聽唔到阿媽話唔做」喎,但點都要等12月股東大會通過。咁郭老太肯坐主席位咯,睇怕都冇乜人反對嘅。至於大佬郭炳湘幾時復職,就要由董事局決定。
PermaLink: https://articles.zkiz.com/?id=3351

中環在線:李蘢怡阿媽想自己起樓 李華華



2008-12-03  AppleDaily



近年唔知有乜做嘅奀星李蘢怡,佢阿媽同後父富貴就係人都知,近年靠炒樓都賺唔少,o依家唔知係咪想試吓起埋樓,最近就向城規會申請,想重建西貢白沙頭間屋。呢間屋係蘢媽同佢老公喺06年以3230萬買番嚟,都有幾十年樓齡,土地係住宅用途,理應唔使申請,但好衰唔衰地皮踩喺住宅丙1類同丙3類兩種唔同用途類別,涉及唔同地積比,所以咪要求救城規會去解決技術問題囉。呢間屋佔地大約8220方呎,佢哋想起間3層高大屋,總樓面約3820方呎,地下係停車間、大門入口同電梯位,1、2樓就係廳同房,另外仲有個私家泳池o忝。佢哋想用0.464倍地積比起樓,比0.4倍嘅限制高小小,至於廳房樓底又想有11呎高,咁起法3層樓會超出咗高限嘅大約30呎,咪又要求城規會批准將樓高放寬到31呎囉。
PermaLink: https://articles.zkiz.com/?id=4330

中環在線:TOM拉埋阿媽搞NBA網 李華華


2009-04-28  AppleDaily





 

TOM 集團(2383)同NBA(美國職業籃球)日前重新推出NBA.com/HongKong網站,等香港球迷可以上網睇直播。TOM仔首席執行官楊國猛同 NBA中國首席執行官Tim陳永正話,雙方其實舊年10月已經行埋,喺中港台三地營運3個NBA官方網,o依家因應手機上網潮流,實行搞埋手機互聯網一體 化。今次係用埋TOM仔阿媽和黃(013)個3香港平台,24小時以唔同終端無間updateNBA最新消息,仲可以玩遊戲同球星互動。商機有幾 大?

Tim話香港九成人口知道NBA係乜,當中76%仲話係粉絲,猛哥就補充,香港有二、三百萬年輕人,3香港有過百萬3G用戶,要培育100萬粉絲唔 難,希望當中一半會用佢哋個網站。中國為推廣籃球,更落力到喺每條村外面起個籃球場,畀小朋友強身健體之餘兼發掘吓明日之星,唔知特區政府會唔會做啲嘢, 培育番個香港小姚明為港爭光呢?



PermaLink: https://articles.zkiz.com/?id=7660

中環在線:晶門梁總英文叻全靠阿媽

2010-2-02  AD





 

晶門(2878)董事總經理梁廣偉做科技出身,原來都幾有文采。梁總噚日同傳媒周年飯聚,佢話今年係晶門成立十周年,整咗本紀念相簿,除咗紀錄公司大事,仲登埋同事嘅舊相,睇番大家由瘦變肥、由大把頭髮變成三毛,都幾得意。

不過華華比較欣賞梁總自己為十周年作嘅英文詩《Our First Decade 1999-2009》,梁總話自己細個嗰陣係英詩朗誦全港冠軍,佢話自己英文okay要多謝佢媽咪逼佢補習英文。

「瘦上肥下」值得讚

講番公司近況,值得一讚嘅係金融海嘯之後,梁總同公司高層都自動減人工,然後就加番畀班基層同事,實行唔炒人、唔減薪兼人人開心共度時艱,呢啲「瘦上肥下」嘅美德,直頭要頒個良心企業大獎畀佢啦!



PermaLink: https://articles.zkiz.com/?id=14132

$1400億家產無份阿媽趕絕郭炳湘

2010-10-07  NM




本週一晚上,新鴻基地產發聲明, 公布持有新地四成二股權,市值一千四百多億的郭氏家族酌情信託基金重組,郭老太鄺肖卿是該等股份權益的全部受益人,同時,「郭炳湘的家人」持三分之一、 「郭炳江及其家人」佔三分之一、「郭炳聯及其家人」佔三分之一,不過,有別於兩個細佬,受益人並不包括郭炳湘本人。擔任家族信託監護人,持有尚方寶劍的郭 老太為這個新安排親自操刀。目的是把多事之徒,郭家大少郭炳湘擯走,令家族基金更為團結。

不過,原來正在外地的郭炳湘事前完全不知情,直至 通告一出,他表現得十分驚訝,故立即在當日深夜出新聞稿反擊,表示「三兄弟的權益應沒有分別」並指:「鄺肖卿女士不是全部郭氏家族所擁有之新地股份權益的 受益人。」他一名身邊人說:「趁佢唔喺香港先公布事件,阿湘同我哋都唔明點解。」

郭炳湘一方回應「三兄弟的權益應沒有分別」,但事實擺在眼前,他就是被剔出最大份家族信託基金受益人之列。廿九億放生郭炳湘

新 地創辦人郭得勝在世時,立下這個信託基金,郭老太及郭氏三兄弟都是基金的受益人,不可以賣出股份,亦不能解散,希望他們「兄弟同心」。基金由郭老太作監護 人,自從○八年二月郭炳湘被勸退主席一職後,變相廢太子,今次續把郭炳湘從家族信託受益人名單中剔除,進一步被褫奪在族中的權益。

三兄弟分 別以個人信託名義持有二千多萬股新地股份,在郭炳江及郭炳聯的信託中,二人只是受益人,但郭炳湘的信託中,他是成立人,有較大的買賣自由度,這個安排變相 放生郭炳湘,讓他靈活調動資產。但這筆信託持有新地股份市值只是廿九億,與郭氏家族的酌情信託市值一千四百億,簡直蚊髀與牛髀。

被母親及兩 名弟弟勸退後的郭炳湘,只在集團擔任非執行董事,他一直希望可以再次重坐主席之位。每當在香港時,他都會返回灣仔總部的新鴻基中心,其四十六樓的寫字樓上 班,處理自己的私人投資,「佢覺得當日由佢來決定到拍板興建ICC,佢好想跟到尾。佢兩兄弟已經逼走左阿湘,宜家仲要連錢都唔分俾佢,實在太絕。」


PermaLink: https://articles.zkiz.com/?id=18446

中環在線:郭炳湘同阿媽保持通話 李華華

2010-10-11  AD




 

新鴻基地產 (016)大股東郭氏家族分身家一事,擾攘咗成個星期,暫時都無咩突破性發展,無份分身家的大哥郭炳湘話就話今個星期回港,但到o依家都未有歸期,唔知佢 係咪喺外面搵高人指點,然後先返港搞清楚自己究竟係咪郭氏家族信託基金嘅受益人呢?

雖然成件事嚟得好突然,郭炳湘又唔喺香港,但消息人士透 露,郭炳湘其實一直有同阿媽郭老太聯絡。對於有報道指佢獲分200億元,可以另起爐灶,佢亦終於開腔回應,指佢家陣仍然係新地非執行董事,毋須考慮呢個問 題,語氣仲好似溫和咗,唔通件事有轉機?

李華華


PermaLink: https://articles.zkiz.com/?id=18576

中環在線:海通黃紹開棄子幫阿媽 李華華

2011-5-3  AD




 

開叔黃紹開(圖左)上星期五正式榮休,海通證券(665)喺四季幫佢搞咗個歡送酒會。開叔87年入三高證券(後改名大福證券),一做就23年,當年入去時正值87年股災,股市一片混亂,開叔可以話有份「災後重建」。

當 晚歡送酒會,海通仲正式送上一紙聘書,繼續聘請開叔做海外業務顧問,主要工作係幫海通走出中國,走向國際。華華聽聞,開叔唔使返朝九晚五,不過喺邊度返工 仲係個謎。因為佢家陣個office會暫時保留,但由於係由母公司聘請,所以究竟返總行李寶椿大廈,抑或繼續返新世界大廈呢,就連裏面啲人都唔係好清楚。


PermaLink: https://articles.zkiz.com/?id=24831

傳被Zara阿媽買起CNBC轉載 佐丹奴紅爆全球 李華華

2011-6-24  AD




 

如果無記錯,佐丹奴(709)應該係最多購併新聞嘅上市公司!過去10幾年,噏得出嘅國際服裝零售大Brand都傳過話會買佐記,但次次流料,到最近「彤叔」鄭裕彤唔聲唔聲一鋪掃咗14%,仲做埋第一大股東,斷估呢個情況會停落嚟,但殊不知唔係嘅。

Inditex同佐丹奴齊否認

噚 日,CNBC網站就爆咗單猛料,話Zara嘅阿媽Inditex計劃收購佐記,CNBC話佢哋係quote外電,咁外電單料又點嚟?佢哋話係來自一個本港 財經網站,而個網站又話佢哋係抄本地一份報章!而據華華明查暗訪所得,嗰份本地報章係抄一個歐洲財經網站,但人哋嗰篇報道係寫緊歐洲大市,順便講埋 Inditex股價急升,話佢會收購一間香港公司,半隻字都無提過佐記,但咪理,「Zara買起佐記」就係咁環繞個地球「流」傳一周!

最 後,流言梗係要搵啲智者嚟終止喇!佐記嗰邊同華華講無呢件事,而慣性唔評論市場傳聞嘅Inditex呢次亦忍唔住出聲話真係無接觸過佐記!就係咁樣,呢單 流料益咗佐記堅升,一開市就爆升6%,收市回番,但都有得升1%,而Inditex自己嘅股價都有得升……唔知呢次流料誤傳邊個至係大贏家呢呵?

李華華


PermaLink: https://articles.zkiz.com/?id=25888

豪擲二千萬甘比買樓俾阿媽

2013-03-14  NM  
 

 

大劉劉鑾雄的女友甘比(陳凱韻),上月初豪擲二千二百多萬買入華置旗下,位於灣仔新盤「壹環」一個約一千一百呎的三房單位,據知甘比母親曾多次到訪示範單位睇樓,向來孝順的甘比,見阿媽睇中心水樓盤,罕有以個人名義入市,送個安樂窩俾阿媽。細妹結婚

上月初,甘比用個人名義以二千二百多萬,買入華置旗下樓盤「壹環」一個高層三房單位,事後華置發通告,指甘比是集團執行董事陳詩韻的胞妹,更披露她是主席大劉的「聯繫人」,知情者話:「甘比媽媽來過四、五次睇樓,壹環雖然有幾個特色單位,但甘比媽只鍾情千一呎的三房單位。」甘比媽、甘比家姐陳詩韻及細妹陳諾韻一直同住帝景園,據知同樣在華置任職市場部經理的甘比妹陳諾韻,去年尾和男友拉埋天窗,向來對家人照顧有加的甘比,見一間屋唔夠住,即出手在灣仔買多層樓予媽咪,由媽咪決定住新屋,還是給諾韻與丈夫做新婚愛巢,總之要方便一家人互相照顧。

置業之路

投資有道

先後為大劉誕下一子一女的甘比,受寵程度如她入住豪宅一樣,不斷升級,已進駐山頂歌賦山五千呎獨立屋的她,近年多以公司名義買入華置旗下的樓盤、商鋪作投資,除了新買的「壹環」單位,她亦持有華置灣仔York Place兩個合共一億二千萬的地鋪,租金回報率約3.5釐;至於一○年出售的豪宅The MayFair二千多呎單位,更淨賺半億,真正投資有道。

PermaLink: https://articles.zkiz.com/?id=53625

洗米華阿媽喪禮正室逼退Mandy Lieu

2014-09-25  NM
 
 

 

Mandy Lieu上月被爆跟已婚的太陽娛樂老闆周焯華(洗米華)密會後,高調發聲明承認兩人發展中,之後又陪對方到紐約公幹,貼身箝實人夫,同時間,正室「華嫂」陳慧玲亦在社交網站晒合家歡相片,宣示主權。隔空招來招往,但講到家事,正室陳慧玲佔優。星期一(九月二十二日),周焯華為亡母搞喪禮,Mandy隱形,陳慧玲則在訃聞和喪禮上穩守「華嫂」地位,還有老公打傘遮太陽,好有面!家事避忌

九月七日與Mandy Lieu由紐約返港後,周焯華即趕返澳門探望母親,至十四日,周母唐淑賢病逝,他亦一直陪伴在側。儘管Mandy公告跟周焯華是發展中的關係,但在周母的訃聞中,正室位置是華嫂陳慧玲。本週一(二十二日),周母在澳門鏡湖殯儀館設靈,翌日舉殯,Mandy並未有以朋友身份出現。第二日(二十三日),Mandy拍攝健康產品廣告,記者問她缺席周焯華母親喪禮,她聽到「周焯華」三個字,即返服裝間,「而家仲講呢個話題,我要去做嘢嘞!」

崔世安送花牌

周母的喪禮儀式簡潔莊嚴,各界包括澳門特首崔世安、何猷龍、許志安、薛凱琪、鄺美雲等致送花牌,多到放滿殯儀館外兩條街。但聲稱跟周焯華是朋友關係的Mandy卻忽然低調。喪禮上,周焯華俾足面老婆陳慧玲,在外面燒祭品時,見火勢大時即擁着女兒,又怕老婆辛苦,叫她先返回室內。跟妻女和大仔在殯儀館留到十點幾才離開的周焯華,臨走時跟兄弟說:「辛苦晒大家!」

幫老婆擔遮

週二(二十三日),周母舉殯,早上十點舉行大殮儀式,由於最大的一個禮堂也只有七十多個座位,前來送周母最後一程的親友卻超過百人,場面極為擠迫。之後靈柩送到氹仔孝思墳場安葬,其間太陽刺眼,周焯華主動攞住遮,為陳慧玲擋陽光,表現體貼。而陳慧玲亦不時幫周焯華和前妻生的兒子撥頭髮,或跟女兒耳語,正室地位好明確。

澳門猛人

人稱「洗米華」的澳門賭業猛人周焯華,由賭廳疊碼仔做到成為廳主,擁有廿多個賭廳,也是上市公司太陽世紀集團主席。近年,事業範疇拓展至地產、金融及旅遊業外,11年更大舉投資娛樂事業,成立太陽娛樂,開設經理人部門及投資電影。染指娛圈後,已有家室的周焯華不時扯上女星名字。繼藍莓(劉俐)、陳靜(Da Da)及鮮為人知的Mango(王秀琳)外,近日有圖有真相的,是陪飛紐約的名模Mandy Lieu,為此,周焯華開始廣為人識。

PermaLink: https://articles.zkiz.com/?id=113153

Next Page

ZKIZ Archives @ 2019