ZKIZ Archives


千嬅為囝囝扯火

1 : GS(14)@2015-06-10 08:23:00

昨日有報道指楊千嬅養病時,日前偕兒子Torres求診,聲稱患手足口病,但本報昨向千嬅求證,她否認說:「啋!我個仔不知幾健康,嗰日只係做體檢,佢今日(昨日)先同爸爸去踩單車,好心啲人唔好咁黑心,噏得就噏!」千嬅早前因呼吸系統嚴重感染,醫生認為她不宜操勞,最後經理人公司決定將她於本周六在的廣州演唱會延至8月29日,但之前接下的內地綜藝節目,因要遷就其他藝人而不能改期,千嬅只好頂硬上與老公丁子高赴澳洲拍攝,她說:「製作方對我好好,搵埋醫生同行,所有操勞同危險遊戲都唔使我做,只需我拍兩日就搞掂。」採訪:鍾國仁





來源: http://hk.apple.nextmedia.com/entertainment/art/20150608/19175897
千嬅 嬅為 為囝 囝囝 囝扯 扯火
PermaLink: https://articles.zkiz.com/?id=290729

【迎猴年】為囝囝變女強人林雅詩洗走負能量

1 : GS(14)@2016-02-08 03:24:48

■去年經歷老公疑似偷食兼婚變的林雅詩,日前提早去浸浴洗走負能量。攝影:陳志嵐


去年因老公疑似出軌斷正,決心斬纜結束10年婚姻的林雅詩(Grace),回復單身後一直努力工作賺錢,決意獨力撫養兒子,今日是年廿八洗邋遢,所以她提早跟足農曆新年習俗,實行浸浴洗走霉氣應節。雖然拍攝當日正值強烈寒潮持續襲港,不過Grace一於冇有怕,希望在猴年有一個新開始。撰文:何慧斯



還有兩日就是農曆新年,現時獨力撫養兒子的林雅詩,復出後馬不停蹄頴銀,但新年習俗仍會做到足,她說:「我會繼續派利是㗎!我覺得呢樣係開心事,今年我會安排一個family trip畀囝囝、媽咪同Uncle、細佬同埋佢女友,雖然我囝囝都試過同婆婆一齊去旅行,但係今年我想更加warm啲、熱鬧啲,亦希望囝囝唔會覺得有太大轉變,好彩佢都OK,我仲同囝囝講農曆年會陪佢多啲,希望可以有8、9日時間陪佢,所以新年前要趕晒所有工作。」



逃出離婚陰霾

由全職主婦變做身兼家庭和事業的媽媽,面對這個轉變,Grace努力工作賺錢的同時,亦不會忽略照顧囝囝,她坦言是自己和兒子的一個學習的好機會:「而家佢對我啲工作好有興趣,好似前排我上咗內地拍電影,我哋成日都視像,我都有畀現場啲嘢佢睇,佢都好似好奇同好有興趣。」她還說:「仲有一次我約咗一班好耐冇聯絡嘅小學同學聚會,我囝囝經過我食飯嘅地方,好開心話想上嚟搵我,仲要同啲auntie傾到唔捨得走,以前佢唔會咁樣,可能佢想我多啲時間陪佢,亦都想了解我做緊乜,所以你問我,而家對我哋嚟講,係一個好好學習,教識佢做嘢係咁樣,畀佢睇吓原來媽咪做嘢係咁。」



■浸浴前,林雅詩預先準備好浴鹽放進浴缸。

■林雅詩銳意過新生活獨力養子,希望新一年沖走霉氣。

■一向愛錫囝囝的林雅詩,上月被拍到帶兒子去掃玩具。資料圖片



已經走出離婚陰霾的Grace,無論在工作和生活態度上都明顯樂觀和積極,她有感而發地說:「經過呢個情況,嘗試過好唔開心,情緒好低落同失控、爆喊,仲要做啲好儍嘅嘢,但係我覺得係時候要企出嚟,做一個強壯啲嘅女人同媽咪,唔想畀小朋友有太多負能量。我真係好感恩,身邊好多朋友好錫我,又幫我搵工,嚟緊我會有啲大計,好似會出飲食書,教人做小朋友餐盒,又會做吓啲關於飲食嘅網上節目,仲有做飄移車手。」場地提供:VEGAS360





來源: http://hk.apple.nextmedia.com/entertainment/art/20160206/19481570
猴年 為囝 囝囝 囝變 女強人 林雅 雅詩 詩洗 洗走 走負 能量
PermaLink: https://articles.zkiz.com/?id=295491

【馮仁昭四圍超】岑潔儀為囝囝

1 : GS(14)@2016-08-07 02:03:57

岑潔儀噚日現身灣仔BB展為BB食具用品推廣,佢話啱啱一家去完大馬探老爺奶奶,玩完又要投入工作,雖然係唔捨得囝囝,但係暫時都唔想佢曝光太多,所以唔會帶佢出席活動,佢話:「不過如果有人邀請拍廣告,都會視乎乜嘢產品,當然係以有機產品做首選,因為自己都餵哺母乳。」現場就有唔少潔儀囝囝嘅粉絲話好想見佢個仔嘅真人,所以稍後佢嘅簽書會會計劃帶埋囝囝出席。撰文:馮仁昭





來源: http://hk.apple.nextmedia.com/entertainment/art/20160805/19723165
馮仁 仁昭 四圍 岑潔 潔儀 儀為 為囝 囝囝
PermaLink: https://articles.zkiz.com/?id=304608

童愛玲為囝囝護駕

1 : GS(14)@2017-04-22 10:49:55

童愛玲帶了兒子王子毅(Kyle)和母親經常三代同堂出遊,他們近日到日本大阪旅行,日前去了奈良公園餵鹿,Kyle被四隻為食餓鹿圍着問攞手中食物,嚇到他心慌慌,媽咪童愛玲見狀即上前護駕,為囝囝撐着餓鹿,又用食物引開牠們,場面十分搞笑,日前童愛玲說:「因為下個月返唔到台灣陪媽咪過母親節,所以見有假期,就提早帶佢去大阪玩吓。」



緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170422/19997512
童愛 愛玲 玲為 為囝 囝囝 護駕
PermaLink: https://articles.zkiz.com/?id=331346


ZKIZ Archives @ 2019