📖 ZKIZ Archives

放工想食住家飯，但無時間買餸。以上是香港上班族的寫照，亦是今期生意主角看準的商機。

餸菜包「宅配」（即送貨上門）在日本、台灣早已流行，華世傑（Roy，三十一歲）及伍惠寶（Rainbow，二十八歲）兩個月前將概念引入香港，斥資過百 萬創立Fresh To Go（FTG），請酒店級大廚坐鎮，購置先進機器，並以高級食材作招徠。每款餸菜賣七十元至三百元，貴過出街食，卻大有捧場客，開業第二個月賺逾八萬元。

本刊專誠請來廚藝專家大師姐麥麗敏，暗地以用家身份測試FTG的食物及服務質素，找出FTG的速勝之道。

大除夕夜，大師姐七點半回到家中，前一晚在網上訂購的餸菜包已準時送到。食材按不同菜式分別包裝成一盒盒，附帶的醬汁或配料，以顏色標籤分類，再放進附設冰包的保溫袋，乾淨企理。另一盅紫砂燉盅盛着的鱷魚肉湯，工人按送貨員指示放進雪櫃，待飲用時才翻熱。

對食物要求嚴格的大師姐逐一拿起餸菜包檢查，「蝦頭無發黑無甩，證明海蝦夠新鮮；肉絲有肥有瘦，又用錫紙分開；肉餅上的蛋黃壓平了，做到每啖都有，細節做得唔錯。」看見肉餅厚身，隨即又取出電子秤，「三百三十克，分量好足，四個人都夠。」

食譜寫明每個餸菜十五分鐘內可以上桌，大師姐跟足食譜指示處理，四十五分鐘後，豉油王大蝦、百花釀竹笙卷、鹹蛋黑毛豬肉餅、蜜餞滷牛肉、欖菜肉絲四季豆及 川貝鱷魚肉燉湯，五餸一湯已完成，色香味俱全，這一餐盛惠四百五十三元。「呢個價錢算好合理，分量足夠四個人食，我最欣賞係材料整理得整齊乾淨，唯一可以 挑剔係佢哋無好好利用麻油同酒等調味料，去令餸菜更香。」大師姐稱材料處理細節中見心思，值得鼓勵。

十五分鐘餸菜

FTG目前每日供應約六十款中西菜式，要保持出品質素，位於小西灣的廚房清早已開始預備食物。「一些複雜的菜式如無錫骨、滷牛肉會讓師傅製成熟食，客人翻 熱即可食用；竹笙卷呢一類就要浸高湯、釀好；四季豆要飛水、冰鎮，客人一翻熱就夠腍；簡單的如蒸肉餅、和牛粒，就會剁好、切粒，直接送上生的食材，客人省 略不少預備時間，又可享受到煮飯仔的樂趣。」老闆Roy稱，FTG目前八成生意額來自中菜，分別經過處理、醃製或適度烹調，客人依照隨食材附上的簡易菜 譜，完成餘下步驟，十五分鐘內，便可炮製出賣相、味道達九成水準的菜式。

負責搜羅高級食材的Roy指，儘管現時市面上已有類似的餸菜速遞服務，但市場空間仍很大，相信他們針對有消費能力的中產人士，以優質食材作主打，便能突圍 而出。為此，Roy及Rainbow大刀闊斧，斥資一百萬元在小西灣一工廠大廈設置工場，精挑細選廚師，在二十多個應徵者中，聘請曾在文華酒店中菜部任職 的大廚耀叔主理食物，標榜餸菜包烹調簡易、少鹽和無味精。

每兩週推新菜

新手進軍飲食業，Roy及Rainbow唯有四處偷師，「試過食過一家餐廳，覺得食材好，就偷偷地轉去後面睇吓佢哋邊度入貨，再私下聯絡供應商。」兩人試 足美國有機豬、本地鮮豬、日本黑豚等六種豬肉，才確定目前選用肥瘦適中及有豬味的西班牙黑毛豬。他們又會要求供應商提供品牌標籤，例如澳洲 GameFarm的牛肉等，「將標籤貼在餸菜包，等食物都好似手袋一樣有品牌，增加食客信心。」蔬果與本地的日豐有機農場取貨，控制供應源頭，確保品質。

用料高級，自然不是平民價錢，以西班牙黑毛豬價格為例，零售價達每斤一百二十至二百元，比一般豬肉貴三至四倍，FTG目前供應約六十款中西菜式，大部分由 七十元起，送貨香港及九龍區最低消費是三百元，新界則要滿五百元。不過Roy指，目前肉類餸菜的毛利只有五到六成，較蔬菜的七成為少，開業初期，更以成本 價推出美國Meyers安格斯肉眼扒（三百克），「賣一百五十五元，相當於買一送一，兩個星期推廣就賣出十公斤，成功儲客。」

為保持新鮮感，他們每兩個星期更新菜譜，至於滿足不同客人要求，就由負責出品的Rainbow每日與各部門溝通，「黃太要新鮮西蘭花，呂小姐想要重蒜蓉 味。」這邊與大廚溝通，那邊又與運輸作安排，「呢個客話今日遲收工，要七點半先送到屋企，而呢個就一次過落一星期單，但分開六日送貨。」

氮氣緩食材變壞

處理半生熟食物，保溫是重要一環。Rainbow花五萬元從外國購買專業的包裝機，抽取盒內氧氣並充入氮氣之類的惰性氣體，抑制細菌生長，又請人設計易攜 式環保袋，令餸菜包在運送過程中保持在零下四度，「袋內側加了一層隔溫棉，再附送一個冰袋，比起用雪車一上一落產生的溫差，這種方法更能確保食物保持最新 鮮狀態。」雖然每個環保袋成本要四元，但Rainbow覺得物有所值，「很多熟客都很有環保意識，送貨後會退回環保袋及冰袋，讓我們循環再用。」

每日早上十一時截單，餸菜包按照每張訂單裝袋後，現時每日近三十張訂單一般分三至四輛車運送，一至兩輛送港島區，一輛送九龍，一輛送新界，務必四至六時送上辦公室，五至七點到達住家。目前客人主要是港島南區的中產上班族，公司客與住家客各佔一半。

置濾水器防菌

其實兩口子早於一年前已想出這條財路，「因為我有味精敏感，好少出街食飯，自己煮都想買靚少少嘅食材，但又無時間搵，將心比心，相信好多中產都同我哋一 樣。」Rainbow笑言，自知對飲食業運作一竅不通，供應食材亦有一定風險，所以兩人專誠去學習HACCP（國際認可的食品安全認證標準）。

他們嚴守此標準，花近百萬裝修及購買濾水器、包裝機、雪櫃、冰機等專業廚房設備，足足籌備十個月才開業，「我的算盤是，用幾千元沒有冷凍保證的雪櫃，萬一 壞了，價錢不菲的黑毛豬肉、和牛即時報銷，假如食水有菌，感染了食材，哪怕只有一宗投訴，都會毀了商譽。」投資銀行出身的Roy自稱對風險評估很有經驗， 從事室內設計八年的女朋友Rainbow，則負責管理出品及包裝、宣傳。Rainbow最初花了五萬元找公關公司幫手，可是兩月過去，成效甚微，乾脆辭退 公關公司，親自上陣。先是主動打電話給《飲食男女》，花萬五元賣廣告，隨後很多媒體就主動找她。

為確立專業網上超市形象，FTG近日加入不少優質食材選購，如巨峰提子、法國藍殼青口等，「未來更會推出黑毛豬餃子，分銷到超市，將來還會出產各種自家醬汁。」Roy和Rainbow對FTG的前景充滿信心。

專家食評

麥麗敏

著名食譜作家江獻珠首徒，人稱大師姐，精通本地優質食材，著作有《全港食材最強》及《要省，不如不吃》等。

姚廣源

人稱大師公，對煮、食深有研究。

豉油王大蝦（二人分量，$78）

處理：蝦頭無變色或甩掉，蝦腳蝦腸處理乾淨，惟欠去掉蝦頭內污腸。

味道：海蝦新鮮，醬油顏色可調深一點。

蜜餞滷牛肉（二人分量，$80）

處理：熟食品，包裝密實不漏氣。

味道：全用坑腩，味道好，建議將蒸改為煮，令醬汁收至濃稠。

鹹蛋黑毛豬肉餅（二人分量，$75）

處理：肉餅重330克，量足；食譜提示將肉餅壓薄，但鹹蛋黃易被黏住。

味道：大火蒸8分鐘未熟，建議蒸11分鐘。鹹蛋無味，可改用越南鹹蛋黃。

欖菜肉絲四季豆（二人分量，$60）

處理：食材全部隔開整齊擺放。

味道：肉絲肥瘦相間，有豬味；四季豆爽脆，亦合乎少肉多菜健康原則。

百花釀竹笙卷（二人分量，$80）

處理：附有芡汁及上湯，以顏色標籤分類，搭配清晰。

味道：小唐菜應與釀竹笙分開蒸，避免變黃；蝦膠彈牙，但上湯較淡。

潤肺川貝炖鱷魚肉（一人分量，$80）

處理：紫砂湯盅有內蓋，保氣做得好。瘦肉切成方塊，肉味易出，夠專業。

味道：開蓋香氣撲鼻，清甜不油，用料足。

整體評價

讚︰材料包裝整齊企理，用料上等，味道不俗，價錢合理。食譜指引清晰，新手容易掌握。

彈︰未有好好運用麻油、酒等，令餸菜更香的調味料。

開業資料（2010/10）

租金：$42,000▲

裝修：$500,000

器材；$300,000

網頁：$250,000

入貨：$20,000

總投資：$1,112,000

▲兩個月按金，1個月上期

營業資料（2010/12）

營業額：$320,000

租金：$14,000

入貨：$150,000

人工：$60,000*

運輸：$9,000

盈利：$87,000

*中西廚各一及3個幫工

分享

讓網站一上線就造成轟動

因為，你買的新手錶可以被拍下來上傳到臉書與好友分享，兒子的一歲生日照片透過臉書與親戚分享喜悅，這些動作不再單純只是炫耀，而是讓更多人知道每一刻的生活。「這就是Web 2.0的真義，網路從單向輸入、輸出，演進到了多向互動。」林建宏說。

所 以，他們開始動手製作網站，找設計人才、工程師，「過去我們做書籤網站的經驗，就是利用社群的力量，不停的分享、傳播，網站才會壯大。」因此，在成立點點 印的起步，林建宏與陳函薇就很明確地認知到，點點印不只是替使用者將網路照片實體化，更要營造出一個對社群友善的環境，讓使用者交流、創造出更多小的群 體。

「在點點印的網站上，同樣分享親子照片的使用者，會互相討論；共同擁有攝影喜好的使用者也會群聚，貼出他們最新製作的文庫本。」陳函薇觀察，當點點印的社群功能越完備，被黏在點點印網站上的使用者也就越多。

當 他們首度創業做書籤網站時，累積下來的社群經驗，成了他們打造點點印的深厚根基，「第一次創業，有了很好的名聲，很多人認識黑米書籤，可是，名聲卻無法等 值獲利；第二次創業做影音網站，還是只想到衝流量，想的還是如何賣廣告。」可是當這兩次創業都失敗，他們認知到，廣告不會是網路創業唯一的依歸，「第三次 創業，我們明白網站要有品牌概念，使用要夠簡單，再來就是品質。」於是，社群將炫耀行為發揚光大後，影像實體化的商機無限大，這也是為什麼點點印一上線， 不花一毛錢宣傳，只在噗浪上短短一句話，兩天內就湧進了兩千人，成立一年多營收就破千萬元，會員數達十萬人，連港澳網友都風靡。因為在社群年代裡，「我」 才是社群的核心，炫耀才是社群每日必備。

點點印 www.tintint.com

成立：2009年

創業團隊：林建宏、陳函薇網站類型：照片分享製作網站

員工人數：10人

主要成績：去年營收約1000萬元

成功三祕訣

一、用品質攫獲使用者的信賴，建立品牌形象。

二、打造社群空間，讓使用者愛上點點印。

三、網站使用簡單，所有人都能上手。

賴筱凡

早前（二月二十一日）HEC CAPITAL（中南融資）在四季酒店舉行春茗，負責做司儀的崔建邦幫手吹雞，搵來謝安琪、RubberBand、吳雨霏及台灣的A Lin、黃小琥等歌手為主人家贈興外，還孖住多年來糾纏不清的唐詩詠，情侶檔同台做司儀，有錢齊 齊搵。做埋搞手

每年春茗活動都大陣仗的中南融資，今年在六星酒店設宴外，再豪花二百萬搞節目製作，令公司春茗變成TVB騷一樣。「今年單係負責表演嘅單位已經有十個，香港台灣都有。聽講公司其中一個董事同崔建邦好熟，所以個製作幾乎都係佢一手包辦。」一名公司員工透露。肥水不流別人田！撈埋節目製作策劃的崔建邦，更加益埋分手復合N次的唐詩詠，以情侶檔姿態同台做 司儀。「其實唐詩詠已經連續三年做公司春茗司儀，更何況今年公司搵咗崔建邦做統籌，唐詩詠無理由冇份囉！」除了崔建邦出面聯絡的表演嘉賓，與公司股東相熟的莫少聰，亦專程由內地返港出席春茗，並上台唱了兩 首歌。

陳文媛單拖

當晚成為大眾焦點的還有陳文媛（BoBo），卻不見男友金紫耀。「自從Philip（金紫耀）○一年辭咗唔做威利國際董事總經理後，都好少見佢同莊友堅（有細股股神的中南董事）一齊，不過BoBo間美甲店係莊友堅投資，所以BoBo同佢仲有往來。」知情者說。現場所見，當晚與女友一齊出席的林國斌，兩杯落肚後，拉住女友滿場飛，又走到台前，等RubberBand表現完，向台上的主音六號敬紅酒，六號亦十分俾面，點都飲番啖。

上個月，YouTube、facebook及各大飲食論壇均熱傳一條短片，片中廚師將一大碗熱辣辣芝士淋在一份熱狗上，金黃色的芝士與鮮紅色的番茄醬混合時發出「吱吱」聲，令人「食指大動」，這條短短九秒的短片，令到紅磡的小食店「Iconic H」大排長龍。情侶檔老闆、三十二歲的尹佩琪（Karena）及三十三歲的張君行（Brian），亦大感意外。兩人開店時本以香腸做主打，但短片熱爆後，熱狗變成主要收入來源。現時日賣三百份，上月已賺八萬元，今個月生意額更有望升多一倍！不過熱狗簡單易煮，熱狗潮未必興得耐，Brian亦坦言：「應付唔到。我哋婚禮都要推遲，又驚之後生意不保。」記者找來有兩家小店的串皇老闆Wingo，他傳授長做小食檔的秘笈。

Iconic H去年九月在紅磡必嘉街開店，隔一個街口就是賣漢堡包非常出名的「時新快餐店」，兩店都是售賣以麵包底為主的食品，打對台得來又各有各做。Iconic H主打十八款香腸配熱狗，售價由廿五至廿八元，另外配料如熱溶芝士或黑松露雞蛋則加十元，特色醬汁另外加收三元，一款熱狗閒閒哋要賣超過四十元，與十六元一個漢堡包的價錢相比，貴一大截。熱狗走貴價路線，初期每日只售出十多份，直到上個月拍了只有九秒的短片放上網，真正時來運到，生意急升。記者上週四早上十一時到鋪頭，發現還未開鋪，已有十多人在門外排隊，但因為雞蛋還未到貨，被迫遲了半小時才營業。排頭位的客人林小姐足足等了四十五分鐘才能買到熱狗。另一個飢腸轆轆的陳同學，試食過後表示：「好值得，芝士好好食，一定會再幫襯。」門外長期有人排隊，擠得行人路水洩不通，接單接到手軟的Karena開始做唔掂，男友Brian於是辭去工作，二月份全職落鋪幫手：「上個月十九號先放條片上網，之後嘅十日生意已經倍升，做咗廿五萬生意，我估今個月應該會做到五十萬生意！」雖然生意表面風光，但背後卻隱藏危機。現時兩人除了日做十五小時外，連婚期也被迫推遲，店鋪也因受困於面積及電壓所限，未能增聘人手煮食，更重要是他們擔心熱潮過後生意不保。

危機一：煮食太慢流失客人

記者現場觀察三日，雖然很多客人貪新鮮來幫襯，不怕等足一小時「朝聖」試食，但由於排隊時間太長，不少理工大學生專程來試食後向記者吐苦水指：「等得太耐，下次未必再嚟！」有部分客人亦希望增設送外賣或打電話預訂取貨服務，減少等候時間，但Karena無奈地表示很難做到：「試過俾客人打電話落柯打先，但因為唔夠人手，根本做唔切。」事實上，Iconic H鋪頭面積太細，廚房只能企四個人，要增加人手非常困難，而且也很難添置爐具去加快煮食：「當初揀鋪頭時太快決定，結果間鋪嘅電壓唔夠高，唔可以放多個炸爐去炸腸仔。」他們曾花數千元加設一個爐，希望加快製作速度，但鋪內電壓不足，最終要以十蚊賤賣。現時只有一個炸爐與鐵板爐，效率甚低。Brian每次只能炸八條香腸，每條炸十分鐘，一小時最多只可以炸四十八條香腸，連同煎蛋及燒芝士，每份熱狗製作需時十五分鐘。現時每個鐘能賣出三十多份熱狗，生意增長已差不多飽和。記者曾提出過可預先將香腸煮熟加快出貨，但Karena認為很難做到：「一來新鮮好食啲，二來我哋有十八款香腸，個個客人口味都唔同，好難話預先煮熟邊款腸先，所以要即叫即煮。」

危機一解決方法

既然煮食爐具不可以增加，唯有從款式方面着手，我覺得十八款香腸太多，應該減少款式，如每週推出其中八款香腸，每週都轉款，除了可令客人保持新鮮感，亦可以縮短煮食過程，因為只係煮八條香腸，咁就可以預先煮熟，加快整熱狗的過程，同時可以令生意額繼續上升。

危機二：香腸成本高

鋪頭現時最熱賣的產品是芝士熱狗，但其實兩人原本是想主打出售歐式風味的香腸，二人反覆試過五十多款熱狗腸，才篩選出十八款腸，但每條香腸成本卻高達十元：「我哋搵啲腸係貴嘢，如蘋果雞肉腸、辣味羊肉腸，主要供應俾酒店用，出面好難買到，都冇人肯用咁貴嘅腸做熱狗。」而招牌菜熱溶芝士，更是Brian精心調製：「我十二歲去過新西蘭讀書，喺當地餐廳做嘢偷師學返嚟再改良，用咗三種唔同嘅美國芝士混合煮成。」香腸連同芝士及雞蛋等配料，成本高昂，毛利只得五成。於是，Karena想出增加套餐，如客人買熱狗後，再加十二元，便提供汽水及薯條：「薯條同汽水成本低，拉上補下，一個套餐毛利可以升到六成幾。」不過一份套餐售價差不多要五十元，記者現場所見，只有一半客人會選擇套餐：「一份熱狗已經好飽，再叫薯條會食唔晒！」

危機二解決方法

現時香腸向不同供應商取貨，成本效益非常低，應該集中向同一間供應商買貨，同時大量入貨，從而降低食材成本。

危機三：易被同行抄襲

Iconic H獨沽一味賣熱狗，但其實當中的香腸、麵包甚至醬汁均是由供應商入貨，只得黑松露雞蛋及芝士是自己原創，很容易被人複製，就像過去幾年的急凍乳酪及愛爾蘭瘋薯熱潮一樣，開得快執得快。由於Karena擔心芝士熱狗的熱潮會很快冷卻，於是從款式上落手，例如選擇不同肉類的香腸，「一般香腸都係用豬、牛、雞混合，但紅磡區好多人有宗教信仰，所以我特登搵咗款羊肉腸，遲啲會搵埋素腸，咁就行埋素食路線。」但這樣同時將款式多、製作時間長的問題惡化。目前除了芝士熱狗外，亦推出了黑松露雞蛋熱狗及蘑菇熱狗，她故作神秘指，下個月會推出一款新產品，保持顧客新鮮感。Brian就認為不怕被人抄襲，更笑指：「做熱狗唔使學師，最重要係開鋪要好有毅力，日做十幾個鐘，而且最難係同供應商打好關係。」兩人目前每天提早一小時落鋪準備食材，收鋪後亦要花兩小時清潔，每天由中午做至凌晨才收工。其實這盤生意相當難請人，Karena試過出月薪一萬三千元連花紅，都請不到人工作，她無奈地指出：「每日凌晨兩、三點先有得瞓，我連婚期都要押後，想花多啲時間喺菜單同搵鋪。我覺得芝士熱狗係可以長遠咁賣落去，我想開多間分店，同埋可以喺鋪頭同客人一邊食嘢一邊傾偈。」

危機三解決方法

後生仔唔願捱，可以考慮縮短工時，咁會易啲請人。另外，租金貴，冇咩空間加人工。不過，教員工熟食心得，塞錢落佢哋袋，都係留人方法。

開業資料（9/14）租金^：$96,000裝修：$200,000入貨：$8,000雜費：$3,000總投資：$307,000^兩按一上

營業資料（1/15）營業額：$250,000租金：$32,000人工#：$45,000食材：$83,000雜費：$10,000盈利：$80,000#兩名老闆、一個全職員工、兩個兼職

科幻電影《星球大戰7》將於年底上畫，不少影迷引頸以待，戲中的光劍､鐳射槍已成經典。最近，銅鑼 灣有一間新開的鐳射槍戰場Lasermads，便以太空艙為主題，開業僅一個半月，食正熱潮。室內鐳射槍戰（laser tag）在外國流行多年，香港早有先行者，大部分都執笠收場。然而九十後情侶Alan（伍卓倫）和Zoe（黃俊然）「唔信邪」，找來十位好友集資，豪擲近 一百六十萬，在旺區樓上鋪開設Lasermads，上月已勁賺近二十萬，成為創業奇葩。

香港的war game場，不是開在郊區，便是藏身工廈，唯獨Lasermads，選擇落戶銅鑼灣，而且是人來人往的怡和街。走進位處商住大廈十一樓的 Lasermads，接待處如太空艙的白，裝備室和迷宮戰場的黑，加上鐳射槍的藍光，充滿科幻感。遊戲玩法簡單，以計分形式進行，在二千五百呎的迷宮裡， 用鐳射槍射中敵人身上的感應器即可得分，每節遊戲限時二十分鐘。鐳射槍戰並非新玩意，但當行家陸續執笠時，Lasermads卻一開即賺，全靠贏在以下三 回合。

Round 1地點

由於遊戲所需空間大，室內野戰場為避開貴租，大多選址二線區域，如觀塘和荃灣工廈，鐳射槍戰亦不例外。不過，Lasermads就反其道而行，一早將目標 瞄準市區。Zoe解釋﹕「由於鐳射槍戰沒有服裝嘅限制，我哋想吸納多啲walk-in客和國際學校嘅學生，所以選址好重要。我同Alan都住喺港島，對呢 區最熟悉，港島嘅人一定會去銅鑼灣。」市區租金不但昂貴，要找到合適鋪位也不容易，Alan和Zoe單是搵鋪已用了三個月，由銅鑼灣、灣仔、炮台山、北角 到鰂魚涌，看過不少樓上鋪。「好多（鋪位）都啱心水，但業主聽到我哋做laser tag，佢哋完全無概念，以為娛樂場所，怕我哋嘈親樓上樓下。」Zoe笑指：「仲有不少業主以為war game會整爛牆，唔租俾我哋。」最後選擇怡和街商廈，全層三千呎，連管理費月租約十一萬，貪其距離港鐵站僅兩分鐘路程，而且大廈樓上樓下有網吧和酒吧， 人流暢旺。「開喺旺區，人流旺，慳番唔少宣傳費。」Alan表示，時值暑假，平日下午，確不時有年輕walk-in客結伴而來，不少女士穿著熱褲、短裙也 可幫襯。

Round 2定價

坊間鐳射槍戰收費大約為二百至三百元，每節四小時，而且規定某個人數才玩得。Lasermads在旺區開業，定價自然不便宜。一節二十分鐘，每人收費九十 八元，兩節則優惠價一百五十八元。Alan為吸引喜歡即興及嘗鮮的年輕人，採用每節時間較短､定價限於一百元內的策略。二千五百呎的迷宮，最多只能容納十 二名玩家，玩法分個人賽及隊伍賽，二人以上已可以參與，若人數較少，職員會落場陪玩。另外，玩家在中彈後靜待四秒更可復活，一改傳統war game中彈離場的規例，令不少命中率較低的女士可以由頭玩到尾。現場所見，短短二十分鐘，不少男女均可玩足全場，離場時大呼﹕「好正，好似做咗 exercise（運動）咁。」

三招揮低行家

Round 3硬件

場景亦是Lasermads的優勝之處。以往的鐳射槍戰生意，大部分都仿照傳統war game場，用鐳射槍配以真實場景，兩者格格不入。Lasermads裝修以太空科幻為主題，營造一個太空戰場。曾在理工大學讀設計的Zoe指，自己很喜 歡看科幻片，「差唔多全部（科幻片）都睇過，接待處的設計，係參考電影《Star Wars》嘅太空船，配以緊張刺激嘅音效，客人嘅投入感就大得多。」另外，裝備同樣重要。Alan指，全球laser tag的供應商有二十多間，他們逐一問價，發現最平十五萬已經有一套十二支槍。「最後揀咗最貴嘅槍，一套要四十萬，因為套槍附有會員system，可以記 錄用戶名稱、槍嘅喜好設定，而且有積分累計。」Zoe表示，香港人要求高，並非「玩完，開心完就算」，故她會為每位玩家製作一張計分表，顯示一節遊戲中， 玩家共發射幾多次及準繩度，並提供其他對手的分數作比較。已玩了十幾次的熟客Jessy和Matthew指，有時一日會玩兩次，「最鍾意同陌生人對戰，可 以唔留情面去射擊。」Matthew笑說，最開心是突破自己的積分紀錄。

九十後情侶集資開鋪

開業短短一個月已門庭若市，Alan和Zoe總算不負朋友的信任。原來，由於開業資金龐大，單靠二人合資太過吃力，他們便四出游說朋友一齊搞生意。短短一 星期內，已得到十位朋友支持。「大部分投資者都係我哋身邊嘅好友，都是九十後，有些只係投身社會工作數年，就將全部嘅積蓄都投資喺呢盤生意上。」Alan 表示，他和Zoe曾在四年前創辦online marketing公司，月賺六萬，令不少朋友都對他們的新生意有信心。股東之一的Jeremy說，雖然之前未曾玩過鐳射槍戰，但知道香港現時沒有同類生 意，可吸引一定人流。雖然開業成本高，有一定風險，但他指只是投資幾萬元，故不擔心。現時，平日場地只有四成滿，部分是公司包場，週末則有八成滿。兩位老 闆均表示未有開分店的打算。「香港地租金昂貴，與其開分店分薄客源，倒不如專注一間店，賺最多的利潤。」Alan透露，現時已有內地公司欲與 Lasermads洽談特許經營，但Zoe指大陸的市場與香港不同，太難捉摸，現階段仍在商討中，「我哋有同其他公司傾緊合作，可能會搞speed dating，將場地用到盡。」

開業成本（06/2015）

租金#$330,000器材$600,000裝修$600,000雜費$20,000人工^$35,000總投資$1,585,000#兩按一上^Lasermads 6月15日正式營業，故人工為半個月總數。

營業資料（07/2015）

營業額$398,000租金$110,000人工*$70,000雜費$20,000盈利$198,000*4位全職，2位兼職

一點意見

泡泡足球Hyperspace負責人Jerome1.等候區面積太小，若多walk-in客時易起混亂。2.裝備上可以更靈活，不只局限在室內war game場地，移師到其他地方也可以玩會較靈活。3.可與其他公司有更多的合作，如泡泡足球，會有更多新火花和玩法。

撰文：蔡璿驩攝影：鄭樹清[email protected]

近日文憑試開考，考生戰意高昂，有的更認為：「唔可以入唔到大學！」、「入到大學先搵到好工，搵到好工先有好嘅前途！」九十後關志豐（Ken）及何詠凡（Winnie），對這些觀點卻一點也不認同。兩人在中一已就讀同一中學，到中五開始邊拍拖邊網上賣手袋，其後開設行李部，轉賣行李喼。升大學，更特意一同選讀城市大學公關系，讀到最後一年，見賣喼生意愈做愈有，竟雙雙「quit u」，專心做生意。他們都揚言：「我哋嗰科無乜前途，快啲出嚟做生意仲好！」但「創業難，守業更難」，雖由網上轉戰旺角樓上鋪，食正近年廉航潮，月賺高達七萬。但二人除了要氹掂要求多多的空姐客人，更曾面對MK大漢「挑機」，他們又如何拆解？

訪問期間正值長假期，開店前兩位老闆原以為港人都出外旅行，老闆之一Ken指：「復活假之前已忙咗輪，今日應該唔多人o架啦。」怎料下午三時開始人流湧至，訪問亦被迫中斷。就現場所見，不少顧客都明顯有備而來，在手機上「碌碌吓」，詢問兩位老闆款式。由於沒有請店員，兩位老闆難免有點手忙腳亂，但客人大多都不介意等待。其間更有空姐專誠到店鋪拿貨，對於要求多多的空姐，Ken亦不怯：「呢個款啱短途機」、「個色今晚之前仲有得轉」，不斷製造話題之餘，更主動教空姐如何保養行李箱：「記得拉鏈位唔好整花，保養唔保o架！」怪不得其中一位空姐Jan，在兩個月內已介紹二十位客人給他：「都係同一屆訓練嘅同學，佢都特登平俾我哋，我見用得幾好咪介紹俾其他同學。」

未畢業創業有團火

「一開始邊有講得咁流利，都係憑經驗累積！」二十四歲的Ken，記者看不出他已有逾八年工作經驗。他自命不是讀書材料，又碰上末代會考，早已打算投身社會。偏偏他又夠分升讀中六：「中五時已開始做生意，一開始喺大陸廠房入貨，再拎啲手袋去Yahoo!拍賣，放學時交收。之後發現愈嚟愈多人咁做，咁我就轉做賣喼。」在網上賣了三年多行李箱，二人儲了四萬多元，決定到旺角好景開實體店。Winnie回想起風險其實頗高：「我哋都無問屋企人攞錢。大部分嘅錢都用來入貨，如果一個月都賣唔出都幾危險，曾經試過一次真係周轉不靈，惟有問媽咪賒咗幾萬蚊數，一、兩個月後就還咗。」生意愈做愈有，二人開始考慮未來路向：「嗰陣讀緊year 3，生意上咗軌道，愈嚟愈忙，開始兼顧唔到讀書，我哋就諗如果就咁唔做，但係畢咗業就未必有呢團火，屋企人起初都反對，但最後都決定唔讀。」

閒日賣平過SOGO

店鋪一開始，都是賣大陸「雜廠牌」行李箱，他指「雜廠牌」雖然毛利較高，但如要開實體店，始終要售有牌子的貨品，保持店鋪形象：「我揀咗Delsey同American Tourister，就係因為佢哋有三年全球保養，維修幾多次都唔加錢，其他牌子好少做得到。」由於兩個牌子都在百貨公司有售，樓上鋪要接洽都花了不少工夫：「大牌子最少都要入一百隻，近十萬蚊貨，我要開鋪一排先儲到錢。一開始求佢哋俾幾隻款我哋試，應承佢哋每個月可以賣幾多隻，佢哋仲特登上過嚟睇吓環境，最後都肯應承。」他透露不少客人知道品牌在一田、SOGO等大型百貨公司都有售，令營業額提升。他們坦言，行李箱在一般百貨公司的專門店，大約有三至四成利潤，樓上鋪比專門店可以賣平一點：「我哋毛利大概百分之十至十五左右，來貨成本一定比專門店佢哋貴，如果賣一樣價錢，我哋就唔使做，所以佢哋零售價會高少少，俾生存空間我哋。」由於百貨公司定時都會舉行大減價，這時候價錢就會比他的店平：「一年都係得幾日，我哋都唔會特登減價去鬥，免得破壞同大家嘅關係。」

引客落鋪睇

對於不少小店都流行用facebook及Instagram宣傳，但Winnie指相比衫褲鞋襪，要宣傳行李箱較為困難：「衫嗰啲都預計到size，但係喼客人就比較難預到幾重。就算同個客講二十八吋，佢哋都唔知幾大，我哋惟有喺網上好詳細咁講用咩料，張相影靚啲，再吸引佢哋上嚟。」他補充在網上的貨都不會寫價錢：「試過寫，隔籬網就會跟你個價再平少少，最後只會一直鬥落去。」除了在社交網絡宣傳，他們連日漸衰退的團購都不放過，二人皆指團購網賣貨「無肉食」：「一嚟啲網站每件貨都要抽佣，二嚟團購個價又唔可以貴，所以幾乎打個和。放上去主要都係為咗多啲人識，同埋去多啲貨。」但試過有團購網「走數」：「爭咗我十幾萬，拖足我三個月，依家仲有四萬未還。」

童顏惹MK挑釁

年紀小小就成為老闆，竟然引來顧客眼紅。Ken指出，因自己樣子不夠「老成」，在開鋪初期成為障礙：「試過有次有客行入嚟，問我係唔係老細，如果話係，個樣就好唔忿氣；如果話唔係，佢就會話一睇就知啦，俾心機，捱吓啦。」他指有不少客人因自己年齡問題，故意留難後離開，亦曾經試過客人在店內要脅向海關舉報：「佢買咗個喼唔鍾意，想退錢，我話只可以換款，佢就發爛渣話我賣假貨，最後我惟有打去專門店確認，佢先知難而退。」最誇張一次就是引來MK大漢挑釁：「嗰陣係個客訂咗四隻喼想嚟拎，但係我哋未齊貨，佢講晒粗口，除晒錶要我出走廊，撩交打咁款，咁我梗係死都唔出去啦，最後佢都無辦法走咗。」

毛利漸少求出路

兩位老闆直言，現時店鋪盈利的確有所下降：「自由行的確有影響，之前好多旅客喺下面買完奶粉會上嚟買喼。同埋愈來愈多新嘅競爭者，依家惟有薄利多銷。」他認為最終出路是要有自己的品牌：「我依家做嘅嘢，其實同專門店sales無分別，我知道做一個新嘅牌子好難，但係呢幾年最清楚啲客需要咩，如果唔趁後生試，過多幾年先去做仲更加難！」談到退學，二人異口同聲地指未曾後悔：「將來賺到錢一定會繼續讀，到時用自己錢去外國讀書！」

開業資料（好望角店，06/2015）租金 #二按一上：$60,000裝修：$60,000傢俬器材：$10,000入貨：$400,000雜費：$20,000總投資：$550,000

營業資料（03/2016）營業額：$255,000租金：$20,000人工（兩位老闆）：$20,000入貨：$140,000水電等雜費：$5,000盈利：$70,000

搭廉航揀咩喼？Ken指，各間廉航對於行李負重及尺寸都有一定限制，所以要小心留意才選購，他對於選購行李箱有以下心得：（1）相比起鋁邊行李箱，有拉鏈的行李箱更適合，因為輕身約一公斤，而且容量更大。但當要攜帶易碎行李時，鋁喼就較佳。（2）因國際民航安全要求，到美國需要選購有TSA鎖的行李箱，因為當地執法人員有權突擊檢查行李，如沒有TSA鎖的行李箱就有被撬爛的風險。（3）現時主要行李箱以四隻轆及八隻轆為主，他指八隻轆更穩定，就算重心不平均都不會向前傾，但四隻轆的行李箱使用時相對較靜。

撰文：梁延宇攝影、攝錄：廖健昌[email protected]

一班朋友的聚會中，總有一個是雞翼控，但每每考慮到「噒骨」的狼狽樣子，少不免令人有點卻步。好包由今年分別23及24歲的情侶Vincent和Kay開設，Kay笑說自己很喜歡吃雞翼，為了吃得方便又優雅，他倆創出無骨雞翼包。今年6月初，他們更在元朗開店，除了賣無骨雞翼包外，還將素食及日式料理的元素融入意大利包之中，在優閒的日常中添一點新意。

我哋最好賣係香蒜椒鹽雞翼包、蜂蜜雞翼包、秘製慢煮豬腩肉包同焦糖洋蔥大啡菇包，平時晏晝都幾多學生同街坊嚟食！」每個包售價由$32至$42不等，Vincent一身大廚功架，負責食物製作，Kay則負責宣傳及行政，2人打理小店時甚有默契。

歐遊回港賣包

13年，2人經朋友介紹認識，隨後更成為情侶。「大家各有自己嘅工作，好難夾到時間見面。Vincent鍾意煮嘢食，我可以處理行政事務，於是萌起創業念頭，想開一間食店。」15年，他們齊齊辭職，先去旅行放鬆心情，Vincent表示：「去到瑞士、法國，見到有賣意式包嘅食店，香港好似唔太出名，但食就好方便，覺得幾適合喺香港賣。」回港後，在朋友的幫忙下，他們與堅尼地城一間小店合作，「佢喺前鋪賣啤酒，我哋喺後面賣包，晚市就做私房菜。可以一齊分擔租金，又可試下水溫。」至於為甚麼會想到用無骨雞翼包當主打，Kay笑說：「我好鍾意食雞翼，同埋覺得雞翼係每個家庭都鍾意食嘅餸，但好多人覺得有骨好麻煩，所以唔會見有人用雞翼做包嘅餡料。我哋考慮過呢個問題，就決定拆骨，等大家食得方便又開心。」

自己焗包

Vincent表示雞翼拆骨技巧不算太難，熟能生巧，多多練習便可；反而是焗意大利包比較花時間，「搵過幾間供應商都覺得唔夾，一係太硬一係太多氣泡，口感問題。於是打算連包都由自己焗，我試咗3個月先成功，因為意式包水分多，又要等發酵，分量、時間同造型都好難控制，試過太硬、太扁。」15年10月，好包正式營業，但反應未如理想，Kay說：「鋪頭位置人流唔夠，好靠網上宣傳，冇咩街客，於是想轉鋪。」今年年頭，他們徹出堅尼地城，物色更適合他們的鋪位及改善經營方式。「我哋都住喺元朗，所以揀近自己社區嘅鋪，熟悉啲。」

迎合不同客人口味

另外，有了一次開鋪經驗，令他們考慮更多因素，Vincent表示：「今次由我哋兩個撐起間鋪，餐牌要迎合唔同人嘅需求，要諗多啲款式嘅包。例如大啡菇包，適合素食人士同埋想食少啲嘅女士；吉列豬扒平時都見多人食，所以試下夾埋落包；慢煮豬腩肉，坊間用慢煮已經唔多，我仲用咗香草、香茅同八角去調味，都幾新鮮；仲有，我鍾意食青咖喱，所以試埋整青咖喱包，估唔到又幾多人鍾意食！」好包位於元朗西菁街，鄰近市中心，所以人流不錯，Kay說：「我哋睇過附近仲有好多中學，都幾多學生客，晏晝過嚟食個包做lunch啱啱好。客人比以前多咗4至5倍，同埋我哋用open kitchen方式，大家睇住我哋整，吸引多啲人過嚟。」

客人等到黑面

好包於6月開張，Kay表示因店沒有一個室內的等候位置，及包即叫即製，每個需時10分鐘，故天氣熱時，客人等得太久便會黑面，「都有睇過客人臉色，惟有安慰下佢哋，但要笑住講，語氣唔可以太強硬。」Vincent試過最極限是一天內造150個包，「有時會聽客人意見去改善，有次話啲豬腩肉唔夠腍，我就諗方法整到易入口啲。」為了解決太熱問題，除了賣包賣飯外，他們還賣凍飲，「我哋放多兩部大風扇喺門口，希望遲啲涼啲會有改善。」Vincent和Kay是飲食業的新手，所以會花多點時間了解元朗區人的飲食習慣，以日後開設餐廳為目標。

Claire Nelson（客人）：我哋上網喺「食在元朗」facebook群組，見到好多人介紹呢個包，話好軟好好食，所以嚟試。我哋覺得無骨雞翼真係食得幾方便，我最鍾意香蒜椒鹽雞翼包，好香口！

開業成本

租金：$ 30,000器材：$350,000裝修：$200,000總投資：$580,000

每月收支（6月）

預計營業額：$150,000人工：$30,000（1位員工，老闆2位）入貨及雜費：$50,000租金：$30,000預計盈利：$40,000

facebook@Couple & The Bao 好包

撰文：霍芷晴攝影：劉宇軒