楊冪突返內地開工劉丹唔了解新抱安排
1 :
GS(14)@2016-09-09 05:36:50楊冪上月底就俾《蘋果》獨家影到佢喺香港，同奶奶一齊湊囡囡「小糯米」返學，當時楊冪就話自己暫時會留係香港湊女，佢仲話老公喺內地做緊嘢，言猶在耳，第二日有傳媒影到送小糯米返學嘅，竟然係劉愷威，並唔係楊冪。一向表現恩愛嘅愷威同楊冪，點解結咗婚後會成日被傳婚變呢，有周刊就指引述知情人士話，佢哋拍拖嗰時係好sweet，成日喺社交網到貼相放閃，當時佢哋就仲未有小朋友，兩公婆都自由啲，之後楊冪有咗小糯米後，楊冪就開始停工，生完BB後即刻開工。知情人士話，內地好多演員架嘛，少啲露面就會被取替，而楊冪就諗住小糯米有老爺同奶奶照顧，所以都好放心咁去做嘢，老婆要拚搏，做老公嘅愷威又可以點喎！就係咁，佢哋兩公婆就各有各忙，好少見面。而報道又講到，愷威同楊冪先後俾傳媒影到送小糯米返學後，本周二(6日)就變返只得劉媽媽送孫女返學，劉媽媽就話佢哋都已經返咗內地工作。老爺劉丹被問到個仔同新抱成日前後腳喺香港，好少一齊現身，佢就話各有各忙，楊冪返咗去開工，阿仔得閒返嚟，咁咪前後腳囉！至於楊冪講過話會暫時留港，劉丹只能說，可能佢臨時有事要返內地，佢啲工作安排，做老爺嘅都唔了解喎。
來源:
http://hk.apple.nextmedia.com/entertainment/art/20160909/19765150