張家輝寫劇本 自譏睇唔明
1 :
GS(14)@2016-12-03 05:12:37張家輝自導自演拍上癮，繼《陀地驅魔人》後，下月他將會再開拍一部大型警匪動作片，投資金額遠超過《陀》片多倍，但拒絕透露演員名單。前晚他在洲際酒店出席手機宣傳活動時，笑說：「好多人睇唔明我嘅劇本，字面上係睇唔明，好難寫到啲動作，但係演員好信我，不過呢個係一個好大嘗試，咁大膽有人投資呢個數目，自己可以盡情去拍，呢個對我嚟講係一個大挑戰。」
■張家輝（右二）曾自導自演《陀地驅魔人》吸取經驗。資料圖片
日本上海取景
家輝再次自導自演，是否需要先操弗自己？他說：「又唔使晒肌肉，不過為咗拍動作片，靈活性係要高啲。」其實自導自演好辛苦，他說：「經過上次《陀》片，希望製作上可以抽到時間休息，今次係合拍片，budget會大好多，可以每星期抽到啲時間休息，上次可以喺預算內完成，但係睇番自己都覺得幾殘。」家輝透露新戲在日本及上海取景，被問到有否碌人情卡？他說：「我覺得做乜都唔應該碌人情卡，兩句完對白，但係冇嘢拎走會對唔住佢哋。」
■陳瀅前晚透露聖誕可能會返溫哥華和家人度過。
陳瀅恭喜柏豪
另外，同場的陳瀅跟何猷亨甩拖後全程投入工作，她說：「聖誕可能會返溫哥華同屋企人過。」問到分手後有否人追？她說：「唔知，去玩都係有男有女，自己冇諗過拍拖。」她更主動提到娛樂圈最近有很多人結婚生仔：「恭喜佢（周柏豪），每個人唔同風格，我自己想揀private啲，浪漫兩個人知得喇！」採訪：王連連攝影：沈健程
來源:
http://hk.apple.nextmedia.com/entertainment/art/20161202/19851906
【馮仁昭四圍超】講卓林同性戀吳綺莉自譏好過有咗
1 :
GS(14)@2017-06-18 21:45:14吳綺莉同韓君婷噚日喺銅鑼灣出席NuMe美容活動，提到囡囡卓林情況，吳綺莉話：「一路有醫生、社工幫手，係我自己唔好，忽略咗佢嘅感受，單親家庭，有啲嘢我頂得順，唔代表佢頂得順，我虧欠咗佢，爆咗煲，感恩好多人幫手。」
■卓林（右）同網紅A小姐關係友好。資料圖片
「唔想做婆婆」
講到囡囡自殘，吳綺莉話：「佢?家有食藥，佢身體唔舒服，唔可以怪佢。」問到卓林同網紅密友A小姐嘅關係，係咪兩母女嗌交嘅導火線？吳綺莉話：「冰封三尺非一日之寒，好多嘢唔可以全部怪人，好多時忽略咗個女嘅感受，我有同佢講對唔住，所以我要做好自己。」仲話會積極工作，已經戒酒。再追問卓林係咪同A小姐拍拖？吳綺莉話：「係朋友，17歲，摸索緊，唔知自己係點，17歲拍拖都未必係嗰個，冇得逼。」問佢介唔介意囡囡同性戀？佢話：「我好開通嘅，冇乜所謂，反而介意佢返嚟話畀我聽有咗，我唔想做婆婆，性別唔重要，搵個伴要照顧、了解大家、心地善良，錫我個女比任何嘢更重要。」撰文：馮仁昭
來源:
http://hk.apple.nextmedia.com/entertainment/art/20170616/20057218