單文柔主動出擊自薦做陳展鵬形象指導
1 :
GS(14)@2017-03-23 06:27:23陳展鵬上周三被《蘋果》影到同落選港姐單文柔去山頂開餐，事後展鵬認目前係單身未婚，又讚單文柔心哋好，話對方係形象指導，大家相識半年，有傳展鵬喺人前否認，不過佢已向公司承認拍拖，現時身在北京同陳山聰拍大台劇《天命》。昨日有周刊講去年選港姐被封為「是非港姐」，據知當時二人已互生好感，單文柔主動抄牌、發短訊、自薦做形象指導，二人又喜歡做運動。據報道指，現年27歲嘅單文柔中學畢業，讀過IVE設計，之後去咗英國讀時裝設計學士，兩年前畢業返港，據知情者指，單文柔不時同展鵬講喺英國時嘅生活，又大晒英語，被展鵬叫「才女」，有傳佢哋之後發展得幾順利，不過當年展鵬拍《城寨英雄》被大台力捧，要同胡定欣組情侶檔。報道又指，單文柔好珍惜同展鵬嘅感情係因為佢曾受感情重傷，5年前佢讀IVE時，曾同一個男仔拍拖，二人仲一齊去咗英國讀書，去到外國，拍拖有時會約埋閨蜜，不過後嚟男友同咗佢個閨蜜一齊，後嚟返咗香港，同展鵬一齊後，佢都唔介意戀情低調，只係喺Ig隔空晒愛。
來源:
http://hk.apple.nextmedia.com/entertainment/art/20170322/19966336