| ||||||
大學教育資助委 員會（UGC）主席查史美倫辭職，政府宣佈由鄭維新補上，九月二十日生效。查太職務繁多，自鄭海泉於滙豐退休，查太進入滙控做非執董之後，經常要到倫敦總 部開會，飛得多，就比較難集中於UGC事務，查太係一個好責任心重嘅人，既面對艱難抉擇，唯有辭去UGC主席一職。此職位係眾多公職之中，一個十分難應付 嘅職位，幾乎等於一個全職（full time job），既要對外應付八間大學校長、校董會主席，對內要協調教育局長、眾多UGC委員之不同意見，而位位都係能言善道，學識博厚嘅教授學者、高級行政人 員，少一份腦汁，少一分努力，都難以做呢個位做得好。 接任人鄭維新向來作風低調、爾雅溫文，做市建局主席之時，一切對外事務都交由行政總裁 負責，唔似得今天之市建局，我地只識張震遠主席，行政總裁似乎隱形，記者都唔記得佢個名。鄭維新係永泰集團五位兄弟之中嘅四哥，鄭家可能家山風水好到極， 鄭氏一門五子一女，除咗鄭千金少為人知之外，五位兒子都巴閉之至，揚威香港星加坡兩地，顯赫一時。數一數，大哥Edgar鄭維健博士，美國聖母院大學畢 業，在聖母院大學醫學院做過教授，在香港做過教資會主席、香港聯合交易所主席、中央政策組首席顧問、中大校董會主席；二哥Christopher鄭維志畢 業於聖母院大學、哥倫比亞大學MBA，係馬會董事、香港大學校董；老三鄭維強係永泰集團主席兼董事總經理，有星加坡公職王之稱，自印第安納大學畢業、芝加 哥大學MBA，在星加坡無人不識，公職多到數唔晒；老四就係Edward鄭維新，在康奈爾大學讀政治及經濟，後到牛津攻讀法律，得碩士學位，有律師資格； 老五Edmund鄭維榮在西北大學讀理科，再到卡納基梅農大學讀建築學，在星加坡做過旅遊局主席，現任星加坡藝術局（National Arts Council）主席，五兄弟都讀書叻，做事有成就，同時在香港及星加坡兩大金融中心喺政治、商業、藝術、教育方面發揮影響力，在芸芸華人大家族中，實在 罕有。港大黃紹倫、鄭宏泰兩位教授，快快研究呢個潮州家族。 | ||||||