ZKIZ Archives


陸振球﹕資金巿要睇實OBV

1 : GS(14)@2016-09-09 05:18:19

【明報專訊】恒期昨天再升177點創近1年新高,由6月尾英國公投脫歐後,恒指已從低位升了4200多點,但環球以至香港經濟仍陰晴不定,不少分析都指今次升巿,主要由於大家認定各國繼續低息甚至負利率,歐日更加會大手印銀紙,而中國仍見資金撤走而部分轉投香港,認為此次升巿屬「資金巿」,而並非經濟好或公司業績佳所帶動。

面對資金巿,不少投資者都說最難炒,因資金可來亦可走,升時可以升到你唔信,超買又超買,只要資金繼續湧入,就可以升完再升,破頂再破頂;但當大鱷一旦覺得到價而撤走,資金一走,可以出現跳崖式下跌。

近月續揚 反映新資金流入推升股巿

其實,技術分析裏頭,有一種老舊的指標頗能觀察到資金的動向,就是由Joe Granville於上世紀60年代設計出來的OBV(On Balance Volume,有譯作能量潮指標)指標。OBV概念簡單而合乎邏輯,假設計算日首天OBV為0,而翌日收巿比今日收巿價高,即代表升巿,就將成交量(成交金額)加上去,再見升巿,就將成交量累加;而當出現跌巿(收巿價比上日跌),就將成交量作減數處理,從而計算每日最新累積加減而得出的OBV。

於是乎,OBV升穿之前的高位,代表新資金流入推升股巿,而若OBV跌穿前一個低位,代表資流出;若升巿而OBV配合上升,升巿就相對健康,而若股巿升而OBV停滯不前,反映資金在悄悄流走。配合近3個月的恒指升勢,OBV暫仍是一浪高於一浪,代表資金仍源源流入,但要密切若一旦OBV跌穿前浪底,升巿可能隨時玩完。

[陸振球 投資超限戰]


來源: http://www.mpfinance.com/fin/dai ... 6448&issue=20160909
PermaLink: https://articles.zkiz.com/?id=308242

操盤手札記:入市要睇實DXY線

1 : GS(14)@2018-01-07 16:00:57

新年伊始,祝大家旗開得勝!香港兩個賭場──馬會同港交所(388),新一年都有新嘢玩,前者嘅從化馬匹訓練中心將於下半年啟用,玩上斜跑道;後者就最快下半年批准同股不同權嘅創新公司、蝕緊錢嘅生物科技公司喺主板上市!講到尾,為爭生意不惜加重賭味!據彭博統計嘅中資科技新股資料,打算今年境外上市、集資額以十億美元計嘅公司就有6間。當中,營運支付寶嘅螞蟻金服、產銷手機嘅小米,尋求上市估值更高達五、六百億美元。港交所修例,無非為食呢啲大茶飯。炒新股賭彩數,但就不妨買定啲港交所責倉,分番啖食。至於今年投資大環境,要睇一條線!咩線?DXY線!美國稅改、加息早已被市場消化,美匯指數(DXY)近日不升反跌,營造「頭肩頂」嘅見頂形態,2017年收92.3,失守頸線92.6,以量度跌幅計,有機下試90大關。亞洲貨幣指數(ADXY)則回升,2017年收109.78,創兩年新高。美元轉弱、亞幣轉強,反映資金流出美國,轉投新興市場,包括港股。此外,人民幣蓄勢再展升浪,進一步增加港股,尤其中資股嘅吸引力。人民幣兌美元中間價前年貶值6.4%,舊年則升值6.2%,扭轉過去三年頹勢,並創九年最大升幅。展望今年,始終係中國故事最吸引。
A股年中入摩,可望帶動H股向上。港股之中,內銀股嘅H股相對A股普遍折讓兩成,勢將受惠。事實上,內銀最壞時刻已過,一來內地經濟增長回穩,未見債務危機;二來受惠供給側改革,信貸質素改善;三來國債息率上升,利好息差表現。中金估計,今年上市銀行純利按年增長7.2%,增速加快2.1個百分點,結束過去四年嘅調整。揀邊隻好?四大內銀最穩陣,話晒係國有銀行,阿爺直接持有,有事阿爺會救。當中,建行(939)突破三角形頂部,中行(3988)造頭肩底,前者可候回至50天線吸納,後者則候回至20天線。割柑人本欄逢周二刊出



來源: https://hk.finance.appledaily.co ... e/20180102/20262523
PermaLink: https://articles.zkiz.com/?id=346150

Next Page

ZKIZ Archives @ 2019