ZKIZ Archives


中環在線:長情股東揸滙控半世紀悉數供股留畀仔女 李華華

2009-03-30  AppleDaily





 

上個禮拜,見報率最高嘅財經新聞,非滙控供股權(2997)正式上市莫屬喇!聽日就係最後交易日,想沽要趁手。不過,滙控(005)喺好多香港人心目中,地位依然穩固,好似華華認識嘅一位滙控老股東陳伯咁,揸咗滙控股票超過半個世紀,絕對稱得上係滙控超級粉絲。

1954年低撈滙控

陳 伯不但冇諗過沽咗啲滙控供股權,上個禮拜仲專程去到灣仔合和中心,滙控嘅股票過戶處度搞供股手續。佢話:「我1954年買滙控。」冇錯,係1954年,當 年港交所(388)都未成立,華華翻查《香港金融業百年》,再問埋滙控公關大員,先知有百幾年歷史嘅滙控,早喺1891年香港經紀協會成立本港首個證券交 易市場時,就同時喺呢個交易場掛牌上市。陳伯話第一次買滙控時十幾蚊,咁半個世紀之前嘅滙控係咪十幾蚊股,連滙控公關大員都冇資料。不過,1950年港股 因為朝鮮戰爭陷入低潮,嗰年成交額只有6011萬銀,係1948年嘅38%,直到53年停火股市先暢旺番。照咁睇,陳伯當年可以話係低撈。陳伯話:「一直 以股代息,慢慢儲到o依家約3萬股滙控,股價上到130蚊都冇諗過賣,今次會全部供股,第日留畀仔女。」李華華 LiWaWa@AppleDaily.com



中環 在線 長情 股東 半世紀 半世 悉數 供股 股留 留畀 畀仔 仔女 華華
PermaLink: https://articles.zkiz.com/?id=7111

老樓周記:阿爺層樓要留畀孫

1 : GS(14)@2016-08-07 01:57:23

年輕客有多少人可以透過自己儲蓄儲到首期?除非本身上一代已經富貴,在公司內擔任要職兼年薪過百萬元。不過,老樓所指的年輕客,是一般打工仔和剛投入社會工作的小伙子。假設你品學兼優、入到最有前景的公司,月入兩萬元,每月拿一半作儲蓄,未計加人工(其實每年得3%至4%),一年儲到12萬元,十年先有120萬元;假如兩口子一齊儲,以同樣月薪計,換句話十年有240萬元。以屯門豐連最平單位197萬元為例,基本上可以一炮過支付樓價及其他開支,但只可以買偏遠樓盤。不過,十年後樓價點走無人知,到時可能連沙頭角的樓也買不到。新盤能夠吸引年輕客的原因主要是新,單位細到好似監倉都冇問題,可能這是時下年輕人的要求,享受新樓入伙便可入住,不用驚買到二手化妝樓手尾長。認真點講,若果上述所指的高材生亦只可以買到屯門呢類劏盤,其他學歷低的小市民又要等多久才可以上到車?呢條問題相信特首梁先生也回答了很多次,便是在土地供應上着手,不會因現時樓價回落便放軟推地的決心。大佬呀,現時不是土地問題,而是能力問題。假若大家冇能力,每年9.3萬伙供應都未能滿足上車要求,更何況偏遠新樓都要每方呎8,000元,在鐵路沿線起碼每呎1萬元,每月只能夠買一呎樓,莫非要阿爸間屋留畀個仔再留畀個孫呀!註定三世都不易買到樓。劉兆昌資深地產傳媒人
http://www.HKLau.com本欄逢周五刊出





來源: http://hk.apple.nextmedia.com/financeestate/art/20160805/19723046
老樓 周記 阿爺 層樓 樓要 要留 留畀 畀孫
PermaLink: https://articles.zkiz.com/?id=304534

全英第三富豪病逝900億遺產留畀25歲仔

1 : GS(14)@2016-08-11 06:08:26

英國第三富、西敏公爵格羅夫納(Gerald Grosvenor)周二疑心臟病發猝死,終年64歲,他的25歲兒子將繼承高達90億鎊(911億港元)遺產。格羅夫納是全英最富有的地產大亨,生前坐擁的房地產包括牛津、柴郡和蘇格蘭的莊園,又在黃金地段梅費爾區(Mayfair)和貝爾格拉維亞(Belgravia)擁有大片土地。其家族發言人指格羅夫納周二在蘭開夏郡莊園內突然不適,送院後死亡,外界相信他心臟病病發。格羅夫納與太太育有4名子女,但只有一名兒子,他死後兒子休‧格羅夫納(Hugh Grosvenor)將成為第七代西敏公爵,並繼承其大部份身家。他的兩位姊姊及一位妹妹則可繼承為數可觀的信託基金。根據《福布斯》全球富豪榜,格羅夫納身家估計達108億美元(837億港元),在富豪榜排68位,是英國第三富。皇儲查理斯與太太卡米拉對格羅夫納的死非常震驚,格羅夫納是已故戴安娜王妃的遺產執行人,此外查理斯亦曾要求格羅夫納指導年輕時的威廉王子,兩家關係密切,最近威廉一家去法國度假,乘搭的便是格羅夫納的私人飛機。英國《每日郵報》/英國廣播公司





來源: http://hk.apple.nextmedia.com/international/art/20160811/19732050
全英 英第 第三 富豪 病逝 900 遺產 留畀 25 歲仔
PermaLink: https://articles.zkiz.com/?id=305377

笑到最後:機會留畀新香港人

1 : GS(14)@2017-07-05 03:48:14

剛過去嘅周末,電視上演一幕幕當眾擦鞋嘅情景。本欄始終係投資版文章,政治評論都係交由政治專家評論,不過,擦鞋擦出面唔單止係經濟問題,同時亦都係投資問題。自古擦鞋就有市場,因為市場風高浪急,投資者都係人,難以預測揼咗落去嘅錢,會唔會有回報。擦鞋變咗一種心靈安慰,有人喺投資者身邊係咁講「真係㗎?點解嘅?你好叻呀」,積極作用係安撫投資者情緒,等佢繼續投資並且經營生意,成班兄弟繼續有飯開,有時就係靠嗰位擦鞋仔一句半句安撫。當然壞處就係公司已經成形,有人想嚟黐餐。呢種擦鞋,相信好多讀者喺辦公室已經見慣,所以唔重覆。不過無論係邊種擦鞋,過去嘅做法,就係盡量將擦鞋嘅行為收埋,因為始終唔係一件光彩嘅事。啱啱過去嘅假期,其中一幕擦鞋將會影響無數辦公室生態,兩位香港上咗年紀嘅人爭住向北面嚟嘅貴人擦呀擦,一個就說盡好話,另一個就陪笑,成個過程係直播,連坊間一啲KOL都冇諗過直播擦鞋,上一代反而諗到用呢種方法呃like,可見上一代KOL,想呃like可以更狠。呢個舉動將會扭轉過去對擦鞋嘅睇法,公開擦鞋將會成為「新常態」,估計以後華資公司會爭相仿傚,邊個公開擦得勁,邊個就升得快,亦都唔會有人藐,因為藐嘅人無法入職。大家可能會以為,日後擦鞋就有出頭天,呢個只係一廂情願嘅諗法,因為只有上咗年紀、上晒岸嘅香港人,先有資格擦,而被引領去面聖嘅就係一位內地出生嘅本地居民,即係內地傳媒所講嘅「新香港人」,隱喻一班已上位嘅香港人,將來亦只會畀機會新香港人,一般香港後生仔連鞋刷都唔會掂到。所以打工最美嘅日子已經過去,97年前移民潮坐低年年升職,97年後未移民嘅已經坐定定唔會走,僅餘嘅機會亦都只會留畀新香港人,上述呢一幕,篤醒咗香港出世嘅後生仔:喺香港打工,係冇前途架!高明
http://www.fb.com/bigricetea本欄逢周一刊出



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170703/20076874
笑到 最後 機會 留畀 畀新 香港
PermaLink: https://articles.zkiz.com/?id=337982


ZKIZ Archives @ 2019