ZKIZ Archives


陳展鵬新歡情路重創單文柔遭閨蜜出賣

1 : GS(14)@2017-03-22 00:31:30

■陳展鵬上周載單文柔到山頂開餐談心,被本報記者撞破時一臉愕然。資料圖片



原本寂寂無聞的27歲落選港姐單文柔,日前被本報記者撞破跟陳展鵬到山頂開餐而知名度大增,有傳二人已拍拖半年,熱戀中的單文柔情路曾受重創,有讀者爆料指她早年被閨蜜出賣,撬走交往多年的男友。正在上位的陳展鵬雖未敢公開戀情,但有傳他怕女友受壓,已向無綫高層承認拍拖。



陳展鵬去年傳與胡定欣撻着,上周三晚,他駕車接載單文柔(Phoebe)到山頂談心食外賣,被本報撞到正。山頂開餐事件曝光後,單文柔慘被男方粉絲鬧爆借陳展鵬博上位,由於陳展鵬正在上位,就算二人發展已半年,陳展鵬亦未敢公開戀情,日前回應傳媒只稱感情事一切隨緣。



【本是好友】■單文柔(右)與F小姐本來是閨蜜,二人不時攬頭攬頸拍照。互聯網圖片

【本是男友】■單文柔曾與男友M先生拍拖多年,兩人更齊齊到英國讀書。

【姊妹撬走】■F小姐撬走M先生後,經常在社交網放閃。


斷交冇眼睇

原來單文柔與陳展鵬拍拖前,感情曾受重創。讀者Ada前日向本報爆料,指單文柔情路坎坷,於5年前在位於葵涌的香港專業教育學院(IVE)讀設計期間,跟M先生拍拖,之後二人更一起到英國讀書。而單文柔跟F小姐(化名)是好姊妹,經常見面食飯、談心,F小姐更不時在Instagram貼合照晒姊妹情,並留言:「閨蜜」、「朋友是一輩子的」等。單文柔之後將男朋友M先生介紹給F小姐認識並一起食飯,但三人關係很快便出現變化,讀者Ada說:「Phoebe同個男仔都唔係玩玩吓,2014年中佢哋仲一齊,之後俾佢個friend媾咗自己男朋友,都係嗰啲手段啦,私下同個男仔傾電話、約出街。Phoebe都幾慘,佢份人其實幾nice,讀IVE時好肯幫師弟師妹,但自己男友俾人搶咗,佢哋仲不時喺網上晒旅行合照,Phoebe梗係unfriend晒佢哋facebook啦。」採訪:嵐山、非非


■F小姐不時在Ig自貼泳衣照,對自己身材相當有自信。

■身在北京拍劇的陳展鵬,有傳他已向高層承認單文柔女友地位。微博圖片



來源: http://hk.apple.nextmedia.com/entertainment/art/20170320/19963443
陳展 新歡 情路 重創 單文 文柔 柔遭 遭閨 閨蜜 出賣
PermaLink: https://articles.zkiz.com/?id=328088

單文柔被照肺陳展鵬向無綫認戀:我一力承擔!

1 : GS(14)@2017-03-22 00:31:30

有傳單文柔與陳展鵬戀情曝光後,曾被無綫高層照肺,隨時會影響稍後安排她加入兒童節目主持工作。而前日陳展鵬出發到北京拍攝無綫劇《天命》時雖然未有承認戀情,指單文柔為自己做stylist揀登台衫,但有傳陳展鵬已一早向無綫高層承認戀情,表明將一力承擔:「成件事等我自己處理,我有分數。有乜嘢事,我一力承擔。」據悉陳展鵬曾安撫單文柔不要擔心,並為免越講越多是非,所以特提醒女友不要回應及在社交網多講。另外,有傳單文柔早向無綫請假,準備飛到北京陪陳展鵬開工,陳展鵬亦學容祖兒用飛行里數為單文柔換了一張香港往返北京的商務機票,但如今二人戀情被踢爆後,單文柔會否如期出發則不得而知。記者昨日聯絡身在北京的陳展鵬,問他是否向無綫高層承認與單文柔拍拖、是否知道單文柔早年被好姊妹撬牆腳一事?陳展鵬透過短訊說:「唔好意思,我唔方便回應。」而他昨日於微博貼上一張戴住口罩的相片,並謂:「北京的空氣靠佢頂住。」採訪:嵐山、非非




來源: http://hk.apple.nextmedia.com/entertainment/art/20170320/19964142
單文 文柔 柔被 被照 照肺 陳展 鵬向 向無 認戀 我一 一力 承擔
PermaLink: https://articles.zkiz.com/?id=328089

單文柔主動出擊自薦做陳展鵬形象指導

1 : GS(14)@2017-03-23 06:27:23

陳展鵬上周三被《蘋果》影到同落選港姐單文柔去山頂開餐,事後展鵬認目前係單身未婚,又讚單文柔心哋好,話對方係形象指導,大家相識半年,有傳展鵬喺人前否認,不過佢已向公司承認拍拖,現時身在北京同陳山聰拍大台劇《天命》。昨日有周刊講去年選港姐被封為「是非港姐」,據知當時二人已互生好感,單文柔主動抄牌、發短訊、自薦做形象指導,二人又喜歡做運動。據報道指,現年27歲嘅單文柔中學畢業,讀過IVE設計,之後去咗英國讀時裝設計學士,兩年前畢業返港,據知情者指,單文柔不時同展鵬講喺英國時嘅生活,又大晒英語,被展鵬叫「才女」,有傳佢哋之後發展得幾順利,不過當年展鵬拍《城寨英雄》被大台力捧,要同胡定欣組情侶檔。報道又指,單文柔好珍惜同展鵬嘅感情係因為佢曾受感情重傷,5年前佢讀IVE時,曾同一個男仔拍拖,二人仲一齊去咗英國讀書,去到外國,拍拖有時會約埋閨蜜,不過後嚟男友同咗佢個閨蜜一齊,後嚟返咗香港,同展鵬一齊後,佢都唔介意戀情低調,只係喺Ig隔空晒愛。




來源: http://hk.apple.nextmedia.com/entertainment/art/20170322/19966336
單文 文柔 主動 出擊 自薦 陳展 形象 指導
PermaLink: https://articles.zkiz.com/?id=328385

【馮仁昭四圍超】租屋畀女友 展鵬單文柔同居

1 : GS(14)@2017-03-23 06:51:16

■陳展鵬同單文柔上山頂談心前,去咗睇傢俬為新屋買家品。





陳展鵬日前飛去北京拍無綫劇《天命》之前,被本報踢爆跟落選港姐單文柔同車上山頂摸黑談心。事後陳展鵬死口唔認戀情,不過佢同胡定欣疑幻似真嘅戀情即刻吹散咗,佢自稱單身,講到明同邊個女仔都有機會發展,但肯定唔係同胡定欣!



■胡定欣被指早已融入陳家,更聽陳展鵬話低調戀情。

暗角攬實

噚日有報道圖文並茂刊登陳展鵬同單文柔上山頂之前,去咗九龍灣睇傢俬,報道仲話佢哋發展到同居關係,本身同父母住嘅陳展鵬,為咗同單文柔多啲相聚,專登租咗間屋畀女友,嗰日兩口子就係為新居添置家品。報道仲話陳展鵬睇傢俬時一直高度戒備,去到暗角終於忍唔住攬實單文柔,女方就不時冧樣望男友。雖然陳展鵬仍堅稱同胡定欣冇拍過拖,但報道指佢同胡定欣拍完《同盟》後真係撻着咗,而陳展鵬以事業啱啱起步為由,叫胡定欣低調戀情,點知事實係有人劈腿。其實胡定欣早已融入陳家,不時陪陳展鵬同陳媽媽食飯,仲有人目睹過佢哋去咗比華利山睇樓,於是周刊向陳媽媽求證,當陳媽媽聽到兒子同單文柔拍拖即刻否認,反而問到同胡定欣嘅關係,佢就話唔知道。撰文:馮仁昭




來源: http://hk.apple.nextmedia.com/entertainment/art/20170323/19966703
馮仁 仁昭 四圍 租屋 女友 展鵬 鵬單 單文 文柔 同居
PermaLink: https://articles.zkiz.com/?id=328502

搶走陳展鵬網民洗版狂鬧單文柔係豬扒

1 : GS(14)@2017-03-24 17:08:02

「鵬單戀」日前正式曝光,陳展鵬同落選港姐單文柔,俾《蘋果》踢爆山頂摸黑喺車廂食包包,之後陳展鵬接受訪問時,堅稱自己係單身,女方亦只係形象指導,當日約埋揀衫。雖然陳展鵬隱約交代同單文柔只係普通朋友關係,不過男方fans已經咬牙切齒,喺女方Ig瘋狂洗版,鬧爆單文柔耍手段搶走定欣男友。陳展鵬回應完後,話咁快飛咗北京拍劇,以為件事就咁收科?點知前日有周刊登埋兩人攬腰睇傢俬嘅相,斷到正都冇得解釋囉,雖然男方唔喺香港,暫時遠離是非地,不過已有網民鬧爆佢係大話精。至於一夜成名嘅單文柔,其實一直沉默,默默承受各方攻擊,今日佢個Ig就更加群情洶湧,短短時間已經有超過400個留言,幾乎一面倒插爆單文柔有心計、有鋪排,豬扒、姣精,用字之狠絕對嘆為觀止。部份網民留言如下:--趁人唔喺度就媾人哋條仔,識唔識咩叫羞恥o架,有冇家教?--佢哋在粉絲心目中是無人可替代的,你破瓌咗一段好姻緣,你不及定欣好的,放棄啦!死心啦!--都話咗佢有晒鋪排啦,又情侶帽又晒花又打展鵬歌詞出嚟,但你害到定欣,展鵬家人俾記者煩,害到展鵬俾人鬧係大話精,你對得住你屋企人咩?咁心計,成件事得益者只有你一個。--仲以為自己好靚,根本完全比唔上胡定欣。如果唔係你個豬扒,陳展鵬同胡定欣可能已經係一對。--快離開展鵬,免費送上門唔怪得人話你姣婆。--鵬眼前有咁好既女仔(定欣)點會選你呢個落選港姐,看看你自己那麼醜,心地又唔好,你同定欣冇得比,定欣又靚又賢良淑德過你。雖然負評幾乎佔9成,但400條留言中,總會有一、兩條碩果僅存嘅正評嘅!--對你寄予同情,你要頂住呀!好好珍惜當下所擁有的緣份呀!--睇返以前的報道,妳由參選以來都是熱心幫人,又有禮貌!相信妳可以撐住,一切都會過去,有我哋支持你呀!




來源: http://hk.apple.nextmedia.com/entertainment/art/20170324/19968709
搶走 陳展 網民 洗版 版狂 狂鬧 鬧單 單文 文柔 柔係 係豬 豬扒
PermaLink: https://articles.zkiz.com/?id=328650

胡蓓蔚唔幫姊妹 撐展鵬媾單文柔

1 : GS(14)@2017-03-24 17:08:06

蔡卓妍(阿Sa)、胡蓓蔚(豹嫂)、李靜儀(Heidi)、黎紀君(Christy)、黃芷晴等昨日在中環出席Dior派對,王宗堯一年前被Christy飛,最近他跟Heidi被影到撐枱腳,女方即刻劃清界線,兩女前後腳抵達現場,結果Christy以不同公司為由,拒絕跟Heidi合照。


「唔會講大話」

最近陳展鵬被踢爆山頂夜會落選港姐單文柔,胡定欣遭受打擊,開工都愁雲慘霧,作為定欣好姊妹的豹嫂,反而偏幫展鵬,問她有否安慰定欣?她說:「唔需要,佢同展鵬係銀幕情侶,冇話過一齊。」但展鵬被踢爆跟單文柔拍拖後,仍自稱單身,會否跟定欣都是地下情?她說:「你哋問吓囉!我哋咁friend冇講過話一齊,一定冇咁嘅事。」會否因定欣想感情穩定才宣佈?她斬釘截鐵說:「人哋都話冇開始,點穩定呀!」單立文最初曾指展鵬和定欣的關係是「姣婆遇着脂粉客」,豹嫂說:「老公講嘢好信,真係天真!」現在展鵬被指一腳踏兩船,她說:「人哋冇話開始過,佢唔會同我講大話。」問知不知展鵬和單文柔拍拖?她說:「真係唔知。」對於展鵬被指講大話否認拍拖兼單身,卻又被拍到和單文柔買傢俬和上山頂嘆外賣,豹嫂再唱好說:「外賣好,餐廳咁多人,上去傾吓偈,我哋用祝福態度係咪好好多,男未婚,女未嫁。」



■蔡卓妍昨日否認好姊妹阿嬌是第三者。

■王宗堯的緋聞女友李靜儀,遭王的前度黎紀君(右圖右)拒絕合照。


阿Sa撐阿嬌

此外,穿上露肩裝的阿Sa,被問到好姊妹鍾欣潼(阿嬌)是第三者,她說:「唔使回應,行得正企得正,知做緊乜就得。做咗呢行咁多年,人講乜由佢,一部份人睇,人生唔係睇呢啲人面色,繼續enjoy life。」不過,講到阿嬌在綜藝指曾借錢給阿Sa舊愛陳偉霆,阿Sa說:「冇睇,睇標題都唔想睇,唔知上文下理。」採訪、攝影:羅慧敏




來源: http://hk.apple.nextmedia.com/entertainment/art/20170324/19967794
胡蓓 蓓蔚 蔚唔 唔幫 姊妹 撐展 展鵬 鵬媾 媾單 單文 文柔
PermaLink: https://articles.zkiz.com/?id=328666

陳展鵬聞單文柔笑笑口

1 : GS(14)@2017-04-17 07:20:11

陳展鵬上月中被本報影到他與落選港姐單文柔上山頂,在車廂摸黑食包談情,之後男方向傳媒認單身,亦有傳他已見過無綫高層認戀,揚言會一力承擔責任。之後陳展鵬返了內地拍劇,昨日黃昏他由杭州回港,一身全黑裝束,見傳媒守候未見驚訝,兩名粉絲上前找他合照。問陳展鵬在杭州工作順利嗎?他只笑笑口,之後再問單文柔生日將至,此行回來是否特地為她慶祝、會否落機後晚上見面?他都笑而不答,直行到停車場,上車前更保持笑容與記者說再見,心情極靚。而單文柔前日在Instagram貼出笑容滿面捧蛋糕的相片。採訪、攝影:朱志聰、黃曉程




來源: http://hk.apple.nextmedia.com/entertainment/art/20170417/19992076
陳展 鵬聞 聞單 單文 文柔 笑笑口 笑笑
PermaLink: https://articles.zkiz.com/?id=330865

【馮仁昭四圍超】單文柔等展鵬追

1 : GS(14)@2017-04-28 00:54:37

陳展鵬緋聞女友單文柔、林俊賢女兒林鈺洧同曾拍過「?媽媽飲涼茶」片段而爆紅嘅俄仔Artem Ansheles,噚日喺太古城出席「GO WILD春夏野遊新品發佈會」。上月被踢爆同陳展鵬山頂密會嘅單文柔,想去環島遊,但係唔識揸車,叫佢叫埋陳展鵬一齊去,佢話:「做女仔唔可以咁主動。」單文柔話同陳展鵬係認識中嘅朋友,否認戀情因為見光死。撰文:馮仁昭



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170427/20002608
馮仁 仁昭 四圍 單文 文柔 柔等 等展 展鵬 鵬追
PermaLink: https://articles.zkiz.com/?id=331576

單文柔戥展鵬好慘

1 : GS(14)@2017-04-28 02:10:58

落選港姐單文柔上月被爆戀上陳展鵬後,昨日首次露面出席在將軍澳舉行的記者會,被問到跟展鵬的關係,她表示在選港姐之後,於活動上碰面,然後慢慢認識。對於山頂密會一事,她表示展鵬已經解釋過,因為他是公眾人物,所以只好買東西上車食。被問到是否喜歡展鵬,她直認很欣賞對方,因為今次件事,覺得他很好:「希望大家給他空間,專注他的工作,他拍戲也很辛苦。這件事他承擔很多,我好多謝他,我覺得他好慘,承受好大壓力。」



■麥明詩穿上露膊春裝成功搶鏡。

另外,同場的麥明詩自爆拍劇集《誇世代》時與余德丞有一場落水戲:「我特別要求穿保守款式的泳衣,但都很尷尬,有點怕醜。」撰文:非非



難得生性暴龍哥創科眾籌夢,遭隱世肥報販秒殺! https://goo.gl/hnEB7D「蘋果VR」App
App store下載:https://goo.gl/0kW2cK
Google Play下載:https://goo.gl/4K7EHw




來源: http://hk.apple.nextmedia.com/entertainment/art/20170426/20001390
單文 文柔 柔戥 戥展 展鵬 鵬好 好慘
PermaLink: https://articles.zkiz.com/?id=331684

做陳展鵬緋聞女友被爆粗狂鬧單文柔IG變罵戰之地

1 : GS(14)@2017-06-10 12:23:00

儘管話家陣啲fans已經開通好多,對於偶像嘅私生活,包括食煙飲酒夜蒲等都比較睇得開,但一提到拍拖……都唔係咁易過關。好似大台視帝陳展鵬同師妹暨落選港姐單文柔咁,明明已經被《蘋果》影到夜遊山頂,又被《蘋果》讀者透過「爆相爆片」影到「鵬單」鬼祟撐枱腳,另加有周刊指佢哋已達同居階段,雖然表面證供成立,但奈何當事人唔肯企出嚟認,只係有指陳展鵬向公司認愛,仲話自己「一力承擔」,女方都有讚㗎,仲話覺得陳展鵬好慘……其實,慘嘅係邊個呢?單文柔喺被揭戀情後冇幾耐,已經被網民洗版咁去佢啲社交平台留言鬧爆,包括話佢係豬扒,所以單文柔一度關閉咗個留言功能避風頭,唔知佢係咪見已經唔係風頭火勢,最近又開番個留言,點知……喺單文柔近日嘅post中,無論佢講咩,都可以踩中網民嘅神經,「好聽」少少嘅最多話佢同陳展鵬唔襯,難聽嗰啲……其實出唔到街;然後,有啲護單文柔嘅人(包括fans及聲稱唔係fans嘅路人)就互鬧,掀罵戰,正所謂「相嗌唔好口」,啲人就越鬧越難聽,啲留言,唔打格出唔到街嗰種……唔知係咪屬於做「煎Pan嫂」嘅必經訓練,單文柔鬧不還口,佢有冇記喺心入面就唔知,但肯定睇到啲文字組合,個心點都有啲唔舒服……又話一力承擔嘅?學Saving哥話齋,做得到先講得出吖嘛!




來源: http://hk.apple.nextmedia.com/entertainment/art/20170605/20045101
陳展 緋聞 女友 被爆 爆粗 粗狂 狂鬧 鬧單 單文 文柔 IG 變罵 罵戰 之地
PermaLink: https://articles.zkiz.com/?id=334605

單文柔食飯了解展鵬

1 : GS(14)@2017-06-23 01:44:38

單文柔昨日在黃埔出席「小建築師親子賽」,適逢是父親節,她透露會跟家人食飯慶祝,有否預緋聞男友陳展鵬?她笑說:「佢工作咁忙,我希望同屋企人簡簡單單食餐飯。」是否已見了家長?她說:「之前你哋都影咗我同auntie食咗飯。」對於早前被影到與陳展鵬在尖沙嘴拍拖食泰菜,單文柔即說:「食飯啫,唔係拍拖,?家我哋認識緊,都係出嚟食吓飯。」她坦言跟陳展鵬有共同話題及興趣,所以都會詢問對方意見,她表示因在工作中,仍是摸索階段。工作感情都摸索中?她笑說:「我對感情隨緣,但係認真,想了解清楚先。」採訪:黃曉妍攝影:仇志德




來源: http://hk.apple.nextmedia.com/entertainment/art/20170619/20060450
單文 文柔 柔食 食飯 飯了 了解 解展 展鵬
PermaLink: https://articles.zkiz.com/?id=336475

單文柔唔認戀陳展鵬

1 : GS(14)@2017-08-06 18:41:26

單文柔昨日出席一個親子活動,提到鮑起靜日前受訪時,指陳展鵬認愛,單文柔否認戀情,並指是一個言語誤會,所以她見到報道很驚奇,她表示陳展鵬的意思是將來有女友會介紹給鮑起靜認識。問她為何不肯認愛?單文柔耍太極說:「感情事低調,不想因傳媒壓力,跳過了了解、相處、培養深感情嘅步驟,而且?家只想工作為先,唔係唔認嘅問題,到咗適當時候就會宣佈。」




來源: http://hk.apple.nextmedia.com/entertainment/art/20170806/20112743
單文 文柔 柔唔 唔認 認戀 陳展
PermaLink: https://articles.zkiz.com/?id=339903

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019