分手兩個月即有新女王宗堯攬蔡潔玩航拍
1 :
GS(14)@2016-07-17 16:01:39【新歡】■王宗堯失戀兩個月，前日帶新女蔡潔去數碼港玩航拍機，蔡潔更表現興奮。
【數碼港】現年37歲的王宗堯，去年10月在Instagram洩蜜，自爆戀上今年只有22歲的模特兒黎紀君（Christy）。雖然二人年齡有15年差距，但發展一日千里，經常在網上大晒甜蜜照，可惜快樂時光只維持了8個月，今年5月王宗堯在Ig留疑似分手留言後，Christy隨即亦承認分手。雖然分手後，王宗堯一度堅持二人是處於冷靜期「暫時分開吓」，但分手兩個月，王宗堯似乎已冷靜完，更找到新女伴，對方正是現年27歲、在電影《香港仔》有大膽全裸演出的蔡潔。
■抵達數碼港，王宗堯先砌機，蔡潔幫忙看說明書。
■王宗堯一手搭着蔡潔膊頭，將她甜蜜擁入懷。
■約女斷正，王宗堯指對方不是女友，但不排除會發展。
表現合拍
前日約下午5時，本報記者在數碼港發現王宗堯的座駕，他載着蔡潔先在狗公園附近泊車，然後抽着一個黑色箱與蔡潔行入公園，原來箱內放了一部航拍機，王宗堯負責砌機，蔡潔負責看說明書，相當合拍，途中更見王宗堯從後攬着蔡潔，頗為親密。
【前度】■王宗堯跟黎紀君拍拖8個月便分手。
「認識吓先」
昨日記者再致電王宗堯恭喜他有新歡，他即說：「未恭喜住，你哋真係好犀利，我去放飛機但係放唔到，都俾你哋影到，真係好大鑊。我哋仲未拍拖，只不過係約埋一齊去放飛機，因為我upgrade咗之後都想試吓，呢啲係新穎嘅玩意。」王宗堯又表示：「要大家認識吓先，好多嘢都要睇定先，唔係話唔好，講真我啱啱分手冇幾耐，再加上大家成熟，始終有啲嘢可以睇定啲，得閒咪傾吓偈，好多嘢都可以溝通吓。」其實王宗堯之前已在ViuTV節目公開讚蔡潔，問他可擔心戀情見光死？他說：「唔知喎，暫時唔覺得係要擔心，而家算係發展中，佢又單身、我又單身，唔使特別避忌，隨緣喇。」採訪、攝影：徐錦池、潘冠恩
來源:
http://hk.apple.nextmedia.com/entertainment/art/20160717/19698023
蔡潔激咀BabyJohn冇交代
1 :
GS(14)@2016-08-11 06:08:36蔡瀚億（BabyJohn）及蔡潔在主演電影《江湖悲劇》中有激咀及動作戲，二人日前於灣仔接受本報訪問，BabyJohn說：「場咀戲拍咗好多個鏡頭，睇番片原來好激。」
■BabyJohn在《江》片中啜爆蔡潔。劇照
剛與王宗堯拍拖一個月的蔡潔表示拍攝時未認識男友，所以不用向對方交代要拍親熱戲，蔡潔說：「半年前係唔識，之後見過幾次同傾偈。」她不會介意王宗堯的情史，並坦言鍾意男友靚仔，問會否擔心與男友的前度作比較？蔡潔說：「冇得驚，每個人都有經歷。」王宗堯曾透露擔心意外懷孕結婚，蔡潔聞言驚訝地說：「吓！點解？我唔相信會發生。」採訪：張俊銘攝影：陳俊強
來源:
http://hk.apple.nextmedia.com/entertainment/art/20160811/19731155
風騷讚蔡潔越嚟越靚洗米華孖老婆敬酒
1 :
GS(14)@2016-12-04 17:34:15■（左起）黃柏高、洗米嫂與洗米華一起敬酒的畫面已經很少見，看來洗米華兩公婆的關係真的大為改善了。
太陽娛樂老闆周焯華（洗米華）雖然已有正印老婆陳慧玲（Heidi）和女友Mandy Lieu，但仍不離風流本色，前晚他到將軍澳一酒店出席旗下公司聖誕派對時，恰巧蔡潔剛抵達，記者要求二人合照，洗米華即風騷說：「嘩！撞鬼咩你？乜你越嚟越靚㗎！」昨日問蔡潔男友王宗堯會否擔心感情有變化？他表示：「少少啦！最近我閉關，好少見到佢（蔡潔）喎！」
■洗米嫂帶兩個女兒周梓潼（左）和周善潼出席聖誕派對。
■洗米華當眾讚蔡潔越來越靚，搞到王宗堯都表示有些擔心。
■打扮性感的崔碧珈，與曾國祥一同現身會場。
■（左起）洗米嫂、薛凱琪、黃柏高，劉浩龍及董事Alex前晚出席公司的聖誕派對。
帶女後門離開
前晚宴會太陽旗下藝人方力申、劉浩龍、許志安、曾國祥、薛凱琪（Fiona）、沈震軒等都有到場，但焦點卻是洗米華再次與老婆Heidi合體。雖然洗米嫂要求離婚，但洗米華和家人仍在挽救這段婚姻，連太陽集團的董事都希望二人和好，所以經常製造機會給他們同場。據悉前晚洗米嫂比洗米華先到場，兩人被安排同坐主家席，現場人士爆料指他們表面看來完全不像婚姻出現問題，有講有笑，洗米華經常主動貼近老婆身邊聊天，而洗米嫂不時面露笑容，洗米華更主動邀請老婆一齊向賓客敬酒，難道洗米嫂態度軟化了？現場還有一個特別現象，一般這類有藝人在場的派對，出席的員工及家屬多會找藝人合照，但這晚反而甚多人向洗米華兩夫婦集郵。這位靚太之後先帶兩個女兒從後門離開，稍後又在Instagram上載派對相片。洗米華離開時被問到聖誕打算在那裏度過，他笑笑答：「咦……呢啲嘢點可以話得你知㗎！」另外，Fiona受訪時提到近日圈中喜事多，就話替大家高興，但她誠心告誡一班姊妹：「千祈唔好因為去得朋友嘅婚宴多，思維其實要清晰啲，唔好一味得個恨，唔好覺得人有你又有，人要你又要咁。」採訪：卓寶花攝影：孔子、吳耀輝
來源:
http://hk.apple.nextmedia.com/entertainment/art/20161204/19854225
【馮仁昭四圍超】半年情玩完王宗堯被蔡潔狠飛
1 :
GS(14)@2017-01-18 22:21:23■王宗堯同蔡潔舊年被本報影到拍拖玩航拍。資料圖片
王宗堯上年被模特兒女友黎紀君（Christy）狠飛，點知新一年再次被分手，大前晚開始王宗堯在網上尋人「其實消失係咩玩法呢？」、「First day back！三個月，一些些改變了，有些東西已經返唔到轉頭」，言語之間，疑似同女友蔡潔嘅半年情出現咗問題。
■蔡潔話因為做嘢關係，同宗堯溝通嘅時間都少咗。資料圖片
■王宗堯噚日話蔡潔唔見咗人，唔清楚佢去咗邊。
「想當面傾吓」
馮仁昭噚日訪問王宗堯時，提到Instagram留言問「其實消失係咩玩法」，佢話：「總之有啲人唔見咗，唔係好清楚佢去咗邊，冇乜答覆、冇乜回應，暫時唔知乜嘢事，所以睇定啲先！」咁?家同蔡潔係乜嘢關係，佢竟然爆咗一句：「唔係好特別清楚，所以首先要搞清楚件事先。」宗堯仲用劉青雲、郭藹明夫婦打咗個比喻：「我成日覺得如果你可以好似青雲咁就話，有一個人可以係太空總署，你架飛船飛走咗，做完戲，咁大家有個共識係好嘅，唔知！咁未必一定係得嘅，其實都想當面傾吓，搞清楚件事先嘅。」?;家唔知蔡潔身在何方，但宗堯好想得到一個答覆：「係乜嘢一回事，自己都係想有個知字。」怕唔怕無疾而終？佢皺一皺眉話：「唔知㗎！唔敢諗太多，暫時好多嘢都係未知數，唔敢做太多假設。」這邊廂宗堯希望當面講清楚，那邊廂嘅蔡潔接受本報訪問自認分手：「因為工作關係，大家相處同溝通嘅時間都少咗，所以經過呢段時間，我覺得都係專心喺工作方面先。」撰文：馮仁昭
來源:
http://hk.apple.nextmedia.com/entertainment/art/20170118/19900092
王宗堯蔡潔唔夠半年玩完《夜蒲》肉博舊愛DaDa
1 :
GS(14)@2017-03-23 06:27:25一講王宗堯，相信好多人第一個反應係：「男神呀！」身為男神，38歲嘅王宗堯嘅感情生活一向都大家關心嘅話題，而且佢嘅對象都一個其通點，就係身才非常好。
DaDa陳靜「百果園E神」呢個名係咪好耐冇聽過呢？不過DaDa呢個朵同身材真係一時佳話，佢同王宗堯08年喺朋友介紹底下認識，兩人拍拖一年幾之後就分手。之後喺11年拍《喜愛夜蒲》時，DaDa同王宗堯仲要拍肉博親熱戲，DaDa仲話冇尷尬好有默契o添。陳詩雅陳詩雅身為Angelababy師妹，喺15年就被影到同王宗堯喺街頭打得火熱，王宗堯仲好肉緊咁一手攬陳詩雅入懷，然後就啜啜，淨係睇字都有畫面呀唔係講笑。估唔到肉緊過後，王宗堯接受訪問時好老尷咁話：「認識很久的朋友…了解中！」
Christy黎紀君15年10月，王宗堯就承認「已封盤」同Christy穩定發展中，Christy本身讀書時期已經係ig女神，經常大方晒身材。不過到16年5月，王宗堯出席活動時殘爆認分手，仲話唔想變成敵人。蔡潔王宗堯同蔡潔喺16年7月被爆一齊，仲一齊去到數碼港玩航拍機o添。當時王宗堯仲要起唔到機，睇番都幾搞笑，不過此情此景o依家睇唔到喇。因為兩人拍拖唔夠半年就分手，王宗堯話自己係「被分手」，聯絡唔到對方，仲喺fb留言：「其實消失係咩玩法呢？」睇返咁多段關係，王宗堯都係傳被人飛，估唔到男神都有弱點；不過唔緊要啦，聽日一定會好天嘅。
來源:
http://hk.apple.nextmedia.com/entertainment/art/20170322/19966340
蔡潔未向阿澤道歉
1 :
GS(14)@2017-06-10 12:55:58蔡潔昨晚與張孝全及張可頤等出席Fox劇集《香港華爾街》煞科宴，提到早前杜汶澤在奇妙節目《杜汶澤食住上》找來其前男友王宗堯做嘉賓，阿澤指蔡潔在開拍電影前一星期，以影響內地市場為由，突然拒拍他的戲。問到跟阿澤的恩怨，蔡潔回應說：「要借你哋講番，如果令到劇組不便，就唔好意思，當時自己傾緊另一個project，冇辦法接到。」問蔡潔會否覺得委屈？她說：「工作上都有好多誤會，如果令到佢唔舒服，就唔好意思。」她表示沒有機會向阿澤道歉。是否因內地市場，拒接阿澤的戲？她說：「作為演員，只會考慮演員職責，公司係考慮演員規劃。」採訪：黃曉妍攝影：陳慧安
來源:
http://hk.apple.nextmedia.com/entertainment/art/20170607/20046777
Next Page