ZKIZ Archives


【Raw Food之味】Raw Food100% 真係work?

1 : GS(14)@2015-05-10 23:32:20

Diana聲稱生機飲食令視力變好


四五條香蕉加一大碗沙律,很多人可能會覺得淡而無味,但對Diana來說,全都是美食。對生機飲食深信不疑的Diana,曾經試過每日每餐都只食生機食物,「每日一瞓醒,都會覺得所有事都很美好,做的事都會很順利很順利。」完全不食熟食,是否真的可行?記者:劉嘉欣攝影:楊觀賜


到街市選購蔬果,是Diana每日的指定動作


上集提到,外國近年興起食Raw Food(生機飲食),即以不高於42度烹調食物。這種飲食方法於香港未算十分流行,但於Green Monday任職編輯的Diana已經快人一步。「其實我係上年9月開始接觸呢樣嘢(生機飲食),一開頭就大約係70%,去到今年有兩個半月就試咗99%食生。」做不到100%,皆因有時會飲到煲過的水。雖然食全生機食物只有短短時間,但Diana覺得,比起吃七成生機食物,全生機的功效明顯很多。「我食咗生機食物之後,其實近視淺咗25度。到我轉食全生機之後,無記錯喺17定18日之內,近視再淺咗25度兼散光再淺咗25度,佢個復原或修復能力提升咗好多...食生機食物嘅人就有個非正式嘅統計,如果你食大約70%,就係拎到30%嘅效果。你食到去90%,就會拎到大約70%效果。咁你只有去到100%,先可以拎到100%效果!」但對於是否一定要食100%生機食物,Diana就指其實尚未有定論。雖然Diana對食全生機食物充滿信心,但外國有不少研究發現,長期吃生機食物雖然可以降低膽固醇,但連好的膽固醇都會一併降低。而且會令身體缺少維他命D、維他命B12及鐵等重要營養。一直吃全生機,真的可以嗎?同樣試過食全生機的生機飲食導師Angie就認為不太可行。「初頭係好似迴光反照,因為以前都係食好多精製食物。但係經過一兩年之後,某個階段過咗,身體可能都有啲狀況。可能我會覺得會累,越來越累,或是可能皮膚好乾。」因為工作原因,Diana最後只食了兩個月全生機,現時回到大約70%的水平。不過要實行生機飲食,其實有不少生活上的考慮。「例如買生果係好重,咁點樣托生果返屋企?呢啲物流可能大家要商量。」即使解決了物流問題,還有社交問題要解決。「如果出去同屋企人食飯,可能我真係會食碟邊餸。例如你見到有時候伴碟有蘿蔔,就夾蘿蔔食。」即使跟朋友出去聚會,例如火鍋,Diana都只會叫杯飲料就算,絕不破戒。「會著重於大家相處吹水嘅過程,而唔係食物。」 對Diana來說,要食生機食物,越原始越好。不過,有人就喜歡「整色整水」,將生機食物改頭換面,下集「 Raw Food之味」,看看如何將蔬果變做美食。





來源: http://hk.apple.nextmedia.com/news/art/20150510/19142517
PermaLink: https://articles.zkiz.com/?id=290236

【Raw Food之味】想跟凱蒂食Raw Food 五大貼士要跟足

1 : GS(14)@2015-05-10 23:32:27

Raw Food(生機飲食)於外國早有大班粉絲,除了麥當娜、 Jason Mraz等名人,連剛誕下小公主夏洛特的英國劍橋公爵夫人凱蒂,亦是生機飲食支持者。聽說凱蒂兩年前誕下小王子佐治後,就是靠生機飲食極速瘦身。不過各位如果想跟凱蒂實行生機飲食,以下幾個貼士一定要好好記住!



貼士一:揀定入口咪心急

不要以為一說吃生機食物,就甚麼菜都放入口。很多時初食者未必接受到菜青味,初吃生機食物的朋友,食沙律菜是最好,因為最易入口。



貼士二:風乾先好入雪櫃

如果一次過買太多菜,又不可放太久。要日日買的話又未必有時間。所以買菜回家後,找幾個筲箕,稍為風乾一下,約一兩個小時後,待水份蒸發過再放入雪櫃,保鮮期就可以長久一點。



貼士三:種子發芽先食得

生機飲食大約有百分之五是食種子或果仁的,但建議大家發了芽才吃。因為種子本身有微量的毒素,阻止生物去吃它。當它發了芽之後,毒素就會降低。



貼士四:以Raw Food調味Raw Food

生機飲食初食者,或許未必習慣整天「口寡寡」,因為吃生機食物嚴格來說很多調味料都不可以下,好像沒有鹹味下肚。其實可以用有機海帶或味噌,加少許進沙律或蔬菜,就可大大增加鹹鮮味。



貼士五:聞到有味先好食

對吃生機食物的人來說,必須懂得分辨水果的生熟。只要用鼻去嗅一嗅水果有沒有發出香味,充滿果香的話,就是熟透了!不過記緊最重要的是,所有蔬果都要洗乾淨才好吃,避免身體不適!





來源: http://hk.apple.nextmedia.com/news/art/20150510/19142518
PermaLink: https://articles.zkiz.com/?id=290237

【Raw Food之味】Raw Food美食版 果仁變壽司

1 : GS(14)@2015-05-11 19:29:58

先將果仁及葵花籽浸過夜


同樣是Raw Food,一條香蕉跟一碟「Raw壽司」,相信很多人都會選擇要壽司棄蕉。到底蔬菜如何可以變壽司?記者:劉嘉欣攝影:王俊龍



將果仁及及葵花籽放入食物處理器,攪拌成醬,中間可視情況加水

成醬後再加上不同類型的蔬菜,如西芹等,增加顏色及口感



40歲的Angie,外表看來比實際年齡起碼細十歲。她為了追求美味的生機食物,遠赴峇里學廚。不少人認為生機食物近乎等如無火煮食,吃棵菜就可以,到底有甚麼好學?「以前真係你開個火,放食材入去焗爐。而家成個技巧好唔同,因為有好多攪拌、風乾、發芽、發酵,呢一啲好另類嘅方法。其實呢啲全部都係最原始,最基本,可能係古代已經用嘅防腐方法。」既然如此,立即請教Angie如何將蔬果變成美食!



配上蔬果盤即可食用

或者用來替代米飯,製成壽司



「今日會做一個素吞拿魚醬,咁當然係無吞拿魚喺入面。」這個醬勝在做完之後可以有多種食法,最適合上班族,做一次可以吃上幾天。



記者親自試過這兩味菜,既有口感又夠味道,確是不錯。不過於峇里學廚時最令Angie驚訝的,不是老師們的手藝,而是老師竟然也要食補充營養丸。「我嗰時都好驚訝,點解你哋都要食一粒粒,乜唔係一個噱頭嚟咩?佢地再解釋話其實今時今日個生態環境都破壞得幾勁,同一個植物入面嘅營養價值,可能都大大地流失咗好多!」現在大約七成時間食生機食物的Angie,除了自己吃更會讓家中小狗一起吃,一於有「Raw」齊齊食,但這樣對小狗是否真的好?留意Green稍後的報道!





來源: http://hk.apple.nextmedia.com/news/art/20150511/19143532
PermaLink: https://articles.zkiz.com/?id=290255

Next Page

ZKIZ Archives @ 2019