ZKIZ Archives


【首爾直擊】坐《屍殺列車》釜山行過隧道逃生堅定流?

1 : GS(14)@2016-09-28 05:04:32

食住《屍殺列車》個勢,動畫版喺上禮拜都上畫。(《屍殺前傳:首爾站》截圖)



韓國電影《屍殺列車》喺香港票房突破六千萬,食住個勢,上禮拜動畫《屍殺前傳:首爾站》亦終於上畫。睇完兩套戲有後遺症?去首爾或釜山玩,甚至搭KTX都怯怯地?動主播阿仙一於身先士卒,帶你哋一齊「仙遊列車」!想去釜山玩有兩個方法,一係由香港搭飛機直達釜山,二係由首爾坐KTX過去。揀坐KTX嘅朋友,第一個驚嚇位就係,見到喺車箱行嚟行去嘅藍色衫服務員姐姐。戲中嘅服務員姐姐係第一個畀喪屍咬,現實中嘅服務員日日都要搭KTX,又敢唔敢睇《屍殺列車》呢?其中一個服務員姐姐勁有禮貌,笑住咁答我哋:「有睇呀!」,仲話唔係好驚添!



阿仙驚住咁搭KTX由首爾去釜山,帶大家一齊「仙遊列車」。

車上第一個驚嚇位就係見到藍色衫服務員姐姐!

問服務員姐姐有冇睇《屍殺列車》,佢笑住咁話有,仲話唔驚添!

坐KTX由首爾去釜山車程約3個鐘,如果真係有喪屍,戲中幾招可唔可以自救?首先,要識閂門!一般車卡門都係自動式,開門後約7秒先完全閂晒,所以記得學戲中男主角孔劉咁,撳門上方嘅紅色制,先可以隨意開關。第二,入廁所避難。部份車卡與車卡之間設有男女廁,不過面積唔大,如果身形嬌小都可以迫入4-5人。車卡之間除咗有廁所,仲有一張凳,戲中孔劉就喺呢張獨立凳,同囡囡情深對話。原來現實中,呢張凳係畀票務員,或者買無劃位車票嘅乘客坐。



想喺KTX避喪屍,第一招梗係閂門,記得撳門頂嘅紅色制,唔係自動門閂得好慢。

第二招,入廁所避難,廁所好細,係就早啲霸位!

第三,趁過隧道嗰陣,車箱一黑,喪屍睇唔到然後走佬。全程車442公里,原來都經過超過二十條隧道,不過好多都係十幾秒就過咗,究竟超過一分鐘、有足夠時間逃生嘅隧道又有幾多條?即刻去片話你知!



戲中嗰張催淚凳,究竟畀邊個坐?

同埋有幾多條隧道畀你走佬?即刻去片!

「小貼士」坐KTX由首爾去釜山,單程車票正價要₩59,800(約HK$420),來回約HK$840。遊客可以買優惠套票,如果2-5人同行,可以買SAVER PASS,即係全日通車票,一日票價₩72,000(約HK$500)。SAVER PASS可以喺網上訂票,然後帶同護照正本去首爾站換票。主持:阿仙、Ruby記者:鄒倩婷繙譯:卓惠媛(Joyce)剪接:Roy攝影:李錦鏵導演:陳家文




來源: http://hk.apple.nextmedia.com/entertainment/art/20160928/19783669
首爾 爾直 直擊 屍殺 列車 釜山 行過 隧道 逃生 堅定
PermaLink: https://articles.zkiz.com/?id=310444

脫北士兵投南韓就咁行過軍事分界線唔心寒?

1 : GS(14)@2016-09-30 08:08:56

北韓脫北潮仍未休止,南韓軍方表示,一名北韓士兵周四就這樣走過重重佈防的邊境,變節逃往南韓。南韓聯合參謀本部表示,該名男士兵於當地時間早上10時走過軍事分界線,目前正被扣押並接受盤問,而事件中雙方並無交火。兩韓邊境滿佈地雷、雙方派數以萬計士兵駐守,北韓變節者會走過邊境實屬罕見。對上一次要數去年6月,一名少年北韓士兵在華川向南韓的邊境守衞投降。北韓每年有數以百計的人脫北,大多是先經過中國邊境,之後由東南亞國家轉抵南韓。法新社




來源: http://hk.apple.nextmedia.com/international/art/20160930/19786771
脫北 士兵 南韓 就咁 咁行 行過 軍事 分界線 分界 心寒
PermaLink: https://articles.zkiz.com/?id=310709

大叔行過運金車尾搬走千萬金箔咁和味?

1 : GS(14)@2016-12-03 05:12:16

香港上月有匪徒向運輸工人噴射胡椒噴霧,再閃電搶走81條金條,美國紐約最近亦發生偷金案,一名男子趁護衞員不留神,搬走貨車上一桶值160萬美元(1,248萬港元)的金箔,逃去無蹤。警方周三公佈閉路電視片段,可見匪徒9月29日下午在曼哈頓48街徘徊,路邊泊着一部貨車,尾門打開。匪徒趁護衞員到車頭取手機,在無人阻止下將車上一個重39公斤(86磅)的鐵桶搬起抱到懷中,匆匆離開。當時車邊有兩人交談,匪徒急步走過,兩人毫不在意。匪徒走到至另一條街時,一度放下鐵桶休息,之後再步行離開。警方指匪徒當日用了一小時完成10分鐘路程,之後登上白色車離開,相信他已逃到佛羅里達州。警方表示,匪徒年約50至60歲,西班牙裔。路透社/美聯社




來源: http://hk.apple.nextmedia.com/international/art/20161202/19852822
大叔 行過 過運 運金 車尾 搬走 千萬 金箔 咁和 和味
PermaLink: https://articles.zkiz.com/?id=318079

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019